ଆମେ ସମସ୍ତେ ବାଗବାନ୍ ଫିଲ୍ମ ଦେଖିଛୁ ଏବଂ ଏହି ଚଳଚ୍ଚିତ୍ର ଦେଖିବା ପରେ ଅନେକ ଲୋକ ଭାବପ୍ରବଣ ହୋଇଥାଇ ପାରନ୍ତି, କିନ୍ତୁ ବାସ୍ତବ ଜୀବନରେ ବାଗବାନ୍ ପରି ଏକ ଘଟଣା ସାମ୍ନାକୁ ଆସିଛି | ବାସ୍ତବରେ, ବାରାଣାସୀର ବାସିନ୍ଦା ଶ୍ରୀନାଥ ଖଣ୍ଡେଲୱାଲ ବୃଦ୍ଧାଶ୍ରମରେ ଶେଷ ନିଶ୍ୱାସ ତ୍ୟାଗ କରିଛନ୍ତି ଏବଂ ତାଙ୍କ ପରିବାର ମଧ୍ୟ ତାଙ୍କୁ କାନ୍ଧେଇବା ପାଇଁ ଆସି ନଥିଲେ।
ଆପଣ ଜାଣି ଆଶ୍ଚର୍ଯ୍ୟ ହେବେ ଶ୍ରୀନାଥ ଖଣ୍ଡେଲୱାଲ ଶହେରୁ ଅଧିକ ପୁସ୍ତକ ଲେଖିଛନ୍ତି ଏବଂ ସେ ଅଶୀ କୋଟି ମୂଲ୍ୟ ସମ୍ପତ୍ତିର ମାଲିକ ଥିଲେ। ୮୦ ବର୍ଷ ବୟସରେ ସେ ଏକ ବୃଦ୍ଧାବସ୍ଥାରେ ଅଜ୍ଞାତ ଭାବରେ ମୃତ୍ୟୁ ବରଣ କଲେ | ବାରାଣାସୀର ଏକ ବୃଦ୍ଧାଶ୍ରମରେ ରହୁଥିବା ଏହି ବୃଦ୍ଧ ଲେଖକଙ୍କ ଅନ୍ତିମ ସମୟ ଏହିପରି ହେବ ବୋଧହୁଏ ଏହା କେହି ଭାବିନଥିବେ | ବାସ୍ତବରେ, କାଶୀ ନିବାସୀ ଶ୍ରୀନାଥ ଖଣ୍ଡେଲୱାଲଙ୍କର ପୁରା ପରିବାର ଅଛି | ତାଙ୍କର ଦୁଇଟି ପୁଅ ଏବଂ ଗୋଟିଏ ଝିଅ ଅଛନ୍ତି। ତାଙ୍କର ପୁଅ ବ୍ୟବସାୟୀ ଏବଂ ଝିଅ ସୁପ୍ରିମକୋର୍ଟର ଓକିଲ। ଜଣେ ସାହିତ୍ୟିକ ହେବା ବ୍ୟତୀତ ସେ ଜଣେ ଆଧ୍ୟାତ୍ମିକ ବ୍ୟକ୍ତି ମଧ୍ୟ ଥିଲେ ।
ପଦ୍ମଶ୍ରୀରେ ମଧ୍ୟ ହୋଇଥିଲେ ସମ୍ମାନିତ
ଅଶୀ କୋଟିର ମାଲିକ ଏବଂ ୨୦୨୩ ମସିହାରେ ପଦ୍ମଶ୍ରୀରେ ସମ୍ମାନିତ ଆଧ୍ୟାତ୍ମିକ ଲେଖକଙ୍କର ମୃତ୍ୟୁ ପରେ ମଧ୍ୟ ସେ ନିଜ ପିଲାମାନଙ୍କର ଚାରି କାନ୍ଧ ପାଇଁ ବଂଚିତ ରହିଗଲେ | ଯେତେବେଳେ ତାଙ୍କ ପରିବାର ସଦସ୍ୟଙ୍କୁ ତାଙ୍କ ମୃତ୍ୟୁ ବିଷୟରେ ଅବଗତ କରାଯାଇଥିଲା, ସେମାନେ ଆସିବାକୁ ମନା କରିଦେଇଥିଲେ। ଶେଷରେ, ସାମାଜିକ କର୍ମୀ ଅମାନ ଦାନ ସଂଗ୍ରହ କରି ତାଙ୍କରଅନ୍ତିମ ସଂସ୍କାର କରିଥିଲେ |
ଏକଦା ଶ୍ରୀନାଥ ଖଣ୍ଡେଲୱାଲଙ୍କ ଜୀବନ ବିଳାଶମୟ ଥିଲା। ଶ୍ରୀନାଥ ଖଣ୍ଡେଲୱାଲ ତାଙ୍କ ଲେଖା ସହିତ ଭାରତୀୟ ସାହିତ୍ୟକୁ ସମୃଦ୍ଧ କରିଥିଲେ। ସେ ଶିବ ପୁରାଣ ଏବଂ ମତ୍ତ୍ୱ ପୁରାଣ ପରି ଅମୂଲ୍ୟ ଗ୍ରନ୍ଥଗୁଡ଼ିକୁ ହିନ୍ଦୀରେ ଅନୁବାଦ କରିଛନ୍ତି। ତାଙ୍କ ଦ୍ୱାରା ଲିଖିତ ୩୦୦୦ ପୃଷ୍ଠାର ମତ୍ତ୍ୱ ପୁରାଣ ଏବେ ବି ପଣ୍ଡିତମାନଙ୍କ ମଧ୍ୟରେ ଲୋକପ୍ରିୟ | ସେ କେବଳ ଧାର୍ମିକ ଗ୍ରନ୍ଥରେ କାମ କରିନାହାଁନ୍ତି, ଆଧୁନିକ ସାହିତ୍ୟ ଏବଂ ଇତିହାସ ଉପରେ ଅନେକ ପୁସ୍ତକ ମଧ୍ୟ ଲେଖିଥିଲେ। ତାଙ୍କର ପୁସ୍ତକ ହିନ୍ଦୀ, ସଂସ୍କୃତ, ଆସାମୀ ଏବଂ ବଙ୍ଗାଳୀ ଭଳି ଭାଷାରେ ଉପଲବ୍ଧ | ଜୀବନର ଶେଷ ଦିନରେ ସେ ନରସିଂହ ପୁରାଣଙ୍କ ଅନୁବାଦ ସଂପୂର୍ଣ୍ଣ କରିବାକୁ ଚାହୁଁଥିଲେ, କିନ୍ତୁ ତାଙ୍କର ଶେଷ ଇଚ୍ଛା ପୂରଣ ହୋଇନଥିଲା। କେବଳ ଏତିକି ନୁହେଁ, ତାଙ୍କ ପୁଅ ଏବଂ ଝିଅ, ଯାହାଙ୍କ ପାଇଁ ସେ ନିଜ ଜୀବନକୁ ଉତ୍ସର୍ଗ କରିଥିଲେ, ସେହି ପୁଅ ଓ ଝିଅ ତାଙ୍କୁ ଘରୁ ବାହାରକୁ କାଢ଼ିଦେଇଥିବାସୂଚନା ମିଳିଛି, ଏହା ପରେ ସେ କାଶୀ କୁଷ୍ଠରୋଗ ସେବା ସଂଗଠନର ବୃଦ୍ଧାଶ୍ରମରେ ରହୁଥିଲେ। ପୁଅ ବ୍ୟବସାୟ କରୁଥିବାବେଳେ ଝିଅ ସୁପ୍ରିମ କୋର୍ଟରେ ଆଡଭୋକେଟ୍, କିନ୍ତୁ ସେମାନେ ସମ୍ପତି ପାଇଁ ତାଙ୍କ ପିତାଙ୍କଠାରୁ ଦୂରେଇଯାଇଥିଲେ । ୮୦ କୋଟି ଟଙ୍କା ମୂଲ୍ୟ ସମ୍ପତ୍ତିର ମାଲିକ ଶ୍ରୀନାଥ ଖଣ୍ଡେଲୱାଲ ଏକ ବୃଦ୍ଧାଶ୍ରମରେ ରହିବାକୁ ବାଧ୍ୟ ହୋଇଥିଲେ।
