ଆଇପିସିର ନୂଆ ନିୟମକୁ ସାରା ଦେଶରେ ବିରୋଧ
ନୂଆ ନିୟମ ଦ୍ବାରା ଡ୍ରାଇଭର ହେବେ ଉତପିଡିତ
କେନ୍ଦ୍ର ସରକାରଙ୍କ ଆଇନକୁ ଟ୍ରକ୍ ଡ୍ରାଇଭରଙ୍କ ବିରୋଧ
ନିକଟରେ କେନ୍ଦ୍ର ସରକାର ପାସ କରିଥିବା ଆଇପିସିର ନୂଆ ଆଇନକୁ ନେଇ ବିବାଦ ଉପୁଜିଛି । ନୂଆ ଆଇନରେ ‘ହିଟ୍ ଆଣ୍ଡ ରନ’ ସଡକ ଦୁର୍ଘଟଣା ମାମଲାରେ ୭ ଲକ୍ଷ ଟଙ୍କା ଜୋରିମାନା ଏବଂ ୧୦ ବର୍ଷ କାରାଦଣ୍ଡାଦେଶ ଦିଆଯାଇଛି । ଏହାକୁ ନେଇ ଟ୍ରକ ଡ୍ରାଇଭର ମାନଙ୍କ ମଧ୍ୟରେ ତିବ୍ର ଅସନ୍ତୋଷ ଦେଖିବାକୁ ମିଳିଛି । ଦେଶର ବିଭିନ୍ନ ରାଜ୍ୟରେ ଟ୍ରକ୍ ଡ୍ରାଇଭର ମାନେ ପ୍ରତିବାଦ କରିଛନ୍ତି । ମହାରାଷ୍ଟ୍ରରେ ହୋଇଥିବା ବିରୋଧ ଯୋଗୁଁ କେତେକ ସ୍ଥାନରେ ଇନ୍ଧନ ଅଭାବ ହେବାର ଆଶଙ୍କା ଦେଖାଦେଇଛି ।
ଅଲ ଇଣ୍ଡିଆ ମୋଟର ଟ୍ରାନ୍ସପୋର୍ଟ କଂଗ୍ରେସ କହିଛି ଯେ, ଏହି ଆଇନ ଯୋଗୁଁ ଟ୍ରକ ଡ୍ରାଇଭର ମାନଙ୍କୁ ଉତପିଡିନର ସମ୍ମୁଖୀନ ହେବାକୁ ପଡିବ । ତେଣୁ, ଏହାକୁ ପ୍ରତ୍ୟାହାର କରାଯିବା ଉଚିତ୍ । ଏହି ଆଇନକୁ ଏପର୍ଯ୍ୟନ୍ତ କାର୍ଯ୍ୟକାରୀ କରାଯାଇ ନାହିଁ । ଟ୍ରକ୍ ଡ୍ରାଇଭରଙ୍କ ସବୁଠୁ ହିଂସ୍ର ପ୍ରତିବାଦ ମହାରାଷ୍ଟ୍ରରେ ଦେଖିବାକୁ ମିଳିଛି ।
ଦେଶର ଅନ୍ୟାନ୍ୟ ରାଜ୍ୟରେ ପ୍ରଥମ ଦିନର ଧର୍ମଘଟ ମଧ୍ୟ ବ୍ୟାପକ ହୋଇଥିବା ଦେଖିବାକୁ ମିଳିଛି । ମହାରାଷ୍ଟ୍ର, ମଧ୍ୟପ୍ରଦେଶ, ଗୁଜୁରାଟ, ହରିୟାଣା, ପଞ୍ଜାବ, ଉତ୍ତରପ୍ରଦେଶ, ହିମାଚଳ, ରାଜସ୍ଥାନ ଏବଂ ବିହାରରେ ଏହି ପ୍ରତିବାଦ ଦେଖିବାକୁ ମିଳିଛି । ଯାହାଦ୍ବାରା ଶହ ଶହ କୋଟି ଟଙ୍କାର କ୍ଷତି ହୋଇଛି ।