ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ରତନପୁର ଗ୍ରାମର ଏକ ବିଲ ମଧ୍ୟରୁ ନବଜାତ ଶିଶୁକନ୍ୟାର ମୃତଦେହ ଉଦ୍ଧାର ହୋଇଛି । ଆଜି ବିଲକୁ ଧାନ ରୋଇବା ପାଇଁ ଯାଉଥିବା ସମୟରେ କିଛି ମହିଳା ଏକ ଶିଶୁ କନ୍ୟାର ମୃତଦେହ ପଡିଥିବା ଦେଖିବାକୁ ପାଇଥିଲେ । ଏହାପରେ ମହିଳା ମାନେ ଗ୍ରାମରେ ଯାଇ କହିଥିଲେ ।
ଗ୍ରାମବାସୀ ସ୍ଥାନୀୟ ପୋଲିସକୁ ଖବର ଦେବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ଶିଶୁଟିକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । କିଏ ଓ କେଉଁ ଉଦ୍ଦେଶ୍ୟରେ ଶିଶୁ କନ୍ୟାକୁ ଏଭଳି ଫିଙ୍ଗି ଦେଇଛି ତାହା ତଦନ୍ତ କରୁଛି ପୋଲିସ । ଅନ୍ୟପଟେ ଶିଶୁଟି କନ୍ୟା ହୋଇଥିବାରୁ କେହି ଫିଙ୍ଗି ଦେଇଥିବା କିମ୍ବା କୁମାରୀ ମାତୃତ୍ୱ ହେତୁ ଏଭଳି କରିଥିବା ସାଧାରଣରେ ଚର୍ଚ୍ଚା ହୋଉଛି ।