Month: July 2023

  • Betano pariuri sportive Bonusuri pariuri 2023 până los angeles 10 cem mil Lei

    Se você acha que a Betano Canada é um daqueles sites de apostas esportivas individuais em outros sites para aproveitar os benefícios dos iniciantes ou oferecer pequenos bônus para seus profissionais, você também está longe da verdade. A opinião de Betano contém a qualidade e você pode opções sólidas para iniciantes de bônus e você pode anunciar recompensas. (more…)

  • ଶିକ୍ଷା ପ୍ରଦାନ ଲକ୍ଷ୍ୟରେ ପ୍ରତି ବ୍ଲକରେ ହେବ ଗୋଟିଏ ଗୋଟିଏ ମୌଳିକ ଭାଷା ଓ ସଂଖ୍ୟା ଜ୍ଞାନ କେନ୍ଦ୍ର

    ଶିକ୍ଷା ପ୍ରଦାନ ଲକ୍ଷ୍ୟରେ ପ୍ରତି ବ୍ଲକରେ ହେବ ଗୋଟିଏ ଗୋଟିଏ ମୌଳିକ ଭାଷା ଓ ସଂଖ୍ୟା ଜ୍ଞାନ କେନ୍ଦ୍ର

    ଛାତ୍ରଛାତ୍ରୀଙ୍କୁ ଗୁଣାତ୍ମକ ପ୍ରାଥମିକ ଶିକ୍ଷା ଯୋଗାଇ ଦେବା ଲକ୍ଷ୍ୟରେ ପ୍ରତି ବ୍ଲକରେ ଆରମ୍ଭ ହୋଇଛି ମୌଳିକ ଭାଷା ଓ ସଂଖ୍ୟା ଜ୍ଞାନ କେନ୍ଦ୍ର ବା ଫଣ୍ଡାମେଣ୍ଟାଲ ଲିଟରାସି ଆଣ୍ଡ ନ୍ୟୁମୋରାସି । ଯାଜପୁର ବ୍ଲକର ଭୁବନେଶ୍ୱରପୁର ପଞ୍ଚାୟତ ସ୍ଥିତ ଶେଷଦେବ ବାସନ୍ତୀ ଉଚ୍ଚ ସରକାରୀ ବିଦ୍ୟାଳୟ ପରିସରରେ ଜିଲ୍ଲାର ପ୍ରଥମ ଏଫଏଲଏନ କେନ୍ଦ୍ର କାର୍ଯ୍ୟକ୍ଷମ ହୋଇଛି । ଏହି କେନ୍ଦ୍ରରେ ପ୍ରଥମରୁ ତୃତୀୟ ଶ୍ରେଣୀର ଛାତ୍ରଛାତ୍ରୀଙ୍କ ମୌଳିକ ଶିକ୍ଷା ଏବଂ ସଂଖ୍ୟା ଜ୍ଞାନ ଉପରେ ବିଶେଷ ଭାବେ ଗୁରୁତ୍ୱ ଦିଆଯିବ । ସେଥିପାଇଁ ପ୍ରତ୍ୟେକ ଶ୍ରେଣୀକୁ ସ୍ୱତନ୍ତ୍ର ଭାବେ ସଜ୍ଜିତ କରାଯାଇଛି । ବେସରକାରୀ ବିଦ୍ୟାଳୟ ଭଳି ନାନା ଶିକ୍ଷଣୀୟ ଉପକରଣ, ପ୍ରୋଜେକ୍ଟର ମାଧ୍ୟମରେ ପାଠ ପଢ଼ାଇବାର ବ୍ୟବସ୍ଥା ମଧ୍ୟ ହୋଇଛି । ଯାହା ଫଳରେ ଛାତ୍ରଛାତ୍ରୀ ମାନଙ୍କର ଶିକ୍ଷା ପ୍ରତି ବିଶେଷ ଭାବେ ଆଗ୍ରହ ସୃଷ୍ଟି ହେବ ।

    ଜାତୀୟ ଶିକ୍ଷା ନିତୀ ୨୦୨୦ ଅନୁଯାୟୀ, ଜିଲ୍ଲାର ପ୍ରତ୍ୟେକ ବ୍ଲକର ଗୋଟିଏ ଗୋଟିଏ କେନ୍ଦ୍ର ଖୋଲାଯିବା ପାଇଁ ନିଷ୍ପତ୍ତି ହୋଇଛି । ଶିକ୍ଷା ଆରମ୍ଭ କରୁଥିବା ଛାତ୍ରଛାତ୍ରୀଙ୍କ ମଧ୍ୟରେ ରହୁଥିବା ଦ୍ୱନ୍ଦ୍ବ ପାଇଁ ଉପର କ୍ଲାସରେ ଛାତ୍ରଛାତ୍ରୀ ଖରାପ ପ୍ରଦର୍ଶନ କରୁଥିବାରୁ ଏଭଳି ପଦକ୍ଷେପ ଗ୍ରହଣ କରାଯାଇଛି । ଡୋଲିପୁର ସ୍ଥିତ ଶିକ୍ଷକ ତାଲିମ କେନ୍ଦ୍ର ବା ଡାଏଟ ପକ୍ଷରୁ ଦୁଇ ଲକ୍ଷ ଟଙ୍କା ଏହି କେନ୍ଦ୍ର ପାଇଁ ପ୍ରଦାନ କରାଯାଇଛି । ଏହି କେନ୍ଦ୍ରରେ ସ୍ୱତନ୍ତ୍ର ଭାବେ ପାଠ ପଢ଼ାଇବା ପାଇଁ ଶିକ୍ଷକ ନିଯୁକ୍ତ ହୋଇଛନ୍ତି ।

    ଏଠାରେ ଅନ୍ୟ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନଙ୍କୁ ମଧ୍ୟ ତାଲିମ ପ୍ରଦାନ କରାଯିବ । ଏଠାରେ ଛାତ୍ରଛାତ୍ରୀଙ୍କୁ ଅଡିଓ ଓ ଭିଜୁଆଲ ମାଧ୍ୟମରେ ଶିକ୍ଷାଦାନ କରାଯାଇ ପାଠ ପ୍ରତି ଅଧିକ ଆଗ୍ରହ ସୃଷ୍ଟି କରାଯିବ । ସେହିଭଳି ମୌଳିକ ଭାଷା ଓ ସଂଖ୍ୟା ଜ୍ଞାନ ଆହରଣ ପାଇଁ ଆବଶ୍ୟକ ପାଠ୍ୟ ଉପକରଣ ମାଧ୍ୟମରେ ଗୁଣାତ୍ମକ ଶିକ୍ଷା ଯୋଗାଇ ଦିଆଯିବ ବୋଲି ଶିକ୍ଷକ ମତ ଦେଇଛନ୍ତି । ଏହି ଏଫଏଲଏନ କେନ୍ଦ୍ର ଉଦଘାଟନ କାର୍ଯ୍ୟକ୍ରମରେ ବ୍ଲକ ଶିକ୍ଷାଧିକାରୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ ।

  • ବିଚ୍ ରାସ୍ତାରେ ଯୁବକଙ୍କୁ ଗୋଡାଇ ଗୋଡାଇ ହାଣିଲେ ଦୁର୍ବୃତ୍ତ

    ବିଚ୍ ରାସ୍ତାରେ ଯୁବକଙ୍କୁ ଗୋଡାଇ ଗୋଡାଇ ହାଣିଲେ ଦୁର୍ବୃତ୍ତ

    ବିଚ୍ ରାସ୍ତାରେ ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ବାଲେଶ୍ବର ଜିଲ୍ଲା ବାଲିଆପାଳ ଥାନା କିଳିକା ପୁର ଗ୍ରାମରେ ଘଟିଛି ଏମିତି ଘଟଣା । ଗୁରୁତର ଯୁବକଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ପୂର୍ବ ଶତୃତାକୁ କେନ୍ଦ୍ର କରି ଜଣେ ଯୁବକଙ୍କୁ ଦିନ ଦ୍ୱି-ପ୍ରହରେ କିଛି ଯୁବକ ଅତର୍କିତ ଆକ୍ରମଣ କରିଥିଲେ । ଦୁବୃତ୍ତ ମାନେ ଭୁଜାଲି ଏବଂ ମାରଣାସ୍ତ୍ରରେ ଆକ୍ରମଣ କରିଥିଲେ ।

    ପୋଲିସ ଘଟଣାର ତଦନ୍ତ କରୁଛି । ସୂଚନା ମୁତାବକ କାଳିକା ପୁର ଗ୍ରାମରେ ଜଗନ୍ନାଥ ବେହେରା ବାଲିଆପାଳରୁ ଘରକୁ ଫେରୁଥିଲେ । ଛୋଟ ଖାନପୁର ଛକରେ ସାଗର ବେହେରା, ଧନ୍ତା ମହାନା, ଅଶ୍ଵିନୀ ମହାନା ଓ ତାଙ୍କ ସହଯୋଗୀଙ୍କ ସମେତ ୬ ଜଣ ଯୁବକ ମିଶି ଜଗନ୍ନାଥଙ୍କ ଗାଡ଼ିକୁ ଅଟକାଇ କଥା କଟାକଟି କରିଥିଲେ । ଏନେଇ ଜଗନ୍ନାଥ ଯୁକ୍ତିତର୍କ କରିବାରୁ ପୂର୍ବ ଶତ୍ରୁତାକୁ କେନ୍ଦ୍ର କରି ତାଙ୍କୁ ଖଣ୍ଡା ଓ ଭୁଜାଲିରେ ଅତର୍କିତ ଆକ୍ରମଣ କରିଥିଲେ ।

    ଜଗନ୍ନାଥ ବେହେରାଙ୍କ ମୁଣ୍ଡ ଓ ଦେହର ଅନ୍ୟାନ୍ୟ ସ୍ଥାନରେ ଆକ୍ରମଣ କରିବା ପରେ ଜଗନ୍ନାଥ ମରିଯାଇଥିବା ଭାବି ରାସ୍ତା କଡ଼କୁ ଫୋପାଡ଼ି ଦେଇ ପଳାଇ ଯାଇଥିଲେ । ସେହି ରାସ୍ତା ଦେଇ ଯାଉଥିବା ସ୍ଥାନୀୟ କିଛି ଲୋକେ ଜଗନ୍ନାଥଙ୍କୁ ରକ୍ତାକ୍ତ ଅବସ୍ଥାରେ ଦେଖିଥିଲେ । ଏବାପରେ ଜଗନ୍ନାଥଙ୍କୁ ପ୍ରଥମେ ପଶ୍ଚିମବାଡ଼ ସରକାରୀ ଡାକ୍ତରଖାନାକୁ ନେଥିଥିଲେ । ପରେ ତାଙ୍କ ଅବସ୍ଥା ଗୁରୁତର ଥିବାରୁ ଡାକ୍ତର ଜଳେଶ୍ବର ପଠାଇଥିଲେ । ସେଠାରେ ଆବସ୍ଥା ଗୁରୁତର ହେବାରୁ ବାଲେଶ୍ବର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ହେଲେ ସେଠାରେ ଏବେ ଜଗନ୍ନାଥ ମୃତ୍ୟୁ ସହିତ ସଂଗ୍ରାମ କରୁଛି । ଏନେଇ ଜଗନ୍ନାଥ ବେହେରା ପରିବାର ବାଲିଆପାଳ ଥାନାରେ ଲିଖିତ ଅଭିଯୋଗ କରିଛନ୍ତି ।

  • ରତ୍ନଭଣ୍ଡାର ଖୋଲିବାକୁ ନେଇ ଶ୍ରୀମନ୍ଦିର କାର୍ଯ୍ୟଳୟ ଘେରାଉ କରିଛି ଭାରତ ବିକାଶ ପରିଷଦ

    ରତ୍ନଭଣ୍ଡାର ଖୋଲିବାକୁ ନେଇ ଶ୍ରୀମନ୍ଦିର କାର୍ଯ୍ୟଳୟ ଘେରାଉ କରିଛି ଭାରତ ବିକାଶ ପରିଷଦ

    ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ଦାବି ନେଇ ଶ୍ରୀମନ୍ଦିର କାର୍ଯ୍ୟଳୟ ଘେରାଉ କରିଛି ଭାରତ ବିକାଶ ପରିଷଦ । ପୁରୀ ରେଲୱେ ଷ୍ଟେସନରୁ ଏକ ରାଲିରେ ସଙ୍ଗଠନର କର୍ମକର୍ତ୍ତା ମାନେ ଆସି ଶ୍ରୀମନ୍ଦିର କାର୍ଯ୍ୟଳୟ ଆଗରେ ପହଞ୍ଚି ବିକ୍ଷୋଭ କରିଥଲେ । ତୁରନ୍ତ ସରକାର ରତ୍ନଭଣ୍ଡାର ଖୋଲି ଭକ୍ତଙ୍କୁ ମହାପ୍ରଭୁଙ୍କ ଅଳଙ୍କାର ସ୍ଥିତି ଜଣାଇବାକୁ ଭାରତ ବିକାଶ ପରିଷଦ ଦାବି କରିଛି । ଏନେଇ ଏକ ଦାବିପତ୍ର ଶ୍ରୀମନ୍ଦିର ମୁଖ୍ୟ ପ୍ରଶାସକ ରଂଜନ କୁମାର ଦାଶଙ୍କୁ ପ୍ରଦାନ କରାଯାଇଛି ।

    ଏହି ପ୍ରତିବାଦରେ ସାମିଲ ଥିବା ଜଗନ୍ନାଥ୍ ସେନାର ଆବାହକ ପ୍ରିୟଦର୍ଶନ ପଟ୍ଟନାୟକ କହିଛନ୍ତି, ରାଜ୍ୟ ସରକାର କଣ ପାଇଁ ରତ୍ନ ଭଣ୍ଡାର ଖୋଲିବାକୁ ପଛଘୁଞ୍ଚା ଦେଉଛନ୍ତି । କୋଟିକୋଟି ଜଗନ୍ନାଥ ପ୍ରେମୀ ଏହାକୁ ନେଇ ଏବେ ସନ୍ଦେହ କରୁଛନ୍ତି । ରତ୍ନଭଣ୍ଡାରରେ ଆଉ ରତ୍ନ ଅଳଙ୍କାର ଅଛି ନା କିଏ ଲୁଟ କରି ନେଇଛି ତାକୁ ନେଇ ପ୍ରଶ୍ନ ଉଠିଛି । ଏଣୁ, ଏହି ସନ୍ଦେହକୁ ଦୂର କରିବା ପାଇଁ ରାଜ୍ୟ ସରକାର ତୁରନ୍ତ ରତ୍ନଭଣ୍ଡାର ଖୋଲିଦିଅନ୍ତୁ । ନହେଲେ ଆଗାମୀ ଦିନରେ ବ୍ୟାପକ ବିରୋଧ ହେବ ।

    ଏହି ଆନ୍ଦୋଳନର ନେତୃତ୍ୱ ନେଇଥିବା ଭାରତ ବିକାଶ ପରିଷଦ ସଭାପତି ସୁରେନ୍ଦ୍ର ପାଣିଗ୍ରାହୀ କହିଛନ୍ତି ମହାପ୍ରଭୁଙ୍କ ରତ୍ନଭଣ୍ଡାର ଅସୁରକ୍ଷିତ ଅବସ୍ଥାରେ ରହିଛି । ବର୍ଷା ଦିନେ ରତ୍ନଭଣ୍ଡାର ଛାତରୁ ବର୍ଷା ପାଣି ଗଳୁଛି । ଏହାର ମରାମତି କରିବା ପାଇଁ ସେବାୟତ, ଗଜପତି ମହାରାଜା, ଭକ୍ତ ଓ ଏଏସଆଇ ବି କହିସାରିଛି । ହେଲେ ରାଜ୍ୟ ସରକାର ପଛଘୁଞ୍ଚା ଦେଉଛନ୍ତି । ତେଣୁ, ରତ୍ନଭଣ୍ଡାରରେ ରତ୍ନ ଅଛି ନା କେହି ଲୁଟିନେଇଛି ତାହା ଏବେ ସନ୍ଦେହ ସୃଷ୍ଟି କରିଛି । ଏଣୁ, ରତ୍ନଭଣ୍ଡାରରେ ରତ୍ନ କେତେ ସୁରକ୍ଷିତ ତାକୁ ସରକାର ସାର୍ବଜନୀନ କରିବାକୁ ଭାରତ ବିକାଶ ପରିଷଦ ଦାବି କରିଛି ।

    ସେପଟେ ଶ୍ରୀ ମନ୍ଦିର ମୁଖ୍ୟ ପ୍ରଶାସକ କହିଛନ୍ତି, ରତ୍ନଭଣ୍ଡାର ମାମଲା ଏବେ କୋର୍ଟରେ ରହିଛି । ଏହା ଉପରେ କୌଣସି ମତ ସେ ଦେଇପାରିବେ ନାହିଁ । ତେବେ ରତ୍ନ ଭଣ୍ଡାର ଖୋଲିବା ଦାବିପତ୍ରକୁ ସେ ଗ୍ରହଣ କରୁଛନ୍ତି । ରାଜ୍ୟ ସରକାରଙ୍କୁ ଏନେଇ ଅବଗତ କରାଇବେ । ରତ୍ନଭଣ୍ଡାର ଖୋଲିବା ପାଇଁ ଦାବି ବଢୁଥିବା ବେଳେ ରାଜ୍ୟ ସରକାରଙ୍କ ପାଇଁ ଏହି ଅବହେଳା ଆଗାମୀ ଦିନରେ ମହଙ୍ଗା ପିଡିବ ବୋଲି ଚର୍ଚ୍ଚା ହେଉଛି ।

  • ସ୍କୁଲ ଶିକ୍ଷା କ୍ଷେତ୍ରରେ ରାଜ୍ୟର ପ୍ରଦର୍ଶନ ନୈରାଶ୍ୟଜନକ

    ସ୍କୁଲ ଶିକ୍ଷା କ୍ଷେତ୍ରରେ ରାଜ୍ୟର ପ୍ରଦର୍ଶନ ନୈରାଶ୍ୟଜନକ

    ସ୍କୁଲ ଶିକ୍ଷା କ୍ଷେତ୍ରରେ ରାଜ୍ୟର ନୈରାଶ୍ୟଜନକ ପ୍ରଦର୍ଶନ। ୧୦ରୁ ୨୪କୁ ଖସିଲା ରାଜ୍ୟର ରାଙ୍କି। କେନ୍ଦ୍ର ଶିକ୍ଷା ମନ୍ତ୍ରାଳୟର ସ୍କୁଲ ଶିକ୍ଷା ବିଭାଗ ପକ୍ଷରୁ ପ୍ରକାଶିତ ପର୍ଫର୍ମାନ୍ସ ଗ୍ରେଡିଂ ଇଣ୍ଡେକ୍ସରୁ ସାମ୍ନାକୁ ଆସିଲା ତଥ୍ୟ। ୨୦୨୦-୨୧ ଶିକ୍ଷାବର୍ଷରେ ଓଡ଼ିଶାର ସ୍ଥାନ ଥିଲା ୧୦।

    ଦେଶବ୍ୟାପୀ ଶିକ୍ଷାର ଗୁଣବତ୍ତା, ବିଦ୍ୟାଳୟକୁ ପ୍ରବେଶ ସୁବିଧା, ଭିତ୍ତିଭୂମି, ଶିକ୍ଷକ ଶିକ୍ଷା ଓ ତାଲିମ ନେଇ ସାରା ଦେଶରେ ହୋଇଥିବା ସର୍ଭେରେ ଓଡ଼ିଶା ପଛରେ ପଡିଯାଇଛି। ଦୁଇ ବର୍ଷ ଭିତରେ ସ୍କୁଲ ଶିକ୍ଷାରେ ଓଡ଼ିଶାର ଏପରି ବିପର୍ଯ୍ୟୟକୁ ନେଇ ଚିନ୍ତା ପ୍ରକଟ କଲେଣି ଶିକ୍ଷାବିତ। ରାଜ୍ୟର ମୋଟ ୩୦ ଜିଲ୍ଲା ଭିତରୁ ୮ ଜିଲ୍ଲାର ପ୍ରଦର୍ଶନ ଅତ୍ୟନ୍ତ ନୈରାଶ୍ୟପୂର୍ଣ୍ଣ ରହିଥିବା ପିଜିଇ ରିପୋର୍ଟରୁ ସ୍ପଷ୍ଟ ହୋଇଛି।

    ପିଜିଇ ତାଲିକାରେ ଗତ ଶିକ୍ଷା ବର୍ଷରେ ରାଜ୍ୟ ଦଶମ ସ୍ଥାନରୁ ଖସି ୨୪ସ୍ଥାନରେ ପହଞ୍ଚିଛି। ଏଥିରେ ଜଗତସିଂହପୁର, କଟକ, ଭଦ୍ରକ, ଗଂଜାମ, ପୁରୀ ଓ ଖୋର୍ଦ୍ଧାର ପ୍ରଦର୍ଶନ ସନ୍ତୋଷଜନକ ଥିବା ବେଳେ ୨୨ଟି ଜିଲ୍ଲାର ଗ୍ରେଡ୍ ଉତ୍ତମ ରହିଛି। ଏହି ତାଲିକାର ରାଜ୍ୟର ରାୟଗଡ଼ା ଓ କୋରାପୁଟର ଜିଲ୍ଳାର ଗ୍ରେଡ୍ ସବୁଠାରୁ ଖରାପ ରହିଛି। ରାଜ୍ୟ ସରକାର ୫ଟି ଅନ୍ତର୍ଗତ ରାଜ୍ୟର ସ୍କୁଲ ଗୁଡିକୁ ବିକଶିତ କରିଥିବା ଓ ସ୍କୁଲ ଶିକ୍ଷା କ୍ଷେତ୍ରରେ ସ୍ୱଚ୍ଛତା ଆଣିବା ନେଇ ଡିଣ୍ଡିମ ପିଟୁଥିବା ବେଳେ କେନ୍ଦ୍ର ଶିକ୍ଷା ମନ୍ତ୍ରଣାଳୟର ରିପୋର୍ଟ ସରକାର ପାଇଁ ଅଡୁଆ ହୋଇଛି। ଏହାକୁ ନେଇ ବିରୋଧୀ ସରକାରକୁ ଘେରିବାକୁ ଅଣ୍ଟାଭିଡିଲେଣି।

    ରାଜ୍ୟ ବିଜେପି ସାଧାରଣ ସମ୍ପାଦକ ଲେଖାଶ୍ରୀ ସାମନ୍ତସିଂହାର ଏହି ରିପୋର୍ଟକୁ ନେଇ ସରକାରକୁ ଆକ୍ରମଣ କରିଛନ୍ତି। ସାମନ୍ତସିଂହାର କହିଛନ୍ତି କି, ଏହା ରାଜ୍ୟ ସରକାରଙ୍କ ପାଇଁ ଆଇନା। ଏହି ସରକାର ଶାସନ ନୁହେଁ, କ୍ଷମତା ଲୋଭରେ ରହୁଛି। ୫ଟି ଟ୍ରାନ୍‌ସଫରମେସନ୍‌ କେବଳ ଜଣେ ବ୍ୟକ୍ତିଗତ ସହାୟକଙ୍କୁ ନେତା କରିବା ପାଇଁ କରାଯାଇଛି। ସ୍କୁଲର ଭିତ୍ତିଭୂମି ଠିକ୍ ନାହିଁ । ଶିକ୍ଷକ ନାହାନ୍ତି। ପାଇଖାନା ନାହିଁ । କେବଳ ସବୁଜ ରଙ୍ଗ ଦେଇ ୫ଟି ବ୍ୟବସ୍ଥା ଆଣି ସଚିବଙ୍କୁ ନେତା କରିବାକୁ ଖାଲି ନିଆଯାଉଛି ପଦକ୍ଷେପ ବୋଲି ଅଭିଯୋଗ ଆଣିଛନ୍ତି ସାମନ୍ତସିଂହାର।

    ଅନ୍ୟପକ୍ଷରେ ବିଜେଡି ବିଧାୟକ ଦେବୀ ପ୍ରସାଦ ମିଶ୍ର କହିଛନ୍ତି, ରାଜ୍ୟରେ ଶିକ୍ଷାର ମାନ କମି ନାହିଁ। ସ୍କୁଲ ଶିକ୍ଷା ଲାଗି କେନ୍ଦ୍ର ସରକାର ଏବଂ ତାଙ୍କର ଅନୁଶୀଳନ ସଂସ୍ଥା ପ୍ରଶଂସା କରିଛନ୍ତି। ଫାଇଭ ଟି’ ଅଧୀନରେ ରାଜ୍ୟରେ ସ୍କୁଲରେ ଡିଜିଟାଲ ପ୍ରୟୋଗ ଏବଂ ଭିତ୍ତିଭୂମି ବିକାଶ ପାଇଁ ପଦକ୍ଷେପ ନିଆଯାଉଛି। କେଉଁ ଦିଗକୁ ନେଇ ସେମାନେ ମୂଲ୍ୟାୟନ କରିଛନ୍ତି, ତାହାକୁ ଦେଖିବାକୁ ପଡ଼ିବ। ସେ ଆଗକୁ ଆହୁରି କହିଛନ୍ତି, ରାଜ୍ୟରେ ଶିକ୍ଷାର ମାନ କମିବା କଥା ଗାଁ ଗହଳି ଲୋକଙ୍କୁ ପଚାରନ୍ତୁ। ସ୍କୁଲ କମିଟିକୁ ପଚାରନ୍ତୁ। ଶିକ୍ଷକ ସମାଜ, ଅଭଭାବକ ଏବଂ ଛାତ୍ରଛାତ୍ରୀଙ୍କୁ ପଚାରିଲେ ଉତ୍ତର ପାଇଯିବେ। ସମସ୍ତେ ଖୁସି ଗାଁ ସ୍କୁଲରେ ସହରୀ ସୁବିଧା ଉପଲବ୍ଧ ହେଉଛି।