()ମଧ୍ୟପ୍ରଦେଶରେ ହତ୍ୟା ମାମଲାରେ ଜଣେ ୧୮ ବର୍ଷ ବୟସ୍କା ମହିଳା ଏବଂ ତାଙ୍କର ୨୧ ବର୍ଷିୟା ପ୍ରେମିକଙ୍କୁ ଗୁଳି କରି ହତ୍ୟା କରାଯାଇଥିଲା, ସେମାନଙ୍କ ଶରୀରକୁ ଭାରୀ ପଥରରେ ବାନ୍ଧି କୁମ୍ଭୀର ଥିବା ନଦୀରେ ଫିଙ୍ଗି ଦିଆଯାଇଥିଲା।ମୋରେନା ଜିଲ୍ଲାର ରତନବାସାଇ ଗ୍ରାମରେ ଶିବାନୀ ତୋମାର ଏବଂ ରାଧେଶ୍ୟାମ ଟୋମରଙ୍କୁ ତାଙ୍କ ପରିବାର ଲୋକେ ହତ୍ୟା କରିଥିବା ଅଭିଯୋଗ ହୋଇଛି। ପଡୋଶୀ ଗାଁ ବାଲୁପୁରାର ରାଧେଶ୍ୟାମଙ୍କ ସହ ଶିବାନୀଙ୍କ ସମ୍ପର୍କକୁ ପରିବାର ଦୃଢ ବିରୋଧ କରିଥିଲେ ବୋଲି ପୋଲିସ କହିଛି।ରାଧେଶ୍ୟାମଙ୍କ ବାପା ପୋଲିସ ନିକଟରେ ଅଭିଯୋଗ କରିବା ପରେ ତାଙ୍କ ପୁଅ ଏବଂ ମହିଳା କିଛି ଦିନ ହେବ ନିଖୋଜ ଥିବା ଏବଂ ସେମାନଙ୍କୁ ହତ୍ୟା କରାଯାଇଥିବା ସନ୍ଦେହ କରାଯିବା ପରେ ଏହି ହତ୍ୟାକାଣ୍ଡ ପ୍ରକାଶ ପାଇଥିଲା। ପ୍ରଥମେ ଉଭୟେ ପଳାଇ ଯାଇଥିବା ପୋଲିସ ସନ୍ଦେହ କରିଥିଲା। ତେବେ ଗାଁର କେହି ଦୁହେଁ ଚାଲିଯିବାର ଦେଖି ନଥିଲେ।ପରେ ପୋଲିସ ମହିଳାଙ୍କ ବାପା ଏବଂ ସମ୍ପର୍କୀୟଙ୍କୁ ପଚରାଉଚରା କରିଥିଲା। ଘଣ୍ଟା ଘଣ୍ଟା ଧରି ପଚରାଉଚରା ପରେ ସେମାନେ ଅପରାଧ ସ୍ୱୀକାର କରିଥିଲେ ବୋଲି ପୋଲିସ ଦାବି କରିଛି।ମହିଳାଙ୍କ ପରିବାର ପୋଲିସକୁ କହିଛି ଯେ ଶିବନୀ ଏବଂ ରାଧେଶାମଙ୍କୁ ଜୁନ୍ ୩ ରେ ଗୁଳି କରି ହତ୍ୟା କରାଯାଇଥିଲା ଏବଂ ସେମାନଙ୍କ ମୃତଦେହକୁ ଭାରୀ ପଥରରେ ବାନ୍ଧି ଚାମ୍ବଲ ନଦୀରେ ଫିଙ୍ଗି ଦିଆଯାଇଥିଲା। ଯେଉଁଠାରେ ୫୦୦ ରୁ ଅଦିକ କୁମ୍ଭୀର ଅଛନ୍ତି ।