ଖୁଣ୍ଟରେ ଚଢି ଯୁବକଙ୍କ ହାଇଡ୍ରାମା ହେଲା କାଳ । ହାଇ ଭୋଲ୍ଟେଜ୍ ଇଲେକ୍ଟ୍ରି ଟାୱାରରେ ଚଢ଼ି ଆତ୍ମହତ୍ୟା କରିବା ଉଦ୍ୟମ ବେଳେ ଘଟିଛି ଅଘଟଣ । ଟାୱାର ଅଧାରେ ବିଦ୍ୟୁତ୍ ଆଘାତ ଲାଗି ଜଳିଯାଇଛି ଦେହ । ଭୁବନେଶ୍ବର ମୈତ୍ରୀ ବିହାର ଥାନା ହାତିଆଶୁଣି ଛକ ନିକଟରେ ଘଟିଛି ଏହି ଅଘଟଣ ।ସୂଚନା ଥାଉକି, ହାଇ ଭୋଲ୍ଟେଜ୍ ଇଲେକ୍ଟ୍ରି ଟାୱାରରେ ଚଢ଼ି ଜଣେ ଯୁବକ ଆତ୍ମହତ୍ୟା କରିବା ଉଦ୍ଦେଶ୍ୟରେ ଟାୱାର ଉପରକୁ ଚଢ଼ୁଥିଲେ । ଏହି ସମୟରେ ବିଦ୍ୟୁତ୍ ଆଘାତ ଲାଗି ଜଳି ଯାଇଛନ୍ତି ଯୁବକ ଜଣଙ୍କ । ଟାୱାରରେ ଚଢିବା ସମୟରେ ହଠାତ୍ ଯୁବକଙ୍କ ଦେହରେ ବିଦ୍ୟୁତ୍ ଆଘାତ ସହ ବିସ୍ଫୋରଣ ହୋଇଥିଲା ।ଖବର ପାଇ ମୈତ୍ରୀ ବିହାର ପୋଲିସ ଓ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଥିଲେ । ଏହାପରେ ଯୁବକ ଜଳନ୍ତା ଅବସ୍ଥାରେ ତଳେ ପଡ଼ି ଯାଇଥିଲେ । ସଂଗେ ସଂଗେ ଯୁବକଙ୍କୁ ଏକ ଆମ୍ବୁଲାନ୍ସ ମେଡିକାଲ୍ ନିଆଯାଇଥିଲା । ତେବେ ଯୁବକ ଜଣଙ୍କ ଜୀବନ ସଙ୍କଟାପନ୍ନ ଥିବା ସୂଚନା ମିଳିଛି ।