ମାଟ୍ରିକ ପରେ ଏବେ ଯୁକ୍ତ ଦୁଇ ରେଜଲ୍ଟକୁ ଅପେକ୍ଷା । ମେ’ ଶେଷ ସୁଦ୍ଧା ମାନେ ୩୧ ତାରିଖ ସୁଦ୍ଧା ଯୁକ୍ତ ଦୁଇ ପରୀକ୍ଷାଫଳ ପ୍ରକାଶ ପାଇବ । ଏଥିପାଇଁ ପୂର୍ବରୁ ବିଭାଗୀୟ ମନ୍ତ୍ରୀ ଏବଂ ବୋର୍ଡ ପକ୍ଷରୁ କୁହାଯାଇଛି । ଆଜି ରେଜଲ୍ଚ ପ୍ରକାଶ ତାରିଖ ଏବଂ ସମୟ ଘୋଷଣା କରାଯିବ ଯାହାକୁ ସମସ୍ତଙ୍କ ଅପେକ୍ଷା ରହିଛି ।
ମାର୍ଚ୍ଚ ୧ରୁ ଏପ୍ରିଲ୍ ୫ ଯାଏ ଯୁକ୍ତ ଦୁଇ ପରୀକ୍ଷା ହୋଇଥିଲା । ରାଜ୍ୟର ପାଖାପାଖି ୩ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏବେ ନିଜ ଫଳାଫଳ ଜାଣିବାକୁ ପରୀକ୍ଷାର୍ଥୀଙ୍କ ଅପେକ୍ଷା । ଆଜି ରେଜଲ୍ଚ ତାରିଖ ଘୋଷଣା ହେବ । ରେଜଲ୍ଟ ପ୍ରକାଶ ପରେ ଛାତ୍ରଛାତ୍ରୀ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ବା CHSE ଅଫିସିଆଲ୍ ୱେବସାଇଟରେ ନିଜ ରେଜଲ୍ଚ ଜାଣିପାରିବେ । chseodisha.nic.inରେ ପରୀକ୍ଷାଫଳ ସମ୍ବନ୍ଧୀୟ ସମସ୍ତ ତଥ୍ୟ ମିଳିପାରିବ ।
ଚଳିତଥର ତ୍ରୁଟିଶୂନ୍ୟ ମୂଲ୍ୟାୟନ ପାଇଁ ସମସ୍ତ ପଦକ୍ଷେପ ନେଇଛି ବୋର୍ଡ । ଛାତ୍ରଛାତ୍ରୀ ମାର୍କିଂରେ ଯେପରି କୌଣସି ତ୍ରୁଟି ନରହେ, କୌଣସି ଅଭିଯୋଗ ନ ଆସେ ସେଥିପ୍ରତି ବିଶେଷ ଧ୍ୟାନ ଦିଆଯାଇଛି । ପ୍ରଥମେ ବିଜ୍ଞାନ ରେଜଲ୍ଟ ଆସିବ ବୋଲି ସୂଚନା ରହିଛି । ପରେ ପରେ ବାଣିଜ୍ୟ ଏବଂ କଳା ଫଳ ପ୍ରକାଶ ପାଇବ ।