Year: 2025

ଆନନ୍ଦପୁର କଲେଜକୁ ‘Autonomous College’ ଘୋଷଣା

ଆନନ୍ଦପୁର କଲେଜର ୬୧ ତମ ବାର୍ଷିକ ଅଧିବେସନ ରେ ଯୋଗ ଦେଇ ଆନନ୍ଦପୁର କଲେଜକୁ Autonomous College ଘୋଷଣା କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏଥିସହ, ଏହି କଲେଜ ପାଇଁ ସମୁଦାୟ ୭ କୋଟି ଟଙ୍କା ଅନୁଦାନ ଘୋଷଣା କଲେ। ଆନନ୍ଦପୁର ଡାକ୍ତରଖାନା ପାଇଁ ୨ କୋଟି ଟଙ୍କା ଓ ଆନନ୍ଦପୁର ଷ୍ଟାଡିୟମ୍ ପାଇଁ ୨୦ କୋଟି ଟଙ୍କା ଘୋଷଣା କଲେ । ଏହି ସଭାରେ ଆନନ୍ଦପୁର ଉପଖଣ୍ଡ ପାଇଁ ୧୧୮.୨ କୋଟି ଟଙ୍କା ରେ ୩୧ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ସହ, ୪୧.୪ କୋଟି ଟଙ୍କା ବ୍ୟୟରେ ୧୬ଟି ପ୍ରକଳ୍ପର ଶୁଭ ଉଦଘାଟନ କରିଛନ୍ତି । ମୁଖ୍ୟମନ୍ତ୍ରୀ ହେବା ପରେ କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ କୁ ମୁଖ୍ୟମନ୍ତ୍ରୀଙ୍କର ଏହାଥିଲା ପ୍ରଥମ ଗସ୍ତ ।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯେଉଁ କଲେଜରୁ ଯୁକ୍ତ ୨ ପଢି ପାସ୍ କରିଥିଲେ, ସେହି ଆନନ୍ଦପୁର କଲେଜକୁ ସେ ମୁଖ୍ୟମନ୍ତ୍ରୀ ଭାବେ ମୁଖ୍ୟଅତିଥି ହୋଇ ଆସିଥିଲେ । ଏହି ପରିପ୍ରେକ୍ଷିରେ କଲେଜର ଛାତ୍ରଛାତ୍ରୀ ଅତି ଉତ୍ସାହର ସହିତ ମୁଖ୍ୟମନ୍ତ୍ରୀଙ୍କ ଆଗମନ କୁ ଅପେକ୍ଷା କରି ରହିଥିଲେ । ଏଥି ସହ , ମୁଖ୍ୟମନ୍ତ୍ରୀ ଏହି କଲେଜରେ ପାଠ ପଢୁଥିବା ବେଳେ, ତାଙ୍କ ସହପାଠୀ ଓ ଅଧ୍ୟାପକମାନେ ମଧ୍ୟ ଅତି ଉତ୍କଣ୍ଠାର ସହ ଅପେକ୍ଷା କରିଥିଲେ । ମୁଖ୍ୟମନ୍ତ୍ରୀ ଆନନ୍ଦପୁର ଷ୍ଟାଡିୟମ୍ ପଡ଼ିଆରେ ହେଲିକ୍ୟାପ୍ଟର୍ ରେ ଅବତରଣ କରିବା ପରେ ଏକ ବିରାଟ ପଟୁଆରରେ ଯାଇ ଆନନ୍ଦପୁର କଲେଜରେ ପହଞ୍ଚିଥିଲେ ।ମୁଖ୍ୟମନ୍ତ୍ରୀଙ୍କ ସହିତ ଉଚ୍ଚ ଶିକ୍ଷାମନ୍ତ୍ରୀ ସୂରଜ ସୂର୍ଯ୍ୟବଂଶୀ ଉପସ୍ଥିତ ଥିଲେ । ଏଥି ସହ , ଆନନ୍ଦପୁର ବିଧାୟକ, ଘସିପୁରା ବିଧାୟକ ଓ କେନ୍ଦୁଝର ସାଂସଦ ମଧ୍ୟ ଉପସ୍ଥିତ ଥିଲେ ।

ଏହି କଲେଜରୁ ମୁଖ୍ୟମନ୍ତ୍ରୀ ଯୁକ୍ତ ୨ ପଢୁଥିବା ବେଳେ, ନିଜ ସ୍ମୃତି ବଖାଣିଥିଲେ । ବହୁ ଅବ୍ୟବସ୍ଥା ମଧ୍ୟରେ ଥିବା ଆନନ୍ଦପୁର କଲେଜକୁ Autonomous College କଲେଜ କରିବା ସହିତ, କଲେଜର ସର୍ବାଙ୍ଗାନ ଉନ୍ନତି ପାଇଁ ୭ କୋଟି ଟଙ୍କା ଅନୁଦାନ ଘୋଷଣା କରିଥିଲେ । ଏଥିସହ , ଆନନ୍ଦପୁର ଉପଖଣ୍ଡ ପାଇଁ ୪୧.୪ କୋଟି ଟଙ୍କାର ୧୬ଟି ପ୍ରକଳ୍ପର ଶୁଭ ଉଦଘାଟନ ଓ ୧୧୮.୨ କୋଟି ଟଙ୍କା ବ୍ୟୟରେ ୩୧ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଥିଲେ । ଆନନ୍ଦପୁର ଉପଖଣ୍ଡ ଡ଼ାକ୍ତରଖାନା ପାଇଁ ୨ କୋଟି ଟଙ୍କା ଓ ଆନନ୍ଦପୁର ଷ୍ଟାଡିୟମ୍ ର ବିକାଶ ପାଇଁ ୨୦ କୋଟି ଟଙ୍କା ମଞ୍ଜୁର କରିଛନ୍ତି ।ଆଗାମୀ ଦିନରେ ଆନନ୍ଦପୁର ଉପଖଣ୍ଡର ସର୍ବାଙ୍ଗୀନ ଉନ୍ନତି ଦିଗରେ ମୁଖ୍ୟମନ୍ତ୍ରୀ ଧ୍ୟାନ ଦେବେ, ଯାହା ମୁଖ୍ୟମନ୍ତ୍ରୀଙ୍କର ପ୍ରଥମ ଗସ୍ତରୁ ସ୍ପଷ୍ଟ ବାରି ହୋଇ ପଡ଼ୁଛି।
ନିଷ୍ଠା ପାଳିଲା ଆନ୍ତର୍ଜାତୀୟ ମହିଳା ଦିବସ

କୋରାପୁଟ ଜିଲ୍ଲା ସେମିଳିଗୁଡା ପ୍ରେସ କ୍ଲବ ଠାରେ ନିଷ୍ଠା ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ନିଷ୍ଠାକୁ ଏଗାର
ବର୍ଷ ପୂର୍ତ୍ତି ଅବସରରେ ନିମନ୍ତ୍ରତି ମୁଖ୍ୟ ଅତିଥି ଭାବେ କୋରାପୁଟ ବିଧାୟକ ରଘୁରାମ ମାଛ, ମୁଖ୍ୟ ବକ୍ତା, ଉଷାରଣୀ ଦାସ ଅଧ୍ୟକ୍ଷା ମହିଳା ମହା ବିଦ୍ୟାଳୟ, ସ୍ବତନ୍ତ୍ର ଅତିଥି ଓମ ଶାନ୍ତି ତରଫରୁ ବି.କେ.ନମିତା, ସମ୍ମାନିତ ଅତିଥି ସୁନାବେଡ଼ା ପୌର ପରିଷଦ ଅଧ୍ୟକ୍ଷ ଡ଼ଃ ରାଜେନ୍ଦ୍ର କୁମାର ପାତ୍ର, ସମ୍ମାନିତ ଅତିଥି ଆଚାର୍ଯ୍ୟ ମନୁଦେବ, ନିଷ୍ଠାର ଅଧ୍ୟକ୍ଷା ମମତା ରାଇ ବରିଷ୍ଟ ସାମ୍ବାଦିକ ଅଜେୟ କୁମାର ସାହୁ ପ୍ରମୁଖ ଉପସ୍ଥିତ ରହି ମହିଳା ଏବଂ ପୁରଷ ମଧ୍ୟରେ କୌଣସି ପାତର ଅନ୍ତର ନଥିବା ଉଭୟଙ୍କ ସମନ୍ତର ଆଧିକାର ଉପରେ ମତରଖି ଥିଲେ।

ନିଷ୍ଠା ଅଧ୍ୟକ୍ଷା ସୁଶ୍ରୀ ମମତା ରାୟଙ୍କ ନେତୃତ୍ବରେ ମୁଖ୍ୟ ଅତିଥିଙ୍କୁ ସ୍ଵାଗତ ଭାଷଣ ଦେଇ ସମ୍ବର୍ଦ୍ଧିତ କରିଥିବା ବେଳେ, ପରିଚୟ ପ୍ରଦାନପୂର୍ବକ ଅତିଥି ମାନଙ୍କ ଦ୍ୱାରା ଦୀପ ପ୍ରଜ୍ବଳନ ଆନ୍ତର୍ଜାତିକ ମହିଳା ଦିବସର ଶୁଭ ଉଦଘାଟନ, ଅତିଥି ମାନଙ୍କ ଦ୍ୱାରା ବରପୁତ୍ରମାନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ବିଭିନ୍ନ ସାଂସ୍କୃତିକ ନୃତ୍ୟ ପରିବେଷଣ ପ୍ରତିଯୋଗିତା ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା।

ନିଷ୍ଠା ତରଫରୁ ସ୍ଵତନ୍ତ୍ର ସମ୍ବର୍ଦ୍ଧନାରେ ସସ୍ମିତା ପଟନାୟକ, ରଶ୍ମିତା ପତି, ଆଶାକର୍ମୀ ଭାବେ ହୋନିସ ସଉତା, ସ୍ୱଛା କର୍ମୀ ଭାବେ ଯଶୋଧା କିର୍ଶନୀ, ଗଣମାଧ୍ୟମ ପ୍ରତିନିଧି ସି ହେଚ କୁର୍ମା ରାଓ, ସାମାଜିକ ସଚେତକ ବୁଲ୍ଲୁ ମହାରଣା, ବରିଷ୍ଟ ନାଗରିକ, ଏବଂ ଅଞ୍ଚଳ ଉତ୍ତମ ସାମାଜିକ ଆଧ୍ୟାତ୍ମିକ ସଙ୍ଗ ମଧ୍ୟରେ କୁନ୍ଦୁଲି ଗୁରୁକୁଳ ଆଶ୍ରମ, ଓମ ଶାନ୍ତି, ଏବଂ ଗାୟତ୍ରୀ ପରିବାର, ସମାଜସେବି ଅଗ୍ନି ଗଙ୍ଗାମ୍ମା ଟିମକୁ ଉଚ୍ଚ ମାନର ସମ୍ଭର୍ଦ୍ଧନାରେ ମୁଖ୍ୟ ଅତିଥିଙ୍କ ଦ୍ୱାରା ସମ୍ମାନିତ କରାଯାଇଛି।

ପରିଶେଷରେ ମଞ୍ଚ ପରିଚାଳନା କରିଥିବା ମୋନାଲିସା ରାଇ, ଏବଂ ସରଜକୁ ବିବାହ ବାର୍ଷିକୀରେ ମୁଖ୍ୟ ଅତିଥି ମାନଙ୍କ ଦ୍ୱାରା ସମ୍ବର୍ଦ୍ଧନା କରାଯାଇଛି। କାର୍ଯ୍ୟକ୍ରମରେ ନିଷ୍ଠାର କର୍ମକର୍ତ୍ତା ସହଯୋଗ କରିଥିଲେ।

ଏହି କାର୍ଯ୍ୟକ୍ରମରେ ଶତାଧିକ ମହିଳା କୋରାପୁଟ ଜିଲ୍ଲାର ବିଭିନ୍ନ ବ୍ଲକରୁ ଆସି ଆନ୍ତର୍ଜାତିୟ ମହିଳା ଦିବସରେ ଯୋଗ ଦେଇଥିଲେ ।
ଆଦର୍ଶ ଥାନା ପୁଲିସର ନୂତନ ଅପରାଧିକ ଆଇନ ସଚେତନତା କାର୍ଯ୍ୟକ୍ରମ

ଖୋର୍ଦ୍ଧା ଜୟୀରାଜଗୁରୁ ଟାଉନ ହଲ ପରିସରରେ ଆଦର୍ଶଥାନା ପୁଲିସ ପକ୍ଷରୁ ନୂତନ ଅପରାଧିକ ଆଇନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏଥିରେ କାର୍ଯ୍ୟକ୍ରମରେ ଅତିଥିଭାବେ ଏସପି ସାଗରିକା ନାଥ, ପୂର୍ବତନ ଏସପି ଦେବ ପ୍ରସାଦ ମଜୁମଦାର, ଖୋର୍ଦ୍ଧା ଓକିଲ ସଂଘ ସଭାପତି ଜୀବନ ଜ୍ୟୋତି ମିଶ୍ର, ଏସ୍ଡିପିଓ ନିହାର ରଞ୍ଜନ ଦାସ ପ୍ରମୁଖ ଯୋଗଥିଲେ |

ଭାରତୀୟ ସଂସଦ ତିନୋଟି ଐତିହାସିକ ଆଇନ ଯଥା ଭାରତୀୟ ଦଣ୍ଡବିଧି ସଂହିତା- ୧୮୬୦, କ୍ରିମିନାଲ ପ୍ରୋସିଜର କୋଡ୍-୧୯୭୩ ଏବଂ ଭାରତୀୟ ପ୍ରମାଣ ଆଇନ-୧୮୭୨ କୁ ଯଥାକ୍ରମେ ଭାରତୀୟ ନ୍ୟାୟ ସଂହିତା-୨୦୨୩, ଭାରତୀୟ ନାଗରିକ ସୁରକ୍ଷା ସଂହିତା- ୨୦୨୩ ଏବଂ ଭାରତୀୟ ସାକ୍ଷ୍ୟ ସଂହିତା-୨୦୨୩ ସହିତ ବଦଳାଇ ଅପରାଧିକ ନ୍ୟାୟ ବ୍ୟବସ୍ଥାରେ ଏକ ପରିବର୍ତନମୂଳକ ପଦକ୍ଷେପ ନିଆଯାଇଛି ବୋଲି କହିଥିଲେ । ଭାରତୀୟ ନ୍ୟାୟ ମୂଲ୍ୟବୋଧ ଉପରେ ଆଧାରିତ ଏହି ନୂତନ ଆଇନ ଭାରତୀୟ ନ୍ୟାୟ ପଦ୍ଧିକୁ ପ୍ରତିଫଳିତ କରିବ | ଦଣ୍ଡମୂଳକ ଦୃଷ୍ଟିକୋଣରୁ ନ୍ୟାୟଭିତିକ ଆଭିମୁଖ୍ୟ ଆଡ଼କୁ ପରିବର୍ତନକୁ ସୂଚାଇଥାଏ ।

ଏହାର ମୁଖ୍ୟ ଲକ୍ଷ୍ୟ ହେଉଛି ଏକ ଅପରାଧିକ ନ୍ୟାୟ ବ୍ୟବସ୍ଥା ସୃଷ୍ଟି କରିବା ଯାହା କେବଳ ନାଗରିକଙ୍କ ଅଧିକାରକୁ ସୁରକ୍ଷିତ କରେ ନାହିଁ ବରଂ ଆଇନ ବ୍ୟବସ୍ଥାକୁ ମଧ୍ୟ ବଜାୟ ରଖେ ଓ ସମସ୍ତଙ୍କ ପାଇଁ ସୁଲଭ ଓ ତ୍ୱରିତ ନ୍ୟାୟ ସୁନିଶ୍ଚିତ କରେ ବୋଲି କହିଥିଲେ । ଏଥିରେ କାର୍ଯ୍ୟକ୍ରମରେ ଅଂଚଳର ଶିକ୍ଷାବିତ, ବରିଷ୍ଠନାଗରିକ, ସାମ୍ବାଦିକ, ଛାତ୍ରଛାତ୍ରୀ ଆଦି ଉପସ୍ଥିତ ଥିଲେ।
ଆନ୍ତର୍ଜାତୀୟ ମହିଳା ଦିବସରେ ନ୍ୟାୟ, ସ୍ଵାଧୀନତା ଓ ଅଧିକାର ଦାବି କଲେ ମହିଳା

ରାୟଗଡ଼ା ଜିଲ୍ଲା ଗୁଣପୁରର ଅଖିଳ ଭାରତ ପ୍ରଗତିଶୀଳ ମହିଳା ଆସୋସିଏସନ (AIPWA) ଗୁଣପୁର ବ୍ଲକ ଅନ୍ତର୍ଗତ ଗୋଠଲପଦର ପଞ୍ଚାୟତର କୁକୁରୁଗୁଡା ଗାଁରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇଛି | ସମଗ୍ର ଦେଶରେ ମହିଳା ଆନ୍ତର୍ଜାତୀୟ ଦିବସ କରୁଥିବା ବେଳେ ଗୁଣପୁର ଅଞ୍ଚଳର କୁକୁରୁଗୁଡା ଠାରେ ମହିଳାମାନେ ଏକତ୍ରିତ ହୋଇ ସରକାରଙ୍କୁ ଦାବି ଜଣାଇଛନ୍ତି |

ମହିଳା ଆନ୍ଦୋଳନର ଆରମ୍ଭ ( ୧୯୦୮ – ୧୯୧୦ ) ଅନ୍ତର୍ଜାତୀୟ ନାରୀ ଦିବସର ପ୍ରଥମ ଚିହ୍ନ ୧୯୦୮ ମସିହାରେ ନ୍ୟୁୟର୍କରେ ଦେଖାଯାଇଥିଲା | ୧୫,୦୦୦ ନାରୀ କାର୍ଯ୍ୟକର୍ତ୍ତା ଏକ ବିଶାଳ ଶୋଭାଯାତ୍ରା କରିଥିଲେ, ଯେଉଁଥିରେ ସେମାନେ ସୁସ୍ଥ ଶ୍ରମ ଅବସ୍ଥା, କମ୍ କାମ ଘଣ୍ଟା, ଏବଂ ମହିଳାମାନଙ୍କ ପାଇଁ ଭୋଟ ଅଧିକାର ଦାବି କରିଥିଲେ | ଏହି ଆନ୍ଦୋଳନକୁ ଦୃଷ୍ଟିରେ ରଖି ୧୯୧୦ ମସିହାରେ ଡେନମାର୍କର କୋପେନହେଗେନ ସହରରେ ଏକ ବିଶ୍ୱ ନାରୀ ସମ୍ମିଳନ ଅନୁଷ୍ଠିତ ହୋଇଥିଲା |

ଜର୍ମାନୀର ନାରୀ ଅଧିକାର କାର୍ଯ୍ୟକର୍ତ୍ତା କ୍ଲାରା ଜେଟ୍କିନ୍ (Clara Zetkin) ପ୍ରଥମ ଥର ପାଇଁ “ଅନ୍ତର୍ଜାତୀୟ ନାରୀ ଦିବସ” ପାଳନ କରିବା ପାଇଁ ପ୍ରସ୍ତାବ ଦେଇଥିଲେ | ଏହି ପ୍ରସ୍ତାବକୁ ୧୭ ଟି ଦେଶର ପ୍ରତିନିଧିମାନେ ସମର୍ଥନ କରିଥିଲେ | ମାର୍ଚ୍ଚ ୮ ଏକ ଆନ୍ତର୍ଜାତୀୟ ଦିବସ ୧୯୧୧-୧୯୧୭ ପ୍ରଥମ ଥର ୧୯୧୧ ମସିହାରେ ଅଷ୍ଟ୍ରିଆ, ଡେନମାର୍କ, ଜର୍ମାନୀ, ଏବଂ ସ୍ଵିଟ୍‌ଜରଲ୍ୟାଣ୍ଡ ଦେଶରେ ଅନ୍ତର୍ଜାତୀୟ ନାରୀ ଦିବସ ପାଳନ କରାଯାଇଥିଲା | ୧୯୧୭ ମସିହାରେ ରୁଷି ନାରୀମାନେ ଚାର୍ଯ୍ୟ ଏବଂ ଖାଦ୍ୟ ସଂକଟ ବିରୋଧରେ ବିଶାଳ ନାରୀ ଆନ୍ଦୋଳନ କଲେ | ଏହାର ଫଳସ୍ୱରୂପ ରୁଷ୍ ସରକାର ମହିଳାମାନଙ୍କୁ ଭୋଟ ଅଧିକାର ପ୍ରଦାନ କଲା | ଏହି ଆନ୍ଦୋଳନ ମାର୍ଚ୍ଚ ୮ ରେ ହୋଇଥିବାରୁ, ଏହି ଦିନକୁ ଅନ୍ତର୍ଜାତୀୟ ନାରୀ ଦିବସ ଭାବେ ପାଳନ କରାଯାଉଛି | ସଂଯୁକ୍ତ ରାଷ୍ଟ୍ର ସଂଘର ପ୍ରମାଣୀକରଣ ୧୯୭୫ ଏପର୍ଯ୍ୟନ୍ତ ୧୯୭୫ ମସିହାରେ ସଂଯୁକ୍ତ ରାଷ୍ଟ୍ର ସଂଘ (UN) ଅନ୍ତର୍ଜାତୀୟ ନାରୀ ଦିବସକୁ ଆଧିକାରିକ ଭାବରେ ପ୍ରମାଣ କଲା | ସେହି ଦିନଠାରୁ ଆଜିପର୍ଯ୍ୟନ୍ତ ପ୍ରତିବଛର ଏହି ଦିନକୁ ନାରୀମାନଙ୍କ ସମାନତା ଏବଂ ଅଧିକାର ପାଇଁ ପାଳନ କରାଯାଏ | ଅନ୍ତର୍ଜାତୀୟ ନାରୀ ଦିବସ ମହିଳାମାନଙ୍କ ଅଧିକାର, ସ୍ୱାଧୀନତା, ଏବଂ ସମାନତା ପାଇଁ ଏକ ଐତିହାସିକ ଦିବସ |

ଏହା ଏକ ଦୀର୍ଘ ସଂଘର୍ଷର ପରିଣାମ ଯେଉଁଥିରେ ମହିଳାମାନେ ତାଙ୍କର ସ୍ୱାଧୀନତା, ଶିକ୍ଷା, ଭୋଟ ଅଧିକାର ଏବଂ ଅର୍ଥନୀତିକ ସ୍ୱାଧୀନତା ପାଇଁ ଲଢ଼ି ଆସିଛନ୍ତି | ଏହି ଦିନ ଆମକୁ ଉପଦେଶ ଦେଇଥାଏ ଯେ ନାରୀମାନେ କେବଳ ଘର ତଥା ପରିବାର ନୁହେଁ, ସମାଜ ଏବଂ ଜଗତର ଏକ ଅପରିହାର୍ଯ୍ୟ ଅଂଶ | ନାରୀମାନଙ୍କ ସମ୍ମାନ, ଅଧିକାର, ସ୍ଵାଧୀନତା, ସମାନ କାମକୁ ସମାନ ମଜୁରୀ, ମହିଳା ମାନଙ୍କୁ ଘରଡିହ ସହ ଜଙ୍ଗଲ ଜମିର ଅଧିକାର, ମହିଳା ମାନଙ୍କ ନିର୍ଯାତନା ବନ୍ଦ କରିବା ସହ ଏକତ୍ର ହୋଇ ଫାଶୀବାଦ ବିରୁଦ୍ଧରେ ଲଢେଇ କରିବା ପାଇଁ ସିପିଆଇ (ଏମଏଲ) ଲିବରେସନର ଜିଲ୍ଲା ସମ୍ପାଦକ ତ୍ରିପତି ଗମାଙ୍ଗ ଆହ୍ବାନ ଦେଇଥିଲେ | ଆଗାମୀ ଦିନରେ ଏହାକୁ ଦୃଢ଼ତାର ସହିତ ସରକାରଙ୍କୁ ଦାବି ଜଣାଇବା ପାଇଁ ଦାବି କରିଛନ୍ତି |
କେନ୍ଦ୍ରାପଡ଼ା ଜିଲ୍ଲାରେ ଏକ୍ରୀକ ପ୍ରକଳ୍ପ ପକ୍ଷରୁ ଆନ୍ତର୍ଜାତିକ ମହିଳା ଦିବସ ପାଳିତ

କେନ୍ଦ୍ରାପଡ଼ା ଜିଲ୍ଲାର ପ୍ରସିଦ୍ଧ ଶକ୍ତିପୀଠ ମା ଦରିଆପାରି ରାମଚଣ୍ଡୀ ମହାକାଳପଡ଼ା ଠାରେ ଭାରତ ସରକାରଙ୍କ ଏକ୍ରୀକ ପ୍ରକଳ୍ପ ଦ୍ବାରା ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଛି |

ଏହି ସଭାରେ ବିଶ୍ବରେ ଜଳବାୟୁ ପରିବର୍ତ୍ତନ ଯୋଗୁଁ ଜୀବ ଜଗତ ଉପରେ ପ୍ରଭାବ ପଡୁଛି କୃଷି କ୍ଷେତ୍ରରେ ପ୍ରଭାବ ପଡ଼ିବ ଯୋଗୁ ଚାଷ ଜମିର ଉର୍ବରତା କମୁଛି, ଗଛରେ ରୋଗ ପୋକ ଦାଉରୁ ଅମଳ କମୁଛି, ଜଳବାୟୁ ପରିବର୍ତ୍ତନରେ ମହିଳା ମାନଙ୍କ ଭୁମିକା ଉପରେ ଆଲୋଚନା କରାଯାଇଥିଲା | ମହିଳା ମାନେ ସଶକ୍ତିକରଣ ହୋଇଛନ୍ତି, ଆତ୍ମନିର୍ଭରଶୀଳ ହୋଇପାରିଛନ୍ତି |

ଅଦରକାରୀ ପ୍ଲାଷ୍ଟିକରେ ଘର କରଣା ବ୍ୟବହାର ବସ୍ତୁ ତିଆରି କରିବା, ଜୈବିକ କୀଟନାଶକ, ଜୈବିକ ଖତ ପ୍ରୟୋଗ କରି ଫସଲ ଅମଳ କରିବା ପାଇଁ ପରାମର୍ଶ ଦେଇଥିଲେ | ଉପସ୍ଥିତି ଥିବା ଅତିଥି ମାନେ ଏହି ଅବସରରେ ମହାକାଳପଡ଼ା ଅଂଚଳରେ ଆତ୍ମନିର୍ଭରଶୀଳ ମହିଳା ମାନଙ୍କୁ ସମ୍ମାନିତ କରାଯାଇଥିଲା |

ମହିଳା ମାନଙ୍କ ମଧ୍ୟରେ ବିଭିନ୍ନ ପ୍ରକାରର ଖେଳ କୁଦ ପ୍ରତିଯୋଗିତା କରାଯାଇଥିଲା | କାର୍ଯ୍ୟକ୍ରମରେ ବ୍ଲକର ଜଳବାୟୁ ପରିବର୍ତ୍ତନ ସ୍ବେଛାସେବୀ, ଏସଏଚଜି ମହିଳା, ଅଗ୍ରଣୀ ମହିଳା କୃଷକ ଓ ମହିଳାମାନେ ବହୁ ସଂଖ୍ୟାରେ ଯୋଗ ଦେଇ ଥିଲେ |

ଆଗାମୀ ଦିନରେ ରସାୟନ ସାର ଓ କିଟନାଶକ ମୁକ୍ତ ବ୍ଲକ ଗଠନ କରାଯିବ, ଜୈବିକ ପଦ୍ଧତିରେ ଫସଲ ଉତ୍ପାଦନ କରି ନିରୋଗ ସୁସ୍ଥ ସମାଜ ଗଠନ କରାଯିବ| ଏହି କାର୍ଯ୍ୟକ୍ରମରେ ନେଚର କ୍ଲବ ଓ ଉତ୍କଳ ସେବକ ସମାଜ ଭଳି ସ୍ବେଛାସେବୀ ସଂଗଠନ ସଦସ୍ୟ ଯୋଗ ଦେଇଥିଲେ |
ଫର୍ଣ୍ଣିଚର କାରଖାନାରେ ବନ ବିଭାଗର ଚଢଉ

ଫର୍ଣ୍ଣିଚର କାରଖାନାରେ ବନ ବିଭାଗର ଅତର୍କିତ ଚଢାଉ | ବଡ଼ବିଲ ରେଞ୍ଜ ବଲାଣି ଶାନ୍ତି ନଗର ଅଞ୍ଚଳରେ ବନ ବିଭାଗ ଟିମ ଚଢାଉ କରି ଏକ ଫର୍ଣ୍ଣିଚର କାରଖାନାରୁ ଶାଗୁଆନ, ପିଆଶାଳ, ଶାଳ, କୁରୁମ କାଠରେ ତିଆରି ପଲଙ୍କ, ଡାଇନିଂ ଟେବୁଲ୍, ଡ୍ରେସିଂ ଟେବୁଲ୍, ଆଳମୀରା ଜବତ କରିଛି |

ଏହା ସହ ବହୁ ପରିମାଣର କାଠ ପଟା ମଧ୍ୟ ଜବତ୍ କରାଯାଇଛି | ପୂର୍ବରୁ ଅଭିଯୋଗ ହୋଇଆସୁଥିଲା ପାଖ ଜଙ୍ଗଲରୁ କାଠ ଚୋରି କରି ଫର୍ଣ୍ଣିଚର ତିଆରି ହେଉଥିଲା | ଫର୍ଣ୍ଣିଚର କାରଖାନାର ମାଲିକ ସୁକାନ୍ତ ମହାରଣାକୁ ଗିରଫ କରି ତଦନ୍ତ ଆରମ୍ଭ କରିଛି ବନ ବିଭାଗ ଟିମ | ଆଜି ସକାଳୁ କେନ୍ଦୁଝର ଡି ଏଫ୍ ଓ ଙ୍କ ନିର୍ଦ୍ଦେଶକ୍ରମେ ବଡ଼ବିଲ ରେଞ୍ଜ ଅଧିକାରୀ ସଞ୍ଜୀବ କୁମାର ରାଉତଙ୍କ ନେତୃତ୍ବରେ ଏହି ଚଢାଉ କରାଯାଇଥିଲା |

ଜବତ ସାମଗ୍ରୀର ଆନୁମାନିକ ମୂଲ୍ୟ ପ୍ରାୟ ୫ ଲକ୍ଷ ଟଙ୍କା ହେବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି | ଅଭିଯୁକ୍ତ ସୁକାନ୍ତ ମହାରଣା ଦୀର୍ଘଦିନ ଧରି ଶାନ୍ତି ନଗର ଅଞ୍ଚଳରେ ଚୋରା କାଠ ବ୍ୟବହାର କରି ବେଆଇନ୍ ଫର୍ଣ୍ଣିଚର କାରଖାନା ଚଲାଉଥିଲେ | କିଛି ଲୋକଙ୍କୁ ଲଗାଇ ପାଖ ଜଙ୍ଗଲରୁ ଗଛ କଟାଇ ସେହି କାଠକୁ ଫର୍ଣ୍ଣିଚର କାମରେ ଲଗାଉଥିବା ନେଇ ଅଭିଯୋଗ ହୋଇଥିଲା |
ଗୌରହରି ସାହୁ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ; ଗିରିବନ୍ଧକୁ ହରାଇ ଦେମାଳ ଚାମ୍ପିଅନ

ଗୌରହରି ସାହୁ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ପଞ୍ଚମ ସଂସ୍କରଣ ଆଳି ତେଲିପାଟଣା ଖେଳ ପଡିଆରେ ଉଦଯାପିତ ହୋଇଯାଇଛି | ଏହି ଉଦଯାପନୀ ଫାଇନାଲ ମ୍ୟାଚରେ ଦେମାଳ ଲକ୍ଷ୍ମୀ ବରାହ କ୍ରିକେଟ ଟିମ ଓ ଗିରିବନ୍ଧ କ୍ରିକେଟ ଟିମ ମଧ୍ୟରେ ରୋମାଞ୍ଚକର ହାଇ ଭୋଲ୍ଟେଜ ମ୍ୟାଚ ଅନୁଷ୍ଠିତ ହୋଇଥିଲା |

ଗିରିବନ୍ଧ କ୍ରିକେଟ ଟିମ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୫ ୱିକେଟ ବିନିମୟରେ ୧୧୪ ରନ ସଂଗ୍ରହ କରିବାକୁ ସକ୍ଷମ ହୋଇଥିଲା ବେଳେ ଏହି ରନକୁ ପିଛା କରିବାକୁ ଯାଇ ଦେମାଳ ଲକ୍ଷ୍ମୀ ବରାହ କ୍ରିକେଟ ଟିମ ୮ ଓଭର ୪ ଟି ବଲରେ ୩ ୱିକେଟ ହରେଇ ୧୧୫ରନ ସଂଗ୍ରହ କରି ବିଜୟ ଲାଭ କରି ଚାମ୍ପିୟନ ମୁକୁଟ ପିନ୍ଧିଥିଲା |

ମ୍ୟାନ ଅଫ ଦ ମ୍ୟାଚ ଓ ସିରିଜ ଭାବେ ବିଶ୍ୱଜିତ ବାରିକ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳୀ ବିବେଚିତ ହୋଇଥିଲେ |

ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବେ ବିଶିଷ୍ଟ ଶିକ୍ଷାବିତ ବନମାଳୀ ସେନାପତି ଓ ଗୌରହରି ସାହୁ ଚାରିଟେବୁଲ ଟ୍ରଷ୍ଟର ସଭାପତି ସୁଶାନ୍ତ ସାହୁ ପ୍ରମୁଖ ଯୋଗ ଦେଇ ଚମ୍ପିୟାନ ଦଳକୁ ଟ୍ରଫି ସହ ୮ ହଜାର ଟଙ୍କା ଓ ରନର୍ସ ଅଫ ଦଳକୁ ରନର୍ସ ଅଫ ଟ୍ରଫି ସହ ୬ ହଜାର ଟଙ୍କା ପ୍ରଦାନ କରିଥିଲେ |
ପରଲୋକରେ ଭୋଗରାଇର ପୂର୍ବତନ ବିଧାୟକ

ଆଉ ନାହାଁନ୍ତି ଭୋଗରାଇର ପୂର୍ବତନ ବିଧାୟକ ଅନନ୍ତ ଦାସ । ତାଙ୍କର 86 ବର୍ଷରେ ଦେହାନ୍ତ ଘଟିଛି। ବାର୍ଦ୍ଧକ୍ୟ ଜନିତ ରୋଗରେ ପୀଡ଼ିତ ଥିବାରୁ ଆଜି ଭୋର 3.45 ମିନିଟରେ ତାଙ୍କର ଦେହାନ୍ତ ହୋଇଛି । ଭୁବନେଶ୍ୱର ସ୍ଥିତ ସରକାରୀ ବାସଭବନରେ ଅନନ୍ତଙ୍କର ପରଲୋକ ହୋଇଥିବା ତାଙ୍କ ପୁଅ ଅଭିଜିତ ଦାସ ସୂଚନା ଦେଇଛନ୍ତି । ଅନନ୍ତଙ୍କ ଶେଷ ଦର୍ଶନ ଲାଗି ଦଳର ନେତା ଓ କର୍ମୀଙ୍କ ବାସଭବନରେ ଭିଡ଼ ଜମିଛି । ଅନ୍ତିମ ଯାତ୍ରାରେ ଯିବା ପୂର୍ବରୁ ବିଜେଡିର ରାଜ୍ୟ କାର୍ଯ୍ୟାଳୟ ଶଙ୍ଖ ଭବନ ଓ ବିଧାନସଭାକୁ ଅନନ୍ତଙ୍କ ମୃତଦେହ ଅଣାଯିବ। ବିଜେଡି ସଭାପତି ନବୀନ ପଟ୍ଟନାୟକ, ଦଳର ବିଧାୟକ ଅନନ୍ତଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଭୋଗରାଇ ନିର୍ବାଚନ ମଣ୍ଡଳୀରୁ ଲଗାତାର 4 ଥର ବିଜେଡ଼ିର ବିଧାୟକ ଭାବେ ନିର୍ବାଚିତ ହୋଇଥିଲେ ଅନନ୍ତ । ନବୀନ ସରକାରରେ 2 ଥର ମନ୍ତ୍ରୀ ମଧ୍ୟ ହୋଇଥିଲେ ।

ବାଲେଶ୍ଵର ଜିଲ୍ଲା ଭୋଗରାଇ ବ୍ଲକ ବାଲିମ ପଞ୍ଚାୟତର କୁରୁଠିଆ ଗ୍ରାମରେ 1940 ମସିହା ଅଗଷ୍ଟ 28 ତାରିଖରେ ଜନ୍ମଗ୍ରହଣ କରିଥିଲେ ଅନନ୍ତ । ଏମଏ ଏଲଏଲବି ପାସ କରିବା ପରେ ଅନନ୍ତ ସରକାରୀ ଚାକିରି କରିଥିଲେ । ଚାକିରି ଜୀବନରେ ସେ ଜଣେ ଦକ୍ଷ ପ୍ରଶାସନିକ ଅଧିକାରୀ ଭାବେ ଦାୟିତ୍ବ ତୁଲାଇଥିଲେ ।ନବକଳେବର ସମୟରେ ପୁରୀର ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ ଥିଲେ ଅନନ୍ତ ଦାସ । ଭଦ୍ରକରେ ଏଡିଏମ ଥାଇ ସେ ଅବସର ନେଇଥିଲେ।ଚାକିରିରୁ ଅବସର ପରେ ସେ ଭୋଗରାଇ ବିକାଶ ପରିଷଦ ଗଠନ କରିଥିଲେ । ଭୋଗରାଇର ବିକାଶ ପାଇଁ ଅଣ୍ଟା ଭିଡ଼ି ବିଭିନ୍ନ ସାମାଜିକ କାର୍ଯ୍ୟକ୍ରମ କରିଥିଲେ । ପରେ ସେ ରାଜନୀତିରେ ପ୍ରବେଶ କରିଥିଲେ । ଏନସିପିରୁ ତାଙ୍କ ରାଜନୈତିକ ଜୀବନ ଆରମ୍ଭ ହୋଇଥିଲା । ପ୍ରଥମେ ବିଜେଡ଼ିରେ ପ୍ରବେଶ କରି ବଡ଼ ପଦବୀରେ ଦାୟିତ୍ୱ ଗ୍ରହଣ କରିଥିଲେ। 2004 ରୁ 2019 ଯାଏଁ କ୍ରମାଗତ ଭାବେ ନିର୍ବାଚନ ଲଢ଼ି ଜିତିଛନ୍ତି । ନବୀନ ସରକାରରେ ଶିଳ୍ପ ମନ୍ତ୍ରୀ, ଉଚ୍ଚଶିକ୍ଷା ମନ୍ତ୍ରୀ ହୋଇଛନ୍ତି । ସେହିପରି ସେ ସରକାରୀ ଦଳର ମୁଖ୍ୟ ସଚେତକ ହୋଇଥିଲେ । ଶିଳ୍ପ ମନ୍ତ୍ରୀ ଥିବାବେଳେ ସେ ବିଦେଶ ଯାଇ ଶିଳ୍ପର ଅଭିବୃଦ୍ଧି ଦିଗରେ ପଦକ୍ଷେପ ଗ୍ରହଣ କରିଥିଲେ। ବାଲେଶ୍ଵର ଜିଲ୍ଲା ଯୋଜନା ବୋର୍ଡ଼ ଅଧ୍ୟକ୍ଷ ଦାୟିତ୍ୱ ମଧ୍ୟ ତୁଲାଇଛନ୍ତି । ବିଜେଡି ସଭାପତି ତାଙ୍କୁ ବାଲେଶ୍ଵର ଜିଲ୍ଲା ସଭାପତି ମଧ୍ୟ କରିଥିଲେ । ଅନନ୍ତ ବହୁ ଗୁରୁତ୍ବପୂର୍ଣ୍ଣ ପଦପଦବୀ ଗ୍ରହଣ କରିବା ସହ ସଫଳତାର ସହ ଦାୟିତ୍ବ ତୁଲାଇଛନ୍ତି । ଭୋଗରାଇର ସାମଗ୍ରିକ ବିକାଶରେ ଅନନ୍ତଙ୍କ ଯୋଗଦାନ ଅତୁଳନୀୟ ।
ବିଶ୍ବ ଜଳାବାୟୁ ପରିବର୍ତ୍ତନରେ ମହିଳା ମାନଙ୍କ ଭୂମିକା ବେଶ ଗୁରୁତ୍ବପୂର୍ଣ୍ଣ

ଭାରତ ସରକାରଙ୍କ ଇକ୍ରୀକ ପ୍ରକଳ୍ପ ଦ୍ବାରା କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ଠାରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜଳବାୟୁ ପରିବର୍ତ୍ତନ ରେ ମହିଳା ମାନଙ୍କ ଭୁମିକା ଉପରେ ଆଲୋଚନା କରାଯାଇଥିଲା । ଜଳାବାୟୁ ପରିବର୍ତ୍ତନ ଓ ଏହାର ମୁକାବିଲା ପାଇଁ ସମୁଦ୍ର କୂଳରେ ବ୍ୟାପକ ଲୁଣା ଜଙ୍ଗଲ ସୃଷ୍ଟି କରାଯିବା , ବିଶ୍ବ ରେ ଜଳବାୟୁ ପରିବର୍ତ୍ତନ ଫଳରେ ଜୀବ ଜଗତ ଉପରେ ପ୍ରଭାବ , ପ୍ରକୃତି ଭାରସାମ୍ୟ ହରାଇବା ଫଳରେ କୃଷି କ୍ଷେତ୍ରରେ ପ୍ରଭାବ ପଡ଼ିବା ଭଳି ବିଭିନ୍ନ ଘଟଣା ଉପରେ ଆଲୋଚନା ହୋଇଥିଲା । ମହିଳା ମାନଙ୍କ ଦ୍ୱାରା ଉତ୍ପାଦିତ କୃଷି କ୍ଷେତ୍ରରେ ବ୍ୟବହାର ଜୈବିକ କୀଟନାଶକ ସାର ଆଦି ପ୍ରଦର୍ଶିତ କରାଯାଇଥିଲା । ଏହି କାର୍ଯ୍ୟକ୍ରମରେ ବ୍ଲକର ଜଳବାୟୁ ପରିବର୍ତ୍ତନ ର ସ୍ବେଛାସେବୀ , ଏସ ଏଚ ଜି ମହିଳା , ଅଗ୍ରଣୀ ମହିଳା କୃଷକ , ଅନନ୍ୟ ପତ୍ରିଭା ଧାରି ମହିଳା ବହୁ ସଂଖ୍ୟାରେ ଯୋଗ ଦେଇ ପ୍ରତିଜ୍ଞା କରିଥିଲେ ଯେ , ଆଗାମୀ ଦିନରେ ରସାୟନ ସାର ଓ କିଟନାଶକ ମୁକ୍ତ ବ୍ଲକ ଗଠନ କରିବା ପାଇଁ । ଜୈବିକ ପଦ୍ଧତିରେ ଫସଲ ଉତ୍ପାଦନ କରି କିପରି ନିରୋଗ ସୁସ୍ଥ ସମାଜ , ସୁସ୍ଥ ବିଶ୍ବ ଗଠନ କରି ହେବ ସେ ନେଇ ମଧ୍ୟ ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ମହିଳା ମାନଙ୍କ ମଧ୍ୟରେ ବିଭିନ୍ନ ପ୍ରକାରର ପ୍ରତିଭା ଉପରେ ଖେଳକୁଦ ପ୍ରତିଯୋଗିତା କରାଯାଇଥିଲା । ଏବଂ ମହାକାଳପଡ଼ା ଅଂଚଳ ରେ ଆତ୍ମନିର୍ଭରଶୀଳ ମହିଳା ମାନଙ୍କୁ ସମ୍ମାନିତ କରାଯାଇଥିଲା । ବ୍ଲକ ର ଜଳବାୟୁ ପରିବର୍ତ୍ତନ ର ସ୍ବେଛାସେବୀ , ଏସ ଏଚ ଜି ମହିଳା , ଅଗ୍ରଣୀ ମହିଳା କୃଷକ , ଅନନ୍ୟ ପତ୍ରିଭା ଧାରି ମହିଳା ,ନେଚର କ୍ଲବ ଓ ଉତ୍କଳ ସେବକ ସମାଜ ଭଳି ସ୍ବେଛାସେବୀ ସଂଗଠନ ସଦସ୍ୟ ଯୋଗ ଦେଇଥିଲେ ।
ଆନ୍ତର୍ଜାତୀୟ ମହିଳା ଦିବସରେ ମହିଳାଙ୍କ ପ୍ରତିବାଦ

ରୋଷେଇ ଘରର ଘରଣୀମାନଙ୍କୁ ସ୍ୱାବଲମ୍ବୀ କରିବା ପାଇଁ ସରକାର ମିଶନ ଶକ୍ତି ମାଧ୍ୟମରେ ସଶକ୍ତ କଲେ, ଏବେ ପୁନର୍ଗଠନ କରିବା ପାଇଁ ସରକାର ଘୋଷଣା କରିବା ପରେ କାର୍ଯ୍ୟରତ ମହିଳାମାନେ ପ୍ରତିବାଦ କରିଛନ୍ତି |

ଆନ୍ତର୍ଜାତୀୟ ମହିଳା ଦିବସରେ ଶତାଧିକ ମହିଳା ଆଜି ପ୍ରତିବାଦ କରିଛନ୍ତି |

ଓଡ଼ିଶା ଜୀବିକା ମିଶନ ଓ ମିଶନ ଶକ୍ତିର କର୍ମଜୀବୀ ମହିଳାଙ୍କ ଉପରେ ପ୍ରତିହିଂସା ପରାୟଣ ହୋଇ ପୁନର୍ଗଠନ ଆଳରେ କରାଯାଇଥିବା ବହିଷ୍କାର ଆଦେଶକୁ ପ୍ରତ୍ୟାହାର ଦାବି କରିଛି ନିଖିଳ ଓଡିଶା ଜୀବିକା ମିଶନ ଇସି ସଂଘ |

ସେ ନେଇ ଆଜି ରାଜ୍ୟବ୍ଯାପୀ ପ୍ରତିବାଦ କରାଯାଇଥିବା ବେଳେ ଏହି ପରିପ୍ରେକ୍ଷୀରେ କେନ୍ଦୁଝର ଜିଲ୍ଲା ଘସିପୁରା ବ୍ଳକ ପକ୍ଷରୁ ଗଡ଼ବାନ୍ଧଗୋଡ଼ା ଠାରେ ଇସି ମାନଙ୍କର ପୁନର୍ଗଠନ ଗଠନ କରାନଯାଇ କାର୍ଯ୍ୟରତ ଇସିମାନଙ୍କୁ କାର୍ଯ୍ୟରେ ରଖିବା ପାଇଁ ମହିଳା ମାନେ ଦାବି କରି ପ୍ରତିବାଦ କରିଥିଲେ |