Year: 2025

ଡାଙ୍ଗରପଦା ସରକାରୀ ଉଚ୍ଚ ବିଦ୍ୟାଳୟର ୫୩ତମ ବାର୍ଷିକ ଉତ୍ସବ

ବାଲେଶ୍ବର ଜିଲ୍ଲା ବାଲିଆପାଳ ବ୍ଳକ ଅସ୍ତି ପଞ୍ଚାୟତ ଡାଙ୍ଗରପଦା ସରକାରୀ ଉଚ୍ଚ ବିଦ୍ୟାଳୟ ପରିସରରେ ଆଜି ଅପରାହ୍ନରେ ବିଦ୍ୟାଳୟର ୫୩ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ବିଦ୍ୟାଳୟର ପ୍ରଧାନ ଶିକ୍ଷକ ସମରଞ୍ଜନ ଜେନା ଅଧ୍ୟକ୍ଷତା କରିଥିଲେ। ମୁଖ୍ୟ ଅତିଥି ଓଡିଶା ସାହିତ୍ୟ ଏକାଡେମୀର ପ୍ରାକ୍ତନ ସଦସ୍ୟ ବିଶିଷ୍ଟ କବି ଡ. କାଳିପଦ ପଣ୍ଡା ଯୋଗଦେଇ ଗୁରୁ, ପିତାମାତା ତଥା ବିଦ୍ୟାଳୟ ପ୍ରତି ଛାତ୍ରଛାତ୍ରୀ ମାନଙ୍କର କର୍ତ୍ତବ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ। ମୁଖ୍ୟ ବକ୍ତା ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ଝାଡେଶ୍ବର ପ୍ରଧାନ, ସମ୍ମାନିତ ଅତିଥି ଭାବେ ବିଜୁ ଜନତା ଦଳ ବ୍ଲକ ସଭାପତି ଶିକ୍ଷାବିତ ଗୋବିନ୍ଦ ପ୍ରସାଦ ଦାସ, ପୂର୍ବତନ ସରପଞ୍ଚ ତଥା ବିଦ୍ୟାଳୟ ଆଲୁମିନି ସଭାପତି ଶରତ ଚନ୍ଦ୍ର ପ୍ରଧାନ, ଓଡ଼ିଶା କ୍ରିକେଟ ଆସୋସିଏସନର ଅମ୍ପାୟାର ପ୍ରତାପ କୁମାର ପାତ୍ର ପ୍ରମୁଖ ଛାତ୍ରଛାତ୍ରୀଙ୍କ ଉଜ୍ଜ୍ବଳ ଭବିଷ୍ୟତ ଗଠନ ଉଦ୍ଦେଶ୍ୟରେ ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ବରିଷ୍ଠ ସହକାରୀ ଶିକ୍ଷୟିତ୍ରୀ ମାମିଲତା ବେହେରା ବାର୍ଷିକ ବିବରଣୀ ପାଠ କରିଥିଲେ। ଶିକ୍ଷୟିତ୍ରୀ ଡ.ରଶ୍ମିତା ପାଣିଗ୍ରାହୀ ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିବା ସହିତ ପରିଚୟ ପ୍ରଦାନ କରିଥିଲେ। ଏହି ଅବସରରେ ବିଦ୍ୟାଳୟରେ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀ ତଥା ଜିଲ୍ଲା ଏବଂ ରାଜ୍ୟ ସ୍ତରରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ଟ୍ରଫି ଏବଂ ପ୍ରମାଣପତ୍ର ଦେଇ ପୁରସ୍କୃତ କରାଯାଇଥିଲା। ସନ୍ଧ୍ୟାରେ ଛାତ୍ରଛାତ୍ରୀଙ୍କ ଦ୍ଵାରା ସାଂସ୍କୃତିକ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ଶିକ୍ଷୟିତ୍ରୀ ଶୁଭଶ୍ରୀ ମୁଣ୍ଡା, ମିନତୀ ରାଉତ,ଅନୁପମା ସାମନ୍ତରାୟ, ରଶ୍ମିତା ସୀ, ଶିକ୍ଷକ ଶତୃଘ୍ନ ସେଠୀ,ସଞ୍ଜିତ ଜେନା, ପୂର୍ଣ୍ଣେନ୍ଦୁ ଦାସ, ଖେଳ ଶିକ୍ଷକ ପଦ୍ମଲୋଚନ ବାରିକ, ଦୀଲ୍ଲିପ ସିଂ, ଗଣେଶ ଜେନା, ନିତାଇ କୃଷ୍ଣ ସାମଲ, ଅରୁଣ କୁମାର ପଣ୍ଡା, ପରିଚାଳନା କମିଟିର ସଦସ୍ୟ ସଦସ୍ୟା ଛାତ୍ରଛାତ୍ରୀ ପ୍ରମୁଖ ସହଯୋଗ କରିଥିଲେ। ସଂସ୍କୃତ ଶିକ୍ଷକ ମୂରଲୀଧର ଗଙ୍ଗାଇ ଧନ୍ୟବାଦ ପ୍ରଦାନ କରିଥିଲେ।
ଦୋଷୀକୁ ଗିରଫ ଦାବିରେ ନାୟକାଣିଡ଼ିହି ଥାନା ଭିତରକୁ ଧସେଇ ପଶିଲେ ଗ୍ରାମବାସୀ

ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଅନ୍ତର୍ଗତ ନାୟକାଣିଡ଼ିହି ଥାନାରେ ଦେଖିବାକୁ ମିଳିଛି ଉତ୍ତେଜନା | ଦୋଷୀକୁ ଗିରଫ ଦାବିରେ ନାୟକାଣିଡ଼ିହି ଥାନା ଭିତରକୁ ଧସେଇ ପଶିଛନ୍ତି ଗ୍ରାମବାସୀ |

ସୂଚନା ଅନୁସାରେ, ନାୟକାଣିଡ଼ିହି ଥାନା ଅଧିନସ୍ଥ କରଂଜଡ଼ିଆ ପଞ୍ଚାୟତରେ ଥିବା ମଳିକ ସାହିର ନବଘନ ମଳିକ ରବିବାର ସନ୍ଧ୍ୟାରେ ମାର୍କେଟରୁ ଫେରିବା ସମୟରେ କିଛି ଦୁର୍ବୃତ୍ତ ରଡ ଓ ଭୁଜାଲିରେ ସଂଘବଦ୍ଧ ଭାବେ ମରଣାନ୍ତକ ଆକ୍ରମଣ କରି ପଳାଇ ଯାଇଥିଲେ |

ପରେ ସ୍ଥାନୀୟ ଲୋକେ ନବଘନ ମଳିକଙ୍କୁ ଗୁରୁତର ଅବସ୍ଥାରେ ପ୍ରଥମେ ବାସୁଦେବପୁର ମେଡିକାଲ ପରେ କଟକ ମେଡିକାଲକୁ ସ୍ଥାନାନ୍ତର କରିଥିଲେ | ଏହି ଆକ୍ରମଣ ପରେ ପରିବାର ଲୋକେ ଏକ ଏତଲା ଦେଇଥିଲେ କିନ୍ତୁ ନାୟକଣୀଡ଼ିହି ପୋଲିସ କିଛି ପଦକ୍ଷେପ ନେଇ ନଥିଲା |

ଆଜି ଚିକିତ୍ସିତ ଅବସ୍ଥାରେ ନବଘନଙ୍କର ମୃତ୍ୟୁ ଘଟିଛି | ମୃତ୍ୟୁ ପରେ ଗ୍ରାମ ଲୋକେ ମୃତ ଶରୀରକୁ ନାୟକାଣିଡ଼ିହି ଥାନା ଆଗରେ ରଖି ଦୋଷୀକୁ ଗିରଫ ଦାବିରେ ବିକ୍ଷୋଭ କରି ଥିଲେ ପରେ ଥାନା ଭିତରକୁ ଧସେଇ ପଶିଥିଲେ |
ନିଶାସକ୍ତ ହୋଇ ବାଇକ୍ ଚଳାଇବା ହେଲା କାଳ; ଜଣେ ମୃତ, ୨ ଗୁରୁତର

କେନ୍ଦୁଝର ଜିଲ୍ଲା ଯୋଡ଼ା ଅନ୍ତର୍ଗତ ରିମୁଳି ଠାରୁ ରାଜାମୁଣ୍ଡା ୫୨୦ ନଂ ଜାତୀୟ ରାଜପଥରେ ଦୈନିକ ଛୋଟ ବଡ ସଡକ ଦୁର୍ଘଟଣା ଘଟୁଥିବାର ନଜିର ରହିଛି। ଦୁର୍ଘଟଣା ଘଟି ବହୁ ଧନଜୀବନ ହାନୀ ହୋଉଛି।

ଏହିପରି ଏକ ସଡ଼କ ଦୁର୍ଘଟଣା ଘଟିଛି ଯୋଡ଼ା ଥାନା ଅନ୍ତର୍ଗତ ଜାତୀୟ ରାଜପଥ ୫୨୦ ନମ୍ବର ଲହଣ୍ଡା ନିକଟରେ। ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ ହେବା ଫଳରେ ଜଣେ ମୃତ, ୨ ଗୁରୁତର ଆହତ ହୋଇଥିବା ଜଣାପଡିଛି । ମୃତକ ଯୋଡ଼ା ଥାନା ବନେଇକଳା ଅଞ୍ଚଳର ରୋହିତ ମହାକୁଡ଼ ।

ସୂଚନା ଅନୁସାରେ, ୩ ଜଣ ଯୁବକ ଏକ ବାଇକ୍ ଯୋଗେ ବିଲେଇପଦା ହାଟରୁ ନିଶାସକ୍ତ ଅବସ୍ଥାରେ ଫେରୁଥିବା ସମୟରେ ଭାରସାମ୍ୟ ହରାଇ ରାସ୍ତାକଡ଼ ଡିଭାଇଡରରେ ବାଜି ରାସ୍ତାରେ ଛିଟିକି ପଡିଥିଲେ।

ସେମାନଙ୍କୁ ଗୁରୁତର ଅବସ୍ଥାରେ ନିକଟସ୍ଥ ବାସୁଦେବପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ରୋହିତ ମହାକୁଡ଼ଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ କେନ୍ଦୁଝର ସ୍ଥାନାନ୍ତର କରାଯାଇଥିଲା । ମାତ୍ର ବାଟରେ ତାଙ୍କର ମୃତ୍ୟୁ ଘଟିଥିଲା ।
ଟ୍ରେନ୍ ୱାଗନରୁ କୋଇଲା ଲୁଟ୍ ଉଦ୍ୟମ; ମାଫିଆକୁ ଧରିବାକୁ ତଦନ୍ତ ଆରମ୍ଭ

ପାରାଦ୍ଵୀପର ସିଜୁ ରେଲୱେ ଷ୍ଟେସନ ନିକଟରେ ଗତକାଲି ବିଳମ୍ବିତ ରାତିରେ ଏକ କୋଇଲା ଟ୍ରେନରୁ କୋଇଲା ଲୁଟ୍ ପାଇଁ ଉଦ୍ୟମ ହୋଇଥିବା ସୂଚନା ରହିଛି | କିଛି ଦୁର୍ବୃତ୍ତ ଟ୍ରେନ୍ ବଗିରୁ କୋଇଲା କାଢ଼ିବାକୁ ଉଦ୍ୟମ କରୁଥିବା ବେଳେ ଏହାର ଲକ୍ ଖୋଲି ଯାଇଥିଲା । ଫଳରେ ଟ୍ରେନ୍ ଲାଇନ୍ ଉପରେ ପାଖାପାଖି ୩ ରୁ ୪ ଟନ୍ କୋଇଲା ପଡ଼ିଯାଇଥିଲା।

ଏହାକୁ ଟ୍ରେନର ଗାର୍ଡ ଦେଖି ରେଲୱେ ପୋଲିସକୁ ଖବର ଦେଇଥିଲେ | ଘଟଣାସ୍ଥଳରେ ପାରାଦ୍ଵୀପ ରେଲୱେ ସୁରକ୍ଷାବଳ ଥାନାର ଓଆଇସି ଓ ଅନ୍ୟ ଅଫିସରମାନେ ପହଞ୍ଚି କୋଇଲାକୁ ସେଠାରୁ ଜବତ କରାଯାଇଛି । ତେବେ ଏହି ଘଟଣାକୁ ନେଇ ରେଲୱେ ଥାନା ପକ୍ଷରୁ କେହି ଅଜଣା ବ୍ୟକ୍ତି ଏଭଳି ଘଟଣା ଘଟାଇଥିବା ଆଶଙ୍କା କରି ଏକ ମାମଲା ରୁଜ୍ଜୁ କରି ତଦନ୍ତ ଜାରି ରହିଛି । ମାତ୍ର ପାରାଦ୍ଵୀପ ଠାରୁ କୁଜଙ୍ଗ ମଧ୍ୟରେ ରୀତିମତ କୋଇଲା ଚୋରି ହେଉଥିବା ଅଭିଯୋଗ ହେଉଥିଲେ ମଧ୍ୟ ରେଲୱେ ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନଥିବା ଚର୍ଚ୍ଚା ଜୋର ଧରିଛି । ଫଳରେ ଏହି କୋଇଲା ମାଫିଆମାନେ ପାରାଦ୍ଵୀପରେ ନିର୍ଦ୍ଵନ୍ଦ୍ଵରେ କୋଇଲା ଚୋରି କରୁଥିବା କୁହାଯାଉଛି।
ଦାଦା-ବଟି ନ ଦେବାରୁ ମରଣାତ୍ମକ ଆକ୍ରମଣ, ରକ୍ତାକ୍ତ ଅବସ୍ଥାରେ ଥାନାରେ ପହଁଚିଲେ ବ୍ୟବସାୟୀ

ଦାଦା ବଟି କୁ ନେଇ ରକ୍ତ ପାତ, ମାଛ ବ୍ୟବସାୟୀ ଙ୍କୁ ଆକ୍ରମଣ କରି ସୁନା ଚେନ, ମୁଦି, ପଚାଶ ହଜାର ଟଙ୍କା ଲୁଟି ନେଲେ ଦୁର୍ବୁତ୍ତ. କୁଦାନଗରୀ ଥାନା ରେ ମାମଲା ରୁଜ୍ଜୁ ପରେ ପୋଲିସ ତଦନ୍ତ ଆରମ୍ଭ କରିଛନ୍ତି. କୁଦାନଗରୀ ଥାନା ଅନ୍ତର୍ଗତ ମାହାଳ ବାବା କଲ୍ୟାଣ ମଣ୍ଡପ ନିକଟ ରେ କିଛି ଦୁର୍ବୁତ୍ତ ଜଣେ ମାଛ ବ୍ୟବସାୟୀ ରାକେଶ ମାହାଳି ଙ୍କୁ ମାରଣlନ୍ତକ ଆକ୍ରମଣ କରି ଟଙ୍କା ଓ ସୁନା ମୁଦି ଚେନ ଲୁଟି ନେଇଥିଲେ.ତେବେ ଆକ୍ରମଣକାରି ଙ୍କୁ ଅଭିଯୋଗକାରି ଚିନ୍ହଟ କରିଛନ୍ତି.ଅଭିଯୋଗ ଅନୁଯାୟୀ ସଂଧ୍ୟା ସମୟରେ ଚାଅପୁର ଗାଁ ର ମାଛ ବ୍ୟବସାୟୀ ରାକେଶ ବ୍ୟବସାୟ ଟଙ୍କା ସହ ଘରକୁ ଫେରୁଥିଵା ସମୟ ରେ କାବିଲ ପୁର ଓ ଛକନା ଅଞ୍ଚଳ ର କିଛି ଗୁଣ୍ଡା କିଶୋର ଓରଫ ଖଟୁ ନାୟକ,, ଚି଼ଙ୍କୁ,ଚିଣ୍ଟୁ,ବିଳାସ ରାଉଳ ଓ ତାଙ୍କର ସହଯୋଗୀ ମାନେ ବାବା କଲ୍ୟାଣ ମଣ୍ଡପ ନିକଟ ରେ ଅଟକାଇ ମଦ ବୋତଲ ରେ ରାକେଶ ଙ୍କ ମୁଣ୍ଡ କୁ ଫଟାଇ ଠେଙ୍ଗା ସାହାଯ୍ୟ ରେ ଆକ୍ରମଣ କରି ଲହୁଲୁହାଣ କରି ଟଙ୍କା ସୁନା ଲୁଟିଥିଲେ. ପୂର୍ବରୁ ଦୁର୍ବୁତ୍ତ ମାନେ ରାକେଶ ଙ୍କୁ ବାରମ୍ବାର ଦାଦାବଟି ମାଗୁଥିଲେ ହେଲେ ରାକେଶ ଦାଦାବଟି ନ ଦେବାରୁ ତାଙ୍କୁ ଏଭଳି ମରଣାନ୍ତକ ଆକ୍ରମଣ ହୋଇଥିଲା. ରାକେଶ ଙ୍କ. ମୁଣ୍ଡ ଓ ହାତ ରେ ଗଭୀର ଆଘାତ ଲାଗୁଥିଲା . ମୁଣ୍ଡରୁ ଗଭୀର ରକ୍ତ ସ୍ରାବ ହୋଇଥିଲା.ରାକେଶ ଙ୍କୁ ଗୁରୁତର ଅବସ୍ଥା ରେ ସ୍ଥାନୀୟ ଲୋକେ ଉଦ୍ଧାର କରି କୁଦାନଗରୀ ଥାନା ନେଇଥିଲେ.ସେଠାରେ ସେ ଅଭିଯୋଗ ଦେବାପରେ ତାଙ୍କୁ କେନ୍ଦ୍ରାପଡ଼ା ମୁଖ୍ୟ ଚିକିତ୍ସାଳୟ କୁ ନିଆଯାଇଥିଲା . ଏନେଇ କୁଦାନଗରୀ ଥାନା ରେ ଅଭିଯୋଗ ପରେ ପୋଲିସ ମାମଲା ରୁଜ୍ଜୁ କରି ତଦନ୍ତ କରୁଛନ୍ତି
ଧାନର କଟନି-ଛଟନିକୁ ବିରୋଧ, ଚାଷୀ କଲେ ବାସୁଦେବପୁର ବ୍ଲକ ଘେରାଉ

ଭଦ୍ରକ ଜିଲ୍ଲା ବାସୁଦେବପୁର ବ୍ଲକରେ ଧାନ କିଣାରେ ଆଠ ପର୍ସେଣ୍ଟରୁ ଏଗାର ପର୍ସେଣ୍ଟ କଟନି ଛଟନି କୁ ନେଇ ଚାଷୀଙ୍କ ମଧ୍ଯରେ ତୀବ୍ର ଅସନ୍ତୋଷ ଦେଖାଦେଇଛି । ଏହାକୁ ବିରୋଧ କରି ଚାରି ଟି ସ୍ଥାନ ରେ ଚାଷୀ ମାନେ ରାସ୍ତା ରୋକ୍ କରିଛନ୍ତି। ବାସୁଦେବପୁର ବ୍ଲକ ର ବିଦେଇପୁର, ଏଡତାଳ, ନରସିଂହପୁର, ଇରମ ଠାରେ ମୁଖ୍ୟ ରାସ୍ତା ଅବରୋଧ କରି ଚାଷୀ ମାନେ ଦୀର୍ଘ ସମୟ ଧରି ରାସ୍ତା ରୋକ୍ କରିଛନ୍ତି।

ବିଦେଇପୂର୍ ଠାରେ ରମେଶ ଚନ୍ଦ୍ର ବଳ, ଉତ୍ତମ ପାତ୍ର, ବିଦ୍ୟାଧର ମୁଦୁଲି, କାହ୍ନୁ ଚରଣ ବେହେରା, ଆଦିତ୍ୟ ଗିରି, ଦୟାନିଧି ଦାସ, ତପନ କୁମାର ଭୂୟାଁ, ଶରତ ମିଶ୍ର, ରତ୍ନାକର ବାରିକ୍, ସୁବାସ ମାଝୀ ଙ୍କ ସହ ବହୁ ଚାଷୀ ସେହିପରି ଏଡତାଳ ଠାରେ ନିରଞ୍ଜନ ପଲାଇ, ହରିହର ବେହେରା, ଗୋପାଳ ଦାସ, ଅର୍ଜୁନ ମଲ୍ଲିକ, ବିଦ୍ୟାଧର ମଲିକ, ହିମାଂଶୁ ଜେନା, ଜଗବନ୍ଧୁ ନାୟକ, ହୃଷୀକେଶ ନାୟକ ଙ୍କ ସହ ବହୁ ଚାଷୀ ସେହିପରି ନରସିଂହପୁର ଠାରେ ଗୌରାଙ୍ଗ ପଣ୍ଡା, ପ୍ରଭାତ ବାରିକ୍, ଜଗନ୍ନାଥ ମିଶ୍ର, ପଦ୍ମ ଲୋଚନ ମହାରଣା, ଗଙ୍ଗାଧର ପରିଡ଼ା, ଭାଗିରଥି ମହାପାତ୍ର, ବିଭୂତି ଭୂଷଣ ପଣ୍ଡା ଙ୍କ ସହ ବହୁ ଚାଷୀ ସେହିପରି ଇରମ ଠାରେ ସୁବାସ ସନ୍ଧି ବିଗ୍ରହ, ଦେବ ଦତ୍ତ ବଳ, ଗୌରହରି ମଲିକ, ସୁନୀଲ ପାଢ଼ୀ, ଅମରେନ୍ଦ୍ର ପଣ୍ଡା, ରଘୁନାଥ ମଲିକ, ବଂଶୀ ଧର ସେଠୀ, ନିରଞ୍ଜନ ରାଉତ ଙ୍କ ସହ ବହୁ ଚାଷୀ ଉପସ୍ଥିତ ରହି ଦୀର୍ଘ ସମୟ ଧରି ବସି ରହି ଥିଲେ।
ବାଲେଶ୍ୱର ପାଲଟିଛି ଧଳାଜହରର ଗନ୍ତାଘର, ଜଳପଥ ଦେଇ ଓଡ଼ିଶାରେ ଚାଲିଛି କାରବାର

ବାଲେଶ୍ୱର ଜିଲ୍ଲାର ଅରଡ଼ ବଜାର ଓ ଜଳେଶ୍ୱର ସହରରେ ବିପୁଳ ପରିମାଣରେ ବିକ୍ରି ହେଉଛି ଧଳା ଜହର।ଯୁବ ପିଢୀ ବିଶେଷ କରି କଲେଜ ପଢୁଆ ପିଲା ନିଶାରେ କବଳିତ ରହୁଛନ୍ତି। ପଶ୍ଚିମବଙ୍ଗ ସୀମାନ୍ତ ବାଲେଶ୍ୱର ଓ ଜଳେଶ୍ୱରରେ ପ୍ରାୟ ୩୦ କୋଟିରୁ ଉର୍ଦ୍ଧ୍ବ ଟଙ୍କାର ବ୍ରାଉନସୁଗାର କାରବାର ହେଉଛି। ଜାତୀୟ ରାଜପଥ ସମେତ ଜଳପଥ ଓ ରେଳପଥ ସାଜିଛି ଏହାର ମାଧ୍ୟମ । ପଶ୍ଚିମବଙ୍ଗର ବନଗାଁ ଅଂଚଳକୁ ଜଳପଥ ଦେଇ ଆସିଥାଏ ବ୍ରାଉନସୁଗାର । ବନଗାଁରୁ ପ୍ରତ୍ୟକ ୨ ଘଣ୍ଟା ଅନ୍ତରରେ ରେଳପଥ ଯୋଗେ ଶିଆଳଦା, ହାୱଡା ମଧ୍ୟଦେଇ ଜଳେଶ୍ୱର ସହର ଭାୟା ଖଡଗପୁର ଦେଇ ଓଡ଼ିଶାକୁ ପ୍ରବେଶ କରିଥାଏ ।

ଆନ୍ତର୍ଜାତୀୟ କୁଖ୍ଯାତ ବ୍ରାଉନସୁଗାର ମାଫିଆ ସେଖ୍ ସମିରୁଦ୍ଦିନ ଓରଫ ଟାକଲୁ ରାଜା ,ଗତ କାଲି ବିଳମ୍ବିତ ରାତିରେ ଟାକୁଲୁ ରାଜା କୁ ଗିରଫ କରିବା ସହିତ ୩୪୫ ଗ୍ରାମ ର ବ୍ରାଉନ ସୁଗାର, ଗୋଟିଏ ରୟାଲ ଏନଫିଲ୍ଡ ବାଇକ, ଗୋଟିଏ ମୋବାଇଲ ଏବଂ ନଗଦ ଟଙ୍କା ଜବଦ କରିଛି ଜଳେଶ୍ବର ପୋଲିସ ,ଜବତ ବ୍ରାଉନ ସୁଗାର ର ଆନୁମାନିକ ମୂଲ୍ୟ ୩୪ ଲକ୍ଷ ୫୦ ହଜାର ଟଙ୍କା ହୋଇଥିବା ନେଇ ଜଳେଶ୍ବର ଥାନା ପରିସର ରେ ଆୟୋଜିତ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି। ବାଲେଶ୍ୱର ଏସପି ରାଜ ପ୍ରସାଦ, ପଶ୍ଚିମବଙ୍ଗ ରୁ ବ୍ରାଉନସୁଗାର ନେଇ ଜଳେଶ୍ବର କୁ ଫେରୁଥିବା ବେଳେ ୬୦ ନମ୍ବର ଜାତୀୟ ରାଜପଥ ର ଅଗ୍ରୱାଲା ଛକ ନିକଟରେ ଚଢଉ କରି ଜବଦ କରିଛି ।

କୁଖ୍ଯାତ ବ୍ରାଉନସୁଗାର ବେପାରୀ ଟାକୁଲୁ ରାଜା ପଡୋଶୀ ବାଂଲାଦେଶ ଓ ନେପାଳ, ଦୁବାଇ ରୁ ଧଳା ଜହର ଆଣି ଓଡିଶା ସମେତ ବିଭିନ୍ନ ରାଜ୍ଯ ରେ କାରବାର କରୁଥିଲା, ଦୀର୍ଘ ଦିନ ଏସ ଟି ଏଫ୍ ସ୍କାନର ରେ ରହିବା ପରେ ୨୦୨୧ ମସିହା ରେ ସେ ପୋଲିସ ହାତରେ ଆତ୍ମ ସମ୍ପର୍ପଣ କରି ଥିଲା , ସେତେବେଳେ ଜଳେଶ୍ୱର ଅଞ୍ଚଳ ରେ ଆନୁମାନିକ ୧୦ କୋଟି ଟଙ୍କା ର ସମ୍ପତି ଠାବ କରା ଯାଇଥିଲା, ଉକ୍ତ ରିପୋର୍ଟ କୁ ଆଧାର କରି ‘ଫର ଫିଚର ଅଫ ପ୍ରପୋର୍ଟି ଆକ୍ଟ ୧୯୭୬ ବଳରେ କେନ୍ଦ୍ରୀୟ ନାରକୋଟିଭ ଡ୍ରଗସ ବିଭାଗ କୋଲକାତା ସ୍ଥିତ ଇଷ୍ଟର୍ନ ରିଜିୟନାଲ ଜୋନ ର କମିଟିମେଣ୍ଟ ଆଡମିନିଷ୍ଟ୍ରେଟ ସମସ୍ତ ସମ୍ପତି ବାଜ୍ୟାପ୍ତି ପାଂଇ ନିର୍ଦେଶ ଦେଇ ଥିଲେ , ଟାକୁଲୁ ରାଜା ନାମରେ ଏସଟିଏଫ୍ ପୂର୍ଵରୁ ୨୦୨୦ ମସିହାରେ ୭ଟି ମାମଲା ଟାକଲୁ ବିରୋଧରେ ଥାନରେ ରୁଜୁ ହୋଇଥିଲା।

୨୦୨୧ରେ ସେ ଆତ୍ମ ସମର୍ପଣ କରିଥିଲା ୨୦୨୩ ମସିହାରେ ସେ ଜେଲରୁ ବାହାରି ଥିଲା। ସେ ପଡୋଶୀ ବାଂଲାଦେଶ ଓ ନେପାଳ, ଦୁବାଇରୁ ଧଳା ଜହର ଆାଣି କାରବାର କରୁ ଥିଲା । ଜଳେଶ୍ୱେର ଅଂଚଳରେ ତାହାର ଆନୁମାନିକ ୧୦ କୋଟି ଟଙ୍କାର ସମ୍ପତ୍ତି ଠାବ କରା ଯାଇଥିଲା। ଜଳେଶ୍ୱର ତହସିଲଦାରଙ୍କ ସହାୟତାରେ ଟାକଲୁ ରାଜାର ସମ୍ପତ୍ତି ବାଜ୍ୟାପ୍ତି ପାଇଁ ପକ୍ରିୟା ଚାଲୁ ଅଛି। ଏସଟିଏଫ୍ ଜଳେଶ୍ୱର ତହସିଲଦାର ଙ୍କ ସହାୟତା ରେ ଟାକୁଲୁ ରାଜା ର ସମ୍ପତି ବାଜ୍ୟାପ୍ତି ପାଇଁ ପକ୍ରିୟା ଚାଲୁ ଅଛି , ଅନ୍ୟପଟେ ବାଲେଶ୍ୱର ଏସ୍ପି ରାଜ ପ୍ରାସାଦ କହିଛନ୍ତି ଟାକୁଲୁ ରାଜାକୁ ଆଗାମୀ ଦିନରେ ରିମାଣ୍ଡ ରେ ନେଇ ଅଧିକ ତଦନ୍ତ କରାଯିବ।
ମହାକୁମ୍ଭ ରେ ମହା ଘୋଟାଲା, ଆଘୋରୀ ବାବାଙ୍କ ପ୍ରେମରେ ଋଷୀୟ ମହିଳା

ମହାକୁମ୍ଭ ୨୦୨୫ରେ ଅଜବ ଅଜବ ଘଟଣା ଘଟୁଛି ଏବଂ ଅଦ୍ଭୁତ କାହାଣୀ ସବୁ ସାମ୍ନାକୁ ଆସୁଛି । ଆଇଆଇଟି ବାବାଙ୍କଠାରୁ ଆରମ୍ଭ କରି ମୋନାଲିସା ପର୍ଯ୍ୟନ୍ତ, ଅନେକ ଚର୍ଚ୍ଚିତ ଚେହେରା ସୋସିଆଲ ମିଡିଆରେ ଦୃଷ୍ଟି ଆକର୍ଷଣ କରିଛନ୍ତି ।

ଏହି ସମୟରେ ବିବାହର ଅନେକ ଖବର ମଧ୍ୟ ଭାଇରାଲ ହୋଇଥିଲା। ପ୍ରଥମେ ଜଣେ ଗ୍ରୀକ ଝିଅ ଏବଂ ଜଣେ ଦିଲ୍ଲୀ ପୁଅର ବିବାହ ଖବର ଚର୍ଚ୍ଚାରେ ଥିଲା । ଆଉ ଏବେ ମହାକୁମ୍ଭ ପରିଦର୍ଶନ କରିବାକୁ ଆସିଥିବା ଜଣେ ଋଷୀୟ ମହିଳାଙ୍କୁ ନେଇ ହେଉଛି ଚର୍ଚ୍ଚା। କାରଣ ଜଣେ ଅଘୋରୀ ବାବାଙ୍କ ପ୍ରେମରେ ଉବୁଡ଼ୁବୁ ହେଉଥିବା ଖବର ସମସ୍ତଙ୍କୁ ଚକିତ କରିଛି । ଦୁହେଁ ମହାକୁମ୍ଭରେ ବିବାହ କରିଥିବା ମଧ୍ୟ ଜଣାପଡିଛି ଏବଂ ସେମାନଙ୍କର ଅନନ୍ୟ ପ୍ରେମ କାହାଣୀ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଭାଇରାଲ ଭିଡିଓରେ ଜଣେ ବ୍ୟକ୍ତି ଜଣେ ରୁଷୀୟ ମହିଳାଙ୍କ ସାକ୍ଷାତକାର ନେଉଥିବାର ଦେଖାଯାଉଛି। ସେ ମହିଳାଙ୍କୁ ପଚରାଯାଇଥିଲା, ଆପଣ ହିନ୍ଦୁ ଧର୍ମକୁ ପସନ୍ଦ କରନ୍ତି? ଏଥିରେ ସେି ହସି ହସି ଉତ୍ତର ଦେଲେ ଯେ ସେ ଭଗବାନ ଗଣେଶଙ୍କର ଜଣେ ଭକ୍ତ। ସେହି ସମୟରେ ଯେତେବେଳେ ସେହି ବ୍ୟକ୍ତି ଅଘୋରୀ ବାବାଙ୍କୁ ପଚାରିଲେ ଯେ ଏହି ମହିଳା ଜଣଙ୍କ ତାଙ୍କ ତପସ୍ୟାରେ ବିରକ୍ତି ସୃଷ୍ଟି କରୁଛନ୍ତି କି? ବାବା ଉତ୍ତର ନଦେଇ ଲାଜରେ ହସିଥିଲେ। ଏହି ସୁନ୍ଦର ଏବଂ ଅନନ୍ୟ ମୁହୂର୍ତ୍ତଟି ସୋସିଆଲ ମିଡିଆରେ ଭାଇରାଲ ହେଉଛି ଏବଂ ଲୋକମାନେ ଏହି ଅନନ୍ୟ ପ୍ରେମ କାହାଣୀ ଉପରେ ମଜାଦାର ପ୍ରତିକ୍ରିୟା ଦେଉଛନ୍ତି।

ଏହି ଭିଡିଓଟି ଇନ୍ସଟାଗ୍ରାମର ପେଜରୁ ଶେୟାର କରାଯାଇଛି, ଯାହାକି ଏପର୍ଯ୍ୟନ୍ତ ଲକ୍ଷ ଲକ୍ଷ ଭିୟୁ ପାଇସାରିଲାଣି। ଅନେକ ଲୋକ ବିଭିନ୍ନ ମନ୍ତବ୍ୟ ଦେଉଛନ୍ତି। ଜଣେ ୟୁଜର୍ସ ଲେଖିଛନ୍ତି, ଏବେ ଆମକୁ ମଧ୍ୟ ବାବା ହେବାକୁ ପଡିବ। ଆଉ ଜଣେ ବ୍ୟବହାରକାରୀ ଲେଖିଛନ୍ତି, ବାବାଙ୍କୁ ତାଙ୍କ ତପସ୍ୟାର ଫଳ ମିଳିଛି।
କେନ୍ଦୁଝର ସଦର ମହକୁମାରେ ଅଭିଯୋଗ ଶୁଣାଣି ଅନୁଷ୍ଠିତ

କେନ୍ଦୁଝର ଜିଲ୍ଲାପାଳଙ୍କ କାର୍ଯ୍ୟାଳୟ ଦରବାର ହଲ ଠାରେ ଆଜି ଜିଲ୍ଲାପାଳ ଏବଂ ଆରକ୍ଷୀ ଅଧିକ୍ଷକଙ୍କ ଦ୍ବାରା ମିଳିତ ଅଭିଯୋଗ ଶୁଣାଣି କାର୍ଯ୍ୟକ୍ରମ ଫେବୃଆରୀ ମାସର ପ୍ରଥମ ସୋମବାର ଦିନ ଅନୁଷ୍ଠିତ ହୋଇଛି। ଖବର ସଂଗ୍ରହ ପର୍ଯ୍ୟନ୍ତ ଦୁଇଶହରୁ ଉର୍ଦ୍ଧ୍ବ ଅଭିଯୋଗ ଜନଶୁଣାଣି ଶାନ୍ତି ଓ ଶୃଙ୍ଖଳାର ସହ ହୋଇଥିବା ଜଣାପଡିଛି ।
ଜଳିଗଲା ଚଳନ୍ତା ବାଇକ, ଚାଳକ ଫେରାର

କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ ଏନଏଚ ୫୨୦ କଣ୍ଡ୍ରା ଟୋଲ ଗେଟ ନିକଟରେ ସୋମବାର ଅପରାହ୍ନରେ ଏକ ଚଳନ୍ତା ପଲସର ବାଇକରେ ହଠାତ ନିଆଁ ଲାଗି ସମ୍ପୂର୍ଣ୍ଣ ପୋଡ଼ି ପାଉଁଶ ହୋଇଯାଇଛି । ବାଇକରେ ନିଆଁ ଲାଗିବା ଦେଖି ବାଇକ ଚାଳକ ସେଠାରେ ବାଇକ ଛାଡ଼ି ଫେରାର ହୋଇଯାଇଥିବା କୁହାଯାଉଛି । ଟୋଲ ଗେଟରେ ଥିବା ଅଗ୍ନି ନିର୍ବାପକ ଯନ୍ତ୍ର ଆଣି ସେଠାକାର କର୍ମଚାରୀ ଲିଭାଇବାକୁ ଚେଷ୍ଟା କରିଥିଲେ, ମାତ୍ର ତାହା କାମ କରି ନଥିଲା ଏବଂ ଦେଖୁ ଦେଖୁ ହୁତୁ ହୁତୁ ଜଳି ଯାଇଥିଲା ବାଇକ। ଏମିତିରେ ସେଠାରେ ଉପସ୍ଥିତ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା ।

ଲୋକେ କିଛି ସମୟ ଧରି ଗାଡ଼ି ମୋଟର ଚଳାଚଳ ବନ୍ଦ କରିଦେଇଥିଲେ । ସୂଚନା ପାଇ ଯୋଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିବା ପରେ ସ୍ଥିତି ସାମାନ୍ୟ ହୋଇଥିଲା । ବାଇକଟି ଯୋଡ଼ା ପଟୁ ଯାଉଥିଲା ବେଳେ, ଏହି ଘଟଣାକୁ ନେଇ ଏବେ ପୋଲିସ ତଦନ୍ତ ଆରମ୍ଭ କରିଛି ।