Month: January 2025

ଜଳୁଛି ଜଙ୍ଗଲ, ଜଙ୍ଗଲରେ କାୟା ମେଲାଇଛି ନିଆଁ

ଆମେରିକା କାଲିଫର୍ଣ୍ଣିଆରେ ହୁତୁହୁତୁ ହୋଇ ଜଳୁଛି ଲସ୍ ଏଞ୍ଜଲ୍ସ ଜଙ୍ଗଲ । ଧିରେ ଧିରେ ନିଆଁ ସହର ଆଡକୁ ବ୍ଯାପିବାରେ ଲାଗିଲାଣି । ଏହି ଜଙ୍ଗଲ ପୋଡିରେ ବର୍ତ୍ତମାନ ପର୍ଯ୍ଯନ୍ତ ୫ ଜଣଙ୍କର ମୃତ୍ଯୁ ହୋଇଥିବାବେଳେ ଅନେକ ଆହାତ ହୋଇଛନ୍ତି । ପାଖାପାଖି ୭୦ ହଜାର ଲୋକଙ୍କୁ ରେସକ୍ଯୁ କରି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ନିଆଁ ପ୍ରାୟ 5 ହଜାର ଏକର ଜଙ୍ଗଲରେ କାୟା ମେଲାଇଛି । ଏକ ହଜାରରୁ ଅଧିକ ଘର ଜଳିପୋଡି ପାଉଁଶ ହୋଇଯାଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ ଅତ୍ଯାଧିକ ପବନ ପାଇଁ ନିଆଁ ଚାରିଆଡେ ବ୍ଯାପିବାରେ ଲାଗିଛି , ଫଳରେ ଅଗ୍ନୀଶମ ବାହୀନିକୁ ନିଆଁ ଲିଭଆଇବାରେ ଅସୁବିଧା ହେଉଛି । ମାତ୍ର ସମସ୍ତ କର୍ମଚାରୀ ପ୍ରାଣପଣେ ନିଆଁ ଲିଭାଇବା ପାଇଁ ଚେଷ୍ଟା କରୁଛନ୍ତି । ଜଳୁଥଇବା ନିଆଁରେ ଅନେକ ଗୁଡିଏ ଜଙ୍ଗଲୀ ଜନ୍ତୁଙ୍କର ଜୀବନ ମଧ୍ଯ ଗଲାଣି । ତେବେ ନିଆଁର ଏତେ ଦୃତ୍ତଗତିରେ ବ୍ଯାପୁଛିଯେ ଆଗାମୀ ଦିନରେ ସ୍ଥିତି ଆହୁରି ବିଗିଡିବା ନେଇ ଆଶଙ୍କା କରାଯାଉଛି …
ଆଜି ପବିତ୍ର ଶାମ୍ବ ଦଶମୀ, କାହିଁକି ହୁଏ ଶାମ୍ବ ଦଶମୀ ?

ସକାଳୁ ସକାଳୁ ଚନ୍ଦ୍ରଭାଗାରେ ହଜାର ହଜାର ଶ୍ରଦ୍ଧାଳୁ ଓ ପର୍ଯ୍ୟଟକ ସୂର୍ଯ୍ୟୋଦୟ ଦର୍ଶନ କରିଛନ୍ତି । ଶାମ୍ବ ଦଶମୀ ଅବସରରେ କୋଣାର୍କରେ ସୂର୍ଯ୍ୟ ରଥଯାତ୍ରା ଓ ସୌର ମହାଯଜ୍ଞ ଅନୁଷ୍ଠିତ ହେଉଛି। ସୂର୍ଯ୍ୟ ରଥଯାତ୍ରା ୨୭ ଦିନ ଯାଏ ଚନ୍ଦ୍ରଭାଗାରେ ଅନୁଷ୍ଠିତ ହେବ। ଏହାକୁ ଦେଖିବାକୁ କୋଣାର୍କକୁ ପର୍ଯ୍ୟଟକଙ୍କ ସୁଅ ଛୁଟିବ ।

ପୌରାଣିକ କଥା ଅନୁସାରେ,
ଏହି ଦଶମୀକୁ ଶାମ୍ବ ଦଶମୀ, ଗାଁ ଗହଳରେ ସମ୍ବର ଦଶମୀ ବୋଲି କୁହାଯାଏ । ଶ୍ରୀକୃଷ୍ଣଙ୍କ ସବୁ ପୁତ୍ର ମଧ୍ୟରେ ଜାମ୍ବବତୀ ଗର୍ଭଜାତ ଶାମ୍ବ ଅତ୍ୟନ୍ତ ସୁନ୍ଦର ଥିଲେ । ଦୁର୍ଯ୍ୟୋଧନଙ୍କ କନ୍ୟା ଲକ୍ଷଣାଙ୍କୁ ଶାମ୍ବ ଅପହରଣ କରି ବିବାହ କରିଥିଲେ। ଅନ୍ତଃପୁର ମଧ୍ୟରେ ଶ୍ରୀକୃଷ୍ଣ ସତ୍ୟଭାମାଙ୍କ ସହ ପ୍ରେମାଳାପରେ ମଗ୍ନଥିବା ବେଳେ ଦ୍ୱାର ଦେଶରେ ଶାମ୍ବଙ୍କୁ ଜଗାଇ ଆଦେଶ ଦେଇଥିଲେ- କାହାକୁ ଅନ୍ତଃପୁରକୁ ନ ଛାଡ଼ିବା ପାଇଁ । ତେବେ ଏ ସମୟରେ ମହର୍ଷି ଦୁର୍ବାସା ଦ୍ୱାରଦେଶରେ ପହଞ୍ଚିଲେ ଶ୍ରୀକୃଷ୍ଣଙ୍କୁ ଦର୍ଶନ କରିବାପାଇଁ ଚାହିଁଲେ । ଶାମ୍ବ ମହର୍ଷି ଦୁର୍ବାସା ଋଷିଙ୍କ କ୍ରୋଧରେ ଭୟଭୀତ ହୋଇ ଶ୍ରୀକୃଷ୍ଣଙ୍କୁ ଡାକି ଦେଇଥିଲେ । ଫଳରେ ଶ୍ରୀକୃଷ୍ଣ ଶାମ୍ବଙ୍କୁ କୁଷ୍ଠ ରୋଗର ଅଭିଶାପ ଦେଇଥିଲେ ।

ଶ୍ରୀକୃଷ୍ଣ ପୁତ୍ରକୁ ଅଭିଶାପ ଦେଇ ଅନୁତପ୍ତ ହୋଇ ଦୁର୍ବାସାଙ୍କୁ ପୁତ୍ର ଶାମ୍ବର କୁଷ୍ଠ ମୁକ୍ତି ଉପାୟ ପଚାରିବାରୁ ଦୁର୍ବାସା ଅର୍କକ୍ଷେତ୍ର କୋଣାର୍କ କଥା କହି ଶାମ୍ବଙ୍କୁ ସେ କ୍ଷେତ୍ରରେ ସୂର୍ଯ୍ୟପୂଜା କରିବା ପାଇଁ ନିର୍ଦ୍ଦେଶ ଦେଲେ । ତା ପରେ ଦେବର୍ଷି ନାରଦଙ୍କ ସହ ଶାମ୍ବ ପୁଣ୍ୟଧାମ ଚନ୍ଦ୍ରଭାଗା ତୀରରେ ପ୍ରବେଶ କଲେ । ସେହି ଦିନ ଥିଲା ପୌଷମାସ ଶୁକ୍ଳ ପକ୍ଷ ଦଶମୀ ତିଥି ।

କୃଷ୍ଣଙ୍କ ପୁତ୍ର ଶାମ୍ବ ବ୍ୟାଧି ମୁକ୍ତି ପାଇଁ କୋଣାର୍କ ତଥା ତତ୍କାଳୀନ ମୈତ୍ରେୟ ବନରେ ସୂର୍ଯ୍ୟ ଉପାସନା କରିଥିଲେ। ଆଜିର ଦିନରେ ଶାମ୍ବ ଚନ୍ଦ୍ରଭାଗାରେ ସ୍ନାନ କରି ସୂର୍ଯ୍ୟଙ୍କୁ ପୂଜା କରି ବ୍ୟାଧି ମୁକ୍ତ ହୋଇଥିଲେ। ତେବେ ଶାମ୍ବ ହିଁ ପ୍ରଥମେ ସୂର୍ଯ୍ୟନାରାୟଣଙ୍କ ବିଗ୍ରହ ପୂଜା ଆରମ୍ଭ କରି ସୂର୍ଯ୍ୟ ରଥ ଯାତ୍ରା ଆରମ୍ଭ କରିଥିଲେ।
ତିରୁପତି ମନ୍ଦିରରେ ଦଳାଚକଟା, ଛଅ ମୃତ ଶତାଧିକ ଆହତ

ଆନ୍ଧ୍ରପ୍ରଦେଶର ପ୍ରସିଦ୍ଧ ତିରୁପତି ମନ୍ଦିରରେ ଦଳାଚକଟା ହୋଇ ତାମିଲନାଡୁ ସାଲେମ ଜିଲ୍ଲାର ଜଣେ ମହିଳାଙ୍କ ସମେତ ୬ ଜଣଙ୍କର ମୃତ୍ୟୁ ହୋଇଛି ଓ ଶତାଧିକ ଆହତ ହୋଇଛନ୍ତି I ବୈକୁଣ୍ଠ ଏକାଦଶୀ ଏବଂ ବୈକୁଣ୍ଠ ଦ୍ୱାର ଦର୍ଶନ ଉପଲକ୍ଷେ ଶ୍ରୀନିବାସମ ବୈରାଗୀପେଟାଡା ରାମାନାଇଡ଼ୁ ସ୍କୁଲ ଓ ସତ୍ୟନାରାୟଣପୁରମ ନିକଟରେ ଆଗୁଆ ଟିକେଟ ବିକ୍ରି କରାଯିବାକୁ ଘୋଷଣା କରାଯାଇଥିଲା I ବୈରାଗୀପେଟାଡା ପାର୍କ ନିକଟ ବୈକୁଣ୍ଠ ଦ୍ୱାର ଦର୍ଶନ ଟିକେଟ କେନ୍ଦ୍ରରେ ଆଜି ପୁର୍ବାହ୍ନରୁ ଶ୍ରଦ୍ଧାଳୁଙ୍କ ଲମ୍ବା ଲାଇନ ଲାଗିଥିଲା I ରାତିରେ ଭିଡ଼ ଅସମ୍ଭ ଭାବେ ବୃଦ୍ଧି ପାଇବାରୁ ଦଳାଚକଟା ସ୍ଥିତି ସୃଷ୍ଟି ହୋଇଥିଲା I

ଏହି ଘଟଣାରେ ତିରୁମାଲା ତିରୁପତି ଡେଵସ୍ଥାନମ ବୋର୍ଡ ଅଧ୍ୟକ୍ଷ ବିଆର ନାଇଡୁଙ୍କ ଅଧକ୍ଷତାରେ ଏନେଇ ଏକ ଜରୁରୀ ବୈଠକ ଅନୁଷ୍ଠିତ ହୋଇଛି I ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଘଟଣାରେ ଶୋକ ପ୍ରକାଶ କରିଛନ୍ତି I ଦଳାଚକଟା ସମ୍ପର୍କରେ ସେ ମନ୍ଦିର ପରିଚାଳନା କର୍ତ୍ତୁପକ୍ଷଙ୍କ ସହ ଫୋନରେ କଥାବାର୍ତ୍ତା କରିଛନ୍ତି I ଆହତଙ୍କୁ ଉପଯୁକ୍ତ ଚିକିତ୍ସା ଉପଲବ୍ଧ କରାଇବାକୁ ମୁଖ୍ୟମନ୍ତ୍ରୀ ନିର୍ଦେଶ ଦେଇଛନ୍ତି I
ବେଳାଭୂମିରେ ପ୍ରବାସୀ ଭାରତୀୟ, ଉତ୍ସବମୁଖର ପୁରୀ ସହର

ପ୍ରବାସୀ ଭାରତୀୟ ଦିବସ ପାଇଁ ଉତ୍ସବ ମୁଖର ପୁରୀ ସହର। ପ୍ରବାସୀ ଭାରତୀୟଙ୍କୁ ସ୍ବାଗତ କରିବା ପାଇଁ ସାରା ସହର ସଜେଇ ହୋଇଥିବା ବେଳେ ପୁରୀ ବେଳାଭୂମିରେ ବିଚ ଫେଷ୍ଟିଭାଲ ଉଦ୍‌ଘାଟିତ ହୋଇଛି । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗ ଦେଇ ବିଚ୍ ଫେଷ୍ଟିଭାଲ ଉଦ୍‌ଘାଟନ କରିଛନ୍ତି । ସେ କହିଛନ୍ତି, ୧୮ ତମ ପ୍ରବାସୀ ଭାରତୀୟ ଦିବସ ଓଡିଶାର ଭୁବନେଶ୍ବରରେ ଆୟୋଜିତ ହେଉଥିଲେ ମଧ୍ୟ ପୁରୀ ସମସ୍ତ ପ୍ରବାସୀଙ୍କ ପାଇଁ ଆକର୍ଷଣର କେନ୍ଦ୍ର ସାଜିଛି । ମହାପ୍ରଭୁଙ୍କ ଦର୍ଶନ ସହ ସ୍ବର୍ଣ୍ଣିମ ବେଳାଭୂମି ର ବ୍ଲୁ ଫ୍ଲାଗ ବିଚ, କଳାଗ୍ରାମ ରଘୁରାଜପୁର,ଅପରୂପା ଚିଲିକା ସାତପଡ଼ା, ସୂର୍ଯ୍ୟ ମନ୍ଦିର କୋଣାର୍କ, ରାମଚଣ୍ଡୀ, ପିପିଲି ର ପ୍ରସିଦ୍ଧ ଚାନ୍ଦୁଆ ସେମାନଙ୍କ ପାଇଁ ଉତ୍ସାହ ଆଣିବ । ଏହା କେବଳ ପ୍ରବାସୀ ନୁହେଁ ଆମ ନିଜ ଦେଶର ଲୋକ ମାନଙ୍କୁ ମଧ୍ୟ ଆକୃଷ୍ଟ କରିଛି ।

ପୁରୀର ପ୍ରଚାର ପ୍ରସର ହୋଇ ପାରିଲେ ବିଦେଶୀ ଅତିଥିଙ୍କ ସଂଖ୍ୟା ବଢ଼ିବ । ପୁରୀ ବୁଲିବାକୁ ଆସୁଥିବା ପ୍ରବାସୀମାନେ ଆମର ବଳିଷ୍ଟ ମାଧ୍ୟମ ପାଲଟିବେ । ତେବେ ପ୍ରବାସୀ ଭାରତୀୟଙ୍କ ପାଇଁ ପୁରୀକୁ ସୁନ୍ଦର କରିବା ସହ ସେମାନଙ୍କୁ ଉତ୍ତମ ଆତିଥେୟତା ଦେବା ଆମର କର୍ତବ୍ୟ ବୋଲି ଶ୍ରୀମତି ପରିଡ଼ା କହିଛନ୍ତି । ଏହି ଅବସରରେ ଶ୍ରୀମତି ପରିଡ଼ା ନିମାପଡ଼ାରୁ ପୁରା ଆସିବା ବେଳେ ରାସ୍ତାରେ ଉଗାଣ୍ଡାରେ ରହୁଥିବା ପ୍ରବାସୀ ଭାରତୀୟଙ୍କୁ ଭେଟି ତାଙ୍କ ସହ ସମୟ ଅତିବାହିତ କରିଥିବା ଅନୁଭୂତି ବଖାଣି ଥିଲେ ।

ପୁରୀ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ମହୋତ୍ସବରେ ପିପିଲି ବିଧାୟକ ଆଶ୍ରିତ ପଟ୍ଟନାୟକ, ସତ୍ୟବାଦୀ ବିଧାୟକ ଓମ୍ ପ୍ରକାଶ ମିଶ୍ର, ବ୍ରହ୍ମଗିରି ବିଧାୟିକା ଉପାସନା ମହାପାତ୍ର ଓ ପୁରୀ ବିଧାୟକ ସୁନିଲ କୁମାର ମହାନ୍ତି ପ୍ରମୁଖ ଯୋଗ ଦେଇ ପ୍ରବାସୀ ଭାରତୀୟ ମାନଙ୍କ ସମ୍ମାନାର୍ଥେ ଆୟୋଜିତ ଏହି ସମାରୋହ ଆମ ସଂସ୍କୃତି, ଐତିହ୍ୟ ଓ ଗୌରବକୁ ପୁନର୍ଜିବିତ କରିଛି ବୋଲି କହିଥିଲେ |ପ୍ରାରମ୍ଭରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ସମସ୍ତଙ୍କୁ ସ୍ବାଗତ କରିଥିଲେ । ଶେଷରେ ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ ଧନ୍ୟବାଦ ଅର୍ପଣ କରିଥିଲେ । ଆକର୍ଷଣୀୟ ଡ୍ରୋନ ସୋ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଶତାଧିକ ଡ୍ରୋନ ସଜେଇ ହୋଇ ରଥଯାତ୍ରାଠାରୁ ଆରମ୍ଭ କରି କୋଣାର୍କ ଚକ୍ର ପ୍ରଦର୍ଶିତ କରିଥିଲେ |ହଜାର ହଜାର ପାର୍ଯ୍ୟଟକ ବେଳାଭୂମିରେ ଏହି ଡ୍ରୋନ ସୋ ର ମଜା ନେଇଥିଲେ |
ଅଡୁଆରେ ଶେଖ୍ ହସିନା, ପାସପୋର୍ଟ ରଦ୍ଦ କଲେ ବାଂଲାଦେଶର ଅନ୍ତରୀଣ ସରକାର

ଶେଖ୍ ହସିନାଙ୍କ ପାଇଁ ବଢ଼ିଲା ଅଡ଼ୁଆ। ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନା ଏବେ ଅଡ଼ୁଆରେ ପଡିଛନ୍ତି । କାରଣ ଦେଶର ଅନ୍ତରୀଣ ସରକାର ଶେଖ୍ ହସିନାଙ୍କ ପାସପୋର୍ଟ ରଦ୍ଦ କରିଛନ୍ତି । ଶେଖ୍ ହସିନାଙ୍କ ବ୍ୟତୀତ ୯୬ ଜଣଙ୍କ ପାସପୋର୍ଟ ବାତିଲ କରାଯାଇଛି । ସେମାନଙ୍କ ମଧ୍ୟରୁ ଅଧିକାଂଶ ଆୱାମୀ ଲିଗ୍ ସହ ଜଡ଼ିତ ନେତା ଓ ବ୍ୟବସାୟୀ ବି ରହିଛନ୍ତି । ଜୁଲାଇ ମାସରେ ବିକ୍ଷୋଭ ସମୟରେ ନିଖୋଜ କରିବା ଏବଂ ଲୋକଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ପାସପୋର୍ଟ ରଦ୍ଦ ପରେ ଯଦି ଶେଖ୍ ହସିନା ଭାରତ ଛାଡ଼ି ବାଂଲାଦେଶ ଯିବାକୁ ଚେଷ୍ଟା କରନ୍ତି ତେବେ ତାଙ୍କୁ ତୁରନ୍ତ ଗିରଫ କରାଯିବ ବୋଲି ସ୍ପଷ୍ଟ ହୋଇଛି । ଏହା ପୂର୍ବରୁ ଗତ ମଙ୍ଗଳବାର ସକାଳେ ଶେଖ ହସିନା ଓ ଅନ୍ୟ ୧୫ ଜଣଙ୍କ ବିରୋଧରେ ଅନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲରେ ଆଉ ଏକ ଅଭିଯୋଗ ଦାଖଲ କରାଯାଇଥିଲା।

୨୦୨୧ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବାଂଲାଦେଶ ଗସ୍ତ ସମୟରେ ହୋଇଥିବା ଗୁଳିକାଣ୍ଡ ଘଟଣାକୁ ଏଥିରେ ଦର୍ଶାଯାଇଛି। ଶଫିକୁଲ ଇସଲାମ ମୁଫତିଙ୍କ ଦ୍ୱାରା ଦାଖଲ ହୋଇଥିବା ଅଭିଯୋଗରେ କୁହାଯାଇଛି ଯେ ୨୦୨୧ରେ ଯେତେବେଳେ ପ୍ରଧାନମନ୍ତ୍ରୀ ମୋଦୀ ଆସିଥିଲେ, ସେତେବେଳେ ସେଠାରେ ବିକ୍ଷୋଭ ଚାଲିଥିଲା। ସେହି ସମୟରେ ଶେଖ ହସିନାଙ୍କ ସରକାର ବିକ୍ଷୋଭକାରୀଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ । ଯେଉଁଥିରେ ଶଫିକୁଲ ଇସଲାମ ମୁଫତିଙ୍କ ୧୭ ବର୍ଷର ପୁଅ ନିହତ ହୋଇଥିଲେ। ଏହାସହ, ଆହୁରି ଅନେକ ଲୋକଙ୍କୁ ଶେଖ୍ ହସିନା ସରକାର ହତ୍ୟା କରାଯାଇଥିବା ଅଭିଯୋଗରେ ଦର୍ଶାଯାଇଛି ।
ରାଜଧାନୀ ଭୁବନେଶ୍ୱରରେ ବୀଭତ୍ସ ହତ୍ୟାକାଣ୍ଡ, ଯୁବକଙ୍କ ମୁଣ୍ଡକଟା ମୃତଦେହ ଉଦ୍ଧାର

ପ୍ରବାସୀ ଭାରତୀୟ ଦିବସ ପାଇଁ ଉତ୍ସବ ମୁଖର ରାଜଧାନୀ। ହେଲେ ଆଜି ସକାଳେ ରାଜଧାନୀରୁ ମିଳିଛି ଜଣେ ଯୁବକଙ୍କ ମୁଣ୍ଡକଟା ମୃତଦେହ ଏଭଳି ଏକ ବୀଭତ୍ସ ହତ୍ୟାକାଣ୍ଡ ଭୁବନେଶ୍ୱରରେ ଚାଞ୍ଚଲ୍ୟ ଖେଳାଇଛି। ବିଚ୍ ରାସ୍ତାରେ ଯୁବକଙ୍କ ମୁଣ୍ଡ କାଟିଦେଲେ ଦୁର୍ବୃତ୍ତ। ରସୁଲଗଡ଼ରୁ ବାଣୀବିହାର ମେନ ରୋଡ଼ ଓଭରବ୍ରିଜ ଉପରେ ପଡ଼ିଥିଲା ମୁଣ୍ଡବିହୀନ ମୃତଦେହ।

ସୂଚନା ଅନୁସାରେ, ଆଜି ସକାଳୁ ରସୁଲଗଡ଼ରୁ ବାଣୀବିହାର ମେନ ରୋଡ଼ରେ ଏକ ମୁଣ୍ଡବିହୀନ ମୃତଦେହ ପଡିଥିବା ଦେଖିବାକୁ ମିଳିଥିଲା। ରସୁଲଗଡ଼ରୁ ବାଣୀବିହାର ମେନ ରୋଡ଼ରେ କେହି ଯୁବକଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି। ଭୋର ସମୟରେ ହତ୍ୟା କରିଥିବା ପାରିପାର୍ଶ୍ୱିକ ସ୍ଥିତିରୁ ଜଣାପଡୁଛି। ତେବେ ମୃତଦେହ ନିକଟରେ ଏକ ସ୍କୁଟି ବି ପଡିଛି। ଲୋକେ ଏନେଇ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା ।
ବ୍ୟାସକବିଙ୍କ ପ୍ରତିମୂତ୍ତିଙ୍କୁ ଅସମ୍ମାନ

ଉତ୍କଳ ବିଶ୍ୱବିଦ୍ୟାଳୟ ମୁଖ୍ୟ ଦ୍ୱାର ପଥରେ ଥିବା ବ୍ୟାସକବି ଫକୀର ମୋହନ ସେନାପତିଙ୍କ ପ୍ରତିମୂର୍ତ୍ତି ସମ୍ମୁଖରେ ବିଏମସି ପକ୍ଷରୁ ନିର୍ମାଣ ସରିଛିI ପୁସ୍ତକ ଆକୃତିର ଏହି ଭାସ୍କର୍ଯ୍ୟର ନିର୍ମାଣ ସ୍ଥାନ ,ଉଚ୍ଚତା ଓ ଶୈଳୀକୁ ନେଇ ଏବେ ଅସନ୍ତୋଷ ପ୍ରକାଶ ପାଇଛି I ଗୋଟିଏ ପଟେ ରାଜ୍ୟ ସରକାର ଓଡ଼ିଆ ଅସ୍ମିତା କଥା କହୁଥିବାବେଳେ ଅନ୍ୟପଟେ ଭାସ୍କର୍ଯ୍ୟ ପଛରେ ବରପୁତ୍ରଙ୍କ ପ୍ରତିମୂତ୍ତିକୁ ଲୁଚାଇବାକୁ ଷଡ଼ଯନ୍ତ୍ର କରିବା କେତେଦୂର ଯୁକ୍ତିଯୁକ୍ତ ତାହାକୁ ନେଇ ଉଠିଛି ପ୍ରଶ୍ନ I

ପୁରାତନ ଛାତ୍ରଙ୍କ ଅଭିଯୋଗ ଅନୁଯାୟୀ ଓଡ଼ିଆ ଅସ୍ମିତାର ଅନ୍ୟତମ ବିନ୍ଧାଣୀ ବ୍ୟାସକବି ଫକୀର ମୋହନ ସେନାପତି I ଯାହାଙ୍କୁ ନେଇ ଓଡ଼ିଶାବାସୀ ସବୁବେଳେ ଗର୍ବ କରିଛନ୍ତି I ତାଙ୍କୁ ସମ୍ମାନ ଜଣାଇ ଉତ୍କଳ ବିଶ୍ୱବିଦ୍ୟାଳୟ ମୁଖ୍ୟଦ୍ଵାରରେ ପ୍ରତିଷ୍ଠା ହୋଇଥିବା ପ୍ରତିମୂର୍ତ୍ତି ନିକଟରେ ବିଭିନ୍ନ ବର୍ଗର ବ୍ୟକ୍ତିବିଶେଷ ତାଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଥାନ୍ତି I ଫକୀର ମୋହନ ସେନାପତିଙ୍କ ଜୟନ୍ତୀ ଓ ଶ୍ରାଦ୍ଧହୋତ୍ସବରେ ବିଭିନ୍ନ ସାମାଜିକ ସଙ୍ଗଠନ,ବିଧାୟକ, ରାଜ୍ୟସରକାର ମନ୍ତ୍ରୀମାନେ ପୁଷ୍ପମାଲ୍ୟ ଅର୍ପଣ କରନ୍ତି I ଦୁଇ ବରପୁତ୍ରଙ୍କ ପ୍ରତିମୂର୍ତ୍ତି ବିଶ୍ୱବିଦ୍ୟାଳୟର ସୌନ୍ଦର୍ଯ୍ୟ ବୃଦ୍ଧି କରୁଥିଲା I

୨୪ ବର୍ଷର ବିଜେଡି ସରକାର ଯାହା ହୋଇ ନ ଥିଲା ବାର୍ତ୍ତମାନ ସରକାର ଓଡ଼ିଆ ଅସ୍ମିତାର ନାରା ଦେଇ ବରପୁତ୍ରଙ୍କୁ ଅପମାନ କରିଛନ୍ତି I ଏହାଦ୍ୱାରା କେବଳ ଯେ ବରପୁତ୍ରଙ୍କ ଅସମ୍ମାନ ହୋଇଛି ତାହା ନୁହେଁ ,ବରଂ ଉତ୍କଳର ମାନ ହାନି ହୋଇଛି I ଏନେଇ ବିଶ୍ୱବିଦ୍ୟାଳୟ କର୍ତ୍ତୁପକ୍ଷଙ୍କ ସହ ଯୋଗାଯୋଗ କରିବାରୁ କେହି କିଛି କହିବାକୁ ମନା କରିଦେଇଛନ୍ତି I
ଥରିଲା ନେପାଳ

ମଙ୍ଗଳବାର ସକାଳୁ ଥରିଛି ଉତ୍ତର ଭାରତ । ଭାରତ ଏବଂ ବାଂଲାଦେଶର ଅନେକ ସ୍ଥାନରେ ଭୂକମ୍ପ ଅନୁଭୂତ ହୋଇଥିଲା । ଯାହାର କେନ୍ଦ୍ରସ୍ଥଳ ଥିଲା ତିବ୍ଦତ । ରିକ୍ଟର ସ୍କେଲର ତିବ୍ରତା ୭.୧ ରହିଥିବା ଜଣାପଡ଼ିଛି । ଏଥିରେ ବ୍ୟାପକ କ୍ଷୟକ୍ଷତି ହୋଇଛି । ତିବ୍ଦତ ଅଞ୍ଚଳରେ ଘଟିଥିବା ଶକ୍ତିଶାଳୀ ଭୂକମ୍ପରେ ୩୨ରୁ ଅଧିକ ଜଣଙ୍କର ମୃତ୍ୟୁ ହୋଇଛି । ଅନେକ ଘର ଦ୍ୱାର ଭୁଶୁଡି ପଡିଛି। ତିବ୍ଦତର ଶିଗାତ୍ସେ ସହରରେ ବ୍ୟାପକ ଧ୍ୱଂସ ଘଟାଇଛି । ଅନେକ ଅଟ୍ଟାଳିକା କ୍ଷତିଗ୍ରସ୍ତ ହୋଇଛି । ୩୮ ଜଣ ଆହତ ହୋଇଛନ୍ତି ।

ସରକାରୀ ସମ୍ବାଦ ଏଜେନ୍ସି ‘ଜିନହୁଆ’ର ଖବର ଅନୁଯାୟୀ ୬.୮ ମ୍ୟାଗ୍ନିଚ୍ୟୁଡର ଭୂକମ୍ପ ଯୋଗୁଁ ୫୩ ଜଣଙ୍କର ମୃତ୍ୟୁ ଘଟିଥିବା ବେଳେ ୬୨ ଜଣ ଆହତ ହୋଇଛନ୍ତି। ଆମେରିକାର ଭୂତତ୍ୱ ସର୍ବେକ୍ଷଣ (USGS) ଏବଂ ଭାରତୀୟ ଜାତୀୟ ଭୂକମ୍ପ କେନ୍ଦ୍ର ୭.୧ ଭୂକମ୍ପର ରିପୋର୍ଟ କରିଛି ଏବଂ ସୂଚନା ଦେଇଛି ଏହାର କେନ୍ଦ୍ର ଚୀନ୍‌ର ଟିଙ୍ଗ୍ରି ଜିଲ୍ଲାର ସିଜାଙ୍ଗରେ ଥିଲା , ଯାହା ଭୂକମ୍ପ ଉତ୍ତର-ପୂର୍ବ ନେପାଳର ଖୁମ୍ବୁ ହିମାଳୟ ପରିସରର ଲୋବେସରୁ ୯୦ କିଲୋମିଟର ଉତ୍ତର-ପୂର୍ବରେ ଥିବା ବୋଲି କୁହାଯାଉଛି । ତେବେ ଚାଇନା ଭୂକମ୍ପର ମାତ୍ରା ୬.୮ ରେକର୍ଡ କରିଛି। ‘ସିନହୁଆ’ ଭୂକମ୍ପ ନେଟୱାର୍କ ଅନୁଯାୟୀ ଚାଇନା କେନ୍ଦ୍ର ଦ୍ୱାରା ପ୍ରକାଶିତ ରିପୋର୍ଟ ଅନୁଯାୟୀ ୧୦ କିଲୋମିଟର ଗଭୀରତାରେ ଏହି ଭୂକମ୍ପ ଘଟିଛି।

ଏହି ସମୟରେ ନେପାଳର କାଠମାଣ୍ଡୁରେ ହୋଇଥିବା ଶକ୍ତିଶାଳୀ ଭୂକମ୍ପ ଯୋଗୁଁ ଲୋକମାନେ ଘରୁ ବାହାରକୁ ଚାଲିଆସିଥିଲେ। ଏହି ଭୂକମ୍ପର ପ୍ରଭାବ କାବ୍ରେପାଲାନଚୋକ, ସିନ୍ଧୁପାଲାନଚୋକ, ଧାଡିଙ୍ଗ ଏବଂ ସୋଲୁଖମ୍ବୁ ଜିଲ୍ଲାରେ ମଧ୍ୟ ଅନୁଭୂତ ହୋଇଥିଲା। କାଠମାଣ୍ଡୁରେ ହୋଇଥିବା ଭୂକମ୍ପରେ ଭୟଭୀତ ହୋଇ ଲୋକମାନେ ଘରୁ ବାହାରକୁ ଆସିଥିଲେ। କିଛି ସମୟ ପାଇଁ ଲୋକମାନେ ରାସ୍ତାରେ ଥିବା ଗଛ ଏବଂ ବୈଦ୍ୟୁତିକ ତାରଗୁଡ଼ିକ ଥରିଥିବାର ଦେଖିଲେ | USGS ରିପୋର୍ଟ ଅନୁଯାୟୀ, ସକାଳ ପ୍ରାୟ ୭ ଟାରୁ ଏକ ଘଣ୍ଟା ମଧ୍ୟରେ ଛଅ ଥର ୪.୫ ପାଞ୍ଚଥର ତ୍ରିବତା ଭୂକମ୍ପ ରେକର୍ଡ କରାଯାଇଥିଲା। ଏହି ଭୂକମ୍ପ ଏତେ ଶକ୍ତିଶାଳୀ ଥିଲା ଯେ ନେପାଳର ଲୋକମାନେ ଭୟଭୀତ ହୋଇଯାଇଥିଲେ । ଏହା ୨୦୧୫ ରେ ଆସିଥିବା ବଡ଼ ଧରଣର ଭୂକମ୍ପକୁ ମନେ ପକାଇ ଦେଇଥିଲା ଯେଉଁଥିରେ ୯୦୦୦ ଲୋକଙ୍କର ମୃତ୍ୟୁ ଘଟିଥିଲା।
ଗୋଟିଏ ଦିନରେ ଜୀବନ ହାରିଲେ ତିନି ଚାଷୀ,ବିଲରେ ଜଗି ବସିଥିଲା ଯମ

ନଷ୍ଟ ଫସଲ ଦେଖି ବିଲରେ ଟଳି ପଡିଛନ୍ତି କଟକ ସଦର ଥାନା ଉଷୁମା ପଂଚାୟତ ସୁମାଣ୍ଡି ଗ୍ରାମର ଚାଷୀ ଇନ୍ଦ୍ରଜିତ ଛାଟୋଇ I ବ୍ୟାଙ୍କ ଓ ହାତ ଉଧାରି ଆଣି ଇନ୍ଦ୍ରଜିତ ଧାନ ସହିତ ପରିବା ଚାଷ କରିଥିଲେ I ଅଦିନିଆ ବର୍ଷାରେ ଫସଲ ସବୁ ନଷ୍ଟ ହୋଇଯାଇଛି I ଇନ୍ଦ୍ରଜିତ ବିଲକୁ ଯାଇ ଧାନ ଗଜା ହେବା ସହ ପନିପରିବା ପୋକ ଲାଗି ନଷ୍ଟ ହୋଇଯାଇଥିବା ଦେଖି ହଠାତ ଛାତିରେ ଯନ୍ତ୍ରଣା ଅନୁଭବ କରି ପଡିଯାଇଥିଲେ I ତାଙ୍କୁ ତୁରନ୍ତ କଟକ ଡାକ୍ତରଖାନା ନିଆଯାଇଥିଲା I ସେଠାରେ ତାଙ୍କୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ I

ସମବାୟ ବ୍ୟାଙ୍କ ଓ ସ୍ଥାନୀୟ ଅଂଚଳରୁ ହଜାର ହଜାର ଟଙ୍କା ଋଣ କରି ନିଜ ଫସଲରେ ବିନିଯୋଗ କରିଥିଲେ I ଫସଲ ଉଜୁଡିଯିବାରୁ ଋଣ ପରିଶୋଧ ଚିନ୍ତାରେ ହୃଦଘାତରେ ତାଙ୍କର ମୃତ୍ୟୁ ହୋଇଛି ବୋଲି ପରିବାର ଲୋକେ କହିଛନ୍ତି I ପ୍ରଶାସନ ପକ୍ଷରୁ ଆବଶ୍ୟକ ତଦନ୍ତ କରାଯାଇ ମୃତ ଇନ୍ଦ୍ରଜିତଙ୍କ ପରିବାରକୁ କ୍ଷତିପୂରଣ ଦେବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଦାବି ହୋଇଛି I

ସେହିପରି ଜଗତସିଂହପୁର ନାଉଗାଁ ରେ ଧାନ ଫସଲ କ୍ଷତି ଅସହ୍ୟ ହେବାରୁ ଜଣେ ଭାଗଚାଷୀଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି I ନାଉଗାଁ ବ୍ଲକ ରୋହିଆ ପଂଚାୟତ ଅରଖକୁଦ ଗ୍ରାମରେ ଏଭଳି ଘଟଣା ଘଟିଛି I ମୃତକ ହେଲେ ଉକ୍ତ ଗ୍ରାମର ଧର୍ମାନନ୍ଦ ନାୟକ ଭାଗଚାଷ କରି ସେ ପରିବାର ପ୍ରତିପୋଷଣ କରୁଥିଲେ I ତେବେ ଲଗାଣ ବର୍ଷା ଯୋଗୁଁ ଧାନ ବିଲରେ ଆଣ୍ଠୁଏ ପାଣି ଜମି ରହିଥିଲା I ଧାନ ଗଜା ହେବା ସହିତ ନଷ୍ଟ ହୋଇଯାଇଥିଲା I ଭାଗଚାଷ କରିଥିବା ଜମିକୁ ଯାଇ ବ୍ୟାପକ ଫସଲ ନଷ୍ଟ ହୋଇଥିବା ଦେଖି ସେଠାରେ ହିଁ ଟଳିପଡିଥିଲେ I ମୃତ ଚାଷୀଙ୍କ ପରିବାରକୁ ସରକାରୀ ସହାୟତା ପାଇଁ ଦାବି ହୋଇଛି I

ଅନ୍ୟପଟେ ସମ୍ବଲପୁରର ଯୁଯୁମରା ଅଂଚଳର ରତ୍ନାକର ଭୋଇଙ୍କ ଆତ୍ମହତ୍ୟା ଘଟଣା ସ୍ଥାନୀୟ ଅଂଚଳରେ ଆଲୋଡନ ସୃଷ୍ଟି କରିଛି I ଧାନଚାଷରେ ଝାଳବୁହା ପରିଶ୍ରମ କରିଥିଲେ ବାପା I ବିକ୍ରି ମୂଲ୍ୟ ତ ପାଇଲେନି, ଏପଟେ ଚାଷ ପାଇଁ କରିଥିବା ଋଣ ପରିଶୋଧ ଓ ପରିବାର ପୋଷଣ ଚିନ୍ତା ହିଁ ତାଙ୍କୁ ଘାରିଥିଲା I ଏଭଳି ଦୁଃସ୍ଥିତିରେ ଗତକାଲି ଦିନ ପ୍ରାୟ ଗୋଟାଏ ବେଳକୁ ସେ ବିଷପିଇ ଦେଇଥିଲେ I ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ବାପାଙ୍କର ମୃତ୍ୟୁ ହୋଇଥିଲା I କ୍ଷୁଦ୍ରଚାଷୀ ରତ୍ନାକର ଭୋଇଙ୍କ ଝିଅ ଦେବକୀ ଭୋଇଙ୍କ ଏହା ହେଉଛି ବେଦନାଭରା ପ୍ରତିକ୍ରିୟା I
ପ୍ରେମୀଯୁଗଳଙ୍କୁ ‘ଓୟୋ’ ବାରଣ

ଓୟୋ ଏହାର ଛେକ-ଇନ୍ ନୀତିରେ ବଡ଼ ପରିଵର୍ତନ ଆଣିଛି I କୌଣସି ଅବିବାହିତ ଯୋଡ଼ିଙ୍କୁ ରହିବା ଅନୁମତି ନ ଦେବାକୁ କମ୍ପାନି ନିଷ୍ପତ୍ତି ନେଇଛି I କୌଣସି ଦମ୍ପତ୍ତି ଓୟୋ ହୋଟେଲ୍ ରେ ରହିବାକୁ ସେମାନଙ୍କୁ କାଗଜପତ୍ର ଦେଖାଇବାକୁ ପଡିବ I ଉତ୍ତରପ୍ରଦେଶର ମିରଟ କମ୍ପାନି ଏହାର ପରୀକ୍ଷଣ ଆରମ୍ଭ କରିଛି I ପ୍ରତ୍ୟକ୍ଷ ଭାବେ ରହିବାକୁ ଆସୁଥିବା କିମ୍ବା ଅନ୍ଲାଇନ୍ ରେ ବୁକିଂ କରିଥିବା ଦମ୍ପତିମାନଙ୍କୁ ସମ୍ପର୍କର କାଗଜପତ୍ର ମଗାଯିବ I କମ୍ପାନି ଏହାର ସହଯୋଗୀ ହୋଟେଲମାନଙ୍କୁ ଏ ସମ୍ପର୍କରେ ଜଣାଇ ଦେଇଛି I

ଏହି ନୀତିକୁ ମିରଟରେ ତତ୍କାଳ ଲାଗୁ କରାଯାଇଛି I ସେଥିରୁ ଯେଉଁ ପତିକ୍ରିୟା ମିଳିବ ସେହି ଆଧାରରେ ଏହି ନିଷ୍ପତିକୁ ଅନ୍ୟ ସହରଗୁଡିକରେ କମ୍ପାନି ଲାଗୁ କରିପାରେ ବୋଲି କୁହାଯାଉଛି I ଅବିବାହିତ ଯୋଡ଼ିଙ୍କୁ ଓୟୋରେ ରହିବା ଅନୁମତି ନେଇ ମିରଟରେ ନାଗରିକ ସମାଜ ପ୍ରତିବାଦ କରୁଥିଲା I ଏହି ଅଭ୍ୟାସ ବିରୋଧରେ ଗ୍ରହଣ କରିବାକୁ ଦାବି କରାଯାଉଥିଲା I ଅନ୍ୟାନ୍ୟ ସହରର ବାସିନ୍ଦାମାନେ ମଧ୍ୟ ସମାନ ଦାବି କରୁଛନ୍ତି I

ଓୟୋକୁ ନେଇ ଲୋକମାନଙ୍କ ମନରେ ଥିବା ଧାରଣାକୁ ବଦଳାଇବା ଏବଂ ତାହାକୁ ପରିବାର, ଛାତ୍ର-ଛାତ୍ରୀ,ବ୍ୟବସାୟ, ଧର୍ମ ଓ ଯାତ୍ରୀମାନଙ୍କ ପାଇଁ ଏକ ସୁରକ୍ଷିତ ରହଣି ସ୍ଥଳରେ ପରିଣତ କରିବା ଲାଗି କମ୍ପାନି ଏହି ପଦକ୍ଷେପ ନେଇଛି I ଓୟୋ ବ୍ରାଣ୍ଡକୁ ବ୍ୟବହାର କରି ବେଆଇନ କାର୍ଯ୍ୟ କରୁଥିବା ହୋଟେଲଗୁଡିକ ବିରୋଧରେ ମଧ୍ୟ କାର୍ଯ୍ୟନୁଷ୍ଠାନ ନିଆଯାଉଛି I