ବ୍ୟକ୍ତିଗତ ଜୀବନରେ ଅଭିନେତା ଓ ଅଭିନେତ୍ରୀମାନେ କାହାକୁ ଡେଟ୍ କରୁଛନ୍ତି ତାହା ଜାଣିବାର ଉତ୍ସୁକତା ସମସ୍ତଙ୍କ ଭିତରେ ରହିଥାଏ। ସେମିତି ଏକ ବଲିଉଡ ଅଭିନେତ୍ରୀ ହେଉଛନ୍ତି ଜାହ୍ନବୀ କପୁର ସେ ତାଙ୍କ ବୃତ୍ତିଗତ ଜୀବନ ବ୍ୟତୀତ,ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ରହିଥାନ୍ତି। ଅନେକ ଦିନରୁ ଆମେ ଜାହ୍ନବୀଙ୍କର ଶିଖର ପହରିୟାଙ୍କ ସହ ପ୍ରେମ ସଂପର୍କ ରହିଛି ବୋଲି ଶୁଣି ଆସୁଛନ୍ତି। ଏହାକୁ ନେଇ ଅନେକ ଥର ଚର୍ଚ୍ଚା ହୋଇଛି। ଅନେକ ବାର ସେ ଶିଖରଙ୍କ ସହ ନଜର ଆସିଥିବା ବେଳେ ନିକଟରେ ପୁଣି ଥରେ ଏହି ଦୁଇ ଜଣଙ୍କୁ ସାଥୀରେ ଦେଖିବାକୁ ମିଳିଛି।
ଜାହ୍ନବୀ-ଶିଖରଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଛି। ଏହି ଭିଡିଓରେ ଉଭୟ ଗୋଟାଏ କାରରେ ନଜର ଆସିଛନ୍ତି। ଜାହ୍ନବୀ କପୁର ତାଙ୍କ ଭାଇ ଅର୍ଜୁନ କପୁରଙ୍କୁ ଭେଟିବାକୁ ତାଙ୍କ ଘରେ ପହଞ୍ଚିଥିବା ବେଳେ ଶିଖରଙ୍କୁ ତାଙ୍କ ସହ କାର୍ରେ ବସି ଯାଉଥିବାର ଦେଖିବାକୁ ମିଳିଥିଲା।
ଭିଡିଓରେ ଉଭୟଙ୍କୁ ଧଳା ପୋଷାକରେ ଟ୍ୱିନ୍ କରୁଥିବା ଦେଖାଯାଇଥିଲା। ଜାହ୍ନବୀ ଏକ ଧଳା ରଂଗର ଗାଉନ୍ ପିନ୍ଧିଥିବା ବେଳେ ଶିଖର ବି ଏକ ଧଳା ରଂଗର ସାର୍ଟ ପିନ୍ଧିିଥିଲେ। ଫଟୋଗ୍ରାଫରଙ୍କୁ ଦେଖି ଜାହ୍ନବୀ ମୁରୁକା ହସ ମାରୁଥିବା ବେଳେ ଶିଖର ତାଙ୍କ ଫୋନ୍ରେ ବ୍ୟସ୍ତ ଥିବାର ନଜର ଆସିଛନ୍ତି। ଏହି ଭିଡିଓରେ ଲୋକଙ୍କର ଅନେକ ପ୍ରତିକ୍ରିୟା ମଧ୍ୟ ଦେଖାଯାଉଛି।
ଖୁବ୍ ଶୀଘ୍ର ବରୁଣ ଧାୱନଙ୍କ ସହ ଜାହ୍ନବୀ କପୁର ‘ବାୱାଲ‘ ଫିଲ୍ମରେ ନଜର ଆସିବେ। ଏହି ଫିଲ୍ମ ୨୧ ଜୁଲାଇରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଫିଲ୍ମ ଆମାଜନ ପ୍ରାଇମ ଭିଡିଓରେ ମୁକ୍ତିଲାଭ କରିବ। ଏହା ବ୍ୟତୀତ ଜାହ୍ନବୀ ଖୁବ୍ ଶୀଘ୍ର ଟଲିଉଡରେ ଡେବ୍ୟୁ କରିବେ, ଯେଉଁଥିରେ ତାଙ୍କୁ ଜୁନିଅର ଏନଟିଆରଙ୍କ ବିପକ୍ଷରେ ଦେଖିବାକୁ ମିଳିବ।