କର୍ଣ୍ଣାଟକ ରାଜଧାନୀ ବେଙ୍ଗାଲୁରୁ ଦେଶକୁ ଆଉ ଏକ ଇଣ୍ଡିଆ ଦେଇଛି । ବର୍ତ୍ତମାନ ଦେଶସାରା ଇଣ୍ଡିଆର ଚର୍ଟ୍ଟା । 2024 ପାଇଁ ରୋଡ ମ୍ୟାପ ପ୍ରସ୍ତୁତ ହେଉଥିବା ବେଳେ ଦେଶର ତମାମ ପ୍ରମୁଖ ବିରୋଧି ଦଳ ସରକାରଙ୍କୁ ଘେରିବା ପାଇଁ ଅଣ୍ଟା କସୁଛନ୍ତି । ପ୍ରଥମେ ବିହାରର ରାଜଧାନୀ ପାଟନା ଏବଂ ପରେ ବେଙ୍ଗାଲୁରୁ । ସବୁ ବୈଠକ ଆଉ ସବୁ ପ୍ଲାନ ମୋଦି ସରକରାଙ୍କୁ ହରାଇବା ପାଇଁ । କେନ୍ଦ୍ର ସରକାରଙ୍କ ଦେଶ ବିରୋଧି ନୀତିକୁ ଏଥର ପ୍ରମୁଖ ଅସ୍ତ୍ର କରିଛନ୍ତି ରାଜନୈତିକ ଦଳ ଗୁଡିକ । ତେଣୁ ପ୍ରମୁଖ ବିରୋଧି ଦଳ କଂଗ୍ରେସ ଏବଂ ସବୁ କେନ୍ଦ୍ର ବିରୋଧି ଦଳ ମିଶି ବେଙ୍ଗାଲୁରୁରେ ଏକ ନୂଆ ଇଣ୍ଡିଆର ଘୋଷଣା କରିଛନ୍ତି । ଆଉ ଏହି ନୂଆ ଇଣ୍ଡିଆକୁ ନେଇ ଆଜି ଭୁବନେଶ୍ବରରେ ମଧ୍ୟ ଏକତ୍ରୀତ ହୋଇଥିଲେ ସମସ୍ତ ବିଜେଡି ଏବଂ ବିଜେପି ବିରୋଧି ଦଳ । ହୋଟେଲ କେଶରୀରେ ଆୟୋଜିତ ଇଣ୍ଡିଆର ବୈଠକରେ 9ଟି ବିରୋଧୀ ଦଳ ସାମିଲ ହୋଇଥିବା ବେଳେ ପିସିସି ସଭାପତି ସରତ ପଟ୍ଟନାୟକ, ରାଜ୍ୟ ଏବଂ କେନ୍ଦ୍ରର ବିଜେପି ସରକାର ବିରୋଧରେ ବର୍ଷିଥିଲେ ।
ଅଗଷ୍ଟ ପ୍ରଥମ ସପ୍ତାହରେ ଅଣ ବିଜେପି ଓ ବିଜେଡ଼ି ବିରୋଧରେ ରାଜ୍ଯସ୍ତରୀୟ ସମ୍ମିଳନୀ ହେବ । ଏହି ବୈଠକରେ ଗତ 9 ବର୍ଷରେ ଦେଶରେ ହୋଇଥିବା ଜନବିରୋଧୀ ନୀତି ଓ ରାଜ୍ୟରେ 25 ବର୍ଷରେ ରାଜ୍ୟ କଣ ହରାଇଛି, ଏସମ୍ପର୍କରେ ଆଲୋଚନା ହେବ । ଏହି ସମ୍ମିଳନୀରେ ବିଜେପି, କର୍ପୋରେଟ ଏବଂ ଘରୋଇକରଣକୁ ବିରୋଧ କରାଯିବ । ଓଡିଶାରେ ବିଜେଡି ଆଉ ବିଜେପିର ସମ୍ପର୍କ କାହାକୁ ଅଛପା ନାହିଁ ବୋଲି ବିରେଧି ଦଳ ମାନେ ସମାଲୋଚନା କରିଥିଲେ । ବିଜେଡି ଓଡ଼ିଶାରେ ବିଜେପି ସହିତ ଅଘୋଷିତ ମିତ୍ର ଭାବେ କାମ କରୁଛି ବୋଲି ମତବ୍ୟକ୍ତ କରିଥିଲେ । ଦେଶକର ଯେତିକି କ୍ଷତି ବିଜେପି କରୁଛି ସମପରିମାଣରେ ରାଜ୍ୟରେ ମଧ୍ୟ ବିଜେଡି କ୍ଷତି କରୁଛି ବୋଲି ଇଣ୍ଡିଆ ସମ୍ମିଳିତ ଦଳ ଗୁଡିକ କହିଥିଲେ ।