କେନ୍ଦୁଝର ଜିଲ୍ଲା ଗସ୍ତରେ 5T ସଚିବ ଭି.କେ.ପାଣ୍ଡିଆନ । ଏଥିପାଇଁ ବେଶ୍ ଚଳଚଞ୍ଚଳ ହୋଇପଡ଼ିଛି କେନ୍ଦୁଝର ଜିଲ୍ଲା । ପାଟଣା ବ୍ଲକ୍ ତୋଣ୍ଡ ହେଲିପ୍ୟାଡରେ ଓହ୍ଲାଇ ଭୀମକୁଣ୍ଡ ଯାଇଥିଲେ 5T ସଚିବ । ଏହାପରେ ସେ ଏକ ସାଧାରଣ ସଭାରେ ଯୋଗ ଦେଇଥିଲେ । ଭୀମକୁଣ୍ଡ ପର୍ଯ୍ୟଟନସ୍ଥଳୀ ପରିଦର୍ଶନ ପରେ ଏହାର ବିକାଶ ନେଇ ଲୋକଙ୍କ ସହ ଆଲୋଚନା କରିଥିଲେ ।
ଏଥିସହ ପାଟଣା ମସଜିଦ୍,ପାଟଣା ଆନନ୍ଦେଶ୍ୱର ଶିବ ମନ୍ଦିର ସହ ରାଜନଗରରେ ଥିବା ସର୍ବ ପୁରାତନ ଜଗନ୍ନାଥ ମନ୍ଦିରର ବିକାଶ ନେଇ ଆଲୋଚନା କରିଥିଲେ ଭି.କେ.ପାଣ୍ଡିଆନ୍ । ଭୀମକୁଣ୍ଡ ଆୟୋଜିତ ସାଧାରଣ ସଭାରେ ସ୍ଥାନୀୟ ଲୋକଙ୍କୁ ଭେଟିଥିଲେ 5T ସଚିବ । ତାଙ୍କ ଗସ୍ତକୁ ନେଇ ପ୍ରଶାସନିକ ସ୍ତରରେ ତତ୍ପରତା ପ୍ରକାଶ ପାଇଥିଲା ।
ହେଲିପ୍ୟାଡସ୍ଥଳକୁ ପାଟଣା ବିଧାୟକ ଜଗନ୍ନାଥ ନାଏକ, ଜିଲ୍ଲାପାଳ ଆଶିଷ ଠାକରେ,ଏସପି କୁଶଲକର ନିତିନ ଦାଗୁଡୁ,ପାଟଣା ତହସିଲଦାର ତାପସ ରଞ୍ଜନ ଦେହୁରୀ, ପାଟଣା ବିଡିଓ ଶିବଶଙ୍କର ମୁର୍ମୁ, ଘଟଗାଁ ଏସଡିପିଓ ସୁଶିଲ କୁମାର ମିଶ୍ର, ପାଟଣା ଥାନା ଅଧିକାରୀ ମନୋରଞ୍ଜନ ପ୍ରଧାନ ଓ ଘଟଗାଁ ଥାନା ଅଧିକାରୀ ପ୍ରତିଭା ସାହୁଙ୍କ ସହ ଅନ୍ୟ କର୍ମଚାରୀ ସଭାସ୍ଥଳ ତଦାରଖ କରିଥିଲେ । 5T ସଚିବଙ୍କ ଏହି ଗସ୍ତ ସମୟରେ ପାଟଣା ଅଞ୍ଚଳର ସମସ୍ୟାର ସାମଧାନ ପାଇଁ ବିଜେଡି ପକ୍ଷରୁ ଦାବିପତ୍ର ପ୍ରଦାନ କରାଯାଇଥିଲା ।