Year: 2025

ସାଇକେଲ କିଣିବାକୁ ଯାଇ ଆଉ ଫେରି ନାହାନ୍ତି ନିରୂପମା, ୫ମାସ ହେବ ବାଟ ଚାହିଁ ବସିଛନ୍ତି ପରିବାର

ସାଇକେଲ୍ କିଣା ହେଲା କାଳ ସାଇକେଲ୍ କିଣିବାକୁ ଯାଇଁ ଆଉ ଫେରେଲେନି ନିରୁପମା। ଦୀପାବଳି ଦିନ ବହୁ ଖୁସିରେ ସାନପୁଅକୁ ଧରି ବାହାରିଯାଇଥିଲେ ପିଲାଙ୍କ ପାଇଁ ନୂଆ ସାଇକେଲ୍ କିଣିବାକୁ ହେଲେ କିଏ ଜାଣିଥିଲେ ଆଉ ଫେରିବେନି ନିରୁପମା, ନିରୁପମା ଫେରିବା ବାଟକୁ ଚାଇଁ ବସିଛନ୍ତି ବଡ ପୁଅ ସମେତ ଶାଶୁ, ଶ୍ୱଶୁର, ଯାଆ, ନଣଦ | ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି କଟକ ଜିଲ୍ଲା, ଭଦ୍ରେଶ୍ୱର ଥାନା, କୁରୁଜଙ୍ଗା ପଞ୍ଚାୟତରେ

ସୂଚନା ଅନୁସାରେ, ମାହାଙ୍ଗା ଥାନା ଧାରପୁର ଗ୍ରାମର କନ୍ୟା ନିରୁପମା ମଲିକ ୧୫ବର୍ଷ ତଳେ ଭଦ୍ରେଶ୍ୱର ଥାନା କୁରଜଙ୍ଗା ପଞ୍ଚାୟତ ଭରତପଡା ଗ୍ରାମର ଭୀମ ମଲିକଙ୍କ ପୁଅ ରତ୍ନାକରଙ୍କୁ ବିବାହ କରିଥିଲେ, ସ୍ୱାମୀ ରତ୍ନାକର ଗୁଜରାଟର ଏକ ଘରୋଇ କମ୍ପାନୀରେ କାମକରୁଥିବା ବେଳେ ନିରୁପମା ଘରେ ଦୁଇ ପୁଅ ଓ ଶାଶୁ ଶ୍ୱଶୁର ଯାଆ ନଣଦଙ୍କୁ ନେଇ ବେଶ ଖୁସିରେ ସଂସାର ଚଳାଇନେଉଥିଲେ | କିନ୍ତୁ ବିଧାତା କିଛି ଅଲଗା ଲେଖିଥିଲା ବୋଧହୁଏ, ନିଶ୍ଚିନ୍ତକୋଇଲି ବଜାରକୁ ସାଇକେଲ୍ କିଣିବାକୁ ଯାଇ ଆଇ ଫେରିନାହନ୍ତି ସେ, କୁଆଡେ ଗଲେ, କଣ ହେଲା ତାଙ୍କର, କିଛି ଖୋଜ ଖବର ପାଉନାହାନ୍ତି ପରିବାର ଲୋକଙ୍କ ସମେତ ଶାଶୁ ଘର ଲୋକେ |

ଏ ନେଇ ଭଦ୍ରେଶ୍ୱର ଥାନାରେ ଲିଖିତ ଅଭିଯୋଗ କରିଥିଲେ ସୁଦ୍ଧା ଥାନାରୁ କୌଣସି ସୁଫଳ ମିଳିପାରିନାହିଁ | ପୋଲିସ ଏ ଘଟଣାର ତଦନ୍ତ କରି ନିରୁପମାକୁ ଖୋଜି ବାହାର ନ କରିଲେ ଆଗାମୀ ଦିନରେ ଥାନା ସମୁଖରେ ଧାରଣା ଦେବା ସହିତ ଉପରିସ୍ଥ ଅଧିକାରୀଙ୍କ ଦ୍ୱାରସ୍ତ ହେବେ ବୋଲି ସୂଚନା ଦେଇଛନ୍ତି |

ବରିଷ୍ଠ ସମାଜସେବୀ ମଧୁମିତା ରଥ ସୂଚନା ଟିଭି ୨୪ x ୭କୁ କହିଛନ୍ତି ନିଜ ବାପ-ମା’ଙ୍କୁ ପଚାରୁନାହାନ୍ତି ଆଜିକାଲିର ପିଲାମାନେ । ତାଙ୍କ କହିବା କଥା, ଯେଉଁ ବାପ-ମା’ ପେଟ କାଟି ତଥା ମୁଣ୍ଡ ଝାଳ ତୁଣ୍ଡରେ ମାରି ନିଜ ସନ୍ତାନଙ୍କୁ ମଣିଷ କରିଛନ୍ତି, ସେଇ ସନ୍ତାନ ବିଦେଶ ଗଲା ପରେ ସେମାନଙ୍କୁ ଭୁଲିଯା’ନ୍ତି ତଥା ତାଙ୍କ ଶୁଦ୍ଧି କ୍ରିୟାରେ ନିଜେ ନ ଆସି ଚାକରକୁ କୁହନ୍ତି କେଶଦାନ କରିବାକୁ ।
ପ୍ରବାଦ ପୁରୁଷ ବିଜୁ ବାବୁଙ୍କୁ ଅପମାନ; ବିଜେଡିର ପ୍ରତିବାଦ

ପ୍ରବାଦ ପୁରୁଷ ସ୍ୱର୍ଗତ ବିଜୁ ପଟନାୟକଙ୍କୁ ଅସମାନ କରିଥିବାରୁ ଆଜି ରାଇରଙ୍ଗପୁର ନିର୍ବାଚନ ମଣ୍ଡଳୀ ବିଜେଡି ତରଫରୁ ପ୍ରତିବାଦ କରାଯାଇଛି |

ଆଜି ମୟୁରଭଞ୍ଜ ଜିଲ୍ଲାର ରାଇରଙ୍ଗପୁର ନିର୍ବାଚନ ମଣ୍ଡଳୀର ରାଇରଙ୍ଗପୁର ଦୁର୍ଗା ମଣ୍ଡପ ଛକ ଠାରୁ ରାଲି କରି ସହ ସହ ବିଜେଡି ନେତା ଓ କର୍ମୀ ମାନେ ଚାଲି ଚାଲି ଉପଜିଲ୍ଲାପାଳ କାର୍ଯାଳୟ ସମ୍ମୁଖ ରେ ଓଡିଶା ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ କୁଶ ପୁତ୍ତଳିକା ଦାହ କରିବା ସହିତ ବିଜେଡି ନେତା ମାନେ ବିଜେପି ସରକାରଙ୍କ ଉପରେ ବର୍ଷିଥିଲେ |

ଏହି ପ୍ରତିବାଦ ରାଲିରେ ବିଜେଡିର ବରିଷ୍ଠ ନେତା ଈଶାନ ମିଶ୍ର, ମନୁ ଚୌଧୁରୀ, ସୁବାଷ ମଣ୍ଡଳ, ରାଇସେନ ମୁର୍ମୁ, ପୂର୍ବତନ ବିଧାୟକ ସାଇବା ସୁଶୀଲ କୁମାର ହାଁସଦା, ରାଇରଙ୍ଗପୁର ପୌରପରିଷଦର ଅଧ୍ୟକ୍ଷ ଅଭିଷେକ ପଟନାୟକ, ଉପାଧ୍ୟାକ୍ଷା ମମିତା ଚୌଧୁରୀ, ବିଜେଡି ନାରୀ ନେତ୍ରୀ ତନୁଜ ମହାନ୍ତ ଏବଂ ଶତାଧିକ ବିଜେଡି ମହିଳା ଓ ପୁରୁଷ କର୍ମୀ ଉପସ୍ଥିତ ଥିଲେ |
ଅଟୋ ଓଲଟି ୫ମହିଳା ଆହତ

ଅଟୋ ଓଲଟି, ୫ମହିଳା ଆହତ | ଗତକାଲି ବିଳମ୍ବିତ ରାତିରେ ଆନନ୍ଦପୁର ଉପଖଣ୍ଡ ଦେଓଗାଁ ଠାରେ ଜାଗର ମେଳା ବୁଲି ଫେରୁଥିବା ବେଳେ କ୍ରସର ଛକ ନିକଟରେ ଅଟୋ ଓଲଟି ପଡିଛି | ଏହି ଅଟୋରେ ଥିବା ୫ଜଣ ମହିଳା ଆହତ ହୋଇଥିବା ଜଣା ପଡିଛି | ସମସ୍ତ ଆହତଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି |ଆହତ ମହିଳା ହେଉଛନ୍ତି ଘଷିପୁରା ଥାନା ନାରଙ୍ଗପୁର ଗାଁର ବୋଲି ହୋଇଥିବା ଜଣା ପଡିଛି | ସାମ୍ନାପଟୁ ଆସୁଥିବା ଏକ ପିକପ୍ ଭ୍ଯାନ୍ ଦୃତଗତି ଆସି ସାଇଡ୍ ମାରିବାରୁ ଦୁର୍ଘଟଣା ଘଟିଥିବା ଅଭିଯୋଗ ହୋଇଛି |
ବଲ୍ଲଦା ବକ୍ସାଇଟ୍ ଖଣି ପ୍ରକଳ୍ପ ପାଇଁ ଜନଶୁଣାଣୀ ଅନୁଷ୍ଠିତ

ଓଡିଶା ପ୍ରଦୂଷଣ ନିୟନ୍ତ୍ରଣ ବୋର୍ଡ ଦ୍ୱାରା ଆୟୋଜିତ ବଲ୍ଲଦା ବକ୍ସାଇଟ୍ ଖଣି ପାଇଁ ଜନଶୁଣାଣୀ ଗୁରୁବାର ଦିନ ସଫଳତାର ସହିତ ଅନୁଷ୍ଠିତ ହୋଇଛି | କଳିଙ୍ଗ ଆଲୁମିନା ଲିମିଟେଡ୍‌କୁ ଓଡିଶାର କୋରାପୁଟ ଜିଲ୍ଲାରେ ୧୪୪.୯୪୫ ହେକ୍ଟର୍ ଅଂଚଳରେ ବ୍ୟାପ୍ତ ବଲ୍ଳଦା ବକ୍ସାଇଟ୍ ଖଣି ଆବଣ୍ଟନ କରାଯାଇଛି | ଏହି ପ୍ରକଳ୍ପରେ ବକ୍ସାଇଟ୍ ଖନନ ପାଇଁ ଓପନ କାଷ୍ଟ ପଦ୍ଧତି ବ୍ୟବହାର କରାଯିବ ଯାହାର କ୍ଷମତା ବାର୍ଷିକ ୪ ମିଲିୟନ୍ ଟନ୍ (ଏମଟିପିଏ) ଏବଂ ପିଟ୍ ହେଡ୍ (ଖାଦାନ ମୁଣ୍ଡରେ) ଘଂଟା ପ୍ରତି ୮୦୦ ଟନ୍ (ଟିପିଏଚ୍‌)ର କ୍ରସ/ର୍ସ୍କ୍ରିନିଂ ପ୍ଳାଣ୍ଟ ରହିବ |

ନନ୍ଦପୁର ତହସିଲର ପାର୍ଶ୍ୱବର୍ତୀ ଭେଜା, ବଲ୍ଲଦା, ବଡେଲ, ଅତଣ୍ଡା, ଏବଂ କୁଲାବୀର ପଂଚାୟତର ହଜାର ହଜାର ଗ୍ରାମବାସୀ ପାରମ୍ପରିକ ବେଶରେ ଏହି ଜନଶୁଣାଣୀରେ ଯୋଗ ଦେଇଥିଲେ| ଓଡିଶା ପ୍ରଦୂଷଣ ନିୟନ୍ତ୍ରଣ ବୋର୍ଡର କୋରାପୁଟ ଅଂଚଳ ଅଧିକାରୀ ଦୀପେଶ୍ ବିଶ୍ୱାଳ ଏବଂ ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ୍ ଆଲୋମଣି ସେଠୀ ଏହି ସଭାକୁ ସଭାପତିତ୍ୱ କରିଥିଲେ |

ଅଧିକାରୀମାନେ ସେମାନଙ୍କର ମତାମତ ଗ୍ରହଣ କରି ପ୍ରକଳ୍ପର ସମ୍ଭାବ୍ୟ ବିକାଶ ଏବଂ ନିଯୁକ୍ତି ସୁଯୋଗ ବିଷୟରେ ପ୍ରଶ୍ନଗୁଡ଼ିକର ସମାଧାନ କରିଥିଲେ | ଏହା ନିଯୁକ୍ତି ସୃଷ୍ଟି ଏବଂ ମେକ୍ ଇନ୍ ଇଣ୍ଡିଆକୁ ପ୍ରୋତ୍ସାହନ ଦେଇ ରାଜ୍ୟ ସରକାରଙ୍କ ବିକାଶ ସୂଚକାଙ୍କକୁ ଉନ୍ନତ କରିବାରେ ସହାୟକ ହେବ | ଏହା ଛଡ଼ା ଖନନରୁ ଅର୍ଜିତ ରାଜସ୍ୱ ରାଜ୍ୟ ସରକାରଙ୍କ ଦ୍ୱାରା ଆହୁରି ବିକାଶମୂଳକ ପଦକ୍ଷେପରେ ବିନିଯୋଗ କରାଯିବ | ଏଥିରେ ମହିଳାଙ୍କୁ ସାମିଲ କରି ଅନୁସୂଚିତ ଜନଜାତି ପରିବାରମାନଙ୍କୁ ରୋଜଗାର ସୁଯୋଗ ପ୍ରଦାନ ଉପରେ ଗୁରୁତ୍ୱ ଦିଆଯିବ, ଯାହା ସ୍ଥାନୀୟ ଲୋକଙ୍କର ସାମାଜିକ-ଆର୍ଥକ ସ୍ଥିତିକୁ ଉନ୍ନତ କରିବ | କଳିଙ୍ଗ ଆଲୁମିନା ଅଧିକାରୀ ବଲ୍ଲଦା ପ୍ରକଳ୍ପ ଏବଂ ଅଂଚଳ ପାଇଁ ଏହାର ଉଲ୍ଲେଖନୀୟ ଲାଭ ବିଷୟରେ ଏକ ବିସ୍ତୃତ ବିବରଣୀ ପ୍ରଦାନ କରିଥିଲେ |

ଅପର ପକ୍ଷରେ ସପକ୍ଷ ଓ ବିପକ୍ଷବାଦୀ ନିଜ ମତ ଜନ ଶୁଣାଣିରେ ସାବ୍ୟସ୍ତ କରିଥିଲେ | ଜିଲ୍ଲା ଏସପି ରୋହିତ ବର୍ମାଙ୍କ ନିର୍ଦେଶକ୍ରମେ ଜନ ଶୁଣାଣିରେ ତିରିଶ ପ୍ଲାଟୁନ ପୋଲିସ ଫୋର୍ସ ଶାନ୍ତି ଶୃଙ୍ଖଳା ବଜାୟ ରଖିଥିଲେ |
ଚେରଖଣ୍ଡି ଗ୍ରାମରେ ବିଶ୍ଵଶାନ୍ତି ମହାଯଜ୍ଞ ଅନୁଷ୍ଠିତ

ଅନୁଗୋଳ ଜିଲ୍ଲା ଆଠମଲ୍ଲିକ ବ୍ଲକ ଠାକୁରଗଡ଼ ପଂଚାୟତ ଅନ୍ତର୍ଗତ ଚେରଖଣ୍ଡି ଗ୍ରାମରେ ଆଜି ବିଶ୍ୱକଲ୍ୟାଣ ନିମିତ୍ତ ଏକ ବିଶ୍ଵାଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି I କାର୍ଯ୍ୟକ୍ରମର ପ୍ରାରମ୍ଭରେ ସକାଳ 7 ଘଟିକା ସମୟରେ ନାମ ସଂକୀର୍ତ୍ତନ ହରିବୋଲ ହୁଳହୁଳି ଶବ୍ଦର ତାଳେ ତାଳେ ନଗର ପରିକ୍ରମା କରି ନାଳରୁ ଗଙ୍ଗାମାତାଙ୍କୁ ନିମନ୍ତ୍ରିତ କରି କଳସୀ ଯାତ୍ରା ମାଧ୍ୟମରେ ଯଜ୍ଞ ମଣ୍ଡପକୁ ବିରାଜମାନ କରିଥିଲେ | ଯଜ୍ଞ ଆରମ୍ଭ ହୋଇଥିବା ବେଳେ, ଆମ୍ବଶରମୁଣ୍ଡା ପଂଚାୟତର ପ୍ରାୟ 15ଟି ମହିଳା ଓ ପୁରୁଷ ସଂକୀର୍ତନ ମଣ୍ଡଳୀ ଯୋଗ ଦେଇ ନିଜ ନିଜର ଅଭିଜ୍ଞତା ଅନୁସାରେ ସଂକୀର୍ତ୍ତନ କଳା ପ୍ରଦର୍ଶନ କରିଥିବା ଦେଖିବାକୁ ମିଳିଛି |

ହଜାର ହଜାର ସଂଖ୍ୟାରେ ଭକ୍ତ ଓ ଶ୍ରଦ୍ଧାଳୁ ଯୋଗ ଦେଇ ପ୍ରଭୁଙ୍କ ଆଶିଷ ଭିକ୍ଷାଗ୍ରହଣ କରି ଅରୁଆ ଅନ୍ନ ସେବନ କରିଥିଲେ | ଉକ୍ତ କାର୍ଯ୍ୟକ୍ରମରେ ଗ୍ରାମ ସଭାପତି ବାବୁଲି କୁମାର ଦେହୁରୀ, ସମ୍ପାଦକ ଧନେଶ୍ୱର ଦେହୁରୀ, ସଭ୍ୟଶ୍ରୀ ଦିବାକର ଦେହୁରୀ, କ୍ଷୀରୋଦ କୁମାର ଦେହୁରୀ, ନବୀନ ନାୟକ, ସୁରେଶ ମହାଖୁଡ଼, ଗଣେଶ୍ୱର ସେଠି, ରମାକାନ୍ତ ନାୟକ, କୈଳାସ ଚନ୍ଦ୍ର ମହାଖୁଡ଼, ବିରେନ ମହାଖୁଡ଼, ପିଣ୍ଟୁ ଗହୀର, ଲିଟୁ ପ୍ରଧାନ, ସୁଦର୍ଶନ ମାଝୀ ସମେତ ଗ୍ରାମର ସମସ୍ତ ଜନସାଧାରଣଙ୍କ ସହଯୋଗରେ ଶାନ୍ତି ଶୃଙ୍ଖଳାରେ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି |
ଧାନ ବଦଳରେ କିଣା ଚାଲିଛି ଟୋକନ, ମଣ୍ଡିରେ ଧାନ ବହୁତ ଷ୍ଟକ ଅଛି ପରେ ଦେଖିବା

ଚାଷୀଙ୍କ ବୋନସ ଟଙ୍କା ହଡପ କରିବାକୁ ଚାଲିଛି ମସୁଧା, ଚାଷୀଙ୍କୁ ଶୋଷଣ କରିବାର ଆଉ ଏକ ନୂଆ ତରିକା ଆପଣାଇଛନ୍ତି ଧାନ ମଣ୍ଡିର ସମ୍ପାଦକ | ପ୍ରଥମେ ଟୋକନ ତାରିଖ ମାସେ ଅଛି ବ୍ୟସ୍ତ ହୁଅନି, ତା ପରେ ମଣ୍ଡିରେ ଧାନ ବହୁତ ଷ୍ଟକ ଅଛି ଆଉ ଶେଷରେ ଧାନ କିଣିବା ଆଉ ସମ୍ଭବ ନୁହେଁ ବୋଲି କହୁଛନ୍ତି ସୋସାଇଟି ସମ୍ପାଦକ | ଆଇ ସ୍କାନ କରି ଟୋକନ ଆମକୁ ବିକ୍ରି କରି ଦିଅ, ଆଉ କୁଇଣ୍ଟାଲ ପିଛା ୩୦୦ ଟଙ୍କା ନେଇଯାଅ ବୋଲି କହୁଛନ୍ତି ସୋସାଇଟି ସମ୍ପାଦକ | ଏମିତି କିଛି ଅଭିଯୋଗ ଆସିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଳକ ଅନ୍ତର୍ଗତ ଜଳେଶ୍ବରପୁର ପ୍ରାଥମିକ କୃଷି ସମବାୟ ସମିତିରୁ । ଶୁଣନ୍ତୁ କଣ କହୁଛନ୍ତି ଚାଷୀ ସଞ୍ଜୁଲତା ବଳ–

ଚାଷୀ ମିନତୀ ବଳଙ୍କୁ ଫୋନ କରି କୁହାଯାଇଛି କି, ବର୍ଷା ହେଲା, ଧାନ ଗଜା ହେଲାନି, ଧାନ ତ ମଣ୍ଡି ନେଉନି, ଆମେ ଧାନ କେମିତି କିଣିବୁ, ତୁମର କୁପନ କଟିଯିବ, ତମେ ଗୋଟେ କାମ କର, କ୍ଵିଣ୍ଟାଲ ପିଛା ୩ ଶହ ଟଙ୍କା ନେଇ ଆଖି ସ୍କାନ କରିଦିଅ, ବେପାରୀଙ୍କୁ ଧାନ ବିକ୍ରି କରିଦିଅ

ସେପଟେ ଚାଷୀଙ୍କର ଏ ସମସ୍ତ ଅଭିଯୋଗକୁ ସୋସାଇଟି ତରଫରୁ ଖଣ୍ଡନ କରାଯାଇଛି | ସମସ୍ତ ଅଭିଯୋଗ ମିଥ୍ୟା, କିଛି ମାଫିଆମାନେ ଚାଷୀଙ୍କ ଠାରୁ ଟଙ୍କା ହଡପ କରିବାକୁ ଚେଷ୍ଟା କରୁଥିବା ସେ କହିଛନ୍ତି |

କହିରଖୁଛୁ କି, ଜାନୁଆରୀ ୨୭ ତାରିଖରେ ଉକ୍ତ ଦୁଇ ଚାଷୀଙ୍କର ଟୋକାନ ତାରିଖ ଥିଲା । ଧାନ ବିକ୍ରି କରିବା ପାଇଁ ପ୍ରଥମେ ସମବାୟ ସମିତିର ସମ୍ପାଦକ ବୃନ୍ଦାବନ ଭଳଙ୍କୁ ଦେଖା କରିଥିଲେ । ଧାନ ବସ୍ତା କରି ରଖ ତୁମ ସିରିଏଲ ପଡିଲେ କଲ ଯିବ, ତାପରେ ଧାନ ଦେବ । ପୁଣି କିଛି ଦିନ ଗଲା ପରେ ମଣ୍ଡିରେ ଧାନ ଷ୍ଟକ ଅଛି ସମୟ ହେଲେ କଲ ଯିବ । ଏପରି ବାରମ୍ବାର ଦୌଡ଼ି ଦୌଡ଼ି ଥକି ପଡ଼ିଲେ ଦୁଇ ମହିଳା । ଶେଷରେ ଟୋକନ କଟିବାର ଦୁଇ ଦିନ ପୂର୍ବରୁ କଲ ଆସିଲା, ଅଫିସକୁ ଆସି ଦେଖା କର । ଅଫିସ ଗଲା ପରେ ଏଥର ସମ୍ପାଦକ କହିଲେ ଆଉ ଧାନ ଦେବା ସମ୍ଭବ ନୁହେଁ ତୁମେ ଆଇ ସ୍କାନ କରି କୁଇଣ୍ଟାଲ ପିଛା ୩୦୦ଟଙ୍କା ନେଇ ଯାଅ । ଆଉ ରଖିଥିବା ଧାନକୁ ବାହାରେ ବିକ୍ରି କରିଦିଅ । ଜଣେ କି ଦୁଇ ଜଣ ନୁହେଁ ଏମିତି ବହୁ ଚାଷୀଙ୍କ ଠାରୁ ଟୋକନ କିଣି ବାହାରୁ ଧାନ ସଂଗ୍ରହ କରି ମିଲକୁ ପଠାଉଛନ୍ତି ସମ୍ପାଦକ । କୁଇଣ୍ଟାଲ ପିଛା ଚାଷୀଙ୍କୁ ୩୦୦ଟଙ୍କା ଦେଇ ଚାଷୀଙ୍କ ବୋନସ ଟଙ୍କା ହଡପ କରି ମାଲେ ମାଲ ହେଉଛନ୍ତି ବୋଲି ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ସରକାରୀ ସ୍ତରରେ ଏହାର ତଦନ୍ତ ଆବଶ୍ୟକତା ହେବା ସହ ସମ୍ପାଦକଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଇଛି
ଗ୍ରୀଷ୍ମ ଆରମ୍ଭରୁ ଅଚଳ ନଳକୂପ, ମାଠିଏ ପାଣି ପାଇଁ ଯିବାକୁ ପଡୁଛି ଦେଢରୁ ଦୁଇ କିଲୋମିଟର ରାସ୍ତା

ଖରାଦିନ ଆଗରୁ ଦେଖା ଦେଲାଣି ଜଳ ସମସ୍ୟା | ମାଠିଏ ପାଣି ପାଇଁ ଦେଢରୁ ଦୁଇ କିଲୋମିଟର ଯିବାକୁ ପଡୁଛି | ଦୁଇମାସରୁ ଅଧିକ ହେବ ଅଚଳ ହୋଇପଡ଼ିଛି ସାହିରେ ଥିବା ଏକମାତ୍ର ନଳକୂପ | ଅନ୍ୟପଟେ ସାହିକୁ ପାଇପ ପାଣି ଯୋଗାଣ ପାଇଁ ୨ ବର୍ଷରୁ ଅଧିକ ହେବ ପାଇପ ପୋତା ସରିଥିଲେ ସୁଦ୍ଧା ପାଇପ ପାଣିର ଦେଖା ନାହିଁ |

ଗ୍ରୀଷ୍ମ ଆରମ୍ଭରୁ ଚମ୍ପୁଆ ବ୍ଲକରେ ଦେଖା ଦେଲାଣି ପାଣି ସମସ୍ୟା | ଵ୍ଲକରେ ପାଇପ ପାଣି ଯୋଗାଣରେ କଚ୍ଛପ ଗତି ଯୋଗୁ ଦିନକୁ ଦିନ ଏଠାରେ ପାଣି ସମସ୍ୟା ଗୁରୁତର କରୁଛି | ଚମ୍ପୁଆ ବ୍ଳକ ରିମୁଳି ପଞ୍ଚାୟତ ପ୍ରତାପପଶି ଭୂମିଜ ସାହିର ପାଖାପାଖି ଏକ ଶହ ପରିବାର ବସବାସ କରୁଥିବା ବେଳେ ସାହିରେ ରହିଛି ଗୋଟିଏ ମାତ୍ର ନଳକୂପ | ତେବେ ନଳକୂପଟି ଦୁଇ ମାସରୁ ଅଧିକ ହେବ ଅଚଳ ହୋଇ ପଡିରହିଥିବାବେଳେ ଏନେଇ ବାରମ୍ଵାର ପଞ୍ଚାୟତକୁ ଜଣାଇ ଆସୁଥିଲେ ସୁଦ୍ଧା ପଞ୍ଚାୟତ କତୃପକ୍ଷ ଏହାର ମରାମତି ପାଇଁ ଦୃଷ୍ଟି ଦେଇନାହିଁନ୍ତି | ସେହିପରି ଦେଢବର୍ଷରୁ ଅଧିକ ହେବ ସାହିକୁ ପାଇପ ପାଣି ଯୋଗାଣ ପାଇଁ ପାଇପ ପୋତାଯାଇ ଷ୍ଟାଣ୍ଡ ପୋଷ୍ଟବସିଥିଲେ ସୁଦ୍ଧା ପାଣି ଯୋଗାଣ ହେଉ ନଥିବାରୁ ପାଣି ମୁନ୍ଦେ ପାଇଁ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି ସାହି ବାସୀ | ଏ ନେଇ କ୍ଷୋଭ ପ୍ରକାଶ କରିଛନ୍ତି ଗ୍ରାମବାସୀମାନେ |

ନଳକୂଅ ଅଚଳ ସହିତ ପାଇପ ପାଣି ଯୋଗାଣରେ ଅହେତୁକ ବିଳମ୍ବରୁ ପାଣିପାଇଁ ଦେଢ କିଲୋମିଟରରୁ ଅଧିକ ହେବ ଏକ ଘରୋଇ ବିଦ୍ୟାଳୟ ଉପରେ ଭରସା କରୁଛନ୍ତି ସାହିବାସୀ | ତେବେ ଏହି ନଳକୂଅ ମରାମତି ପାଇଁ ପଞ୍ଚାୟତକୁ ଦଉଡି ଦଉଡି ନୟାନ୍ତ ହେଉଥିବାବେଳେ ପଞ୍ଚାୟତ କର୍ତ୍ତୁପକ୍ଷ ନଳକୂପ ମରାମତି ପାଇଁ ଗୁରୁତ୍ଵ ଦେଉନଥିବାର ଅଭିଯୋଗ ମଧ୍ୟ କରିଛନ୍ତି ଗ୍ରାମବାସୀ |

ଅନ୍ୟପଟେ ଏନେଇ ରିମୁଳି ପଞ୍ଚାୟତ ନିର୍ବାହୀ ଅଧିକାରୀ ସଞ୍ଜୟ କୁମାର ମୋଦି କହିଛନ୍ତି ନଳକୂପ ଅଚଳ ସମ୍ପର୍କରେ ମୋତେ କେହି ଜଣାଇ ନାହାନ୍ତି, ତେବେ ଶୀଘ୍ର ଏହାର ମରାମତି କରାଯିବ ବୋଲି ସେ ସୂଚନା ଦେଇଛନ୍ତି |

ଗ୍ରୀଷ୍ମ ଆରମ୍ଭରୁ ରାଜ୍ୟର ବିଭିନ୍ନ ସ୍ଥାନରେ ଜଳ କଷ୍ଟରେ ଲୋକମାନେ ତ୍ରାହି ତ୍ରାହି ଛାଡିବା ଆରମ୍ଭ କଲେଣି | ଏତିକିବେଳେ ପ୍ରଶାସନ ତୁରନ୍ତ ଏ ଦିଗରେ ଦୃଷ୍ଟି ଦେବା ନିହାତି ଆବଶ୍ୟକ | କେବଳ ଏଇ ଗୋଟିଏ ସ୍ଥାନରେ ଜଳ ସମସ୍ଯା ଆରମ୍ଭ ହୋଇନାହିଁ | ଏମିତି ଅନେକ ସ୍ଥାନ ରହିଛି, ଯେଉଁଠି ସରକାରଙ୍କ ଦୃଷ୍ଟି ନିକ୍ଷେପ କରିବା ନିହାତି ଆବଶ୍ୟକ |
୩ ଦୋକାନ ପୋଡି ପାଉଁଶ, ଲକ୍ଷାଧିକ ଟଙ୍କାର ଜିନିଷ ନଷ୍ଟ

ନିଆଁରେ ଜଳି ପୋଡି ପାଉଁଶ ହୋଇଗଲା ଲକ୍ଷାଧିକ ଟଙ୍କାର ସମ୍ପତ୍ତି | ପାରାଦ୍ଵୀପ ଦୋଛକି ନିକଟରେ ଗତ କାଲି ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୩ଟି ଦୋକାନ ଜଳି ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି | ସୂଚନା ଅନୁଯାୟୀ, ଏକ ଗ୍ୟାରେଜରେ ଥିବା ପୋଡ଼ା ମୋବିଲ ତେଲରେ ପ୍ରଥମେ ନିଆଁ ଲାଗିଯାଇଥିଲା | ଫଳରେ ନିଆଁକୁ ଆୟତ୍ତ କରିବା କଷ୍ଟକର ହୋଇପଡିଥିଲା |

ସେଠାରେ ଥିବା ବ୍ୟବସାୟୀ ମାନେ ଅଗ୍ନିଶମ ବିଭାଗକୁ ଖବର ଦେଇଥିଲେ | ହେଲେ ଅଗ୍ନିଶମ ଗାଡ଼ି ଆସିବାରେ ବିଳମ୍ବ ହୋଇଥିଲା। ଫଳରେ ନିକଟରେ ଥିବା ଅନ୍ୟ ଦୋକାନ ଘର ଓ ଏକ କେବିନ୍କୁ ନିଆଁ ଧରି ଯାଇଥିଲା। ନିଆଁର ତ୍ରିବତା ଏତେ ଅଧିକ ଥିଲା ଯେ ପାଖରେ ଥିବା ୩ଟି ଯାକ ଦୋକାନ ସମ୍ପୂର୍ଣ୍ଣ ଜଳି ପୋଡି ନଷ୍ଟ ହୋଇଗଲା | ତେବେ ଗ୍ୟାରେଜରେ ନିଆଁ ଲାଗିବାର କାରଣ ସ୍ପଷ୍ଟ ହୋଇନଥିବା ବେଳେ ନିଆଁ ଲିଭାଇବାକୁ ଯାଇ ଦୁଇଜଣ ବ୍ୟବସାୟୀ ସାମାନ୍ୟ ଆହାତ ହୋଇଥିବା ଜଣା ପଡିଛି | ପରେ ଅଗ୍ନିଶମ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଥିଲା |
ବିଜେପିରେ ଯୋଗ ଦେଲେ ଚାରି ସମାଜସେବୀ

କୋରାପୁଟ ଜିଲ୍ଲାର ବରିଷ୍ଠ ସମାଜସେବୀ ଡ଼ଃ ରାଜକିଶୋର ନାୟକ ଓ ସେବା ଓ ସହଯୋଗ ଲିଭ ଫର ଅଦର୍ସର ପ୍ରତିଷ୍ଠାତ୍ରି ସ୍ନିଗ୍ଧାରାଣୀ ମିଶ୍ର, ସମର୍ଥକ ଗଜାନନ ପାଣିଗ୍ରାହୀ, ଅମର ନାୟକ ଓ ଅନ୍ୟାନ୍ୟ କର୍ମୀଙ୍କ ସହ ବିଜେପି ଦଳରେ ଅନୁଷ୍ଠାନିକ ଭାବେ ଯୋଗ ଦେଇଛନ୍ତି |

ସେଥିଲାଗି ଆଜି ସିମିଳିଗୁଡା ଠାରେ ଅନୁଷ୍ଠିତ ଏକ ମିଳିତ ସାମ୍ବାଦିକ ସମ୍ମିଳନୀରେ କହିଛନ୍ତି |

ସୂଚନା ଅନୁଯାୟୀ, ଗତକାଲି କୋରାପୁଟରେ ମନ୍ତ୍ରୀ ରବି ନାୟକ, କୋରାପୁଟ ବିଧାୟକ ରଘୁରାମ ମାଛ, କୋଟପାଡ଼ ବିଧାୟକ, ଜିଲ୍ଲା ବିଜେପି ସଭାପତି ଶିବ ମୁଦୁଲୀ, ବିଜେପି ବରିଷ୍ଠ ନେତା ତ୍ରିନାଥ ପଣ୍ଡା, କାଲିରମ ମାଝୀ ଓ ଅନ୍ୟାନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି | ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟକଳାପକୁ ଅନୁ ପ୍ରାଣିତ ହୋଇ ଆଜି ଲେମନ କାଷ୍ଟଲ ହୋଟେଲ ଠାରେ ସାମ୍ବାଦିକ ସମ୍ମିଳନୀ କରି ବିଜେପିରେ ଚାରିଜଣ ସମାଜ ସେବି ବିଜେପିରେ ଯୋଗ ଦେଇଛନ୍ତି |
ଘଷିପୁରା ନିର୍ବାଚନ ମଣ୍ଡଳିରେ ବିଜୁ ବାବୁଙ୍କ ଜୟନ୍ତୀ ପାଳିତ

କେନ୍ଦୁଝର ଜିଲ୍ଲା ଘସିପୁରା ସୁଆଁପଦା ହାଟ ପଡିଆଠାରେ ବିଜୁ ଜନତା ଦଳ ପକ୍ଷରୁ ମହାନ ଜନନାୟକ ବିଜୁ ପଟ୍ଟନାୟକଙ୍କ ୧୦୯ ତମ ଜନ୍ମ ଜୟନ୍ତୀ ଉତ୍ସବ ପାଳନ କରାଯାଇଛି | ଘସିପୁରା ନିର୍ବାଚନ ମଣ୍ଡଳୀର ବିଧାୟକ ବଦ୍ରିନାରାୟଣ ପାତ୍ରଙ୍କ ନେତୃତ୍ବରେ ହଜାର ହଜାର ବିଜୁ ପ୍ରେମୀ ଓ ବିଜେଡି କର୍ମୀ ଙ୍କ ସମାଗମରେ ପାଳିତ ହୋଇଛି | ଘସିପୁରା ଏବଂ ଘଟଗାଁ ବ୍ଲକର ବିଜେଡି ସମର୍ଥିତ ଜିଲ୍ଲା ପରିଷଦ, ସରପଞ୍ଚ, ସମିତି ସଭ୍ୟ ବହୁ ବ୍ୟକ୍ତି ବିଶେଷ ଯୋଗଦେଇ ବିଜୁବାବୁଙ୍କ ଫୋଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ | ବିଜୁ ଜୟନ୍ତୀ ଅବସରରେ ସମୃଦ୍ଧ ଓଡିଶା ଗଠନରେ ବିଜୁ ବାବୁଙ୍କ ଭୂମିକା ଶିର୍ଷକ ଉପରେ ଆଲୋଚନାରେ ଅନେକ ନେତା ଅଂଶ ଗ୍ରହଣ କରିଥିଲେ |

ଆଧୁନିକ ଓଡିଶା ଗଠନରେ ବିଜୁ ବାବୁଙ୍କ ଭୂମିକା ଅତୁଳନୀୟ | ସେ ରାଜ୍ୟ ବାସୀଙ୍କ ହିତ ପାଇଁ ବିଭିନ୍ନ ପ୍ରସଙ୍ଗକୁ ଦୃଢତାର ସହ ମୁକାବିଲା କରିପାରିଥିଲେ ବୋଲି କହିଥିଲେ। ଆଗାମୀ ଦିନରେ ଦଳ କିପରି ସୁଦୃଢ଼ ହୋଇପାରିବ, ଏଥିପ୍ରତି ସମସ୍ତେ ସଚେତନ ହୁଅନ୍ତୁ ବୋଲି ବରିଷ୍ଠ ନେତୃ ମଣ୍ତଳି କହିଛନ୍ତି | ବିଜେଡି ନେତୃମଣ୍ତଳୀଙ୍କ ମଧ୍ୟରେ ଘସିପୁରା ବ୍ଲକ ଅଧ୍ୟକ୍ଷା ସୁଜାତା ସାହୁ, ହରିପ୍ରସାଦ ମିଶ୍ର, ଜିଲ୍ଲାପରିଷଦ ସଭ୍ୟ ସଂଜୟ ମଲ୍ଲିକ, ବୁଲୁ ପଟ୍ଟନାୟକ, ଅକ୍ଷୟକୁମାର ସାହୁ, ଗୋପିନାଥ ସ୍ବାଇଁ, ନନ୍ଦ କିଶୋର ବେହେରା, ଆକାଶ ରଥ, ବିଭାସଚନ୍ଦ୍ର ନାୟକ, ଜିଲ୍ଲା ପରିଷଦ ସଭ୍ୟ ମଧୁସ୍ମୀତା ଦାସ, ପଣ୍ତାପଡା ଜୋନ ଯାଜ୍ଞସିନୀ ମହାନ୍ତ, ଘଟଗାଁ ବ୍ଲକ ଅଧ୍ୟକ୍ଷା ଗୀତରାଣୀ ନାୟକ, ବିଜେଡି ନେତା ଦେବାଶିଷ ପାତ୍ର ସମେତ ଅନ୍ୟ ସଦସ୍ୟ ମାନେ ଯୋଗଦେଇ ନିଜର ଅଭିଭାଷଣ ରଖିଥିଲେ |