Month: January 2024

ସାଇଲୋ ସରକାରୀ ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ସମାରୋହରେ ବିଧାୟକ ସମ୍ବିତ ରାଉତରାୟ

ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ସାଇଲୋ ସରକାରୀ ଉଚ୍ଚ ବିଦ୍ୟାଳୟ ରାହାମା ତାର 50 ବର୍ଷ ପୂର୍ତ୍ତି ଉପଲକ୍ଷେ ପାଳନ କରୁଛି ସୁବର୍ଣ୍ଣ ଜୟନ୍ତୀ ସମାରୋହ। ୧୯୬୪ ମସିହାରେ ସ୍ଥାପିତ ଏହି ବିଦ୍ୟାଳୟ ସମୟ ସ୍ରୋତରେ ତାର କଳେବରରେ ପରିବର୍ତ୍ତନ କରିସାରିଥିବା ବେଳେ ସାଇଲୋ ଜିପି ହାଇସ୍କୁଲ ଏବେ ସରକାରୀ ଉଚ୍ଚ ବିଦ୍ୟାଳୟ ସାଇଲୋରେ ପରିଣତ ହୋଇ 5t ଜରିଆରେ ନୂତନ ରୂପରେ ଝଲସୁଛି।

ଶତାଧିକ ନୂତନ ଓ ପୁରାତନ ଛାତ୍ର ଛାତ୍ରୀଙ୍କୁ ନେଇ ପାଳିତ ଏହି ସୁବର୍ଣ୍ଣ ଜୟନ୍ତୀ ମା ସାରଳାଙ୍କ ପୀଠରୁ ଆଜ୍ଞା ମାଳ ଓ ଜ୍ୟୋତି ଆଣି ଏକ ଶୋଭାଯାତ୍ରାରେ ବଜାର ପରିକ୍ରମା କରି ନିର୍ଦ୍ଧିଷ୍ଟ ସ୍ଥାନରେ ପହଂଚିଥିଲେ। ସୁବର୍ଣ୍ଣ ଜୟନ୍ତୀର ଉପଦେଷ୍ଟା ବୈଜ୍ଞାନିକ ଡ଼ଃ ଅଜୟ କୁମାର ମହାନ୍ତିଙ୍କ ସଭାପତିତ୍ୱ କାଳରେ ମୁଖ୍ୟ ଅତିଥି ଭାବେ ସାଂସଦ ଡା ରାଜଶ୍ରୀ ମଲ୍ଲିକ, ସମ୍ମାନିତ ଅତିଥି ବିଧାୟକ ସମ୍ବିତ ରାଉତରାଏ, ମୁଖ୍ୟ ବକ୍ତା ଭାବେ ଦୂରଦର୍ଶନର ପୂର୍ବ ଉପ ମହା ନିଁର୍ଦ୍ଦେଶକ ଡା ଶାନ୍ତନୁ ରଥ, ବ୍ଲକ ଅଧ୍ଯକ୍ଷା ନିନାରାଣୀ ସାହୁ ପ୍ରମୁଖ ଯୋଗଦେଇଥିଲେ।

ଶିକ୍ଷା ଗୁଣାବଳୀ, ପାରମ୍ପରିକ ଓ ଆଧୁନିକ ଶିକ୍ଷା ପ୍ରଣାଳୀକୁ ନେଇ ବିଶେଷ ବକ୍ତବ୍ୟ ରଖିଥିଲେ ମାନ୍ୟ ଗଣ୍ୟ ଅତିଥି ବୃନ୍ଦ। ସାଇଲୋର ଯୁବ ସରପଞ୍ଚ ସରୋଜ କୁମାର ସେଠୀଙ୍କ ତତ୍ୱାବଧାନରେ ଚାଲିଥିବା ତିନି ଦିନିଆ ସୁବର୍ଣ୍ଣ ଜୟନ୍ତୀ କାର୍ଯ୍ୟର ପ୍ରାରମ୍ଭରେ ଆମ ସ୍କୁଲ କହିବ ଆମ କଥା ନାମକ ଏକ ନିଚ୍ଛକ ଚିତ୍ର ପ୍ରଦର୍ଶିତ ହୋଇଥିଲା। ବିଧାୟକ ଓ ସାଂସଦଙ୍କ ଦ୍ୱାରା ବିଦ୍ୟାଳୟର ନୂତନ ଭିତ୍ତି ପ୍ରସ୍ତର ସ୍ଥାପନ ସହ ହାଇମାଷ୍କ ଲାଇଟ ମଧ୍ୟ ଉଦଘାଟନ କରାଯାଇଥିଲା। ଏହି କାର୍ଯ୍ୟକ୍ରମ ପରେ ବିଭିନ୍ନ ସାଂସ୍କୃତିକ କାର୍ଯ୍ୟ ଉପସ୍ଥାପନ କରାଯାଇଥିଲା, ଯାହା ଦର୍ଶକଙ୍କ ମନ ମୋହିଥିଲା।
କୋରା ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର

କେନ୍ଦୁଝର ଜିଲ୍ଲା ବଲାଣି ଥାନା, ଆରିୟା ପ୍ଲାଣ୍ଟ ନିକଟ କାରୋ ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତକ ଯୋଡ଼ା ଅଞ୍ଚଳର ୬୨ ବର୍ଷୀୟ ଝାଡେଶ୍ୱର ସାହୁ। ସେ ଯୋଡ଼ା ଟାଟା ଷ୍ଟିଲ କମ୍ପାନୀର ଜଣେ ଅବସରପ୍ରାପ୍ତ କର୍ମଚାରୀ ଥିଲେ । ଅବସର ପରେ ସେ ନିଜ ପରିବାର ସହିତ ଯୋଡାରେ ରହି ବଲାଣି ଅଞ୍ଚଳରେ ଥିବା କୌଣସି ଏକ ଘରୋଇ ସଂସ୍ଥାରେ କାମ କରୁଥିଲେ । ଗତକାଲି ସେ ପିକନିକ୍ ଯାଉଛି କହି ଘରୁ ବାହାରି ଆସି ଆଉ ଘରକୁ ଫେରି ନଥିଲେ ବୋଲି ତାଙ୍କ ପୁଅ ମନୋରଞ୍ଜନ ସାହୁ ସୂଚନା ଦେଇଛନ୍ତି । ଆଜି ସକାଳୁ କାରୋ ନଦୀ ବ୍ରିଜରେ ଝାଡେଶ୍ୱରଙ୍କ ମୃତଦେହ ଝୁଲୁ ଥିବାର ଦେଖିବାକୁ ମିଳିଥିଲା । ତେବେ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଲା ତାହା ଜଣାପଡିନାହିଁ । ଏହା ଆତ୍ମହତ୍ୟା ନା ଆଉ କିଛି କାରଣ ରହିଛି ସେନେଇ ବଲାଣି ପୋଲିସ୍ ଖୋଳତାଡ଼ ଚଳାଇଛି । ପୋଷ୍ଟ ମାର୍ଟମ୍ ରିପୋର୍ଟ ଆସିବା ପରେ ମୃତ୍ୟୁ ପଛର ପ୍ରକୃତ କାରଣ ସ୍ପଷ୍ଟ ହୋଇପାରିବ ବୋଲି ପୋଲିସ କହିଛି ।
ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତ ଦେହ ଉଦ୍ଧାର

()କେନ୍ଦୁଝର ଜିଲ୍ଲା ଯୋଡା ବଲାଣି ଥାନା, ଆର୍ୟ୍ୟା ପ୍ଲାଣ୍ଟ ନିକଟ କାରୋ ନଦୀ ପୋଲରୁ ବ୍ୟକ୍ତିଙ୍କ ଝୁଲନ୍ତା ମୃତଦେହ ଉଦ୍ଧାର । ମୃତକ ଯୋଡ଼ା ଅଞ୍ଚଳର ୬୨ ବର୍ଷିୟ ଝାଡେଶ୍ୱର ସାହୁ। ସେ ଯୋଡ଼ା ଟାଟା ଷ୍ଟିଲ କମ୍ପାନୀର ଜଣେ ଅବସରପ୍ରାପ୍ତ କର୍ମଚାରୀ ଥିଲେ । ଅବସର ପରେ ସେ ନିଜ ପରିବାର ସହିତ ଯୋଡାରେ ରହି ବଲାଣି ଅଞ୍ଚଳରେ ଥିବା କୌଣସି ଏକ ଘରୋଇ ସଂସ୍ଥାରେ କାମ କରୁଥିଲେ । ଗତ କାଲି ସେ ପିକନିକ୍ ଯାଉଛି କହି ଘରୁ ବାହାରି ଆସି ଆଉ ଘରକୁ ଫେରି ନଥିଲେ ବୋଲି ତାଙ୍କ ପୁଅ ମନୋରଞ୍ଜନ ସାହୁ ସୂଚନା ଦେଇଛନ୍ତି । ଆଜି ସକାଳୁ କାରୋ ନଦୀ ବ୍ରିଜରେ ଝାଡେଶ୍ୱରଙ୍କ ମୃତ ଦେହ ଝୁଲୁ ଥିବାର ଦେଖିବାକୁ ମିଳିଥିଲା । ତେବେ କେଉଁ ପରିସ୍ଥିତିରେ ତାଙ୍କର ଏଭଳି ମୃତ୍ୟୁ ଘଟିଲା ତାହା ଜଣାପଡିନାହିଁ । ଏହା ଆତ୍ମହତ୍ୟା ନା ଆଉ କିଛି କାରଣ ରହିଛି ସେନେଇ ବଲାଣି ପୋଲିସ୍ ଖୋଳତାଡ଼ ଚଳାଇଛି । ପୋଷ୍ଟ ମାର୍ଟମ୍ ରିପୋର୍ଟ ଆସିବା ପରେ ମୃତ୍ୟୁ ପଛର ପ୍ରକୃତ କାରଣ ସ୍ପଷ୍ଟ ହୋଇପାରିବ ବୋଲି କହିଛି ପୋଲିସ ।
ଆନନ୍ଦପୁର ଡବଲ୍ ମର୍ଡର ଘଟଣା: ଅଭିଯୁକ୍ତକୁ ଆଜୀବନ କାରାଦଣ୍ଡାଦେଶ

ଏକ ଲୋମହର୍ଷଣକାରୀ ତବଲ ମଡର୍ର ଘଟଣାରେ ହତ୍ଯାକାରୀ ଯୁବକ ଦେବାଶିଷକୁ ଆଜୀବନ କାରାଦଣ୍ଡ ସହ ୨୫ ହଜାର ଟଙ୍କା ଜରିମାନାରେ ଦଣ୍ଡିତ କରିଛନ୍ତି କେନ୍ଦୁଝର ଜିଲ୍ଲା ଆନନ୍ଦପୁର ଅତିରିକ୍ତ ଜିଲ୍ଲା ଓ ଦୌରାଜଜ୍ କୋର୍ଟ । ଏଥିସହ ଏହି ମାମଲାରେ ଦଫା ୩୭୮ରେ ଦୁଇବର୍ଷ ଜେଲ ଦଣ୍ଡ ସହ ୩ହଜାର ଟଙ୍କା ଜରିମାନା, ଦଫା ୪୩୬ରେ ୬ମାସ ଜେଲ୍ ସହ ୧୦ହଜାର ଜରିମାନା ଓ ଦଫା ୪୬୧ ରେ ଏକ ବର୍ଷ ଜେଲ୍ ସହ ଏକ ହଜାର ଜରିମାନାର ରାୟ ଦେଇଛନ୍ତି କୋର୍ଟ। ଏଠାରେ ସୂଚନାଯୋଗ୍ଯ, ଗତ ୨୦୨୦ ମସିହା ସେପ୍ଟେମ୍ବର ମାସ ୯ ତାରିଖ ରାତିରେ ଏକ ଡବଲ ମର୍ଡର ହୋଇଥିଲା। ଏଥିରେ ଜଞ୍ଜାଳୀ ଜେନା ଓ ପୁଅ ବନମାଳୀ ଜେନାଙ୍କ ମୃତ୍ୟୁ ହୋଇଥିଲା। ଉଭୟ ନନ୍ଦିପଦା ଥାନା ଅଧୀନ କଳିଗାଁଠାରେ ଥିବା ଏକ ପରିତ୍ୟକ୍ତ ଅଙ୍ଗନବାଡି କେନ୍ଦ୍ରକୁ ଲାଗି ପଲାମାରି ରହୁଥିଲେ। ସେହି ରାତିରେ ଅଭିଯୁକ୍ତ ସେମାନଙ୍କ ପଲା ଭିତରେ ପଶି ଅଭିଯୁକ୍ତକୁ ଯୋର ଜବରଦସ୍ତ ଟଙ୍କା ମାଗିଥିଲା। ସେମାନେ ଟଙ୍କା ନଦେବାରୁ ଯୁକ୍ତି ହୋଇଥିଲା । ଯୁକ୍ତିତର୍କରେ ଉତ୍କ୍ଷିପ୍ତ ହୋଇ ଅଭିଯୁକ୍ତ ଏକ ବାଉଁଶରେ ପିଟିପିଟି ଉଭୟ ମା ଓ ପୁଅଙ୍କୁ ହତ୍ଯା କରିଥିଲା। ପରେ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ଉଭୟଙ୍କ ମୃତଦେହରେ ପେଟ୍ରୋଲ ଢାଳି ନିଆଁ ଲଗାଇଦେବା ସହ ଘରେ ଥିବା ଟଙ୍କା ନେଇ ଫେରାର ହୋଇଯାଇଥିଲା ହତ୍ଯାକାରୀ। କୋର୍ଟଙ୍କ ରାୟ ପରେ ଆନନ୍ଦପୁର ସରକାରୀ ଓକିଲ ବାଇଧର ସେଠୀ ସୂଚନା ଦେଇଛନ୍ତି।
ପାରାଦ୍ୱୀପ: ଜାହାଜରୁ କୋକେନ ଜବତ ଘଟଣା

ପାରାଦ୍ୱୀପ ପିଆଇସିଟି ବର୍ଥ ରେ ଜାହାଜ ରୁ କୋକେନ ଜବତ ଘଟଣା l ଘଟଣା କୁ 49 ଦିନ ବିତିଯାଇଥିଲେ ମଧ୍ଯ କଷ୍ଟମ୍ସ ବିଭାଗ ତରଫରୁ କୋକେନ ଜବତ ଘଟଣା ର ତଦନ୍ତ ଚଳାଇଥିଲେ ମଧ୍ୟ ଘଟଣା ର କୌଣସି ଟେର ପାଉନଥିବା ନେଇ ଆଇନଜୀବୀ ମାନେ ପ୍ରଶ୍ନ ଇଠାଇଛନ୍ତି l ଏହା ସହିତ ଜାହାଜ ମୁକୁଳାଇବା ଏବଂ ଜାହାଜ ର କ୍ରୁ ମେମ୍ବର ମାନଙ୍କୁ ସ୍ବଦେଶ ଫେରାଇବାକୁ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ମିଳିଛି l ଜାହାଜ ଏମ ଭି ଦେବି ପାନ୍ନାମା ସ୍ପେନ ରୁ ଇଣ୍ଡୋନେସିଆ ଦେଇ ପାରାଦ୍ୱୀପ ପିଆଇସିଟି ବର୍ଥ ରେ ଆଇରନ ପ୍ଲେଟ ଲୋଡ଼ କରୁଥିବା ସମୟରେ 22 ଗୋଟି ପ୍ୟାକେଟ ରୁ 220 କୋଟି ଟଙ୍କାର ନିଷିଦ୍ଧ ଜହର କୋକେନ ଜବତ ହୋଇଥିଲା l ସେବେଠାରୁ କଷ୍ଟମ୍ସ ବିଭାଗ ତରଫରୁ ଜାହାଜ ସହିତ ସମସ୍ତ21 ଜଣ କ୍ରୁ ମେମ୍ବର ମାନଙ୍କୁ ଅଟକ ରଖି ତଦନ୍ତ ଚଳାଇଛି l

ଏଥିମଧ୍ୟରେ ଜାହାଜ କମ୍ପାନୀ ତରଫରୁ ଜାହାଜ ମୁକୁଳାଇବାକୁ କୁଜଙ୍ଗ କୋର୍ଟରେ ଆବେଦନ କରିବା ସହିତ କଷ୍ଟମ୍ସ ବିଭାଗ ଅନୁମତି ରେ ଜାହାଜ କୁ ବର୍ଥ ରୁ ଆଙ୍କରେଜ କୁ ନେବାରେ ସଫଳ ହୋଇଛି l ଆଙ୍କରେଜ ରେ ରହିଥିବା ସମୟରେ ଜାହାଜ ର କ୍ରୁ ସଦସ୍ୟ ଖସିପଡି ଆହତ ଘଟଣା ରେ ବର୍ତମାନ ସୁଦ୍ଧା କ୍ରୁ ସଦସ୍ୟ ଜଣକ ଭୁବନେଶ୍ୱର ରେ ଏକ ଘରୋଇ ହସ୍ପିଟାଲ ରେ ଚିକିତ୍ସିତ ହେଉଥିବା ବେଳେ କଷ୍ଟମ୍ସ ବିଭାଗ ତରଫରୁ କଡା ନଜର ରଖାଯାଇଥିବା ନେଇ ସୂଚନା ମିଳିଛି l

ଜାହାଜ ର ସମସ୍ତ କ୍ରୁ ସଦସ୍ୟ ମାନଙ୍କୁ ସ୍ବଦେଶ ଫେରାଇନେବାକୁ ଜାହାଜ କମ୍ପାନୀ ତରଫରୁ ପ୍ରୟାସ ଆରମ୍ଭ ହୋଇଛି l କୁଜଙ୍ଗ କୋର୍ଟ ରେ ଚାରିଜଣ ଆଇନଜୀବି ପକ୍ଷ ରଖିବା ନେଇ ସୂଚନା ମିଳିଛି l ତେବେ ଜାହାଜ ରୁ କୋକେନ ଜବତ ଘଟଣା କୁ ପଚାଶ ଦିନ ପୁରିଥିଲେ ମଧ୍ଯ କୋକେନ କେଉଁଠୁ ଆସିଥିଲା ଏବଂ କେଉଁଠାକୁ ଯାଉଥିଲା କଷ୍ଟମ୍ସ ବିଭାଗ ଏହାର ଟେର ପାଇବାରେ ଫେଲ ମାରିଥିବା ଭଳି କୁଜଙ୍ଗ କୋର୍ଟ ର ଆଇନଜୀବୀ ପ୍ରଶ୍ନ ଉଠାଇଛନ୍ତି l ତେବେ ଜାହାଜ ସହିତ ସମସ୍ତ କ୍ରୁ ସଦସ୍ୟ ମାନଙ୍କୁ ମୁକୁଳାଇବାରେ ଜାହାଜ କମ୍ପାନୀ ତରଫରୁ ଆରମ୍ଭ ହୋଇଥିବା ପ୍ରୟାସ କେତେ ସଫଳ ହେଉଛି ତାହା ଦେଖିବାକୁ ବାକି ରହିଲା l
ମଞ୍ଚସ୍ଥ ହେଲା କାସାଣ୍ଡ୍ରା ଦ୍ୱାରା କୈବର୍ତ୍ତ ରଘୁନାଥ

()ବୁଧବାର ଶ୍ରୀକ୍ଷେତ୍ରରେ ବହୁ ପ୍ରତିକ୍ଷିତ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପର ଶୁଭ ଉଦଘାଟନ ହୋଇଛି। ଜଗନ୍ନାଥ ସଂସ୍କୃତିକୁ ମନେ ପକେଇବା ପାଇଁ ରାଜ୍ୟ ସରକାର ସବୁ ଜିଲ୍ଲା ମୁଖ୍ୟାଳୟରେ ମଞ୍ଚ ନାଟକ ମଞ୍ଚସ୍ଥ କରିବା ପାଇଁ ସ୍ବତନ୍ତ୍ର ବ୍ୟବସ୍ଥା ଗ୍ରହଣ କରିଥିଲେ। ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଏବଂ ରାଜ୍ୟ ସଙ୍ଗୀତ ନାଟକ ଏକାଡେମୀ ଆନୁକୁଲ୍ୟରେ ଶ୍ରୀଜଗନ୍ନାଥ ସଂସ୍କୃତି ଉପରେ ନାଟକ ପରିବେଷଣ କରାଯାଇଛି । ଗତ କାଲି ସନ୍ଧ୍ୟାରେ ସ୍ଥାନୀୟ କେନ୍ଦୁଝର ଅଡିଟୋରିୟମରେ କେନ୍ଦୁଝରର ଅଗ୍ରଣୀ ସାଂସ୍କୃତିକ ଅନୁଷ୍ଠାନ କାସାଣ୍ଡ୍ରା କଲଚରାଲ ସେଣ୍ଟରର କଳାକାର ମାନେ ନାଟକ କୈବର୍ତ୍ତ ରଘୁନାଥ ପରିବେଷଣ କରିଥିଲେ । ପ୍ରଥମେ ଅନୁଷ୍ଠାନର ସଭାପତି ହରିହର ସାହୁଙ୍କ ସଭାପତିତ୍ବରେ କାର୍ଯ୍ୟକ୍ରମ ଆରମ୍ଭ ହୋଇଥିବା ବେଳେ ନାଟକ ଓ ଅନୁଷ୍ଠାନ ବିଷୟରେ ସମ୍ପାଦକ ମଳୟ ମହାପାତ୍ର ସୂଚନା ପ୍ରଦାନ କରିଥିଲେ। କାର୍ଯ୍ୟକ୍ରମରେ ଅତିଥି ଭାବେ ଉପ ନିର୍ଦ୍ଦେଶକ ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ସଞ୍ଜୀବ ବାରିକ, ଉପ ନିର୍ଦ୍ଦେଶକ ଜିଲ୍ଲା ସଂସ୍କୃତି ବିଭାଗ ରମେଶ ନାଏକ, ଆକାଶବାଣୀ କେନ୍ଦ୍ର କେନ୍ଦୁଝରର ଅଧିକାରୀ ସିପାଇ ମୁର୍ମୁ, ମହାରାଣୀ ସୁନନ୍ଦିନି ଭଞ୍ଜଦେଓ ପ୍ରମୁଖ ଯୋଗ ଦେଇଥିଲେ।

ଏହି ନାଟକକୁ ତୁଷାର ସାମନ୍ତ ନିର୍ଦେଶନା ଦେଇଥିବା ବେଳେ ଶ୍ୟାମ ପଣ୍ଡା ସଙ୍ଗୀତ ନିର୍ଦ୍ଦେଶନା ଦେଇଥିଲେ। ବିଭିନ୍ନ ଅଭିନୟରେ ରବୀନ୍ଦ୍ର କୁମାର ସେଠୀ, ଭାସ୍କର ମିଶ୍ର, ଅଶୋକ ମହାରଣା, ଲିପି ମିଶ୍ର, ଲୁଲୁ ବେଜ୍, ଗଜେନ୍ଦ୍ର ମିଶ୍ର, ମନୋଜ ବେହେରା, ସୁଶାନ୍ତ ଜେନା, ଦେବ ଦର୍ଶନ ଦାସ, ପବିଷ୍ଣା ମିଶ୍ର, ଆରାଧ୍ୟା ଅମୂଲ୍ୟ ସାହୁ, ସାଲେଗ୍ରମ୍ ପାତ୍ର ଆଦି କଳାକାର ଭାବେ ଅଭିନୟ କରିଥିବା ବେଳେ ଲୁଲୁ ମଙ୍ଗରାଜ, ଭୁଭେନ୍ଦୁ ପଟ୍ଟନାୟକ, ଚକ୍ରଧର ହୋତା, ରଞ୍ଜନ ଗୋଛୟତ, ଦିଲ୍ଲୀପ ମହାନ୍ତି ପ୍ରମୁଖ ମଞ୍ଚ ପରିଚାଳନା କରିଥିଲେ।ରଘୁନାଥ ଭୂମିକାରେ ଅଭିନୟ କରୁଥିବା ଅଶୋକ ମହାରଣାଙ୍କ ଅଭିନୟରେ ଦର୍ଶକ ମାନେ ମୁଗ୍ଧ ହୋଇଥିଲେ ଆଜିର ଏହି ନାଟକ ଦେଖିବାକୁ ଶତାଧିକ ଦର୍ଶକଙ୍କ ସମାଗମ ହୋଇଥିଲା। ଆସନ୍ତା ଏପ୍ରିଲ ମାସରେ ଅନୁଷ୍ଠାନ ପକ୍ଷରୁ ସାମାଜିକ ନାଟକ ମଞ୍ଚସ୍ଥ ହେବ ବୋଲି ସାଂସ୍କୃତିକ ସମ୍ପାଦକ ରବୀନ୍ଦ୍ର କୁମାର ସେଠୀ ପ୍ରକାଶ କରିଛନ୍ତି।
ବିରଜା ହାଟ ସ୍ଥାନାନ୍ତରକୁ ନେଇ ବ୍ୟବସାୟୀଙ୍କ ପ୍ରତିବାଦ

ଯାଜପୁର ବିରଜା ହାଟ ସ୍ଥାନାନ୍ତରକୁ ନେଇ ଲାଗି ରହିଛି ବିବାଦ। ଏହି ହାଟକୁ ଆସନ୍ତା ୧୯ ତାରିଖ ଦିନ ସ୍ଥାନାନ୍ତର ପାଇଁ ପ୍ରଶାସନ ନିଷ୍ପତି ନେଇଛି । ତେଣୁ ଏହାର ପ୍ରତିବାଦ କରି ଆସନ୍ତା କାଲି ହାଟକୁ ବନ୍ଦ କରିବାକୁ ନିଷ୍ପତି ନେଇଛନ୍ତି ବ୍ୟବସାୟୀ ।

ଯଦି ପ୍ରଶାସନ ବ୍ୟବସାୟୀଙ୍କ ଦାବୀକୁ ନମାନନ୍ତି ତେବେ ୧୯ ତାରିଖ ଠାରୁ ଅନିର୍ଦ୍ଧିଷ୍ଟ କାଳ ପାଇଁ ହାଟ ବନ୍ଦ ରହିବ ବୋଲି ଲକ୍ଷ୍ମୀ ମଣ୍ଡପ ଠାରେ ଆୟୋଜିତ ସାମ୍ବାଦିକ ସମ୍ମିଳନୀ ରେ ସୂଚନା ଦିଆଯାଇଛି ।

ଏହି ହାଟକୁ ସ୍ଥାନାନ୍ତର ପୂର୍ବରୁ ସ୍ଥାନୀୟ ବ୍ୟବସାୟୀ ମାନଙ୍କ ସହିତ ଆଲୋଚନା ନ କରି ପ୍ରଶାସନ ଏକପାଖିଆ ନିଷ୍ପତି ନେଇଥିବା ଅଭିଯୋଗ କରିଛନ୍ତି ବିରଜା ଅଗ୍ନେଶ୍ୱର ହାଟ ବ୍ୟବସାୟୀ ।

ପ୍ରଶାସନ ତୁରନ୍ତ ଏହି ବ୍ୟବସାୟୀ ମାନଙ୍କୁ ଥଇଥାନ ନ କଲେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ଚେତାବନୀ ଦିଆଯାଇଛି ।
ଅଧା ବାଟରେ ହାତ ଛାଡି ଆରପାରିକୁ…

ଭାଗ୍ୟର ବିଡମ୍ବନା ନିଃସହାୟ କରିଦେଇଛି ସଶ୍ମିତା ଙ୍କୁ. ରୋଗ କବଳ ରେ କବଳିତ ହୋଇ ସ୍ୱାମି ଅଧା ବାଟରେ ହାତ ଛାଡି ଚାଲିଗଲେ. ଦୁଇ ଟି ଛୁଆ ଙ୍କୁ ନେଇ ଏବେ ସାହାଯ୍ୟ ଓ ସାହାରା ଖୋଜୁଛନ୍ତି ସଶ୍ମିତା. ଏଯାଏଁ ମିଳିନି ସରକାରୀ ସହାୟତା. ବେସାହାରା ଜୀବନ ରେ ସ୍ବେଛାସେବୀ ଙ୍କ ସାହାଯ୍ୟ ର ହାତ ସଶ୍ମିତା ଙ୍କୁ ନୂଆ ରାହା ଦେଇଛି.କେନ୍ଦ୍ରାପଡ଼ା ଗରଦପୁର ବ୍ଲକ ଭଗବାନ ପୁର ଗ୍ରାମ ର ସଶ୍ମିତା ବାରିକ ଙ୍କ ସ୍ୱାମୀ ଅରବିନ୍ଦ ବାରିକ ଦୁଇ ବର୍ଷ ତଳେ କର୍କଟ ରୋଗ ରେ ପୀଡିତ ହୋଇ ଆର ପାରି କୁ ଚାଲିଗଲେ. ସ୍ୱାମି ଙ୍କ ରୋଜଗାର ରେ ଘର ଚାଲୁଥିଲା କିନ୍ତୁ ସ୍ୱାମୀ ଙ୍କ ମୃତୁ ପରେ ବେସାହାରା ସଶ୍ମିତା ଙ୍କୁ ତାଙ୍କ ଦିଅର ମୁଣ୍ଡ ଗୁଞ୍ଜିବାକୁ ନିଜ ଘରେ ଆଶ୍ରା ଦେବା ସହ ଭରଣ ପୋଷଣ କରୁଛନ୍ତି.କିନ୍ତୁ ସଶ୍ମିତା ବାରିକ ଏବେ ମଧ୍ୟ ସରକାରୀ ସହାୟତା ରୁ ବଞ୍ଚିତ ଅଛନ୍ତି. ଆବାସ ଯୋଜନା ରେ ତାଙ୍କୁ ଘର ଖଣ୍ଡେ ମିଳିନାହିଁ. ଦୁଇ ନାବାଳକ ପୁଅ ଝିଅ ଙ୍କୁ ନେଇ ଅତି କଷ୍ଟ ରେ ଜୀବନ ଯାପନ କରିଛନ୍ତି. ପିଲାଙ୍କୁ ଭଲ ପାଠ ପଢାଇବାକୁ ଇଚ୍ଛା ଥିଲେ ବି ପାଖରେ ଆର୍ଥିକ ସମ୍ବଳ ନାହିଁ

କହିବାକୁ ଗଲେ ଭାଇ ମଧ୍ୟ ଦିନେ ଭଗାରୀ ହୁଏ. ଦିଅର ଆଜି ପଶୁଛନ୍ତି ସତ କିଂନ୍ତୁ ଭବିଷ୍ୟତ ରେ ଯଦି ରଶ୍ମିତା ଙ୍କ ପରିବାର କୁ ଦିଅର ଆଶ୍ରା ନହୁଏ ତେବେ ତିନି ପ୍ରାଣୀ ସମ୍ପୂର୍ଣ ଅନାଥ ହୋଇଯିବେ. ନିଜ ର ସ୍ଥିତି ସୁଧାରିବାକୁ ସଶ୍ମିତା ଏବେ ପ୍ରଶାସନିକ ସହାୟତା ଅପେକ୍ଷା ରେ ଅଛନ୍ତି.

ଓଡିଶା ଷ୍ଟେଟ ଲେବର କୋଅପରେଟିବ ସୋସାଇଟି ର ଅତିରିକ୍ତ ସମ୍ପାଦକ ସ୍ୱରୂପ ରାଉତ ଏହି ଅସହାୟ ମହିଳା ସଶ୍ମିତା ଙ୍କ ଅସୁବିଧା ଓ ଅଭାବ ବିଷୟ ରେ ଅବଗତ ହୋଇ ସେଠାରେ ପହଂଚି ଆବଶ୍ୟକୀୟ ସହାୟତା ଯୋଗାଇବା ସହ ପ୍ରତି ମାସ ରେ ରାସନ ସାମଗ୍ରୀ ମାଗଣା ରେ ଯୋଗାଇ ଚାଲିଛନ୍ତି.ସରକାର ମଧ୍ୟ ଏହି ଅଭାବି ପରିବାର କୁ ଯଥା ଶୀଘ୍ର ସହାୟତା ଯୋଗାଇ ଦିଅନ୍ତୁ ବୋଲି ସ୍ୱରୂପ ଅନୁରୋଧ କରିଛନ୍ତି

ଦେଖିବାକୁ ବାକି ରହିଲା ଅସହାୟ ମହିଳା ଜଣଙ୍କୁ କେବେ ପ୍ରଶାସନ ଆବଶ୍ୟକ ସହାୟତା ଯୋଗାଇ ଦେଉଛି
ବ୍ରାଉନ ସୁଗାର ଜବତ ସହ ଦୁଇ ଜଣ ଗିରଫ

ଦିନକୁ ଦିନ ଧଳା ଜହର କାରବାର ବୃଦ୍ଧି ପାଇବାରେ ଲାଗିଛି । ଏହା ଉପରେ ଅଙ୍କୁଶ ଲଗାଇବା ପାଇଁ ତତ୍ପର ପୋଲିସ ପ୍ରଶାସନ। ସେହିପରି ଏବେ ଆକ୍ସ ମୋଡରେ ବାଲେଶ୍ୱର ପୋଲିସ। ୮୨ ଗ୍ରାମର ବ୍ରାଉନ ସୁଗାର ଜବତ୍ ସହ ଦୁଇ ଜଣଙ୍କୁ ଗିରଫ କରିଛି ପୋଲିସ। ସୁଚନା ଅନୁୟାୟୀ ବାଲେଶ୍ଵର ଜିଲ୍ଲା ସହଦେବ ଖୁଣ୍ଟା ଥାନା ଅନ୍ତର୍ଗତ ମସଜିଦ ଗଳିରୁ ଦୁଇ ବ୍ରାଉନ ସୁଗର ବେପାରୀଙ୍କୁ ଗିରଫ କରିଛି ବାଲେଶ୍ୱର ପୋଲିସ ।

ତେବେ ଗତ କାଲି ବିଶେଷ ସୂତ୍ରରୁ ଖବର ପାଇ ପୋଲିସର ଦୁଇଟି ଟିମ୍ ମସଜିଦ ଗଳିରେ ଚଢ଼ାଉ କରି ୮୨ ଗ୍ରାମ ର ବ୍ରାଉନ ସୁଗାର୍ ସହିତ ୧୪,୮୦୦ ଟଙ୍କା ଜବତ୍ କରିଛନ୍ତି। ଏବଂ ଏଥିରେ ସଂପୃକ୍ତ ଜଣେ ମହିଳା ଓ ଜଣେ ପୁରୁଷଙ୍କୁ ପୋଲିସ ଗିରଫ କରାଯାଇଥିବା ନେଇ ଏକ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ବାଲେଶ୍ୱର ଏସ୍ ପି ସାଗରିକା ନାଥ ।

ତେବେ ଗିରଫ ମହିଳା ଜଣଙ୍କ ନାମରେ ପୂର୍ବରୁ ମଧ୍ୟ ଥାନାରେ ମାମଲା ରହିଥିବା ଜଣାପଡିଛି ସେପଟେ ଜବତ୍ ବ୍ରାଉନ ସୁଗାରର ଆନୁମାନିକ ମୂଲ୍ୟ ୮ଲକ୍ଷରୁ ଉର୍ଦ୍ଧ ହେବ ବୋଲି କହିଛନ୍ତି ବାଲେଶ୍ୱର ଏସ୍ ପି ସାଗରିକା ନାଥ ।
ଧନୁଯାତ୍ରାର ତୃତୀୟ ରଜନୀରେ କୃଷ୍ଣ ଜନ୍ମ, ଗୋପପୁରରେ ନନ୍ଦୋତ୍ସବ ପାଳିତ

ପାରମ୍ପରିକ ଲୋକନାଚ, ଗୀତ ଓ ବାଦ୍ୟରେ ଦୁଲୁକୁଛି ରଙ୍ଗମହଲ, ରାଜ ଦରବାର । ଧନୁଯାତ୍ରା ତୃତୀୟ ରଜନୀରେ ମହାରାଜା କଂସ ଦିଗବିଜୟ ପରେ ମା’ ଶ୍ୟାମାକାଳୀଙ୍କ ଦର୍ଶନ ସାରି ବାହାରିଥିଲେ ମଥୁରା ପରିଭ୍ରମଣରେ । ଭଉଣୀ ଦେବକୀ ଗର୍ଭରୁ ଅଷ୍ଟମ ସନ୍ତାନ ଜନ୍ମର ସୂଚନା ବିଳମ୍ବରେ ଦେବାରୁ ମହାରାଜା କଂସ ଦାସୀ ମୁଦୁସୁଲିଙ୍କୁ କରିଥିଲେ ହତ୍ୟା । ଏହାପରେ ଦେବକୀର ଅଷ୍ଟମ ସନ୍ତାନକୁ ହତ୍ୟା କରିବା ପାଇଁ କାରାଗୃହରେ ପହଞ୍ଚି ବିଜୁଳି କନ୍ୟାକୁ ଶିଳାରେ ପ୍ରହାର କରିଥିଲେ। ଏହି ସମୟରେ ହୋଇଥିଲା ଦୈବବାଣୀ । ଦୈବବାଣୀ ଶୁଣି ମହରାଜା ଭୟଭୀତ ହୋଇ ମହର୍ଷି ନାରଦଙ୍କ ପରାମର୍ଶ କ୍ରମେ ରାକ୍ଷସୀ ପୁତନା ବକା, ଶକଟା, ତୃଣା, ଧେନୁ, ଷଣ୍ଢାଷୁର ଆଦି ଷଡ଼ମଲ୍ଲ ବୀରଙ୍କୁ ଗୋପପୁର ପ୍ରେରଣ କରିବାକୁ ଡକାଇଥିଲେ। ।

ସେପଟେ ଗୋପପୁରରେ ଶ୍ରୀକୃଷ୍ଣଙ୍କ ନନ୍ଦୋତ୍ସବ ଚାଲିଛି। ପ୍ରେମରେ ବିଭୋର ହୋଇଛନ୍ତି ଗୋପୀ, ଗୋପାଙ୍ଗନା । ଦ୍ବାପରର ଚରିତ୍ର ମହି ମଣ୍ଡଳରେ ଉପସ୍ଥାପନ କରୁଥିବା କଳାକାରଙ୍କ ମଧ୍ୟରେ ଦେଖିବାକୁ ମିଳିଛି ଅହେତୁକ ଆନନ୍ଦ। ଅନ୍ୟପଟେ ଏହି ଉତ୍ସାବରେ ଏସପି ବରଗଡ ମଧ୍ୟ ଉପସ୍ଥିତ ରହିଥିଲେ। ସେପଟେ ଧନୁଯାତ୍ରା ମହୋତ୍ସବର ଆଜି ଚତୁର୍ଥ ରଜନୀରେ ମଥୁରାନଗରୀରେ କଂସଙ୍କ ମନ୍ତ୍ରଣା କ୍ରମେ ପୁତନା, ବକା, ଶକଟା, ତୃଣା, ଧେନୁ, ଷଣ୍ଢାସୁର ଆଦିଙ୍କୁ ଗୋପପୁର ପ୍ରେରଣ, କଂସଙ୍କ ଦ୍ବାରା ମୁକ୍ତେଶ୍ବର ବାବାଙ୍କ ରୁଦ୍ରାଭିଷେକ, ଗୋପପୁରରେ ଶ୍ରୀକୃଷ୍ଣଙ୍କ ବାଲ୍ୟଲୀଳା, କଂସ ପ୍ରେରିତ ପୁତନା, ଷଡ଼ମଲ୍ଲଙ୍କୁ ବଧ, ନନ୍ଦୋତ୍ସବ ନାଟ୍ୟ୍ୟାଭିନୟ କାର୍ଯ୍ୟକ୍ରମ ଅନୁଷ୍ଠିତ ହେବ ।