Month: January 2024

କିଟ ଓ କିସ୍ ପକ୍ଷରୁ ଯାଜପୁରରେ ଆୟୋଜିତ ହୋଇଛି ମିନି ମାରାଥନ

କିଟ ଓ କିସ ପକ୍ଷରୁ ଯାଜପୁରରେ ଆୟୋଜିତ ହୋଇଛି ମିନି ମାରାଥନ । ଏଜୁକେସନ ଫର ଅଲର ବାର୍ତା ପ୍ରଚାର କରିବା ଉଦ୍ଧେଶ୍ୟରେ ଆଜି ସକାଳୁ ନରସିଂହ ଚୌଦୁରି ମହାବିଦ୍ୟାଳୟ ନିକଟରୁ ଏହି ମିନି ମାରାଥନ ଆରମ୍ଭ ହୋଇଥିଲା । ଯାଜପୁର ବିଧାୟକଙ୍କ ପ୍ରତିନିଧି ସତ୍ୟପ୍ରକାଶ ଦାସ ପତାକା ହଲାଇ ଏହାର ଶୁଭାରମ୍ଭ କରିଥିଲେ । ଜିଲାର ବିଭିନ୍ନ କଲେଜରୁ ୨୦୦ରୁ ଉର୍ଦ୍ଧ ଛାତ୍ର ଛାତ୍ରୀ ଏଥିରେ ଅଂଶଗ୍ରହଣ କରିଥିଲେ । ନରସିଂହ ଚୌଦୁରି ମହାବିଦ୍ୟାଳୟ ରୁ ବାହାରିଥିବା ଏହି ମିନି ମାରାଥନ ଯାଜପୁର ପୌରପାଳିକା ଅଧିନସ୍ଥ ହକି ପ୍ରଶିକ୍ଷଣ କେନ୍ଦ୍ରରେ ଉଦଯାପିତ ହୋଇଥିଲା । ଏହି ଅବସରରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ଉଦଘାଟକ ଭାବେ ଭୁଲେଖ ଓ ବନ୍ଦୋବସ୍ତ ର ଅତିରିକ୍ତ ଆୟୁକ୍ତ ଅକ୍ଷୟ କୁମାର ମଲ୍ଲିକ ଯୋଗ ଦେଇ କିଟ ଓ କିସର ପ୍ରତିଷ୍ଠାତା ଡଃ ଅଚ୍ୟୁତ ସାମନ୍ତଙ୍କ ଉଦ୍ୟମକୁ ବେଶ ପ୍ରଶଂସା କରିଥିଲେ । କଳିଙ୍ଗଟିଭି ପ୍ରତିନିଧି ଅବିନେଶ୍ୱର ଶତପଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲପାଳ ଯାଜପୁର ନବକୃଷ୍ଣ ଜେନା ଯୋଗ ଦେଇ ଡଃ ସାମନ୍ତଙ୍କ ପକ୍ଷରୁ ରାଜ୍ୟ ର ଆଦିବାସୀ ମାନଙ୍କ ଛାତ୍ର ଛାତ୍ରୀଙ୍କ ପାଇଁ ହେଉଥିବା ଉନ୍ନତିମୁଳକ ପଦକ୍ଷେପ ପାଇଁ ଦେଶ ବିଦେଶରୁ ପ୍ରଶଂସା ମିଳୁଛି ବୋଲି କହିଥିଲେ ।

ମୁଖ୍ୟ ବକ୍ତା ଭାବେ ଯାଜପୁର ପୌରପାଳିକାର ଉପାଧ୍ୟକ୍ଷ ସନ୍ତୋଷ କୁମାର ମଲ୍ଳିକ, ସମ୍ମନିତ ଅତିଥି ଭାବେ ଜିଲା କ୍ରିଡା ଅଧିକାରୀ ପଂକିର ମୋହନ ଟୁଡୁ, ଏନସି କଲେଜର ଅଧ୍ୟକ୍ଷ ବି ସି ଦାସ ଯୋଗ ଦେଇ ଏଭଳି ମିନି ମାରାଥନ ଆୟୋଜନ ଫଳରେ ଶିକ୍ଷାର ପ୍ରଚାର ପ୍ରସାର ହୋଇପାରିବ ଏଥିପାଇଁ କିଟ ଓ କିସ ପ୍ରତିଷ୍ଠାତାଙ୍କୁ ପ୍ରଶଂସା କରିଥିଲେ । କିଟ ପକ୍ଷରୁ ସମାବେଶ ନାୟକ, ଡଃ ସନ୍ଦୀପ ପଣ୍ଡା, ,ବିଜୟ ମଲ୍ଳିକ, କଳିଙ୍ଗ ଟିଭି ପ୍ରତିନିଧି ଦେବାଶିଷ ସାହୁ ପ୍ରମୁଖ ଅତିଥି ମାନଙ୍କୁ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ। ଏହି ଅବସରରେ ଯାଜପୁର ମାଟିର ବରପୁତ୍ର ତଥା ସ୍ଵାଧୀନତା ସଂଗ୍ରାମୀ ନୀଳମଣି ସାମଲଙ୍କ ବିଯୋଗରେ ଏକ ମିନିଟ ନୀରବ ପ୍ରାର୍ଥନା କରଯାଇଥିଲା। ମିନିମାରାଥନରେ ଅଂଶଗ୍ରହଣ କରିଥିବା କୃତୀ ପ୍ରତିଯୋଗୀଙ୍କୁ ମଧ୍ୟ ପୁରସ୍କୃତ କରାଯାଇଥିଲା । ବିଧୁଭୁଷଣ ଆଚାର୍ଯ୍ୟ ପରିଶେଷ ରେ ଧନ୍ୟବାଦ ଅର୍ପଣ କରିଥିଲେ।
ଭାଗବତ ପ୍ରଧାନଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବା ନେଇ ଘୋଷଣା

ବରଗଡ ଜିଲ୍ଲା ବରପାଲି ବ୍ଲକର କୁମ୍ଭାରୀ ଗ୍ରାମର ଶବ୍ଦନୃତ୍ୟ ଗୁରୁ ଭାଗବତ ପ୍ରଧାନଙ୍କୁ ନୃତ୍ୟକଳା ସାଧନା ଓ ପ୍ରଚାରପ୍ରଶାର ନିମନ୍ତେ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବା ନେଇ ଘୋଷଣା । ଶ୍ରୀ ପ୍ରଧାନଙ୍କ ଜନ୍ଣ ଏକ ମଧ୍ୟବିତ୍ତ କୃଷକ ପରିବାରରେ। ପିଲାଟିବେଳୁ ନୃତ୍ଯ କଳା ପ୍ରତି ରହିଛି ଦୁର୍ବଳତା । ପିତା ସୋର୍ଗୀୟ ବଂଶୀଧର ପ୍ରଧାନଙ୍କ ତତ୍ତ୍ଵାଧାନରେ ନୃତ୍ୟଶିକ୍ଷା ଆରମ୍ବ କରିଥିଲେ ସେ । ୧୯୭୪ ମସିହାରେ କୁମ୍ଭାରୀ ସ୍ଥିତ ବ୍ରଜେଶ୍ଵରୀ ନୃତ୍ୟ କଳା ସଂସଦରେ ଶବ୍ଦ ଗୁରୁ ଭାବରେ ନିଯୁକ୍ତି ପାଇବା ସହ ଅଦ୍ୟାବଧି ଶତାଧିକ ଛାତ୍ର ଛାତ୍ରୀମାନଙ୍କୁ ଶିକ୍ଷାଦାନ ଦେଇ ଆସୁଥିବା ବେଳେ ବର୍ତ୍ତମାନ ମଧ୍ୟ ନୃତ୍ୟଶିକ୍ଷା ଦାନରେ ବ୍ରତି ରହିଆସିଛନ୍ତି। ୧୯୫୪ ରେ ଲୋକସମ୍ପର୍କ ବିଭାଗ ତରଫରୁ ଭୁବନେଶ୍ବରରେ ନିଜେ ନୃତ୍ୟ ପାରଦର୍ଶିତା ପ୍ରଦର୍ଶନ କରିଥିଲେ । ୨୦୦୦ରେ ସଙ୍ଗୀତ ନାଟକ ଏକାଡେମି ଆନୁକୂଲ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରରୁ ତମ୍ବ୍ରପତ୍ର ସହ ସମ୍ମାନିତ ହୋଇଥିବାବେଳେ ଓଡ଼ିଶା ସାମ୍ବାଦିକ ୟୁନିଅନ ତ୍ରୟୋଦଶିହିବାର୍ଷିକ ୨୦୦୩ ସମ୍ମିଳନୀ ତରଫରୁ ଭୁବନେଶ୍ବରରେ ମାନପତ୍ର ସହ ସମ୍ମାନିତ ମଧ୍ଯ କରାଯାଇଛି । ଖାଲି ସେତିକିନୁହେଁ ବିଭିନ୍ନ ଅନୁଷ୍ଠାନଠାରୁ ଆରମ୍ବକରି ଖବର କାଗଜ ପର୍ଯ୍ଯନ୍ତ ତାଙ୍କର ଚର୍ଚ୍ଚା ହୁଏ

ତେବେ ବର୍ତମାନ ତାଙ୍କୁ ୮୬ ବର୍ଷ ବୟସ ହେଉଥିବାବେଳେ ତାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିବାରୁ ଅଞ୍ଚଳର ଲୋକ କଳାକାର, ନୃତ୍ୟାଙ୍ଗନା, ନାଟ୍ୟ କଳାକାର ନୃତ୍ୟ ବିଶାରଦ ପ୍ରମୁଖଙ୍କ ସହ ବହୁ କଳାପ୍ରେମୀମାନେ କୃତଜ୍ଞତା ଜଣାଇଛନ୍ତି। ଓ ବରପାଲି ବ୍ଲକ ଅଞ୍ଚଳରେ ଓ କଳା ଗ୍ରାମ କମ୍ଭାରି ଗ୍ରାମରେ ସମାର୍ଦ୍ଧନା ସହ ଆନନ୍ଦର ଲହରୀ ଖେଳି ଯାଇଛି।
ଡେରାବିଶ ଅଞ୍ଚଳରେ ଭକ୍ତି ମୟ ପରିବେଶ ସୃଷ୍ଟି

କେନ୍ଦ୍ରାପଡା ଡେରାବିଶ ଅରତାମୂଳ ଇଚ୍ଛା ବିହାରୀ କ୍ଷେତ୍ର ରାମ ମନ୍ଦିର ପରିସରରେ ତିନି ଦିନ ଧରି ବିଶ୍ୱଶାନ୍ତି ମହାଯଜ୍ଞ ଆୟୋଜିତ ହୋଇଯାଇଛି. ବିଶ୍ୱଶାନ୍ତି ମହାଯଜ୍ଞରେ ଡେରାବିଶର ଲୁଣା ନଦୀ ତଟସ୍ତ ତିନି ପଞ୍ଚାୟ ବାରିମୂଳର ଶତାଧିକ ଭକ୍ତ ଯଜ୍ଞ ରେ ଯୋଗଦେଇ ପ୍ରଭୁ ଶ୍ରୀରାମଙ୍କ ଆଶ୍ରିବାଦ ନେଇଥିଲେ.ଇଚ୍ଛା ବିହାରୀ କ୍ଷେତ୍ରରେ ଆଜକୁ ପ୍ରାୟ ୬ ବର୍ଷ ଧରି ମହାଜଜ୍ଞ ଅନୁଷ୍ଠିତ ହୋଇ ଆସୁଛି.ତ୍ରିଦିନାତ୍ମକ ଯଜ୍ଞରେ ଅଙ୍କୁରାର୍ପଣ ଠାରୁ ପୂର୍ଣ୍ଣାହୁତି ପର୍ଯ୍ୟନ୍ତ ଶ୍ରୀରାମଙ୍କ ରୀତି ନୀତି ସୁରୁଖୁରୁରେ ସମ୍ପର୍ଣ୍ଣ ହୋଇଥିଲା. ଓଡିଶାର କୁନି ପ୍ରବୋଚକ ଭାବେ ଖ୍ୟାତ କେଶବ ଦାସ ଦ୍ବିତିକୃଷ୍ଣ ମହାଯଜ୍ଞ ପରିସରରେ ନିଜ ପ୍ରବୋଚନ ଦେଇ ଭାଗବତ, ଗୀତା ସମ୍ପର୍କିତ ସାରମର୍ସରେ ଧର୍ମ ବାଣୀ ଆଲୋଚନା କରିଥିଲେ.

ତେବେ କୁନି ପ୍ରବଚକଙ୍କ ଠାରୁ ପ୍ରବଚନ ଶୁଣିବାକୁ ଶତାଧିକ ଭକ୍ତ ଙ୍କ ସାମଗମ ହୋଇଥିଲା. ସମଗ୍ର ଅଞ୍ଚଳ ରେ ଭକ୍ତି ମୟ ପରିବେଶ ସୃଷ୍ଟି ହୋଇଥିଲା
ଦୁର୍ଘଟଣାଗ୍ରସ୍ତ ଯୁବକଙ୍କୁ ମେଡିକାଲ ପହଞ୍ଚାଇଲେ ବିଧାୟକ

କେନ୍ଦୁଝର ଜିଲ୍ଲାର ୨୦ ନଂ ଜାତୀୟ ରାଜପଥ ଘଟଗାଁ ବ୍ଳକ ମେଲଣ ନିକଟରେ ଗତକାଲି ସନ୍ଧ୍ୟା ସମୟରେ ଅଜଣା ଗାଡି ଧକ୍କାରେ ମାର୍ଶାପାଳ ଗ୍ରାମର ଯୁବକ ଗୁରୁତର ହୋଇ ରାସ୍ତାର ପଡିରହିଥିଲେ। ଘସିପୁରା ବିଧାୟକ ଶ୍ରୀଯୁକ୍ତ ବଦ୍ରିନାରାୟଣ ପାତ୍ର ମେଲଣ ନିକଟସ୍ଥ ରଙ୍ଗମାଟିଆ ଠାରେ ଫୁଟବଲ ଟୁର୍ଣ୍ଣାମେଣ୍ଟରେ ଅତିଥି ଭାବେ ଯୋଗଦେଇ ତାଙ୍କ ବାସଭବନ ଘସିପୁରା ବ୍ଳକ ଗଡ଼ବାନ୍ଦଗୋଡ଼ାକୁ ଫେରୁଥିବାବେଳେ ଯୁବକ ଜଣଙ୍କ କ୍ଷତାକ୍ତ ଅବସ୍ଥାରେ ପଡିଥିବା ଦେଖି ତୁରନ୍ତ ନକରି ତାଙ୍କ ଗାଡ଼ିରେ ଡ୍ରାଇଭର, ସୁରକ୍ଷାକର୍ମା ଓ ସ୍ଥାନିୟ ଲୋକଙ୍କ ସହଯୋଗରେ ଆନନ୍ଦପୁର ଉପଖଣ୍ଡ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଯୁବକଙ୍କର ଚିକିତ୍ସା ଚାଲିଥିବା ବେଲେ କିପରି ଯୁବକଙ୍କର ଉତ୍ତମ ଚିକିତ୍ସା ହେବ ସେନେଇ ମେଡିକାଲ ଅଧିକ୍ଷକଙ୍କ ଆଲୋଚନା କରିଛନ୍ତି।ତେବେ ବିଧାୟକଙ୍କ ଏପରି କାର୍ଯ୍ୟକୁ ବିଭିନ୍ନ ମହଳରେ ପ୍ରଶସାଂ ପାଉଛି।
ଜେ.ସି.ଆଇ ପକ୍ଷରୁ ସମ୍ବାଦିକ ସମ୍ବର୍ଦ୍ଧିତ

()ଜୁନିୟର ଚାମ୍ବର୍ସ ଇଣ୍ଟର୍ନେସନାଲ (ଜେସିଆଇ) ପକ୍ଷରୁ ତାଳଚେର ଠାରେ ଗଣତନ୍ତ୍ର ଉତ୍ସବ ପାଳନ ଅବସରରେ ରେମୁଆଁ ସ୍ଥିତ ଶ୍ରୀ ଶଙ୍କର ପ୍ରିମିଶେଷରେ ଅନୁଷ୍ଠାନ ପକ୍ଷରୁ ଜାତୀୟ ଯୋନ ପୂର୍ବତନ ସଭାପତି ଆଶିଷ ଅଗ୍ରୱାଲ ଯୋଗ ଦେଇ କାର୍ଯ୍ୟକ୍ରମ କୁ ଆରମ୍ଭ କରିଥିବା ବେଳେ ,ତାଳଚେର ଶାଖା ସଭାପତି କୁଶଲ ଅଗ୍ରୱାଲ ଜାତୀୟ ପତକା ଉତ୍ତୋଳନ କରିଥିଲେ ।ଏବଂ ଦେଶ ବର୍ତମାନ ବିକାଶ ଅଭିମୁଖେ ଅଗ୍ରସର ହେଉଥିବା ବେଳେ ଏଥିରେ ସମସ୍ତଙ୍କୁ ସାମିଲ ହେବାକୁ ପରାମର୍ଶ ଦେଇଥିଲେ ।ସେହିପରି ଅନୁଷ୍ଠାନର ଲିଗାଲ ଉପଦେଷ୍ଟା ଡ଼ଃ ରଶ୍ମିରଞ୍ଜନ ମିଶ୍ର ,,ସମ୍ବିଧାନର ମୌଳିକ ଅଧିକାର ଓ ବ୍ୟବସ୍ଥା ସମ୍ପର୍କରେ ସୂଚନା ଦେଇଥିଲେ ।ତେବେ ଏହିପରିପେକ୍ଷି ରେ ସୂଚନା ଟି ଭି ରିପୋର୍ଟେ ଜରିଆରେ ତଥା ସମ୍ବାଦିକ କ୍ଷେତ୍ରରେ ସମାଜ ସଂସ୍କାର ଉପରେ ନିଜର ଲେଖା ମାଧ୍ୟମରେ ପରିଚୟ ସୃଷ୍ଟି କରିଥିବା ସମ୍ବାଦିକ ତପନ ମହାରଣାଙ୍କୁ ସାଇଲେଣ୍ଟ ୱାର୍କର ଭାବେ ସମ୍ବର୍ଦ୍ଧିତ କରାଯାଇଥିଲା ।

ସେହିପରି ଏ ଅଞ୍ଚଳର ପ୍ରତିକୂଳ ପରିସ୍ଥିତିରେ ମଧ୍ୟ ନିଜର କାର୍ତ୍ତ୍ୟବକୁ ସୁଚାରୁ ରୂପେ ତୁଲାଉଥିବା ଦୁଇଜଣ ବିଦ୍ୟୁତ କର୍ମଚାରୀ ଅଙ୍ଗଦ ସାହୁ ଓ ବିଜୟ ବେହେରାଙ୍କୁ ମଧ୍ୟ ସାଇଲେଣ୍ଟ ୱାର୍କର ଭାବେ ମଧ୍ୟ ସମ୍ବର୍ଦ୍ଧିତ କରାଯାଇଥିଲା ।ତାଳଚେରରେ ପ୍ରବଳ ଘନ କୁହୁଡି ସତ୍ବେ ଏହି କାର୍ଯ୍ୟକ୍ରମରେ ଜେ ସି ଆଇ ଅନୁଷ୍ଠାନର ବହୁ ବରିଷ୍ଟ ସଦସ୍ୟ ସଦସ୍ୟା ମାନେ ସାମିଲ ହୋଇଥିଲେ ।
ରେଲୱେ ଫାଇନାନ୍ସ କର୍ପୋରେସନ ପକ୍ଷରୁ ଦିବ୍ୟାଙ୍ଗଙ୍କୁ ମଟରଚାଳିତ ଗାଡି , ସାଇକେଲ ବଣ୍ଟନ

()ଯାଜପୁର ସହର ସ୍ଥିତ ଉତ୍କଳ ମଣ୍ଡପରେ କେନ୍ଦ୍ର ସରକାରଙ୍କ ଇଣ୍ଡିଆନ ରେଲୱେ ଫାଇନାନ୍ସ କର୍ପୋରେସନ ଓ କମଳାକାନ୍ତ ମିଶ୍ର ଫାଉଣ୍ଡେସନ ଚାରୀଟେବୁଲ ଟ୍ରଷ୍ଟ ମିଳିତ ଆନୁକୂଲ୍ୟରେ ଦିବ୍ୟାଙ୍ଗଙ୍କ ଉଦ୍ଦେଶ୍ୟରେ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଆୟୋଜିତ ସ୍ଵତନ୍ତ୍ର କାର୍ଯ୍ୟକ୍ରମରେ ବରିଷ୍ଠ ଶିକ୍ଷାବିତ ବୈକୁଣ୍ଠପତି ମୁଖ୍ୟ ଅତିଥି ଭାବେ ଯୋଗ ଦେଇ ଦିବ୍ୟାଙ୍ଗ ମାନେ ଈଶ୍ୱରଙ୍କ ଦ୍ଵିତୀୟ ରୂପ ବୋଲି କହିଥିଲେ। ଉକ୍ତ କାର୍ଯ୍ୟକ୍ରମରେ ଟ୍ରଷ୍ଟର ସଭାପତି ତଥା ମୃତ୍ୟୁଞ୍ଜୟ ମିଶ୍ର , ବିଜେପି ଦିଲ୍ଲୀ ପ୍ରଦେଶ ପୂର୍ବାଞ୍ଚଳ ପ୍ରଚାର ମନ୍ତ୍ରୀ ସଞ୍ଜୟ କୁମାର ମିଶ୍ର, ସମ୍ମାନୀୟ ଅତିଥି ଭାବେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟା ପ୍ରତିଭା ଶତପଥି , ଡ ଗୁରୁଦତ୍ତ ଲେଙ୍କା ପ୍ରମୁଖ ଯୋଗ ଦେଇ ଦିବ୍ୟାଙ୍ଗ ମାନଙ୍କ ପାଇଁ ଥିବା କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ସୂଚନା ପ୍ରଦାନ କରିଥିଲେ। ଏହି ଅବସରରେ ୫୦୦ରୁ ଉର୍ଦ୍ଧ ଦିବ୍ୟାଙ୍ଗଙ୍କୁ ବ୍ୟାଟେରିଚାଳିତ ସାଇକେଲ, ଟ୍ରାଇ ସାଇକେଲ, ଆଶା ବାଡ଼ି, ଶ୍ରବଣ ଯନ୍ତ୍ର ଆଦି ବଣ୍ଟନ କରାଯାଇଥିଲା। ଆଗାମୀ ଦିନରେ ଦିବ୍ୟାଙ୍ଗ ମାନଙ୍କ ଉଦ୍ଦେଶ୍ୟରେ ଏକ ଜିଲ୍ଲା ସ୍ତରୀୟରେ ସ୍ବାସ୍ଥ୍ୟ ଶିବିର କରାଯାଇ ୧୨ହଜାରରୁ ଉର୍ଦ୍ଧ ଚିହ୍ନଟ ହୋଇଥିବା ଦିଵ୍ୟାଙ୍ଗଙ୍କୁ ଚିକିତ୍ସା ସେବା ପ୍ରଦାନ କରାଯିବା ସହ ଆବଶ୍ୟକୀୟ ସାମଗ୍ରୀ ବଣ୍ଟନ କରାଯିବ ବୋଲି ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି । ସେହିପରି ଗତକାଲି ମଧ୍ୟ ଦଶରଥପୁର ବ୍ଲକ କଣ୍ଠ ମଣ୍ଡପରେ ଆୟୋଜିତ କାର୍ଯ୍ୟକ୍ରମ ରେ ୩୦୦ରୁ ଉର୍ଦ୍ଧ୍ବ ଦିବ୍ୟଙ୍ଗଙ୍କୁ ବ୍ୟାଟେରୀ ଚାଳିତ ଗାଡି, ଶ୍ରବଣ ଯନ୍ତ୍ର ଆଦି ପ୍ରଦାନ କରାଯାଇଥିଲା।
ପୋଡ଼ାପାଡି ଉଚ୍ଚ ପ୍ରାଥମିକ ବିଦ୍ୟାଳୟ ୧୦୭ତମ ବାର୍ଷିକ ଉତ୍ସବ ଅନୁଷ୍ଠିତ

ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ପୋଡ଼ାପାଡ଼ି ଉଚ୍ଚ ପ୍ରାଥମିକ ବିଦ୍ୟାଳୟର ୧୦୭ ବର୍ଷ ପୂର୍ତ୍ତି ଅବସରରେ ବାର୍ଷିକ ଉତ୍ସବ ପାଳିତ ହେଇଯାଇଛି । ଏହି ବିଦ୍ୟାଳୟ ଇଂରେଜ ଶାସନ କାଳରୁ ରହିଆସିଛି । ୧୯୧୭ ମସିହା ଜାନୁୟାରୀ ୨୫ରେ ତାରିଖରେ ପ୍ରତିଷ୍ଠା ହୋଇଥିବା ଏହି ବିଦ୍ୟାଳୟରୁ ଆଜି ପର୍ଯ୍ୟନ୍ତ ଅନେକ ଛାତ୍ରଛାତ୍ରୀ ବହୁତ ଛାତ୍ର ଛାତ୍ରୀ ପାଠ ପଡି ବଡ ବଡ଼ ପଦପଦବୀରେ ଅଧିଷ୍ଠିତ ହେଲେଣି ।

ଗୋଟିଏ ପଟେ ବିଦ୍ୟାଳୟର ୧୦୭ ବର୍ଷ ପୂର୍ତ୍ତି ଉପଲକ୍ଷେ ବାର୍ଷିକ ଉତ୍ସବ ଏବଂ ଅନ୍ୟପଟେ ସାଧାରଣତନ୍ତ୍ର ଦିବସ, ବିଦ୍ୟାଳୟର ମାହୋଲକୁ ପୂରା ଉତ୍ସବ ମୁଖର କରପକାଇଥିଲା । ତେଣୁ ବେଶ ଧୁମଧାମରେ ପାଳିତ ହୋଇଛି ଦୁଇଟି କାର୍ଯ୍ୟକ୍ରମ । ଏହି ଅବସରରେ ଛାତ୍ର ଛାତ୍ରୀଙ୍କୁ କିଛି ବଡ ହୋଇ ବିଦ୍ୟାଳୟର ଗରିମାକୁ ଉଚ୍ଚା କରିବାକୁ ମାର୍ଗ ଦର୍ଶନ ଦେଇଥିଲେ ଉପସ୍ଥିତ ଅତିଥି ମାନେ ।

ଏହି କାର୍ଯ୍ୟକ୍ରମରେ ସ୍କୁଲର ସଭାପତି ତ୍ରିଲୋଚନ ଦୁରିଆ ପିଲାଙ୍କ ଉଜ୍ବଳ ଭବିଷ୍ୟତକୁ ଦୃଷ୍ଟିରେ ରଖି ବିଦ୍ୟାଳୟର ଉନ୍ନତୀକରଣ ପାଇଁ ବିଇଓଙ୍କୁ ଅନୁରୋଧ କରିଥିଲେ । ଛାତ୍ରଛାତ୍ରୀ ବାରଣ୍ଡାରେ ବସି ପାଠ ପଡୁଥିବା ବେଳେ ଆଉ କିଛି ଶ୍ରେଣୀଗୃହ ଯୋଗାଇ ଦେବାକୁ ଅନୁରୋଧ କରିଛନ୍ତି ।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କାଶୀପୁର ବିଇଓ ଦୀପ୍ତିମୟୀ ସିଂ, ପୂର୍ବତନ ପ୍ରଧାନ ଶିକ୍ଷକ ପବିତ୍ର ମହନ ନାଏକ, ମୁଖ୍ୟ ବକ୍ତା ସିଆରସି ତ୍ରିନାଥ ମାଝୀ ପ୍ରମୁଖ ଯୋଗ ଦେଇଥିଲେ । ସ୍କୁଲର ପ୍ରଧାନଶିକ୍ଷକ ପଦ ମହାନ୍ତି, ସଂଯୁକ୍ତା ପ୍ରଧାନୀ, ଗୋବିନ୍ଦ ଝୋଡ଼ିଆ, ଲଷ୍ମୀକାନ୍ତ ମହତ, ସୁପ୍ରିୟା ମଲ୍ଲିକ, ରମାକାନ୍ତ ପାଇକରାୟ ପ୍ରମିଖ ଉପସ୍ଥିତ ଥିଲେ ।
ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ଉଦଯାପିତ

୧୧ ଦିନ ଧରି ଚାଲିଥିବା ୭୬ ତମ ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ଉଦଯାପିତ ହୋଇଯାଇଛି । ଅସତ୍ୟ ଉପରେ ସତ୍ୟର ବିଜୟ, ଅଧର୍ମ ଉପରେ ଧର୍ମର ବିଜୟ ହୋଇ ପାପର କ୍ଷୟ ହୋଇଛି ମଥୁରାନଗରୀକୁ କୃଷ୍ଣ, ବଳରାମ ପାଦ ଦେଲା ପରେ ସମଗ୍ର ମଥୁରାବାସୀ ଆନନ୍ଦିତ ହୋଇଛନ୍ତି । କୃଷ୍ଣ, ବଳରାମ ନଗର ପରିଭ୍ରମଣ ସମୟରେ ମଥୁରାବାସୀ ଘରେ ଘରେ ସୁନ୍ଦର ଝୋଟି ଆଙ୍କି କଳସ ସ୍ଥାପନ କରି ଧୂପ, ଦୀପ ଜାଳି ପୂଜାର୍ଚ୍ଚନା କରିଥିଲେ । ଘଣ୍ଟ, ଶଙ୍ଖ, ସଂକିର୍ତ୍ତନ ତାଳେ ତାଳେ ସମଗ୍ର ମଥୁରାନଗରୀ ଉତ୍ସବମୁଖର ଉଠିଛି । କୃଷ୍ଣ, ବଳରାମ ରଥାରୁଢ଼ ହୋଇ ମଥୁରାନଗରୀ ପରିଭ୍ରମଣ କରିବା ପରେ ଶିବଧନୁ ଭାଙ୍ଗିଥିଲେ ଲୀଳାମୟ ପ୍ରଭୁ ଶ୍ରୀକୃଷ୍ଣ । ହରିବୋଲ, ହୁଲହୁଲି, ଶଙ୍ଖ, ଘଣ୍ଟବାଦ୍ୟରେ ମୁଖରିତ ହୋଇଥିଲା ସମଗ୍ର ପରିବେଶ । ଶ୍ରୀକୃଷ୍ଣ ଓ ବଳରାମଙ୍କ ସହ ଗୋପ ବାଳକଙ୍କ ନାଚଗୀତରେ ବିଭୋର ହୋଇଥିଲେ ମଥୁରାବାସୀ ।

ଶିବଧନୁ ଭାଙ୍ଗିବା ପରେ କୃଷ୍ଣ, ବଳରାମ ଛୁଟି ଯାଇଥିଲେ କଂସ ମହାରାଜାଙ୍କ ରାଜଦରବାରକୁ । ରାଜଦରବାର ପହଞ୍ଚିବା ପୂର୍ବରୁ ଦ୍ବାରଦେଶରେ କୁବଳୟା ହାତୀ ଓ ପରେ ଅଷ୍ଟମଲ୍ଲଙ୍କ ସହ ଲଢ଼େଇ ହୋଇଥିଲା । କୃଷ୍ଣ, ବଳରାମ କୁବଳୟା ହସ୍ତୀ ଓ ଅଷ୍ଟମଲ୍ଲଙ୍କୁ ବଧ କରି କଂସ ମହାରାଜାଙ୍କ ଦରବାରକୁ ପହଞ୍ଚିଥିଲେ । ସେଠାରେ ମାମୁ କଂସ ଓ ଭଣଜା ଶ୍ରୀକୃଷ୍ଣଙ୍କ ମଧ୍ୟରେ ଘମାଘୋଟ ଯୁଦ୍ଧ ହୋଇଥିଲା । ଯୁଦ୍ଧରେ ପରାସ୍ତ ହୋଇ ଶେଷରେ ମହାରାଜା କଂସ ମଞ୍ଚରୁ ଖସି ମୃତ୍ୟୁବରଣ କରିଥିଲେ । ସେପଟେ କାରାଗାରେ ବନ୍ଦୀ ଥିବା ମାତା ଦେବକୀ ଓ ପିତା ବସୁଦେବଙ୍କୁ ଉଦ୍ଧାର କରିଥିଲେ ବେନି ଭାଇ ଶ୍ରୀକୃଷ୍ଣ, ବଳରାମ । କଂସଙ୍କ ମୃତ୍ୟୁ ପରେ ସମଗ୍ର ମଥୁରାନଗରବାସୀ କଂସ ରାଜାର ବଂଶ ବୁଡ଼ୁ, କଂସ ମଲେଁ ଖାଏମା ଲଡ଼ୁ ବୋଲି କହି ଆନନ୍ଦରେ ନାଚି ଉଠିଥିଲେ ।

ଏଫଭିଓ-ଅସତ୍ୟ ଉପରେ ସତ୍ୟ, ଅଧର୍ମ ଉପରେ ଧର୍ମର ବିଜୟ ଓ ପାପର କ୍ଷୟ ବାର୍ତ୍ତା ନେଇ 76ତମ ଧନୁଯାତ୍ରା ମହୋତ୍ସବ ସମ୍ପନ୍ନ ହୋଇଥିବା ବେଳେ ଆରବର୍ଷକୁ ଅପେକ୍ଷା କରିଛନ୍ତି ସମଗ୍ର ମଥୁରାନଗରୀ ଓ ଗୋପପୁରବାସୀ ।
ଧୁମଧାମରେ ପାଳିତ ହେଲା ସାଧାରଣତନ୍ତ୍ର ଦିବସ

ଆଜି 75 ତମ ସାଧାରଣତନ୍ତ୍ର ଦିବସ ସାରା ଦେଶରେ ବେଶ ଆନନ୍ଦ ଓ ଉଲ୍ଲାସ ମଧ୍ୟରେ ଆୟୋଜିତ ହୋଇଛି । ଏହି ପରିପ୍ରେକ୍ଷୀରେ ରାଜ୍ୟର କୋଣଅନୁକୋଣରେ ମଧ୍ୟ ବେଶ ଧୁଧାମରେ ପାଳନ କରାଯାଇଛି । ଆଜି ସକାଳେ ଭୁବନେଶ୍ବରରେ ଆୟୋଜିତ କାର୍ଯ୍ୟକ୍ରମରେ ରାଜ୍ୟପାଳ ରଘୁବର ଦାସ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ। ଏଥିରେ ସମ୍ମାନିତ ଅତିଥୀ ଭାବେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ପତାକା ଉତ୍ତୋଳନ ପରେ ଆରମ୍ଭ ହୋଇଥିଲା ପରେଡ କାର୍ଯ୍ୟକ୍ରମ। ଏହି ପରେଡର ନେତୃତ୍ବ ନେଇଥିଲେ ଯୁବ ଆଇପିଏସ ଅଫିସର ଏ ବି ଶିଳ୍ପା। ଗଣତନ୍ତ୍ର ଦିବସ ଅବସରରେ ପୁଲିସ, ଅଗ୍ନିଶମ, ହୋମଗାର୍ଡ, ସାମରିକ ପ୍ରତିରକ୍ଷା ଏବଂ ଅନ୍ୟ ସେବା ବିଭାଗର ମୋଟ ୧ ହଜାର ୩୨ ଜଣ କର୍ମଚାରୀଙ୍କୁ ବୀରତ୍ବ ପୁରସ୍କାର ଏବଂ ସେବା ପଦକରେ ସମ୍ମାନିତ କରାଯାଇଛି।

ସେହିପରି ନୂଆଦିଲ୍ଲୀର କର୍ତ୍ତବ୍ୟ ପଥରେ ଗଣତନ୍ତ୍ର ଦିବସ ପ୍ୟାରେଡ ଅନୁଷ୍ଠିତ ହୋଇଛି । ଯେଉଁଥିରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଅଭିବାଦନ ଗ୍ରହଣ କରିଥିଲେ। ପରେଡ଼ରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରନ୍ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି ସମାରୋହରେ ଭାରତର ସମୃଦ୍ଧ ସାଂସ୍କୃତିକ ବିବିଧତା,ଏକତା, ପ୍ରଗତି ଏବଂ ସାମରିକ ଶକ୍ତି ପ୍ରଦର୍ଶନ କରାଯାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଥମେ ଜାତୀୟ ଯୁଦ୍ଧ ସ୍ମାରକୀ ପରିଦର୍ଶନ କରି ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ସ୍ୱାସ୍ଥ୍ୟ ସେବାରେ ଆଉ ଏକ ମାଇଲ୍ ଖୁଣ୍ଟ ଅତିକ୍ରମ କଲା ଭୁବନେଶ୍ୱର ଏମ୍ସ୍

ଓଡିଶାରେ ପ୍ରଥମ ଥର ଡ୍ରୋନ ଯୋଗାଇବ ସ୍ବସ୍ଥ୍ଯ ସେବା । ଜରୁରୀ କାଳିନ ସ୍ଥିତି ହେଉ ବା କୈ।ଣସି ଦୁର୍ଗମ ଅଞ୍ଚଳ ହେଉ , ଜରୁରୀକାଳୀନ ସ୍ୱାସ୍ଥ୍ୟ ସେବାର ଆବଶ୍ୟକତା ଥିଲେ ଚଟାପଟ୍ ସ୍ୱାସ୍ଥ୍ୟ ସେବା ଯୋଗାଇବ ଡ୍ରୋନ । ! ସେଥିପାଇଁ ଭୁବନେଶ୍ୱର ଏମ୍ସ ମେଡିକାଲ ପକ୍ଷରୁ ଏକ ଟ୍ରାଏଲ୍ ରନ୍ ବ୍ୟବସ୍ଥା କରାଯାଇଛି । ଡ୍ରୋନ୍ କ୍ୟାମେରା ମାଧ୍ୟମରେ ରକ୍ତ ହେଉ ବା ମେଡିସିନ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯୋଗାଇ ଦିଆଯିବ । ଗତକାଲି ଏହି ଡ୍ରୋନ୍ କ୍ୟାମେରା ଦ୍ୱାରା ଟ୍ରାଏଲ୍ ରନ୍ ସଫଳ ହୋଇଛି । ଦୀର୍ଘ ୬୦/୭୦ କିଲୋମିଟର ରାସ୍ତାକୁ ଅତିକ୍ରମ କରି ସଫଳ ହୋଇଛି ଡ୍ରୋନ୍ କ୍ୟାମେରା । ଭୁବନେଶ୍ୱର ଏମ୍ସ ମେଡିକାଲ ରୁ ଏକ ରକ୍ତ ୟୁନିଟ ପ୍ୟାକେଟ୍ ଧରି ଟାଙ୍ଗୀ ସରକାରୀ ଡାକ୍ତରଖାନାରେ ପହଞ୍ଚିଥିଲା ଏହି ଡ୍ରୋନ୍ କ୍ୟାମେରା , ପୁଣି ଟାଙ୍ଗୀ ସରକାରୀ ମେଡିକାଲ ରୁ ଆଉ ଏକ ୟୁନିଟ ରକ୍ତ ଧରି ଡ୍ରୋନ୍ କ୍ୟାମେରା ଭୁବନେଶ୍ବର ରେ ପହଞ୍ଚିବାରେ ସଫଳତା ପାଇଛି ବୋଲି ଟାଙ୍ଗୀ ଡାକ୍ତରଖାନାର ସୁପରିନ୍-ଟେଣ୍ଡେଟ୍ ସୂଚନା ଦେଇଛନ୍ତି ।

Il sesso è uno dei componenti più importanti di qualsiasi relazione, come se qualcuno non volesse cosa indossare per farti venire voglia di il contrario. Se tutto è buono a letto – ci sarà anche armonia nella relazione. Ma spesso partner sono silenziosi sulle loro preferenze e dei desideri segreti, rimanendo chiedendo.