ପାରାଦୀପ ବନ୍ଦର ର ୱାଟର ରିଜର୍ଭର କାମକୁ ବିରୋଧ କରି ଧାରଣା ରେ ବସିଛନ୍ତି ଆଦିବାସୀ ସମ୍ପ୍ରଦାୟ | ଘରେ ପଶୁଛି ଡ୍ରେନପାଣି,ଦୁର୍ଗନ୍ଧ ରେ ଫାଟି ପଡୁଛି ସମ୍ପୂର୍ଣ ବସ୍ତି,ଏହି ବସ୍ତିରେ ବସବାସ କରୁଥିବା ଦିନମଜୁରିଆ ଶ୍ରେଣୀର ଆଦିବାସୀ ସମ୍ପ୍ରଦାୟ ର ଲୋକମାନେ ନାହିଁ ନ ଥିବା ଅସୁବିଧା ର ସମ୍ମୁଖୀନ ହେଉଛନ୍ତି | ଏହି ଦୃଶ୍ୟ ହେଉଛି ପାରାଦୀପ ପୌରପାଳିକା ଅନ୍ତର୍ଗତ ୧୩ ନମ୍ବର ୱାର୍ଡର ମଧୁବନ ମୁଣ୍ଡାପଡ଼ା ବସ୍ତିର ଦୃଶ୍ୟ, ପାରାଦୀପ ବନ୍ଦର ର ନୂଆ ୱାଟର ରିଜର୍ଭର ନିର୍ମାଣ କାର୍ଯ୍ୟ ଚାଲୁଥିବା ବେଳେ ଜଳ ନିଷ୍କାସନ ପାଇଁ ବସ୍ତିରୁ ବାହାର କୁ ଯାଉଥିବା ଡ୍ରେନକୁ ସମ୍ପୂର୍ଣ ପୋତିଦିଆଯାଇଛି |
କେବଳ ଏତିକି ନୁହେଁ ଯେଉଁ ରାସ୍ତାରେ ଜା ଆସ କରୁଥିଲେ ଏହି ରାସ୍ତା ମଧ୍ୟ କାର୍ଯ୍ୟ ପାଇଁ ଖୋଳାଯାଇଛି | ଗୋଟିଏ ପଟେ ଘରୁ ବାହାରକୁ ବାହାରିଲେ ଆଣ୍ଠୁଏ ଡ୍ରେନ ପାଣିରେ ଯିବାକୁ ପଡୁଛି | ଯାହାକୁ ନେଇ ଆଜି ସମସ୍ତ ବସ୍ତି ବାସିନ୍ଦା କାମକୁ ନ ଯାଇ ନିଜର ମୌଳିକ ସମସ୍ୟା ପାଇଁ ରାସ୍ତାକୁ ଓହ୍ଲାଇବା ସହିତ ୱାଟର ରିଜର୍ଭର କାମ କୁ ବନ୍ଦ କରି ଧାରଣାରେ ବସି ରହିଛନ୍ତି | ଖବର ପାଇ ବନ୍ଦର ଅଧିକାରୀ ଆସି ବସ୍ତି ବାସିନ୍ଦା ଙ୍କୁ ତିନିଦିନ ସମୟ ମାଗିଥିଲେ ମଧ୍ୟ ଏହାକୁ ଗ୍ରହଣ ନ କରି ଯେ ପର୍ଯ୍ୟନ୍ତ ଆମର ସମସ୍ୟା ର ସମାଧାନ ଜଳ ନିଷ୍କାସନ ସମସ୍ୟା ଓ ରାସ୍ତା ନିର୍ମାଣ କରାଯାଇନାହିଁ ସେ ପର୍ଯ୍ୟନ୍ତ କାମ ବନ୍ଦକରି ଧାରଣା ରେ ବସି ରହିବାକୁ ଚେତାବନୀ ଦେଇଛନ୍ତି |