Year: 2025

ଯଦୁମଣି ପ୍ରଧାନ ପ୍ରେକ୍ଷାଳୟ ଉଦଘାଟିତ

ବରଗଡ଼ ପୂର୍ବତନ ବରଗଡ଼ ବିଧାୟକ, ପୌରାଧ୍ୟକ୍ଷ ତଥା ବିଶିଷ୍ଟ ନେତା ସ୍ୱର୍ଗତ ଯଦୁମଣି ପ୍ରଧାନଙ୍କ ସ୍ମୃତି ଚାରଣ ତଥା ସମ୍ମାନ ରକ୍ଷା ନିମନ୍ତେ ସ୍ଥାନୀୟ କୃଷକ ବଜାର ଠାରେ ନବନିର୍ମିତ ପ୍ରେକ୍ଷାଳୟକୁ ତାଙ୍କ ନାମରେ ଉତ୍ସର୍ଗିକୃତ କରିବା ସହ ଉଦ୍ଘାଟିତ ହୋଇଛି |

ଉଦଘାଟନୀ ସମାରୋହରେ ଜିଲ୍ଲାପାଳ ଶ୍ରୀ ଆଦିତ୍ୟ ଗୋୟଲଙ୍କ ସମେତ ସଦର ବିଧାୟକ ଶ୍ରୀ ଅଶ୍ୱିନୀ ଷଡଙ୍ଗୀ, ଅତାବିରା ବିଧାୟକ ଶ୍ରୀ ନିହାର ରଞ୍ଜନ ମହାନନ୍ଦ, ପୌରାଧ୍ଯକ୍ଷା ଶ୍ରୀମତି କଳ୍ପନା ମାଝି, ଅତିରିକ୍ତ ଜିଲ୍ଲାପାଳ ଶ୍ରୀମତି ମଧୁଛନ୍ଦା ସାହୁ, ସୁପରିଟେଣ୍ଡିଙ୍ଗ ଇଞ୍ଜିନିୟର ଅରୁଣ ପାଣ୍ତେ, ବାର ଆସୋସିଏସନ୍ ସଭାପତି ଶ୍ରୀ ଭିସ୍ମଦେବ ସରାଫ୍, ସାଂସଦ ପ୍ରତିନିଧି ଶ୍ରୀ ସୁରେଶ୍ୱର ସତପଥୀ ଏବଂ ସ୍ୱର୍ଗତ ବିଧାୟକ ଶ୍ରୀ ପ୍ରଧାନଙ୍କ ଧର୍ମପତ୍ନୀ ଶ୍ରୀମତି ହେମନ୍ତ ପ୍ରଧାନ ଉପସ୍ଥିତ ଥିଲେ |

ସୂଚନା ଅନୁସାରେ, ଉକ୍ତ ୫୦୦ ଆସନ ବିଶିଷ୍ଟ ପ୍ରେକ୍ଷାଳୟ ପଶ୍ଚିମ ଓଡିଶା ବିକାଶ ପରିଷଦ ପାଣ୍ଠିରୁ ସର୍ବମୋଟ ୯ କୋଟି ୭ ଲକ୍ଷ ୧୦ ହଜାର ଅଟକଳ ମୂଲ୍ୟରେ ପୂର୍ତ୍ତ ବିଭାଗ ଦ୍ୱାରା ନିର୍ମାଣ କରାଯାଇଛି |

ପ୍ରେକ୍ଷାଳୟର ବାଲକୋନୀ ଠାରେ ୮୮ ଗୋଟି ଆସନ ଥିବାବେଳେ ଗ୍ୟାଲେରୀଠାରେ ୪୧୨ ଗୋଟି ଆସନ ସହ ୨ ଗୋଟି ଚେଞ୍ଜିଙ୍ଗ ରୁମ, ଗୋଟିଏ ଭିଆଇପି ଲାଉଞ୍ଜ ସହ ମହିଳା ଓ ପୁରୁଷଙ୍କ ପାଇଁ ଭିନ୍ନ ଷୌଚାଳୟ ଏବଂ ଅଫିସ ରୁମ, ଷ୍ଟୋର ରୁମ, ପେଣ୍ଟ୍ରି ରୁମ ଏବଂ ୱେଟିଙ୍ଗ ରୁମ ଭଳି ବିଭିନ୍ନ ଅତ୍ୟାଧୁନିକ ବ୍ୟବସ୍ଥା ରହିଛି |
ନିଶାଙ୍କ ପାଇଁ ହିଂସା, ଅଶ୍ଳୀଳ ନାଚକୁ ବିରୋଧ, ଯାତ୍ରା ପାଲଟିଲା ରଣକ୍ଷେତ୍ର

ପୁଣି ବିବାଦରେ ଅଭିନେତ୍ରୀ ନିଶା ମହାରଣା । କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ କୁଦାନଗରୀ ସୁକ ପରୀକ୍ଷିତ ସାଂସ୍କୃତିକ ପରିଷଦ, କୁଦାନଗରୀ ପକ୍ଷରୁ ପୀଠରେ ମାଘ ମେଳା ଚାଲିଥିବା ବେଳେ ଯାତ୍ରା ସ୍ଵର୍ଣ ମନ୍ଦିର ମଞ୍ଚରେ ନିଶା ମହାରଣା ଅଶାଳୀନ ପୋଷାକ ପିନ୍ଧି ନୃତ୍ୟ କରୁଥିଲେ। ପରିବାର ଓ ବନ୍ଧୁଙ୍କ ସହ ଆସିଥିବା କିଛି ଦର୍ଶକ ଏହାକୁ ବିରୋଧ କରିବାରୁ ସ୍ଥାନୀୟ ସୁକ ପରୀକ୍ଷିତ ସାଂସ୍କୃତିକ ପରିଷଦ କମିଟି ସଦସ୍ୟ ଓ ସ୍ଥାନୀୟ ଯୁବକ ଓ କିଛି ଭିନ୍ନ ଦର୍ଶକ ମିଶି ବିରୋଧ ର ସ୍ୱର ଉଠାଇ ଥିବା ଦର୍ଶକ ମାନଙ୍କୁ ଚେୟାର ରେ ମାଡ଼ ମାରି ଲହୁ ଲୁହାଣ କରିଦେଲିଥିଲେ। ଏନେଇ ଯାତ୍ରା ପରିସର ରେ ଚାପା ଉତେଜନା ସୃଷ୍ଟି ହେଇଥିଲା ଫଳରେ ଅଧାରୁ ଯାତ୍ରା ବନ୍ଦ ହୋଇଥିଲା। ଆକ୍ରମଣ ଶିକାର ହୋଇଥିବା ଯୁବକ କୁଦାନଗରି ଥାନାର ଦ୍ୱାରସ୍ତ ହୋଇଛନ୍ତି।

ତେବେ ନିଶା ମହାରଣା ଏନେଇ ସାମ୍ବାଦିକ ଙ୍କୁ ପ୍ରତିକ୍ରିୟା ଦେଇ ଏସବୁ ତାଙ୍କ ବିରୋଧ ରେ ଷଡଯନ୍ତ୍ର ଓ ଭାରତୀୟ ଜନତା ପାର୍ଟି ଏସବୁ କରିଛି ବୋଲି ଫୋନୋ ଦେଇଥିଲେ। ଅଶ୍ଳୀଳ ନୃତ୍ୟ କୁ ବିରୋଧ କରି ଦର୍ଶକ ଲହୁଲୁହାଣ ହେବା ପରେ ଘଟଣା ସ୍ଥଳ ରେ ସ୍ଵର୍ଣ ମନ୍ଦିର ଯାତ୍ରା ମାଲିକ ମୁକ୍ତି କାନ୍ତ ସାହୁ ପହଂଚି ଆଉ ଗୋଟିଏ ରାତି ଯାତ୍ରା କୁ ବନ୍ଦ କରି ଥିଲେ। ତେବେ ନିଶା ମହାରଣା ଙ୍କୁ ମଞ୍ଚ କୁ ଆଣିବା ଆୟୋଜକ ଅନୁଷ୍ଠାନ ସୁକ ପରୀକ୍ଷିତ ସାଂକୃତିକ ପରିଷଦ ର ଦାବି ଥିଲା ବୋଲି ଯାତ୍ରା ମାଲିକ କହିଥିଲେ। ନିଶା ଙ୍କ ଅଶାଳୀନ ପୋଷାକ ରେ ନୃତ୍ୟ କୁ ବିରୋଧ କରିବା ଦର୍ଶକ ଙ୍କ ପାଇଁ ମହଙ୍ଗା ପଡିଥିଲା.ସେ ମାଡ଼ ଖାଇ ଲହୁଲୁହାଣ ହୋଇଥିଲେ। ତେବେ କୁଦାନଗରୀ ମେଳା ରେ ଏକା ବେଳେ ଦୁଇଟି ପାର୍ଟି କଲିଙ୍ଗ ଗଣନାଟ୍ୟ ଓ ସ୍ଵର୍ଣ ମନ୍ଦିର ଭିତରେ ଯାତ୍ରା କଣ୍ଟେଷ୍ଟ ଚାଲୁଥିବାରୁ ସ୍ଵର୍ଣ ମନ୍ଦିର ରେ ଅଶ୍ଳୀଳତା କୁ ଦେଖାଇ ଟିକେଟ ବିକ୍ରି କରାଯାଉଥିଲା।

ଯାହା ଫଳରେ ଏଭଳି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ଯାତ୍ରା ଦର୍ଶକ ଗ୍ୟାଲେରୀ ରେ ଚେୟାର ଭାଙ୍ଗିବା ଓ ଦର୍ଶକ ଙ୍କୁ ଗୋଡ଼ାଇ ଗୋଡ଼ାଇ ମାଡ଼ ମାରୁଥିବା ଭିଡିଓ ଏବେ ଭାଇରଲ ହେଉଛି.ଏବେ କୁଦାନଗରି ଭଳି ଧର୍ମ ଅନୁଷ୍ଠାନ ରେ ଅଶ୍ଳୀଳତା କୁ ବିରୋଧ କରି ଯାତ୍ରା ଦର୍ଶକ ମାଡ଼ ଖାଇବା ଭଳି ଅଭାବନୀୟ ପରିସ୍ଥିତି ଉପୁଜିଛି। ଅଶ୍ଳୀଳ ନୃତ୍ୟ ପାଇଁ ଧର୍ମ ଅନୁଷ୍ଠାନ ରକ୍ତ ରଂଜିତ ହୋଇଛି। ଯାତ୍ରା ରେ ଅଶ୍ଳୀଳତା ହେଲେ ହିଂସାତ୍ମକ ରୂପ ନେଇଥିବା ଦେଖିବାକୁ ମିଳିଛି .. ଆକ୍ରମଣର ଶିକାର ହୋଇଥିବା ଦର୍ଶକ ସମ୍ପର୍କ ସ୍ୱାଇଁ କୁଦାନଗରୀ ଥାନାରେ ଏ ନେଇ ଲିଖିତ ଅଭିଯୋଗ କରିଛନ୍ତି।
ବଡ଼ ଘର ବଡ଼ ଗୁମର କଥା, ପୋଲିସ ଘରେ ବଧୂ ହତ୍ୟା

ପୂର୍ବତନ ପୋଲିସ ଅଧିକାରୀଙ୍କ ଘରେ ନବ ବଧୂର ସନ୍ଦେହ ଜନକ ମୃତ୍ଯୁ । ଏଭଳି ଅଭାବନୀୟ ଘଟଣା ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ରେ ଦେଖିବାକୁ ମିଳିଛି ।

ସୂଚନାନୁସାରେ , କୁଦାନଗରୀ ଥାନା ଅନ୍ତର୍ଗତ ଗରଦପୁର ବ୍ଲକ ମାହାଳ ଅଞ୍ଚଳର ଶିକ୍ଷୟତ୍ରୀ ସୁଭାଶିନି ନାୟକ । ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ର ଦିବ୍ୟ ଜ୍ୟୋତି ପଟ୍ଟନାୟକଙ୍କୁ ୯ ମାସ ହେବ ବିବାହ କରିଥିଲେ । କିନ୍ତୁ ଗତ କିଛି ଦିନ ପୂର୍ବରୁ ହଠାତ ସୁଭାସିନୀ ଙ୍କ ଶାଶୁ ଘର ଲୋକେ ତାଙ୍କ ବାପ ଘରକୁ ଫୋନ କରି ଝିଅର ଦେହ ଖରାପ ଥିବା ଖବର ଦେଇଥିଲେ । ଖବରପାଇ ଝିଅର ବାପା ରାଜେନ୍ଦ୍ର ନାୟକ ଓ ଭାଇ ନୀଳାଦ୍ରି ନାଥ ନାୟକ ପହଞ୍ଚି ଘର ଭିତରେ ସୁଭାଷିନୀଙ୍କ ସଜ୍ଞାହୀନ ମୃତ ଦେହ ପଡିଥିବା ଦେଖିଥିଲେ । ସୁଭାସିନୀଙ୍କ ପରିବାର ଲୋକଙ୍କ କହିବାନୁସାରେ , ପୂର୍ବରୁ ଶାଶୁ, ଶଶୁର,ଦିଅର ଓ ସ୍ୱାମୀ ଅଧିକ ଯୌତୁକ ଦାବି କରି ସୁଭାଷିନୀ ଙ୍କୁ ନିର୍ଯାତନା ଦେଇଆସୁଥିଲେ । ଶାଶୁ ଘରୁ ବାପ ଘରକୁ ଗଲେ ବାପା ଙ୍କ ଠୁ ଆହୁରି ଯୌତୁକ ମାଗି ଆଣିବାକୁ ଶାଶୁ କହୁଥିଲେ । କିନ୍ତୁ ସୁଭାଷିନୀ ଙ୍କ ବାପ ଘର ଲୋକେ ଯୌତୁକ ଦେବାକୁ ଅସମର୍ଥ ଥିଲେ । ଏନେଇ ସୁଭାଷିନୀ ମଧ୍ୟ କିଛି ଦିନ ହେବ ମାନସିକ ଦୁଶ୍ଚିନ୍ତା ରେ ରହୁଥିବା ପରିବାର ଲୋକେ କହିଛନ୍ତି ।

ସେପଟେ ଭଉଣୀର ମୃତ୍ଯୁ ପରେ ଭାଇ ନୀଳାଦ୍ରି ସବୁ ଘଟଣା ର ଖୁଲାସା କରି କୁଦାନଗରୀ ଥାନା ରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଅନୁସାରେ କୁଦାନଗରୀ ପୋଲିସ ଘଟଣାସ୍ଥଳରୁ ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି ।ବଡ଼ ଘର ବଡ଼ ଗୁମର କଥା । ଯୌତୁକ ପାଇଁ ନବ ବଧୂ କୁ ଶାଶୁ ଘର ଲୋକେ ହତ୍ୟା କରିଥିବା ଅଭିଯୋଗ । ପୂର୍ବତନ ପୋଲିସ ଅଧିକାରୀ ଙ୍କ ଘରେ ନବ ବଧୂର ସନ୍ଦେହ ଜନକ ମୃତୁ ଘଟିଛି । କୁଦାନଗରୀ ଥାନା ଅନ୍ତର୍ଗତ ଗରଦପୁର ବ୍ଲକ ମାହାଳ ଅଞ୍ଚଳ ର ଜଣେ ଶିକ୍ଷୟତ୍ରୀ ସୁଭାଶିନି ନାୟକ ୯ ମାସ ତଳେ ମାର୍ଶାଘାଇ ବ୍ଲକ କରିଲୋ ପାଟଣା ଗାଁ ର ଜଣେ ଅବସର ପ୍ରାପ୍ତ ପୋଲିସ କର୍ମଚାରୀ ଙ୍କ ପରିବାର ରେ ଦିବ୍ୟ ଜୋତି ପଟନାୟକ ଙ୍କୁ ବିବାହ କରିଥିଲେ । କିନ୍ତୁ ତିନି ଦିନ ତଳେ ହଠାତ ଝିଅ ର ଦେହ ଖରାପ ଖବର ପାଇଁ ଶାଶୁ ଘରେ ଝିଅ ର ବାପା ରାଜେନ୍ଦ୍ର ନାୟକ ଓ ଭାଇ ନୀଳାଦ୍ରି ନାଥ ନାୟକ ପହଂଚିବା ପରେ ଘର ଭିତରେ ଶିକ୍ଷୟତ୍ରୀ ସୁଭାଷିନୀ ଙ୍କ ସଜ୍ଞାହୀନ ମୃତ ଦେହ ପଡିଥିଲା । କିନ୍ତୁ ଶାଶୁ ଶଶୁର ଏ ଘଟଣା କୁ ଧ୍ୟାନ ନ ଦେଇ ନିଜ ନିଜ କାମ କରୁଥିଲେ । ସ୍ୱାମୀ ଘରେ ନ ଥିଲେ..ପୂର୍ବରୁ ମଧ୍ୟ ଶାଶୁ, ଶଶୁର,ଦିଅର ଓ ସ୍ୱାମୀ ଅଧିକ ଯୌତୁକ ଦାବି କରି ସୁଭାଷିନୀ ଙ୍କୁ ନିର୍ଯାତନା ଦେଇଥିଲେ ।

ତେବେ ଶାଶୁ ଘର ଲୋକେ ଭାରଗୀତା ତଥା ବିବାହ ପରେ ଝିଅ ବାପ ଘରକୁ ଆସିଲେ ବାପା ଙ୍କ ଠୁ ଆହୁରି ଯୌତୁକ ମାଗି ଆଣିବାକୁ ଶାଶୁ କହୁଥିଲେ । କିନ୍ତୁ ସୁଭାଷିନୀ ଙ୍କ ବାପ ଘର ଲୋକେ ଯୌତୁକ ଦେବାକୁ ଅସମର୍ଥ ଥିଲେ । ସୁଭାଷିନୀ ଙ୍କ ମାସିକ ଦରମା ମଧ୍ୟ ଶାଶୁ ମାଗୁଥିଲେ । ସେ ଟଙ୍କା ନ ଦେବାରୁ ଏନେଇ ସୁଭାଷିନୀ ଙ୍କ ସହ ତାଙ୍କ ଶାଶୁ ବାରମ୍ବାର ଝଗଡା କରୁଥିଲେ । ସୁଭାଷିନୀ ମଧ୍ୟ ମାନସିକ ଦୁଶ୍ଚିନ୍ତା ରେ ରହୁଥିଲେ । ତେବେ ଏନେଇ ଭଉଣୀ ମୃତୁ ପରେ ଭାଇ ନୀଳାଦ୍ରି ନାଥ ନାୟକ ସବୁ ଘଟଣା ର ଖୁଲାସା କରି କୁଦାନଗରୀ ଥାନା ରେ ଲିଖିତ ଅଭିଯୋଗ କରିବା ପରେ କୁଦାନଗରୀ ପୋଲିସ ମୃତଦେହ ବ୍ୟବଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିଛନ୍ତି ।
ଏବି ଡିଭିଲିୟର୍ସଙ୍କୁ କଲେ ପଛ, ରେକର୍ଡ ଟାର୍ଗେଟରେ ରିକି ପଣ୍ଟିଂ ଏବଂ ଏମଏସ ଧୋନି

ରୋହିତ ଶର୍ମା ଏପର୍ଯ୍ୟନ୍ତ ଦିନିକିଆରେ ଅଧିନାୟକ ଭାବରେ ୧୨୦ଟି ଛକା ମାରି ସାରିଛନ୍ତି। ସେ ଏବେ ଏବି ଡିଭିଲିୟର୍ସଙ୍କୁ ପଛରେ ପକାଇ ଚତୁର୍ଥ ସ୍ଥାନରେ ପହଞ୍ଚିଛନ୍ତି। ତାଙ୍କ ପାଖରେ ଖୁବ୍ ଶୀଘ୍ର ରିକି ପଣ୍ଟିଂ ଏବଂ ଏମ୍ଏସ୍ ଧୋନିଙ୍କୁ ପଛରେ ପକାଇବାର ସୁଯୋଗ ଅଛି।

ରୋହିତ ଶର୍ମା ଯେତେବେଳେ ପିଚ୍ ରେ ସେଟ ହୋଇଯାନ୍ତି, ସେତେବେଳେ ତାଙ୍କ ବ୍ୟାଟରୁ , ସେ କେତେ ଛକା ମାରିବେ ତାହା ଦେଖିବାକୁ ଦର୍ଶକ ଚାହିଁ ବସିଥାନ୍ତି । ରବିବାର ସନ୍ଧ୍ୟାରେ କଟକର ବାରବାଟୀ ଷ୍ଟାଡିଅମରେ ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜର ଦ୍ୱିତୀୟ ମ୍ୟାଚ୍ ଖେଳାଯିବା ସମୟରେ ସମାନ ଦୃଶ୍ୟ ଦେଖିବାକୁ ମିଳିଥିଲା। ଏହି ଇନିଂସରେ ରୋହିତ ଶର୍ମା ୭ଟି ଆକାଶଛୁଆଁ ଛକା ମାରି ଅନେକ ନୂଆ ରେକର୍ଡ ନିଜ ନାମରେ କରିଥିଲେ। ରୋହିତ ଶର୍ମା ଏବେ ଦକ୍ଷିଣ ଆଫ୍ରିକାର ସବୁଠାରୁ ବିପଜ୍ଜନକ ବ୍ୟାଟସମ୍ୟାନ୍ ଏବି ଡିଭିଲିୟର୍ସଙ୍କୁ ପଛରେ ପକାଇ ଦେଇଛନ୍ତି। ଏବେ ତାଙ୍କର ଟାର୍ଗେଟରେ ରିକି ପଣ୍ଟିଂ ଏବଂ ଏମଏସ ଧୋନିଙ୍କ ରେକର୍ଡ, ଯେଉଁମାନେ ମହାନ ବ୍ୟାଟସମ୍ୟାନଙ୍କ ତାଲିକାରେ ସାମିଲ ଅଛନ୍ତି। ଯାହାକୁ ରୋହିତ ଶୀଘ୍ର ଭାଙ୍ଗିପାରନ୍ତି।

ଏହା ଥିଲା ଇଂଲିଶ ବୋଲରଙ୍କ ଯୋଜନା
ରଣନୀତିର ଖୁଲାସା କରି ରୋହିତ କହିଛନ୍ତି, “ଇଂଲିସ୍ ବୋଲରମାନେ ବଡି ଲାଇନ୍ ଏବଂ ଷ୍ଟମ୍ପରେ ବୋଲିଂ କରିଥିଲେ। ସେହି ସମୟ ଥିଲା ଯେତେବେଳେ ମୁଁ ମୋର ଯୋଜନା ପ୍ରସ୍ତୁତ କରିଥିଲି ଏବଂ ଖାଲି ସ୍ଥାନରୁ ସଟ୍ ଖେଳିବାକୁ ଚେଷ୍ଟା କରିଥିଲି”, ରୋହିତ କହିଛନ୍ତି, “ମୋତେ ଗିଲ୍ ଏବଂ ଆୟରଙ୍କଠାରୁ ମଧ୍ୟ ଭଲ ସହଯୋଗ ମିଳିଥିଲା । ଗିଲ୍ ଜଣେ ମହାନ ଖେଳାଳି। ଗିଲ୍ ପରିସ୍ଥିତି ଦ୍ୱାରା ପ୍ରଭାବିତ ହୁଅନ୍ତି ନାହିଁ। ଏବଂ ଯଦି ମୁଁ ଭୁଲ ନୁହେଁ, ତେବେ ପରିସଂଖ୍ୟାନ ଏହାକୁ ନିଶ୍ଚିତ କରେ।”

ଏହି ପର୍ଯ୍ୟାୟରୁ ମ୍ୟାଚ୍ ଯେକୌଣସି ସ୍ଥାନକୁ ଯାଇପାରେ
ରୋହିତ ତାଙ୍କ ଇନିଂସ ଉପରେ ଅଧିକ ଆଲୋକପାତ କରି କହିଛନ୍ତି, “ପାଳିର ମଧ୍ୟଭାଗର ଓଭରଗୁଡ଼ିକ ବହୁତ ଗୁରୁତ୍ୱପୂର୍ଣ୍ଣ। ଏହା ଏପରି ଏକ ପରିସ୍ଥିତି ଯେଉଁଠାରେ ମ୍ୟାଚ୍ ଯେକୌଣସି ଦଳ ସପକ୍ଷରେ ଯାଇପାରେ। ଯଦି ଆପଣ ଏହି ଓଭରଗୁଡ଼ିକୁ ଭଲ ଭାବରେ ବ୍ୟବହାର କରନ୍ତି କିମ୍ବା ସେଗୁଡ଼ିକୁ ନିୟନ୍ତ୍ରଣ କରନ୍ତି, ତେବେ ଆପଣଙ୍କୁ ଶେଷ ଓଭରଗୁଡ଼ିକ ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ନାଗପୁରରେ ମଧ୍ୟ, ଆମେ ଏହି ଓଭରଗୁଡ଼ିକରେ ଭଲ ପ୍ରଦର୍ଶନ କରିଛୁ ଏବଂ ୱିକେଟ୍ ନେଇଛୁ। ଯେତେବେଳେ ଆପଣ ନିୟମିତ ବ୍ୟବଧାନରେ ୱିକେଟ୍ ନେଇ ଚାଲିଥାନ୍ତି, ତେବେ ରନ କରିବା ସହଜ ନୁହେଁ।”

ରୋହିତ ଶର୍ମା ଅଧିନାୟକ ଭାବରେ ODIରେ ୧୨୦ଟି ଛକା ମାରି ସାରିଛନ୍ତି
ରୋହିତ ଶର୍ମା ଦିନିକିଆରେ ସର୍ବାଧିକ ଛକା ମାରିବାରେ ଦ୍ୱିତୀୟ ବ୍ୟାଟସମ୍ୟାନ୍। ସେ କଟକ ଦିନିକିଆରେ ହିଁ କ୍ରିସ୍ ଗେଲ୍‌ଙ୍କୁ ପଛରେ ପକାଇ ଦେଇଛନ୍ତି। ଏବେ କେବଳ ପାକିସ୍ତାନର ଶାହିଦ ଆଫ୍ରିଦି ତାଙ୍କ ଆଗରେ ଅଛନ୍ତି। କିନ୍ତୁ ଯଦି ଆମେ ଜଣେ ଅଧିନାୟକ ଭାବରେ କଥା ହେବା, ତେବେ ଏଠାରେ ରୋହିତ ଶର୍ମା ୪ ନମ୍ବରରେ ଅଛନ୍ତି। ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡିଭିଲିୟର୍ସ ଦକ୍ଷିଣ ଆଫ୍ରିକାର ଅଧିନାୟକତ୍ୱ ସମୟରେ ଦିନିକିଆରେ ୧୧୮ଟି ଛକା ମାରିଛନ୍ତି। ରୋହିତ ଶର୍ମା ଏପର୍ଯ୍ୟନ୍ତ ଦିନିକିଆରେ ଅଧିନାୟକ ଭାବରେ ୧୨୦ଟି ଛକା ମାରି ସାରିଛନ୍ତି।

ରିକି ପଣ୍ଟିଂ ଏବଂ ଏମ୍ଏସ୍ ଧୋନିଙ୍କୁ ପଛରେ ପକାଇବାର ସୁଯୋଗ
ଯଦି ଆମେ ରୋହିତ ଶର୍ମାଙ୍କଠାରୁ ଆଗରେ ଥିବା ବ୍ୟାଟସମ୍ୟାନଙ୍କ ବିଷୟରେ କଥା ହେବା, ତେବେ ରିକି ପଣ୍ଟିଂ ତାଙ୍କର ସବୁଠାରୁ ନିକଟତର। ରିକି ପଣ୍ଟିଂ ତାଙ୍କ ଦଳର ଅଧିନାୟକତ୍ୱ ସମୟରେ ଏକଦିବସୀୟ ମ୍ୟାଚ୍‌ରେ ୧୨୩ଟି ଛକା ମାରିଛନ୍ତି। ଭାରତ ପାଇଁ ତିନୋଟି ICC ଟାଇଟଲ ଜିତିଥିବା ଅଧିନାୟକ ଏମଏସ ଧୋନି ଏକଦିବସୀୟ ମ୍ୟାଚ୍‌ରେ ଅଧିନାୟକତ୍ୱ କରିବା ସମୟରେ ୧୨୬ଟି ଛକା ମାରିଛନ୍ତି। ଏହାର ଅର୍ଥ ହେଉଛି ରୋହିତ ଶର୍ମାଙ୍କୁ ରିକି ପଣ୍ଟିଂଙ୍କୁ ପଛରେ ପକାଇବା ପାଇଁ ଆଉ ୪ଟି ଛକା ଏବଂ ଏମଏସ ଧୋନିଙ୍କୁ ପଛରେ ପକାଇବା ପାଇଁ ଆଉ ୭ଟି ଛକା ଆବଶ୍ୟକ। ତଥାପି, ଇଂଲଣ୍ଡର ଇଓନ୍ ମୋର୍ଗାନ୍ ଏହି ତାଲିକାରେ ଏକ ନମ୍ବରରେ ଅଛନ୍ତି। ଯିଏ ଅଧିନାୟକତ୍ୱ କରିବା ସମୟରେ ODIରେ ୧୪୭ଟି ଛକା ମାରିଛନ୍ତି।
ଅନନ୍ୟ ତୀର୍ଥସ୍ଥଳୀ ବରାହ କ୍ଷେତ୍ର ଆଳି

ଆଜି ପବିତ୍ର ବରାହ ଦ୍ୱାଦଶୀ | ଏହି ଉପଲକ୍ଷେ ଆଳିର ଆରାଧ୍ୟ ଦେବତା ଶ୍ରୀ ଶ୍ରୀ ଲକ୍ଷ୍ମୀବରାହଜୀଉଙ୍କ ଜନ୍ମୋତ୍ସବରେ ମନ୍ଦିରରେ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ସମାଗମ ଦେଖିବାକୁ ମିଳେ | ଆଳି ସଡ଼କପଥରେ ଗଲେ କଟକ ଠାରୁ ଚାନ୍ଦବାଲି ମଧ୍ୟରେ ୯୫ କି.ମି. ଦୂରରେ ଆଳି ଲକ୍ଷ୍ମୀବରାହଙ୍କ ପୀଠ ଅବସ୍ଥିତ |

ପ୍ରତି ବର୍ଷ ବରାହ ଦ୍ଵାଦଶୀରେ ବହୁ ଆଡମ୍ବରେ ପୂଜା ପାଆନ୍ତି ଆଳିର ଆରାଧ୍ୟ ଦେବତା ଶ୍ରୀ ଶ୍ରୀ ଲକ୍ଷ୍ମୀବରାହ ଜୀଉ | ଚଳିତ ବର୍ଷ ମଧ୍ୟ ବହୁ ଧୂମଧାମରେ ପାଳନ ହେଉଛି ବରାହ ଦ୍ୱାଦଶୀ | କେନ୍ଦ୍ରାପଡ଼ା,ରାଜନଗର ପଟ୍ଟାମୁଣ୍ଡାଇ,ରାଜକନିକା, ଓ ଆଳିର ଆଖପାଖ ଅଞ୍ଚଳର ଶ୍ରଦ୍ଧାଳୁ ଭକ୍ତମାନଙ୍କର ବହୁ ମାତ୍ରାରେ ସମାଗମ ଦେଖିବାକୁ ମିଳୁଛି । ମାଘ ମାସ ଦ୍ଵାଦଶୀ ଦିନ ବଡ଼ି ଭୋରୁ ପହଡ଼ ଖୋଲିଲା ପରେ ମଙ୍ଗଳ ଆଳତି, ବରାହ ଜୀଉଙ୍କ ସ୍ନାନ କାର୍ଯ୍ୟ ସମାପନ ପରେ ଆଳିର ବର୍ତ୍ତମାନ ଆଳି ରାଜା ଶ୍ରୀ ବ୍ରଜ କେଶରୀ ଦେବ ଓ ରାଣୀ ସାହେବାଙ୍କ ଉପସ୍ଥିତିରେ ଠାକୁରଙ୍କୁ ସେବକ ମାନେ ଅଭିଷେକ କରନ୍ତି |

ଏହା ପରେ ଶ୍ରୀ ଜିଉ ରଜାବେଶ ହୁଅନ୍ତି, ଏହା ପରେ ସର୍ବ ସାଧାରଣ ଦର୍ଶନ ପାଇଁ ଅନୁମତି ମିଳେ | ପରେ ପରେ ଠିକ ଅପରାହ୍ନ 12:30 ସମୟରେ ଲକ୍ଷ୍ମୀବରାହ ଜୀଉଙ୍କ ଜନ୍ମଧୁପ ଉତ୍ସବ ଅନୁଷ୍ଠିତ ହୁଏ | ଯାହାକୁ ଦେଖିବାକୁ ଭକ୍ତମାନେ ଉତ୍ସାହରର ସହ ଅପେକ୍ଷା କରି ରହିଥାନ୍ତି |

ଶ୍ରୀ ବରାହ ଜୀଉଙ୍କ ଏହି ବିଶେଷ ଉତ୍ସବ ଉପଲକ୍ଷେ ମନ୍ଦିର ଠାରୁ ଆଳି ବଜାର ପର୍ଯ୍ୟନ୍ତ ତ୍ବରଣ ଆଲୋକସଜା କରାଯାଇ ଆକର୍ଷଣୀୟ ପରିପାଟିରେ ସାଜସଜା ଦେଖିବାକୁ ମିଳିଥିଲା | ଉତ୍ସବରେ ବରାହଜୀଉଙ୍କ ମନ୍ଦିରରେ ଆହୋରତ୍ର ନାମ ସଂକୀର୍ତନ ସହିତ ଭକ୍ତଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା ମଧ୍ୟ କରାଯାଇଛି |

ଏହା ସହ ସନ୍ଧ୍ୟାରେ ୧୦୮ ନୈଷ୍ଠିକ ବ୍ରାହ୍ମଣଙ୍କ ଦ୍ଵାରା ହରିହାଟ ମହୋତ୍ସବ ହେବା ସହ ନାମ ସଂକୀର୍ତ୍ତନରେ ମନ୍ଦିର ପରିବେଶ ମଧ୍ୟରେ ଏକ ଆଧ୍ୟାତ୍ମ୍ୟ ଭାବନା ଭରି ଉଠିଥିଲା | ଆଜି ହଜାର ହଜାର ଶ୍ରଦ୍ଧାଳୁ ଭକ୍ତମାନଙ୍କ ସମାବେଶରେ ସମଗ୍ର ଆଳି ଅଞ୍ଚଳ ଉତ୍ସଵ ମୁଖର ହୋଇଉଠିଛି | ଅସହ୍ୟ ଗରମ ଗୁଳୁଗୁଳିକୁ ଲକ୍ଷ୍ୟ ରଖି ବକ୍ସ ଅଫିସ ହେଲପିଂ ହ୍ୟାଣ୍ଡ ଓ ଆଳି ସରସ୍ବତୀ ଶିଶୁ ବିଦ୍ୟାମନ୍ଦିର ଅନୁଷ୍ଠାନ ତରଫରୁ ମାଗଣା ଦହିପାଣି ଓ ଜଳଛତ୍ର ବ୍ୟବସ୍ଥା କରାଯାଇଛି |

ଅଧିକ ଭକ୍ତଙ୍କ ସମାଗମ କାରଣରୁ ଆଳି ରାଷ୍ଟ୍ରୀୟ ସ୍ୱୟଂ ସେବକ ସଙ୍ଘ ସ୍ବେଛାସେବୀ ଅନୁଷ୍ଠାନ ପକ୍ଷରୁ ମାଗଣା ଜୋତାଷ୍ଟାଣ୍ଡର ବ୍ୟବସ୍ଥା ମଧ୍ୟ ଦେଖିବାକୁ ମିଳିଥିଲା | ଶ୍ରଦ୍ଧାଳୁଙ୍କ ସୁରକ୍ଷା ଓ ଭିଡ଼ ନିୟନ୍ତ୍ରଣକୁ ଦୃଷ୍ଟିରେ ରଖି ଆଳି ଥାନା ଅଧିକାରୀ ସବ୍ୟସାଚୀ ଶତପଥିଙ୍କ ନେତୃତ୍ୱରେ ଦୁଇ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା |

ବିଶ୍ବାସ ଅଛି, ପବିତ୍ର ବରାହ ଦ୍ୱାଦଶୀରେ ଭଗବାନଙ୍କୁ ଦର୍ଶନ କଲେ ଶୁଭ ଫଳ ମିଳିଥାଏ | ଲକ୍ଷ୍ମୀବରାହଙ୍କ ଜନ୍ମମହୋତ୍ସବକୁ ଆଳି ଦେମାଳ ୟୁଥ କ୍ଳବର ସଦସ୍ୟ ଓ ବିଭିନ୍ନ ସ୍ବେଛାସେବୀ ଅନୁଷ୍ଠାନ ମିଳିତ ଭାବେ ପରିଚାଳନା କରିଥିଲେ |
ଜବାହରଲାଲ ନେହରୁ ମହାବିଦ୍ୟାଳୟର ବାର୍ଷିକ ଉତ୍ସବ

କଟକ ଜିଲ୍ଲା ମାହାଙ୍ଗା ବ୍ଲକ କୁଆଁପାଳ ସ୍ଥିତ ଜବାହରଲାଲ ନେହରୁ ମହାବିଦ୍ୟାଳୟର ବାର୍ଷିକ ଉତ୍ସବ ଓ ପୁରସ୍କାର ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ମହାବିଦ୍ୟାଳୟର ଅଧ୍ୟକ୍ଷ ବିସ୍ୟୋତୋସ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମାହାଙ୍ଗା ସ୍ବାଧୀନ ବିଧାୟକ ସାରଦା ପ୍ରସାଦ ପ୍ରଧାନ ଯୋଗ ଦେଇ କଲେଜର ଭିତ୍ତିଭୂମି ବିକାଶ ଉପରେ ଗୁରୁତ୍ଵାରୋପ କରିବା ସହିତ କଲେଜ ପରିସରରେ ୫୫ହଜାର ବର୍ଗଫୁଟ ମଡେଲ ଗୃହ ନିର୍ମାଣ ସହିତ ୬୦୦ ଆସନ ବିଶିଷ୍ଟ ଇଣ୍ଡୋର ଷ୍ଟାଡିୟମ ସହିତ ଅଡ଼ିଟୋରିୟମ ଓ ଷ୍ଟାଫ କମନ ରୁମ ତିଆରି କରାଯିବା ବୋଲି ସୂଚନା ଦେଇଛନ୍ତି |

ମୁଖ୍ୟ ବକ୍ତା ଭାବେ କେନ୍ଦ୍ରାପଡାର ପୂର୍ବତନ ସାଂସଦ ଅନୁଭବ ମହାନ୍ତି ଯୋଗ ଦେଇଥିବା ବେଳେ ପ୍ରଧ୍ୟାପକ ଡ ନିଖୀଳେସପଦ ମହାନ୍ତି ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ |ଏହି କାର୍ଯ୍ୟକ୍ରମରେ କଲେଜର ସମସ୍ତ ଅଧ୍ୟାପକ ଓ ଅଧ୍ୟାପିକା ସହଯୋଗ କରିଥିବା ବେଳେ ମହାବିଦ୍ୟାଳୟର ପୁରାତନ ଓ ବର୍ତ୍ତମାନର ବହୁ ଛାତ୍ରଛାତ୍ରୀ ସହଯୋଗ କରିଥିଲେ |
ଜିଲ୍ଲା ଇସି ସଂଘର ବିକ୍ଷୋଭ, ୪ ଦଫା ସମ୍ବଳିତ ଦାବିପତ୍ର ପ୍ରଦାନ

ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଶୁକ୍ରବାର ଦିନ ୧୧ ଟା ୧୫ ମିନିଟ ସମୟରେ ଓଡ଼ିଶା ମିଶନ ମହିଳା ଗୋଷ୍ଟୀ ଇସି ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ରାଜ୍ୟ ସରକାରଙ୍କ ମିଶନ ଶକ୍ତି ବିଭାଗର ଜି ପି ଏଲ ଏଫ୍, ବି ଏଲ୍ ପି ର ପୂର୍ନର ଗଠନ ପାଇଁ ନର୍ଦ୍ଧେଶନାମା ସ୍ଥଗିତ ରଖିବା ଦାବୀରେ ଏହି ବିକ୍ଷୋଭ କରାଯାଇଛି ।

ଶେଷରେ ଜିଲ୍ଲାପାଳଙ୍କୁ କାର୍ଯ୍ୟାଳୟରେ ୪ ଦଫା ଦାବି ସମ୍ବଳିତ ଏକ ଦାବିପତ୍ର ମୁଖ୍ୟମନ୍ତ୍ରୀ ଏବଂ ଉପ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ଅତିରିକ୍ତ ଜିଲ୍ଲାପାଳଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି । ଜିଲ୍ଲାର ୮ ଟି ବ୍ଲକରୁ ଶହ ଶହ ସଂଖ୍ୟାରେ ଇସି ମହିଳାମାନେ ଏହି କାର୍ଯ୍ୟାଳୟରେ ଯୋଗ ଦେଇଥିଲେ । ଏବଂ ସେମାନଙ୍କ ଦାବି ପୂରଣ ନହେଲେ ଆନ୍ଦୋଳନ ଆଗାମୀ ଦିନରେ ଆହୁରି ବଡ ଧରଣର ଆନ୍ଦୋଳନ ହେବ ବୋଲି ସେମାନେ ପ୍ରକାଶ କରିଛନ୍ତି ।
ଗାଇସିଲେଟ ଠାରେ ବାର୍ଷିକ ଆକାଂକ୍ଷା ଉତ୍ସବ ଅନୁଷ୍ଠିତ

ବରଗଡ଼ : ବରଗଡ଼ ଜିଲ୍ଲା ଗାଇସିଲେଟ ନୋଡାଲ ଉଚ୍ଚ ବିଦ୍ୟାଳୟ ଠାରେ ବାର୍ଷିକ ଆକାଂକ୍ଷା ଉତ୍ସବ ୨୦୨୪-୨୫ ଅନୁଷ୍ଠିତ ହୋଇଯାଇଛି l ଏହି ଉତ୍ସବରେ ମୁଖ୍ୟ ଅତିଥି ଭାବେ ଗାଇସିଲେଟ ଜୋନର ଜିଲ୍ଲାପରିଷଦ ସଭ୍ୟା ଝରଣା ପାଣିଗ୍ରାହୀ ଓ ବରଗଡ ଜିଲ୍ଲା ବିଜ୍ଞାନ ନିରୀକ୍ଷକ ଶ୍ରୀଯୁକ୍ତ ଧୀରୋଜ କୁମାର ପଟ୍ଟନାୟକର ଏହି ଉତ୍ସବରେ ଯୋଗଦେଇଥିଲେ l

ମୁଖ୍ୟ ବକ୍ତା ଭାବେ ସ୍ଥାନୀୟ ପଞ୍ଚାୟତ ସମିତି ମହାବିଦ୍ୟାଳୟର ଅଧ୍ୟକ୍ଷ ଡକ୍ତର ଜୟ କେତନ ତ୍ରିପାଠୀ ଓ ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀଯୁକ୍ତ ସରତ କାଲୋ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ଜୟ କୁମାର ସାହୁ ଓ ଶ୍ରୀଯୁକ୍ତ ଧବଳେଶ୍ଵର ବରିହା, ମୋ ସ୍କୁଲ୍ ଅଭିଯାନର ସଭାପତି ତଥା ସ୍ଥାନୀୟ କ୍ଳଷ୍ଟର ସି ଆର୍ ସି ସି କିଶୋର କୁମାର ଯୋଷୀ, ସ୍କୁଲ ପରିଚାଳନା କମିଟିର ସଭ୍ଯ ତ୍ରିଲୋଚନ ପଣ୍ଡା ଯୋଗ ଦେଇଥିଲେ l

ଉଦଘାଟନୀ ଉତ୍ସବ ଓ ସାଂସ୍କୃତିକ କାର୍ଯ୍ୟକ୍ରମକୁ ସ୍କୁଲର ପ୍ରଧାନ ଶିକ୍ଷକ ଅନିଲ କୁମାର ବେହେରା ସଭାପତିତ୍ବ କରିଥିଲେ l ସାଂସ୍କୃତିକ କାର୍ଯ୍ୟକ୍ରମରେ ବିଶିଷ୍ଟ ସମାଜସେବୀ ରଞ୍ଜନ କୁମାର ପଣ୍ଡା ଯୋଗ ଦେଇଥିଲେ l ସ୍ନିଗ୍ଧାରାଣୀ ଦାଶ, ଅସ୍ମିତା ପ୍ରିୟଦର୍ଶିନୀ, ଥବିର ଶିଖା ତଥା ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ତଥା କର୍ମଚାରୀ ଏହି କାର୍ଯ୍ୟକ୍ରମରେ ସମ୍ପୂର୍ଣ୍ଣ ସହଯୋଗ କରି ସାଫଲ୍ୟ କରିଥିଲେ l ଏହି ଅବସରରେ ଏହି ସ୍କୁଲର ପୁରାତନ ଛାତ୍ର ସୁନୀଲ କୁମାର ପୁରୋହିତଙ୍କୁ ଶ୍ରେଷ୍ଠ ଆଲୁମିନି ପୁରସ୍କାର ଓ ଡାକ୍ତର ସତୀଶ କୁମାର ଯୋଷୀକୁ ସମ୍ମାନିତ କରାଯାଇଥିଲା l
କିଏ ହେବ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ?

କିଏ ହେବ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ … ୨୭ ବର୍ଷ ପରେ ଦିଲ୍ଲୀରେ କ୍ଷମତାକୁ ଫେରିବାକୁ ଯାଉଥିବା ବିଜେପି, ବିନା ମୁଖ୍ୟମନ୍ତ୍ରୀ ଚେହେରାରେ ନିର୍ବାଚନ ମଇଦାନକୁ ପ୍ରବେଶ କରିଥିଲା। ବିଜେପିର କହିବା କଥା ଯେ ପ୍ରଧାନମନ୍ତ୍ରୀ ମୋଦିଙ୍କ ଚେହେରାରେ ସେମାନେ ନିର୍ବାଚନ ଲଢ଼ିଛନ୍ତି। ହେଲେ ଏବେ ପ୍ରଶ୍ନ ଉଠୁଛି ମୁଖ୍ୟମନ୍ତ୍ରୀ କାହାକୁ କରାଯିବ, କାରଣ ଅନେକ ଦାବିଦାର ଅଛନ୍ତି? ତଥାପି, ଏହା ମଧ୍ୟ ସମ୍ଭବ ଯେ ଯେପରି ଭଜନ ଲାଲ ଶର୍ମାଙ୍କୁ ରାଜସ୍ଥାନରେ, ମୋହନ ଯାଦବଙ୍କୁ ମଧ୍ୟପ୍ରଦେଶରେ ଏବଂ ବିଷ୍ଣୁ ଦେବ ସାଇଙ୍କୁ ଛତିଶଗଡ଼ରେ ଅଣାଯାଇଥିଲା, ଦିଲ୍ଲୀରେ ମଧ୍ୟ ସମାନ ଘଟଣା ଘଟିବ କି? ବିଜେପି କାହା ମୁଣ୍ଡରେ ଦିଲ୍ଲୀର ମୁକୁଟ ରଖିବ ତାହା କହିବା ବହୁତ କଷ୍ଟକର, କିନ୍ତୁ ବର୍ତ୍ତମାନ ଦିଲ୍ଲୀରେ କିଛି ଚେହେରା ଅଛି ଯେଉଁମାନେ ମୁଖ୍ୟମନ୍ତ୍ରୀ ପଦ ପାଇଁ ଦୌଡ଼ରେ ଥିବାର ଦେଖାଯାଉଛି।

କ’ଣ ପ୍ରବେଶ ବର୍ମା ଉପଯୁକ୍ତ ପସନ୍ଦ?
ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ସାହିବ ସିଂହ ବର୍ମାଙ୍କ ପୁଅ ପରବେଶ ବର୍ମା ପଶ୍ଚିମ ଦିଲ୍ଲୀ ନିର୍ବାଚନମଣ୍ଡଳୀରୁ ଦୁଇଥର ସାଂସଦ ହୋଇଛନ୍ତି। ପରବେଶ ବର୍ମା ନୂଆଦିଲ୍ଲୀ ଆସନରୁ ଆପ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ପରାସ୍ତ କରିଛନ୍ତି। ଏହି ଆସନରେ ସେ ଅରବିନ୍ଦ କେଜରିୱାଲ ଏବଂ ପୂର୍ବତନ କଂଗ୍ରେସ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତଙ୍କ ପୁଅ ସନ୍ଦୀପ ଦୀକ୍ଷିତଙ୍କ ବିରୁଦ୍ଧରେ ପ୍ରତିଦ୍ୱନ୍ଦ୍ୱିତା କରୁଥିଲେ। ଏହି ବିଜୟ ପରେ, ପ୍ରବେଶ ବର୍ମା ‘ମୁଖ୍ୟମନ୍ତ୍ରୀ’ ପଦ ପାଇଁ ଜଣେ ଦୃଢ଼ ଦାବିଦାର ଭାବରେ ଉଭା ହୋଇଛନ୍ତି। ତଥାପି, ପ୍ରବେଶ ବର୍ମା କେବେ ଦାବି କରିନଥିଲେ ଯେ ସେ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ସେ ଜଣେ ଫାୟାରବ୍ରାଣ୍ଡ ନେତା, ଯାହାଙ୍କ ଅନେକ ବୟାନ ବିବାଦ ସୃଷ୍ଟି କରିଛି। ସେ ନାଗରିକତା ସଂଶୋଧନ ଆଇନ, ଜାତୀୟ ନାଗରିକ ପଞ୍ଜିକା ଏବଂ ଜାତୀୟ ଜନସଂଖ୍ୟା ପଞ୍ଜିକା ବିରୋଧରେ ଶାହିନ ବାଗ ପ୍ରତିବାଦ ସମ୍ପର୍କରେ ଏପରି ଅନେକ ବୟାନ ଦେଇଛନ୍ତି, ଯାହାକୁ ତୀବ୍ର ବିରୋଧ କରାଯାଇଥିଲା।

ବୀରେନ୍ଦ୍ର ସଚଦେବାଙ୍କୁ ପିନ୍ଧାଯିବ କି ମୁକୁଟ ?
ବୀରେନ୍ଦ୍ର ସଚଦେବାଙ୍କୁ ୨୦୨୨ ମସିହାରେ ଦିଲ୍ଲୀ ବିଜେପିର କାର୍ଯ୍ୟକାରୀ ସଭାପତି ଏବଂ ୨୦୨୩ ମସିହାରେ ପୂର୍ଣ୍ଣକାଳୀନ ସଭାପତି ଭାବରେ ନିଯୁକ୍ତ କରାଯାଇଥିଲା। ଦିଲ୍ଲୀ ବିଜେପିରେ ଗୋଷ୍ଠୀ ବିବାଦକୁ ନିୟନ୍ତ୍ରଣରେ ରଖିବା ଏବଂ ୧୯୯୮ ପରେ ପ୍ରଥମ ଥର ପାଇଁ ରାଜଧାନୀରେ ଦଳକୁ କ୍ଷମତାକୁ ଆଣିବାର ଶ୍ରେୟ ବୀରେନ୍ଦ୍ର ସଚଦେବାଙ୍କୁ ନିଶ୍ଚିତ ଭାବରେ ମିଳିବ। ଦିଲ୍ଲୀର କଠିନ ଚ୍ୟାଲେଞ୍ଜର ସମ୍ମୁଖୀନ ହୋଇ, ସଚଦେବା ସର୍ବଦା ବିଶ୍ୱାସ ପ୍ରକାଶ କରିଛନ୍ତି ଯେ ବିଜେପି ଦିଲ୍ଲୀରେ ସରକାର ଗଠନ କରିବ। ପ୍ରାରମ୍ଭିକ ଟ୍ରେଣ୍ଡରେ ବିଜେପି ଆରାମଦାୟକ ନେତୃତ୍ୱ ନେଉଥିବା ଦେଖାଯିବା ପରେ ମୁଖ୍ୟମନ୍ତ୍ରୀ କିଏ ହେବେ ବୋଲି ପଚରାଯିବାରୁ, ସଚଦେବା କେବଳ କହିଥିଲେ ଯେ ଏହା ଦଳର କେହି ଜଣେ ହେବେ ଏବଂ କେନ୍ଦ୍ରୀୟ ନେତୃତ୍ୱ ଏହା ଉପରେ ନିଷ୍ପତ୍ତି ନେବେ।

ବାଂଶୁରୀ ସ୍ୱରାଜ ମଧ୍ୟ ହୋଇପାରନ୍ତି…
ସ୍ୱର୍ଗତ ସୁଷମା ସ୍ୱରାଜଙ୍କ ଝିଅ ବାଂଶୁରୀ ସ୍ୱରାଜ ଦିଲ୍ଲୀରେ ବିଜେପିର ଜଣେ ପ୍ରମୁଖ ନେତ୍ରୀ ଭାବରେ ଉଭା ହେଉଛନ୍ତି। ସେ ଗତ ବର୍ଷ ହିଁ ସାଂସଦ ଭାବରେ ନିର୍ବାଚିତ ହୋଇଥିଲେ, ତା’ପରେ ସେ ନିରନ୍ତର କାମ କରିଆସୁଛନ୍ତି। ସେ ଜଣେ ଓକିଲ, ତାଙ୍କୁ ୨୦୨୩ ମସିହାରେ ଦିଲ୍ଲୀ ବିଜେପିର ଆଇନଗତ ସେଲର ମୁଖ୍ୟ ନିଯୁକ୍ତ କରାଯାଇଥିଲା ଏବଂ ତା’ପରେ ତାଙ୍କୁ ନୂଆଦିଲ୍ଲୀ ଲୋକସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ କରାଯାଇଥିଲା, ସେ ବର୍ତ୍ତମାନର ସାଂସଦ ଏବଂ କେନ୍ଦ୍ରମନ୍ତ୍ରୀ ମୀନାକ୍ଷୀ ଲେଖିଙ୍କ ସ୍ଥାନରେ ନିର୍ବାଚିତ ହୋଇଥିଲେ।

ମନୋଜ ତିୱାରୀ ମଧ୍ୟ ମୁଖ୍ୟମନ୍ତ୍ରୀ ଦୌଡ଼ରେ!
୨୦୨୪ ଲୋକସଭା ନିର୍ବାଚନରେ ବିଜେପି ପକ୍ଷରୁ ଦିଲ୍ଲୀରୁ ପ୍ରାର୍ଥୀ ହେବାରେ ଏକମାତ୍ର ସାଂସଦ ମନୋଜ ତିୱାରୀ ହେଉଛନ୍ତି ରାଜଧାନୀରେ ଦଳର ସବୁଠାରୁ ବଡ଼ ଚେହେରା। ପୂର୍ବାଞ୍ଚଳ ଅଞ୍ଚଳର ପ୍ରବାସୀମାନଙ୍କ ମଧ୍ୟରେ ଅଭିନେତାରୁ ରାଜନେତା ହୋଇଥିବା ମନୋଜ ତିୱାରୀ ବହୁତ ଲୋକପ୍ରିୟ। କିଛି ଦିନ ପୂର୍ବେ ଏକ ସାକ୍ଷାତକାର ସମୟରେ ଯେତେବେଳେ ମନୋଜ ତିୱାରୀଙ୍କୁ ପଚରାଯାଇଥିଲା ଯେ ଯଦି ବିଜେପି କ୍ଷମତାକୁ ଆସେ, ତେବେ ମୁଖ୍ୟମନ୍ତ୍ରୀ କିଏ ହେବେ? ସେ ଏଥିରେ କାହାର ନାମ ନେଇ ନଥିଲେ, କିନ୍ତୁ ସେ ମଧ୍ୟ ମୁଖ୍ୟମନ୍ତ୍ରୀ ଦୌଡ଼ରେ ଥିବା ସମ୍ଭାବନାକୁ ଅସ୍ୱୀକାର କରିନଥିଲେ।
ପାରାଦ୍ଵୀପ କଲେଜ ସୁବର୍ଣ୍ଣ ଜୟନ୍ତୀ ସମାରୋହର ଉଦ୍ଘାଟନୀ ଉତ୍ସବ

ପାରାଦ୍ଵୀପ କଲେଜର ସୁବର୍ଣ୍ଣ ଜୟନ୍ତୀ କାର୍ଯ୍ୟକ୍ରମରେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ଘାଟନ କଲେ ଓଡ଼ିଶାର ମହାମହିମ ରାଜ୍ୟପାଳ ଡଃ ହରି ବାବୁ କମ୍ଭମପତି ।

ଏହାସହ ତିନିଦିନ ଧରି ଚାଲିବାକୁ ଥିବା କାର୍ଯ୍ୟକ୍ରମର ଉଦଘାଟନୀ ସମାରୋହରେ ଉଚ୍ଚଶିକ୍ଷା, କ୍ରୀଡ଼ାମନ୍ତ୍ରୀ ସୂର୍ଯ୍ୟବଂଶୀ ସୂରଜ, ଜଗତସିଂହପୁର ସାଂସଦ ବିଭୂପ୍ରସାଦ ତରାଇ, ଶିଳ୍ପ ମନ୍ତ୍ରୀ ସମ୍ପଦ ସ୍ବାଇଁ, ପାରାଦ୍ଵୀପ ମ୍ୟୁନିସିପାଲଟି ଅଧ୍ୟକ୍ଷ ବସନ୍ତ ବିଶ୍ବାଳ, ପାରାଦ୍ଵୀପ ବନ୍ଦର ଅଧ୍ୟକ୍ଷ ପି ଏଲ ହାରାନାଦ, ଜଗତସିଂହପୁର ଜିଲ୍ଲାପାଳ ଜେ ସୋନାଲ ଯୋଗଦେଇଥିବା ବେଳେ କଲେଜ ଅଧ୍ୟକ୍ଷା ଡଃ ସସ୍ମିତା ଶତପଥୀ ଅଧ୍ୟକ୍ଷତା କରିଥିଲେ।

ଏହି କାର୍ଯ୍ୟକ୍ରମରେ ବହୁ ପୁରାତନ ଛାତ୍ର ଛାତ୍ରୀ, ଶିକ୍ଷକ ଓ କଲେଜର ଛାତ୍ର ଛାତ୍ରୀ ଯୋଗଦେଇଥିଲେ। ପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।