ଅନୁଗୋଳ ବନଖଣ୍ଡ ସଦର ବନାଞ୍ଚଳ ପୁରୁଣାଗଡ଼ ସେକ୍ସନ ବଡ଼କେରା ଛକ ନିକଟରେ ଦନ୍ତା ହାତୀ ଆକ୍ରମଣରେ ଜଣେ ଜଣ ବ୍ୟକ୍ତି ଗୁରୁତର ହୋଇଥିବା ଜଣାପଡିଛି। ଗୁରୁତରଙ୍କୁ ଚିକିତ୍ସା ପାଇଁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡିଛି।
ସୂଚନାନୁଯାୟୀ, ଶୁକ୍ରବାର ସନ୍ଧ୍ୟା ସମୟରେ ବଡକେରା ଗ୍ରାମର ରାଜୁ ନାଏକ ଏବଂ ତାଙ୍କ ବାପା କୌଣସି କାର୍ଯ୍ୟରେ ବାହାରକୁ ଯାଇଥିଲେ। ଗ୍ରାମ ପାଖରେ ଥିବା ଶିବ ମନ୍ଦିର ନିକଟରେ ପୂର୍ବରୁ ବିଚରଣ କରୁଥିବା ଏକ ଦନ୍ତାହାତୀ ହାବୁଡ଼ରେ ରାଜୁ ପଡିଯାଇଥିଲେ। ଫଳରେ ଘଟଣା ସ୍ଥଳରେ ହାତୀଟି ରାଜୁ କୁ ଟେକି ଫୋଫଡ଼ି ଦେଇଥିବାରୁ ରାଜୁଙ୍କ ପଞ୍ଜରା ହାଡ଼ ଭାଙ୍ଗି ଯାଇଥିବା ଜଣାପଡିଛି।
ଏହା ଦେଖି ତାଙ୍କ ବାପା ଦୌଡ଼ିବା ରୁ ସେ ମଧ୍ୟ ଖଣ୍ଡିଆ ଖବରା ହୋଇଥିବା ଜଣାପଡିଛି। ଖବର ପାଇ ସ୍ଥାନୀୟ ଲୋକେ ଏକ ଅଟୋ ମାଧ୍ୟମରେ ରାଜୁ ଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ଜଣାପଡିଛି। ବନବିଭାଗର ଜିଲ୍ଲା ମୁଖ୍ୟ ଚିକିତ୍ସାଳୟ ପହଁଚି ତଦନ୍ତ ଆରମ୍ଭ କରିଥିବା ବେଳେ ରାଜୁ ଙ୍କ ଅବସ୍ଥା ଗୁରୁତର ହେବାରୁ ରାଜୁଙ୍କୁ କଟକ ସ୍ଥାନାନ୍ତର କରାଯାଇଛି।