ଯାଜପୁର ସୁକିନ୍ଦାରେ ଚଳନ୍ତା ଟ୍ରେନରେ ଲାଗିଲା ନିଆଁ l ସୂଚନା ମୁତାବକ ଏକ ଟ୍ରେନ ତାଳଚେରରୁ କୋଇଲା ବୋଝେଇ କରି ଧାମରା ଅଭିମୁଖେ ଯାଉଥିବା ବେଳେ ବୋଝେଇ ହୋଇଥିବା କୋଇଲାରେ ଦୁର୍ଭାଗ୍ୟ ବଶତଃ ନିଆଁ ଲାଗି ଯାଇଥିଲା । ଟ୍ରେନ ଚାଳକ ଟ୍ରେନ୍ କୁ ନେଇ ସୁକିନ୍ଦା ଅତିକ୍ରମ କରୁଥିବା ସମୟରେ ଏହି ଦୃଶ୍ୟ ଦେଖି ତୁରନ୍ତ ସୁକିନ୍ଦା ରେଲୱେ ଷ୍ଟେସନରେ ଟ୍ରେନକୁ ଆଜି ସକାଳ ସମୟରେ ଅଟକ ରଖି ସୁକିନ୍ଦା ରେଲୱେ ଷ୍ଟେସନ କତୃପକ୍ଷଙ୍କୁ ସୂଚନା ଦେଇଥିଲେ । ସୁକିନ୍ଦା ରେଲୱେ ଷ୍ଟେସନ କତୃପକ୍ଷ ସୂଚନା ପାଇ ତୁରନ୍ତ ସୁକିନ୍ଦା ଅଗ୍ନିଶ୍ରମ କର୍ମଚାରୀ ମାନଙ୍କ ସହିତ ଯୋଗାଯୋଗ କରିଥିଲେ । ଅଗ୍ନିଶ୍ରମ ଅଧିକାରୀ ରଜନୀକାନ୍ତ ସାମଲ ସୂଚନା ପାଇ ଏକ ସ୍ବତନ୍ତ୍ର ଟିମ ନେଇ ତୁରନ୍ତ ଘଟଣାସ୍ଥଳରେ ପହଞ୍ଚି ଟ୍ରେନର ବୋଝେଇ ହୋଇଥିବା କୋଇଲାରେ ଲାଗିଥିବା ନିଆଁକୁ ଆୟତ୍ତ କରିଥିବା ଦେଖିବାକୁ ମିଳିଛି l