Year: 2025

କାର୍‌କୁ ଧକ୍କା ଦେଲା ଟ୍ରକ; ୨ ମୃତ

ଯାଜପୁର ଜିଲ୍ଲା ପାଣିକୋଇଲି ଥାନା ଚାନ୍ଦପୁର ଛକ ଟାଟା ମୋଟର୍ସ ନିକଟରେ କାରକୁ ଏକ ଟ୍ରକ ଧକ୍କା ଦେବାରୁ ଡିଏସପିଙ୍କ ସମେତ 2 ଜଣଙ୍କର ମୃତ୍ୟୁ ହୋଇଛି | ଦୁର୍ଘଟଣାରେ ଯାଜପୁର ଜିଲ୍ଲାର ଡିଏସପି ବଳରାମ ନାୟକ ନିଜର ସମ୍ପର୍କୀୟଙ୍କ ସହ ଏକ ଅଲ୍ଟୋ କାର ଯୋଗେ ଯାଜପୁର ରୋଡରୁ ପାଣିକୋଇଲି ଅଭିମୁଖେ ଆସୁଥିବା ବେଳେ ଟାଟା ମୋଟର୍ସ ନିକଟରେ ବିପରୀତ ଦିଗରୁ ଆସୁଥିବା ଏକ ଟ୍ରକ ସାମ୍ନା ପଟରୁ ଧକ୍କା ଦେଇଥିଲା |

ତୁରନ୍ତ ଶ୍ରୀ ନାୟକଙ୍କ ସହ ତାଙ୍କ ସହଯୋଗୀ ଗୁରୁତର ଆହତ ହୋଇଥିବା ଖବରପାଇ ପାଣିକୋଇଲି ଅଂଚଳର ଅଗ୍ରଣୀ ସ୍ବେଛାସେବୀ ସଂଗଠନ ଆମେ ଆପଣଙ୍କ ପାଇଁ ହେଲପିଙ୍ଗ ଗ୍ରୁପ ର ସଦସ୍ୟ ପହଞ୍ଚି ପୋଲିସ ପ୍ରଶାସନ ସହ ଉଦ୍ଧାର କରି ଯାଜପୁର ମୁଖ୍ୟଚିକିତ୍ସାଳୟକୁ ପଠାଇଥିବା ବେଳେ ଡାକ୍ତର ସେଠାରେ ଦୁହିଁକୁ ମୃତ ଘୋଷଣା କରିଥିବା ଜଣାପଡିଛି |

ଦୁର୍ଘଟଣା ଘଟାଇବା ପରେ ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ହୋଇଯାଇଥିଲା | ପାଣିକୋଇଲି ପୋଲିସ ଅଧିକାରୀ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକଟିକୁ ଜବତ କରିଥିଲେ |
୪ ଆନ୍ତଃରାଜ୍ୟ ଲୁଟେରା ଗିରଫ

ବୀରମହାରାଜପୁର ପୋଲିସକୁ ମିଲା ବଡ ସଫଳତା । ଉଦ୍ଧାର ହେଲା ଲକ୍ଷାଧିକ ଟଙ୍କା ମୂଲ୍ୟର ବିଭିନ୍ନ ଧାତୁରେ ନିର୍ମିତ ମୂର୍ତ୍ତି । ଏଥିସହିତ ୪ ଟି ବାଇକ, ୬ ଟି ଟ୍ୟାବ, ୯ ଟି ଏଟିଏମ ଓ ଗୋଟିଏ ସ୍ମାର୍ଟ ବୋର୍ଡ ଉଧାର କରିଥିବାବେଳେ ୪ ଜଣ ଆନ୍ତଃରାଜ୍ୟ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

କିଛି ଦିନ ତଳେ ବୀରମହାରାଜପୁର ଥାନା ଅନ୍ତର୍ଗତ ସୁନାପାଳି ଜଙ୍ଗଲରେ ହୋଇଥିବା ଲୁଟ ଘଟଣାର ତଦନ୍ତ କରି ଏହି ସବୁ ସାମଗ୍ରୀ ଉଦ୍ଧାର କରିବା ସହିତ ଅଭିଯୁକ୍ତମାନଙ୍କୁ ଧରିବାରେ ସକ୍ଷମ ହୋଇଛି ପୋଲିସ ।

ତେବେ ଏହି ଘଟଣାରେ ସମ୍ପୃକ୍ତ ଆଉ ଦୁଇ ଅଭିଯୁକ୍ତକୁ ଖୋଜୁଛି ପୋଲିସ । ଏହି ୬ ଜଣିଆ ଡକାୟତ ଗ୍ୟାଙ୍ଗ ରାହାଜାନି ସହ ବିଭିନ୍ନ ମନ୍ଦିରରୁ ଚୋରି କରୁଥିବା କହିଛି ପୋଲିସ । ଏନେଇ ବୀରମହରାଜପୁର ଥାନା ପରିସରରେ ଆଜି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସପି ରାମ ପ୍ରସାଦ ସାହୁ ।
ଫସର ଫାଟିଲା ଡକାୟତି ଯୋଜନା ; ପୋଲିସ ଜାଲରେ ପଡ଼ିଲେ ଆଠ

ଗତକାଲି ରାତିରେ ବିଭିନ୍ନ ସ୍ଥାନରେ ଡକାୟତି ଯୋଜନା କରୁଥିବା ବେଳେ ପୋଲିସ ହାତରେ ଧରାପଡିଛନ୍ତି କିଛି ଡକାୟତ | ସେମାନଙ୍କ ଠାରୁ ବିଭିନ୍ନ ମାରଣାସ୍ତ୍ର ଜବତ କରି କରିବାରେ ସଫଳତା ହୋଇଛି ପୋଲିସ | ଗତକାଲି ବିଳମ୍ବିତ ରାତିରେ ସ୍ଥାନୀୟ ମିଶନ ସ୍କୁଲ ହତାରେ ୮ ଜଣ ଯୁବକ ବସି କୌଣସି ଯୋଜନା କରୁଥିବା ନେଇ ବିଶ୍ବସ୍ତ ସୂତ୍ରରୁ ପୋଲିସ ଖବର ପାଇ ମିଶନ ହତାରେ ପହଞ୍ଚି ଚାରିପଟୁ ଘେରି ଅତର୍କିତ ଭାବେ ଚଢ଼ାଉ କରିବା ସମୟରେ ସେମାନଙ୍କ ମଧ୍ୟରୁ କେତେ ଜଣ ଦୌଡି ପଳାଇବାକୁ ଚେଷ୍ଟା କରୁଥିବା ବେଳେ ପୋଲିସ ୮ ଜଣଙ୍କୁ କାବୁ କାରିବାରେ ସଫଳ ହୋଇଥିଲା |

ସେମାନଙ୍କ ମଧ୍ୟରେ ଲେଖୁଆ ପଡାର ଶିବ କଂସାରୀଙ୍କ ପୁଅ ବିଶାଲ କଂସାରୀ (୨୩)ସରୋଜ ଲହରୀଙ୍କ ପୁଅ ମୁକେଶ ଲହରୀ (୨୨) ମିଶନ ହତାର ମହମ୍ମଦ ନଉସାଦଙ୍କ ପୁଅ ମହମ୍ମଦ ଗୋଲଡ଼ାନ (୨୬) ଇସଲାମ ଛକର ସରୱାରଙ୍କ ପୁଅ ଏମ ଡି ରୋହନ (୨୬) ଇଦିଗା ମହାଲାର ଏମଡି ଇମ୍ରାନ ଅନସାରୀଙ୍କ ପୁଅ ଏମ ଡି ରୁସ୍ତମ (୨୩) ବଗିଚାପଡ଼ାର ଜୀବନ ଶାହାଙ୍କ ପୁଅ ବିଶାଲ ଶାହା(୨୨) ମଦନ ସାହୁଙ୍କ ପୁଅ ଶୁଭମ ସାହୁ (୨୬) ତାଲକି ପଡାର ବସନ୍ତ ସିଂଙ୍କ ପୁଅ ରଘୁବୀର ସିଂ(୨୩) ପ୍ରମୁଖଙ୍କ ଠାରୁ ପୋଲିଶ ୪ ଟି ଗାମୁଛା, ୪ ଟି ମାସ୍କ, ୨ ଟି ଛୋଟ ଚାକୁ, ଗୋଟିଏ ଭୁଜାଲି, ଦୁଇଟି ମରିଚଗୁଣ୍ଡ ପ୍ୟାକେଟ, ଗୋଟିଏ ସୋଲାର ଟେପ୍ ଜବତ କରିଥିବା ଜଣାପଡିଛି |

ସେମାନଙ୍କୁ ଥାନାକୁ ଆଣି ପ୍ରାଥମିକ ତଦନ୍ତ କରିବା ପରେ ସେମାନେ ସୁନା ଦୋକାନ ଏବଂ ବଡ଼ ବଡ ବ୍ୟବସାୟୀଙ୍କ ଘରେ ପଶି ଡକାୟତି କରିବା ପାଇଁ ଏକାଠି ହୋଇ ଯୋଜନା କରୁଥିବା ସ୍ୱୀକାର କରିଥିଲେ | ପୋଲିସ ଆଜି ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି |
ପୁରୀ ପୋଲିସକୁ ସଫଳତା,ବର୍ଗଲାରି ଗ୍ୟାଙ୍ଗ ଗିରଫ

ପୁରୀ ପୋଲିସକୁ ବଡ଼ ସଫଳତା। ପୋଲିସର ନିଦ ହଜାଇ ଦେଇଥିବା ବରଗ୍ଲାରି ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଛି ପୁରୀ ପୋଲିସ। ଗ୍ୟାଙ୍ଗର ଚାରିଜଣ ଅଭିଯୁକ୍ତଙ୍କୁ ପୋଲିସର ଏକ ସ୍ବତନ୍ତ୍ର ଟିମ୍ ନିମାପଡ଼ା ରୁ ଗିରଫ କରିଛି। ଗିରଫ ଅଭିଯୁକ୍ତଙ୍କ ଠାରୁ ୩୦ଟି ସୁନା ମୁଦି, ୭ଟି ସୁନା ଚେନ୍, ଡିଜିଟାଲ କ୍ୟାମେରା, ପ୍ରିଣ୍ଟର, ମନିଟର, ସ୍କ୍ରୁ ଡାଇଭର, ସ୍କ୍ରୁ ବାର ଜବତ କରିଛି ପୋଲିସ। ଗିରଫ ଅଭିଯୁକ୍ତ ହେଉଛନ୍ତି କାଜଲ୍ ଦାସ, ଶ୍ରୀକାନ୍ତ ସ୍ବାଇଁ, ଆଶିଷ ମଲ୍ଲିକ ଓ ଚିରଞ୍ଜିବି ଦାସ। ପୁରୀ ଏସପିଙ୍କ କନଫରେନ୍ସ ହଲ୍ ରେ ଆୟୋଜିତ ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସପି ସୁଶିଲ ମିଶ୍ର ଏନେଇ ସୂଚନା ଦେଇଛନ୍ତି। ଅତିରିକ୍ତ ଏସପିଙ୍କ ସୂଚନା ଅନୁଯାୟୀ କାଜଲ ଦାସ ଓ ଶ୍ରୀକାନ୍ତ ସ୍ବାଇଁ ପୁରୀ ଜିଲ୍ଲାର ବିଭିନ୍ନ ଅଞ୍ଚଳରୁ ଡକାୟତି କରୁଥିଲେ। ବିଶେଷ କରି ଘରେ କେହି ନଥିବା ସମୟରେ ଏହି ଦୁଇ ଅଭିଯୁକ୍ତ ସୁଯୋଗ ଦେଖି ଘରମାନଙ୍କରେ କଳା କନା ବୁଲାଉଥିଲେ। ପରବର୍ତ୍ତୀ ସମୟରେ ଗହଣା ଦୋକାନକୁ ଯାଇ ଅଭିଯୁକ୍ତ ମାନେ ଚୋରି ସାମଗ୍ରୀକୁ ବିକ୍ରି କରୁଥିଲେ। ତେବେ ଏନେଇ ବିଭିନ୍ନ ଥାନାରେ ଅଭିଯୋଗ ହେବା ପରେ ପୁରୀ ଏସପିଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ୍ ଗଠନ ହୋଇଥିଲା। ତେବେ ଦୀର୍ଘ ପାଞ୍ଚମାସ ପରେ ଅଭିଯୁକ୍ତଙ୍କୁ ଧରିବାରେ ପୋଲିସ ସକ୍ଷମ ହୋଇଛି ବୋଲି ଅତିରିକ୍ତ ଏସ ପି ସୁଶିଲ ମିଶ୍ର କହିଛନ୍ତି। ସମ୍ମିଳନୀ ରେ ତାଳବଣିଆ ଥାନାଧିକାରୀ ଗୀତାଞ୍ଜଳି ନାୟକ,ଟାଉନ ଥାନାଧିକାରୀ ଗୋକୁଳ ରଞ୍ଜନ ଦାସ ଉପସ୍ଥିତ ଥିଲେ।
ଜିଲ୍ଲାସ୍ତରୀୟ ମା’ ବାରମାସୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ; ଆଦମପୁରକୁ ହରାଇ ରାଛିପୁର ଫାଇନାଲରେ

କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅନ୍ତର୍ଗତ ମଦନପୁର ପଞ୍ଚାୟତର ପଥରପଦା ଗ୍ରାମରେ ପ୍ରଥମ ବାର୍ଷିକ ମା ବାରମାସୀ କ୍ରିକେଟ ଟୁର୍ଣ୍ଣାମେଣ୍ଟକୁ ମୁଖ୍ୟ ଅତିଥି ଭାବେ ସାଇଁକୁଳ ଫାଣ୍ଡି ଅଧିକାରୀ ସୁରେଶ କୁମାର ମାଝୀ, ଅନ୍ୟତମ ଅତିଥି ପୂର୍ବତନ ଏସବିଆଇ ପରିଚାଳକ ହରିହର ମଲ୍ଲିକ, କ୍ରିଡ଼ାବିତ ବୁଲୁ ପଟ୍ଟନାୟକ, ରସାନନ୍ଦ ମିଶ୍ର ଯୋଗ ଦେଇ କ୍ରିକେଟ ଟୁର୍ଣ୍ଣାମେଣ୍ଟକୁ ଫିତା କାଟି ଆନୁଷ୍ଠାନିକ ଭାବେ ଉଦଘାଟନ କରିଥିଲେ।

ଜିଲ୍ଲାସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟରେ ୪ଟି ଦଳକୁ ନେଇ ଖେଳ ଆରମ୍ଭ ହୋଇଥିବା ବେଳେ ପ୍ରଥମ ସେମି ଫାଇନାଲରେ ଆଦମପୁର ଓ ରାଛିପୁର ଏକାଦଶ ମଧ୍ୟରେ ଅନୁଷ୍ଠିତ ହୋଇଥିଲା। ପ୍ରଥମେ ବ୍ୟାଟିଂ କରି ଆଦମପୁର ନିର୍ଦ୍ଧାରିତ ୧୬ ଓଭରରେ ୮ ୱିକେଟ ହରାଇ ୧୬୭ ରନ୍ କରିଥିଲେ। ଜବାବରେ ରାଛିପୁର ୭ ୱିକେଟ ହରାଇ ୧୭୧ ରନ୍ ସଂଗ୍ରହ କରି ବିଜୟୀ ହୋଇଥିଲେ। ବୈଲୋଚନ ସ୍ୱାଇଁ,ପିଙ୍କନ ଚକ୍ର ମ୍ୟାଚ ପରିଚାଳନା କରିଥିଲେ। ସୁଶାନ୍ତ ଚକ୍ର ପବିତ୍ର ସ୍ୱାଇଁ ଧାରାବିବରଣୀ ଦେଇଥିଲେ। ରମାକାନ୍ତ ସାହୁ, ଚିନ୍ମୟ ନାୟକ ସ୍କୋରର ଥିଲେ। ମା ବାରମାସୀ କ୍ରିକେଟ କ୍ଲବର ସମସ୍ତ ସଦସ୍ୟ ଖେଳକୁ ପରିଚାଳନାରେ ସହଯୋଗ କରିଥିଲେ
ଭଗାନଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ୫ମ ବାର୍ଷିକ ଉତ୍ସବ

ଘଷିପୁରା ବ୍ଲକ ମଦନପୁର ପଞ୍ଚାୟତ ଭଗାନଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ୫ମ ବାର୍ଷିକ ଉତ୍ସବ ପାଳିତ ହୋଇଯାଇଛି। ଏହି ଅବସରରେ କ୍ରୀଡ଼ା ପ୍ରତିଯୋଗିତାର ଶ୍ରେଷ୍ଠ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଅଞ୍ଚଳର ଦୁଇଜଣ ବରିଷ୍ଠ ବ୍ୟକ୍ତି ବଂଶୀଧର ବେହେରା ଏବଂ ପାଗଳ ସାମଲଙ୍କୁ ବିଦ୍ୟାଳୟ ପକ୍ଷରୁ ପ୍ରକୃତି ମିତ୍ର ସମ୍ମାନରେ ସମ୍ମାନିତ କରଯାଇଛି। ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ମୁରଲୀଧର ଜେନା ସଭାପତିତ୍ବ କରିଥିବା ବେଳେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଏବିଇଓ ମୁକୁନ୍ଦ ଚରଣ ସାହୁ, ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟିର ସଭାପତି ମଧୁସୁଦନ ସାହୁ, ମଦନପୁର କ୍ଳଷ୍ଟର ସିଆରସିସି ରମେଶ ଚନ୍ଦ୍ର ସାହୁ, ଶିକ୍ଷାବିତ ନଟବର ସାହୁ, ସହକାରୀ ଶିକ୍ଷକ କୁଶଭଦ୍ର ସାହୁ ପ୍ରମୁଖ ଯୋଗ ଦେଇଥିଲେ । ବାର୍ଷିକ କ୍ରୀଡ଼ାରେ ସରୋଜ କୁମାର ସାହୁ ଏବଂ ଛାତ୍ରୀ ପ୍ରିୟଦର୍ଶିନୀ ସାମଲ ଚାମ୍ପିଅନ ହୋଇଥିଲେ । ବିଶେଷ କରି ଆଜିର ଦିନରେ ପୁଲୱାମା ଠାରେ ଦେଶ ପାଇଁ ସହିଦ ହୋଇଥିବା ଯବାନଙ୍କ ଉଦ୍ଦେଶ୍ୟରେ ଛାତ୍ରମାନେ ନୃତ୍ୟ ପ୍ରଦର୍ଶନ କରି ଶ୍ରଦ୍ଧାଞ୍ଜଳି ଜଣାଇଥିଲେ । ବିଦ୍ୟାଳୟର ବରିଷ୍ଠ ଶିକ୍ଷକ ଆନନ୍ଦ ଚରମ ସାହୁ, ସୁବ୍ରତ କୁମାର ସାହୁ, ମନୋରମା ଓଝା, ଅଞ୍ଜଳି ପରିଡ଼ା, କଳା ଶିକ୍ଷକ ମଧୁସୂଦନ ରାଉତ, ସନ୍ତୋଷ ମହାନ୍ତି, ବିଷ୍ଣୁପ୍ରିୟା ଦାଶ ପ୍ରମୁଖ ସହ‌ଯୋଗ କରିଥିଲେ।
ବିରିଡିହା ଏସ. ଏନ. ବିବେକାନନ୍ଦ ଶିକ୍ଷାକେନ୍ଦ୍ରର ଅଷ୍ଟମ ବାର୍ଷିକ ଉତ୍ସବ

ଆନନ୍ଦପୁର ବ୍ଲକ ଅନ୍ତର୍ଗତ ବିରିଡିହା ଏସ. ଏନ. ବିବେକାନନ୍ଦ ଶିକ୍ଷା କେନ୍ଦ୍ରରେ ଅଷ୍ଟମ ବାର୍ଷିକ ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି ।ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସ୍ବର୍ଣ୍ଣଲତା ବେହେରାଙ୍କ ସଂଯୋଜନାରେ ମୂଖ୍ୟ ଅତିଥି ଭାବେ ଆନନ୍ଦପୁର ପୂର୍ବତନ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଶରତ ଚନ୍ଦ୍ର ରାଉତ, ମୁଖ୍ୟବକ୍ତା ତକ୍ଷଶିଳା ଏଣ୍ଡ୍ରନେସନାଲ ଇଂରାଜୀ ବିଦ୍ୟାଳୟର ଅଧକ୍ଷ ଶ୍ରୀଯୁକ୍ତ ଆକାଶ ରଥ, ସାମ୍ନାନିତ ଅତିଥି ଆନନ୍ଦପୁର ଅତିରିକ୍ତ ଗୋଷ୍ଠୀଶିକ୍ଷା ଅଧିକାରୀ ହେମେନ୍ଦ୍ରନାଥ ମହାନ୍ତି, ସାମ୍ନାନିତ ଅତିଥି ଅବସରପ୍ରାତ ପ୍ରଧାନ ଶିକ୍ଷକ କଣ୍ଟିପାଳ ଉଚ୍ଚ ବିଦ୍ୟାଳୟର ଶ୍ରୀ ଯୁକ୍ତ ଦାମୋଦର ସାହୁ,ବିଦ୍ଯାଳୟର ସଭାପତି ଶ୍ରୀ ମଳୟ କୁମାର ସାହୁ ପ୍ରମୂଖ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ। ବାର୍ଷିକ ଉତ୍ସବ ଛାତ୍ରଛାତ୍ରୀ ମାନଙ୍କ ମାନସିକ ତଥା ବୌଦ୍ଧିକ ବିକାଶରେ ସହାୟକ ହୋଇଥାଏ,ଏହା ଶିଶୁ ମାନଙ୍କ ଲୁକାୟିତ ପ୍ରତିଭା ପ୍ରଦର୍ଶନର ଏକ ମାତ୍ର ମାଧ୍ଯମ ବୋଲି ଅତିଥି ମାନେ କହିଥିଲେ। ଏହି ଅବସରରେ ବାର୍ଷିକ କ୍ରିଡା ତଥା ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା କୃତି ଛାତ୍ରଛାତ୍ରୀ ମାନଙ୍କୁ ଅତିଥିଙ୍କ ଗହଣରେ ପୁରସ୍କୃତ କରାଯାଇଥିଲା। ଶେଷରେ ଛାତ୍ରଛାତ୍ରୀ ମାନଙ୍କ ଦ୍ବାରା ସାସ୍କୃତିକ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା ।
ସଂକଳ୍ପ ପରିବାରର ପଞ୍ଚମ ସ୍ଥାପନା ଦିବସ ପାଳିତ

ଫେବୃଆରୀ ୧୪ ପୁଲୱାମା ଆତଙ୍କି ହମଲାରେ ସହିଦ ହୋଇଥିବା ଭାରତର ବୀରପୁତ୍ର ମାନଙ୍କ ସ୍ମୁତି ଚାରଣ ଉଦ୍ଦେଶ୍ୟରେ ବିଗତ ପାଞ୍ଚ ବର୍ଷ ଧରି ଉକ୍ତ କଳା ଦିବସଟିକୁ ସ୍ମରଣ କରିବା ପାଇଁ ବରଗଡର ସ୍ବେଛାସେବୀ ଅନୁଷ୍ଠାନ ସଂକଳ୍ପ ପରିବାରର ଏକ ଅନନ୍ୟ ପ୍ରୟାସ l ତେଣୁ ଉକ୍ତ ଦିନକୁ ସଂକଳ୍ପ ପରିବାରର ପ୍ରତିଷ୍ଠା ଦିବସ ଭାବେ ମଧ୍ୟ ପାଳନ କରାଯାଉଥିବା ପ୍ରକାଶ କରିଛନ୍ତି ଆବାହକ ବିକାଶ ଅଗ୍ରୱାଲ l ତେବେ ପ୍ରତି ବର୍ଷ ଉକ୍ତ କାର୍ଯ୍ୟକ୍ରମରେ ସମାଜରେ ରକ୍ତର ଅଭାବକୁ ଦୂର କରିବା ପାଇଁ ଏକ ରକ୍ତଦାନ ଶିବିର ମଧ୍ୟ ଆୟୋଜିତ ହୋଇଥାଏ ତେଣୁ ଏହି ମହତ ଉଦ୍ଦେଶ୍ୟ ନେଇ କରାଯାଉଥିବା କାର୍ଯ୍ୟକ୍ରମରେ ଶହ ଶହ ସଂଖ୍ୟାରେ ବରଗଡ ଜନସାଧାରଣ, କଲେଜ ଛାତ୍ର ଛାତ୍ରୀ, ବୁଦ୍ଧିଜୀବୀ, ଭାରତୀୟ ସେନା ବାହିନୀ ଏହିପରି ଅନେକ ଉକ୍ତ କାର୍ଯ୍ୟକ୍ରମରେ ଯୋଗଦାନ କରିଥାନ୍ତି ଏବଂ ଉତ୍ସାହିତ ହୋଇ ରକ୍ତଦାନ ମଧ୍ୟ କରିଥାନ୍ତି lତେବେ ଉକ୍ତ ରକ୍ତଦାନ ଶିବିରରେ ୪୬ ୟୁନିଟ ରକ୍ତ ସଂଗ୍ରହ କରାଯାଇଥିଲା l ତେବେ ଦେଶ ମାତୃଭୂମି ପାଇଁ ଶହୀଦ ହୋଇଥିବା ବରଗଡ ଜିଲ୍ଲାର ୮ ଜଣ ସହୀଦ ଯବାନଙ୍କ ପରିବାର ବର୍ଗଙ୍କୁ ସମ୍ମାନେ ସମ୍ବର୍ଦ୍ଧିତ କରିଥିଲେ ସଂକଳ୍ପ ପରିବାର l
IPL ପାଇଁ ଘୋଷଣା ହେଲା ତାରିଖ, ମାର୍ଚ୍ଚ ୨୨ରୁ ମହାସମର ଆରମ୍ଭ

ବାରବାଟୀରୁ ଭାରତୀୟ ଖେଳାଳୀ ଗଲା ପରେ ଏବେ IPL କୁ ଅପେକ୍ଷା କରିଛନ୍ତି ଦର୍ଶକ । ଭାରତୀୟ ଖେଳାଳି ମାନେ ଭାଗ ଭାଗ ହୋଇ ହାତେଇବେ ଆଇପିଏଲ ଟ୍ରଫି। ଆଉ ଜିଣିବେ ଦର୍ଶକଙ୍କ ମନ। ଗତ ବର୍ଷ ଆଇପିଏଲ ଟ୍ରଫିକୁ କୋଲକାତା କିଙ୍ଗ ରାଇଡର୍ସ ହାତେଇ ନେଇଥିଲା। କିନ୍ତୁ ଚଳିତ ବର୍ଷରେ ଆଇପିଏଲ ରେ ଘମା ଘୋଟ୍ ଲଢେଇ ହେବ। ଦମଦାରପ୍ରଦର୍ଶନ ଦେଖିବାକୁ ମିଳିବ। ହଁ ଦର୍ଶକ ବନ୍ଧୁ କାରଣ IPL ପାଇଁ ଘୋଷଣା ହୋଇଛି ତାରିଖ।

ଇଣ୍ଡିଆନ୍ ପ୍ରିମିୟର ଲିଗ୍ ର ୧୮ତମ ସଂସ୍କରଣ କେବେ ଆରମ୍ଭ ହେବ ଏବଂ ଏହାର କାର୍ୟ୍ୟସୂଚୀ କେବେ ପ୍ରକାଶ ପାଇବ ସେ ନେଇ ସୂଚନା ମିଳିଛି । ସୂଚନା ଅନୁସାରେ , ମାର୍ଚ୍ଚ ୨୨ରୁ ଆରମ୍ଭ ହେବାକୁ ଥିବା ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ମେ ୨୫ରେ ଖେଳାଯିବ ।

ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଆଇପିଏଲ୍ ୨୦୨୫ ମାର୍ଚ୍ଚ ୨୨ରୁ ଆରମ୍ଭ ହେବ। ନିୟମ ଅନୁଯାୟୀ ଡିଫେଣ୍ଡିଂ ଚାମ୍ପିୟନ କୋଲକାତା ନାଇଟ୍ ରାଇଡର୍ସ ଉଦଘାଟନୀ ମ୍ୟାଚରେ ନିଜ ଘରୋଇ ପଡ଼ିଆ ଇଡେନ୍ ଗାର୍ଡେନ୍ସରେ ଖେଳିବ । ତେବେ ବିସିସିଆଇ ଏପର୍ୟ୍ୟନ୍ତ ଆନୁଷ୍ଠାନିକ ଭାବେ କାର୍ୟ୍ୟସୂଚୀ ଘୋଷଣା କରିନାହିଁ।

ରିପୋର୍ଟ ଅନୁଯାୟୀ,ଜାନୁଆରୀ ୧୨ରେ ମୁମ୍ବାଇରେ ବିସିସିଆଇର ଏସଜିଏମ ପରେ ବୋର୍ଡର ଉପାଧ୍ୟକ୍ଷ ରାଜୀବ ଶୁକ୍ଳା ଆଇପିଏଲ ମାର୍ଚ୍ଚ ରୁ ଆରମ୍ଭ ହୋଇପାରେ ବୋଲି ସଙ୍କେତ ଦେଇଥିଲେ । ବ୍ରଡକାଷ୍ଟରମାନେ ଶନିବାରଠାରୁ ସିଜିନ୍ ଆରମ୍ଭ କରିବାକୁ ଅନୁରୋଧ କରିଥିଲେ, ଯାହାକୁ ବୋର୍ଡ ଗ୍ରହଣ କରିଛି । ଦିନେ ଦୁଇ ଦିନ ମଧ୍ୟରେ ସମ୍ପୂର୍ଣ୍ଣ କାର୍ୟ୍ୟସୂଚୀ ପ୍ରକାଶ ପାଇବ ବୋଲି ସମସ୍ତେ ଆଶା ରଖିଛନ୍ତି ।
ସରକାରଙ୍କ ପ୍ରତିଶ୍ରୁତି, ଭତ୍ତା ରାଜନୀତି

ବୟସ ୬୩, ନଇଁ ଗଲାଣି ଅଣ୍ଟା, ଠିକ ସେ ଚାଲିପାରୁନାହାନ୍ତି, ବାଡି ଖଣ୍ଡେ ହିଁ ସାହା ଭରସା, ନଇଁ ନଇଁ ନିଜ ଗାଁ ନରସିଂହପୁରରୁ ଡେରାବିଶ ବ୍ଲକକୁ ପ୍ରାୟ ୧୭ କିଲୋମିଟର ପର୍ଯନ୍ତ ଆସିଛନ୍ତି ସରକାରଙ୍କ ନିଦ ଭାଙ୍ଗିବାକୁ, ହଁ ଆଜ୍ଞା, ଯେଉଁ ସରକାର ଘୋଷଣା କରିଥିଲେ ୮୦ ପ୍ରତିଶତରୁ ଉର୍ଦ୍ଧ୍ବ ଦିବ୍ୟାଙ୍ଗ ହୋଇଥିବେ ସେମାନଙ୍କୁ ୩୫୦୦ ଟଙ୍କା ଭତ୍ତା ଦେବେ ବୋଲି, ହେଲେ ସେ ନିଜେ ଏଥିରୁ ବଞ୍ଚିତ ଅଛନ୍ତି, ଏହା କେଉଁ ଉପାନ୍ତ ଅଞ୍ଚଳର ଅବ୍ୟବସ୍ଥା ନୁହଁ, ଏହା କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକରେ ଦେଖିବାକୁ ମିଳିଛି | ଦିବ୍ୟଙ୍ଗ ଭାଗ୍ୟଧର ଖଟୁଆଙ୍କ ଉପରେ ଯେମିତି ଦୁର୍ଭାଗ୍ୟର କଳାବାଦଲ ଘୋଟିଯାଇଛି | ନିଜେ ଦିବ୍ୟଙ୍ଗ ହୋଇ ନିଜେ ନିଜ ପାଇଁ ଲଢେଇ କରୁଛନ୍ତି, ଦିବ୍ୟଙ୍ଗ ପ୍ରମାଣପତ୍ର ଥାଇ ୧୨୦୦ ଟଙ୍କା ଭତ୍ତା ମଧ୍ୟ ପାଉଛନ୍ତି, ହେଲେ ସରକାରୀ ନିୟମ ଅନୁସାରେ ୩୫୦୦ ଟଙ୍କା ପାଇବା କଥା, ପ୍ରଶାସନିକ ଅବହେଳା ଯୋଗୁଁ ଭାଗ୍ୟଧରଙ୍କ ବର୍ଦ୍ଧିତ ଭତା ଦେଇପାରିନଥିବା ସରପଞ୍ଚ ସ୍ୱୀକାର କରିଥିବାବେଳେ ଭାଗ୍ୟଧର କିନ୍ତୁ ସରକାର, ପ୍ରଶାସନ ଓ ସରପଞ୍ଚଙ୍କ ଅବହେଳାରୁ ବର୍ଦ୍ଧିତ ଭତା ପାଇନଥିବା କହିଛନ୍ତି,

ଏ ଘଟଣାକୁ ନେଇ ଡେରାବିଶ ରାଜନୈତିକ ମହଲରେ ସରକାରଙ୍କୁ ତୀବ୍ର ନିନ୍ଦା କରାଯାଇଛି, ଯଥାଶୀଘ୍ର ତଦନ୍ତ କରି ଭାଗ୍ୟଧରଙ୍କୁ ଭତ୍ତା ବୃଦ୍ଧି କରିବାକୁ ସ୍ଥାନୀୟ ଲୋକେ ଦାବି କରିଥିବାବେଳେ ନିଜେ ଭାଗ୍ୟଧର ଡେରାବିଶ ବ୍ଲକରେ ପହଁଚି ବିଡ଼ିଓ ଓ ସାମାଜିକ ସୁରକ୍ଷା ବିଭାଗରେ ନିଜ ଭତ୍ତା ୧୨୦୦ ରୁ ୩ ହଜାର ୫ ଶହ ଟଙ୍କାକୁ ବୃଦ୍ଧି କରିଵା ପାଇଁ ଆକୁଳ ନିବେଦନ କରିଛନ୍ତି |