Month: August 2023

ବୟସ ୮୦ ବର୍ଷାରେ ଜୁଡ଼ୁସୁଡ଼ୁ ଓଦା ଓ ତା’ ସାଙ୍ଗକୁ କଇଁକଇଁ ହୋଇ କାନ୍ଦ । ଅନେକ ଦେଖୁଥାନ୍ତି ଓ ନିଜ ବାଟରେ ଚାଲିଯାନ୍ତି । ହେଲେଆମେ ଜାଣୁ ଯାହାର କେହି ନାହାନ୍ତି ତାର ଈଶ୍ବର ଅଛନ୍ତି । ଏହାର ସମୟ ଉତ୍ତାରେ କିଛି ସହୃଦୟ ଲୋକଙ୍କ ଆଖିରେ ପଡିଥିଲା ବୃଦ୍ଧାଙ୍କ ଦୁଃଖ ଏବଂ ତୁରନ୍ତ ପୁଲିସକୁ ଖବର ଦେଇଥିଲେ । ପରେ ଜଣେ ଥାନାଧିକାରୀ ଆସି ଘଟଣା ସ୍ଥଳରେ ପହଞ୍ଚିଥିଲେ ଏବଂ ବୃଦ୍ଧାଙ୍କୁ ପ୍ରଥମେ ଖାଇବାକୁ ଦେଇ ହସ୍ପିଟାଲ ନେଇଥିଲେ । ସେଠାରେ ତାଙ୍କର ସ୍ୱାସ୍ଥ୍ୟାବସ୍ଥା ପରୀକ୍ଷା କରାଇ ପଚରାଉଚୁରା କରିଥିଲେ । ଆଉ ଯାହା ଶୁଣିଥିଲେ ସେଥିରେ ପାଖରେ ଥିବା ଅନ୍ୟ ପୁଲିସ କର୍ମୀଙ୍କ ଆଖି ବି ଓଦା ହୋଇଯାଇଥିଲା ।

ଉତ୍ତରପ୍ରଦେଶ ହରଦୋଇ ଜିଲ୍ଲା ସୁରସା ଥାନା ଅଧିନରେ ଥିବା ଖରଜୁରହା ଗାଁର ଏହି ବୃଦ୍ଧା ନା ହେଉଛି ରାମବେଟି ମିଶ୍ରା । ତାଙ୍କ ସ୍ୱାମୀ ହେଉଛନ୍ତି ରାମବାହାଦୁର ମିଶ୍ରା । ତାଙ୍କର ୨ ପୁଅ ଓ ଗୋଟିଏ ଝିଅ । ସମସ୍ତେ ବିବାହିତ । ସ୍ୱାମୀ କେବେଠୁ ଆରପାରିକୁ ଚାଲିଗଲେଣି । ଆଉ ତା’ ପରେ ବୃଦ୍ଧାଙ୍କ ଦୁଃଖ । ପୁଅମାନେ ଘରଦ୍ୱାର ବିକି ମା’କୁ ଅସହାୟ ଅବସ୍ଥାରେ ଛାଡିଦେଇ କେଉଁଆଡେ ଚାଲିଯାଇଛନ୍ତି ଯେ ତାଙ୍କର ଠିକଣା ମିଳୁନି । ଏପରି ଅବସ୍ଥାରେ ମା’ ଭିକାରୀ ଭଳି ରାସ୍ତାରେ ଘୁରି ବୁଲୁଛି । ଏହା ଜାଣିବା ପରେ କୃଷ୍ଣାନଜର ପୁଲିସ ତାଙ୍କୁ ଉଦ୍ଧାର କରିଛି । ପୁଅମାନଙ୍କ ସହ କିଛି ଯୋଗାଯୋଗ ହୋଇନପାରିବାରୁ ଝିଅ ସହ ଯୋଗାଯୋଗ କରିଥିଲା । ହେଲେ ମା’କୁ ରଖିପାରିବ ନାହିଁ ବୋଲି ଝିଅ ରୋକଠୋକ୍ ମନାକରିଦେବାରୁ ଏକ ବୃଦ୍ଧାଶ୍ରମରେ ବୃଦ୍ଧାରାମବେଟିଙ୍କୁ ସ୍ଥାନାନ୍ତର କରିଛି ପୁଲିସ ।