Articles
If you are there are many different kinds of video game given here, the amount of choices is quite restricting. That is probably while the, have restricted by itself in order to powering online game to your Experience To your Net platform. But, the new online game available are among the most popular within the gambling enterprises now, since the harbors are entertaining and you can novel in their own right. (more…)
Статьи
Кроме того, вы, возможно, даже не поймете, что ваш любимый элемент находится в растворе, креме или очистителе, поскольку он находится в альтернативной форме или побочном продукте.Во-первых, люди очень долго бренды веществ, как правило, как страшно, как они могут показаться. На самом деле, они могут быть секретом успеха свежего продукта. Химик-косметик Джинджер Кинг клянется, что этот токсинный материал помогает вырабатывать коллаген, чтобы сделать тело более пухлым и сильным. (more…)
ସୁନୀଲ ଶେଟ୍ଟୀ ତାଙ୍କ କ୍ୟାରିଅରରେ ଅନେକ ସୁପରହିଟ ଚଳଚ୍ଚିତ୍ର ଦେଇଛନ୍ତି । ତାଙ୍କ ପ୍ରଶଂସକ ମାନେ ତାଙ୍କ ଚଳଚ୍ଚିତ୍ର ପାଇଁ ବହୁତ ଭଲ ପାଇବା ଦେଇଛନ୍ତି । ତାମିଲ, ତେଲୁଗୁ, ଇଂରାଜୀ, ମରାଠୀ, ମାଲାୟାଲମ୍ ଏବଂ କନ୍ନଡ ଚଳଚ୍ଚିତ୍ରରେ କାମ କରି ସେ ପ୍ରମାଣ କରିଛନ୍ତି ଯେ, ତାଙ୍କର ଅଭିନୟ ଦକ୍ଷତା ସହିତ ସେ ଦେଖାଇଛନ୍ତି ଯେ ସେ କାହାଠୁ ବି କମ୍ ନୁହେଁ । ଏବେ ସୁନୀଲ ଶେଟ୍ଟୀ ଏକ ଖୁଲାସା କରିଛନ୍ତି ଯେ, ତାଙ୍କୁ ୯୦ ଦଶକରେ ଅଣ୍ଡରୱାର୍ଲଡରୁ କଲ ଆସୁଥିଲା ।
ଅଭିନେତା ଶାନ୍ତନୁଙ୍କ ସହ ପୋଡକାଷ୍ଟ ‘ଦି ବାରବର୍ ସପ’ରେ ଅତିଥି ଭାବରେ ଉପସ୍ଥିତ ଥିବା ସୁନୀଲ ଶେଟ୍ଟୀ ପ୍ରକାଶ କରିଛନ୍ତି ଯେ, ସେ ପ୍ରତିଦିନ ଅଣ୍ଡରୱାର୍ଲ୍ଡରୁ କଲ ପାଉଥିଲେ । କିନ୍ତୁ ସେ କୌଣସି ଜିନିଷକୁ ନେଇ ଡରିନଥିଲେ ଏବଂ ନିଜେ ଏହାକୁ ସାମ୍ନା କରୁଥିଲେ । ଏ ବିଷୟରେ କଥାବାର୍ତ୍ତା କରି ସୁନୀଲ ଶେଟ୍ଟୀ କହିଛନ୍ତି, ‘ଆମେ ଏକ ସମୟରେ ଥିଲୁ ଯେତେବେଳେ ଅଣ୍ଡରୱାର୍ଲ୍ଡ ମୁମ୍ବାଇରେ ବୁଲୁଥିଲା । ଆପଣ ଜାଣନ୍ତି କି ମତେ କଲ୍ ଆସୁଥିଲା ଯେ, ମୁଁ ଏୟା କରିବି, ମୁଁ ସେୟା କରିବି । ମୁଁ ଓଲଟା ଗାଳି ଦେଉଥିଲି । ମୋ ସହିତ ଥିବା ପୋଲିସ କର୍ମଚାରୀ ମାନେ ମୋତେ କହୁଥିଲେ, ଆପଣ ପାଗଳ କି ? ଆପଣ ବୁଝୁନାହାନ୍ତି ଯଦି ସେମାନେ କ୍ରୋଧିତ ହୋଇଯିବେ ତେବେ ସେମାନେ କିଛି ବି କରିପାରିବେ ।
ଏ ବିଷୟରେ କଥାବାର୍ତ୍ତା ବେଳେ ସୁନୀଲ ଶେଟ୍ଟୀ କହିଥିଲେ, ‘ମୁଁ ଆଥିଆ ଏବଂ ଆହାନଙ୍କୁ ମୋ ଜୀବନରେ କ’ଣ କରିଛି ତାହା କେବେ କହିନାହିଁ । ମୁଁ କିଛି ଭିତିରିଆ କାମ କରିଛି । ଯେମିତି ମୁଁ ଆଘାତ ପାଇଲି, ସେମିତି ନିଜେ ମଧ୍ୟ ଭଲ ହୋଇଗଲି । ଏ ବିଷୟରେ କାହାକୁ କିଛି କହିନାହିଁ । ମୁଁ ସବୁବେଳେ ଲୋକଙ୍କୁ କହିଥାଏ ଯେ, ସମୟ ଜଣେ ଭଲ ଡାକ୍ତର ଯିଏ ସବୁକିଛି ସୁସ୍ଥ କରିଦିଏ ।
ପିଲାଦିନରୁ ସେ ରହୁଥିବା ସ୍ଥାନ ବିଷୟରେ ସୁନୀଲ ସେହି ସାକ୍ଷାତକାରରେ କହିଥିଲେ ଯେ, ମୁଁ ଏହା ଏକ କୁଖ୍ୟାତ ଅଞ୍ଚଳ ବୋଲି କହିବି ନାହିଁ, କିନ୍ତୁ ସେଠାରେ ଗ୍ୟାଙ୍ଗ ଏବଂ ସେହିପ୍ରକାର ସାମଗ୍ରୀ ସବୁ ଥିଲା ଏବଂ ଏଠାରେ ମୁମ୍ବାଇର ପ୍ରଥମ ଗୋଲଡେନ ଗ୍ୟାଙ୍ଗ ବନିଥିଲା ଲେମିଙ୍ଗଟନ୍ ରୋଡରେ, ଏବଂ ଏହାର ଏକ ଇତିହାସ ଥିଲା ।
ଚଳିତ ବର୍ଷ ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ରଥ ଯାତ୍ରାକୁ ବ୍ୟବସ୍ଥିତ ଢଙ୍ଗରେ ପରିଚାଳନା ନିମନ୍ତେ ପ୍ରସ୍ତୁତି ଚାଲିଛି । ପ୍ରଶାସନ ତତ୍ତ୍ୱାବଧାନରେ ରାଇରଙ୍ଗପୁର ଦେବତ୍ତର ବିଭାଗ ପକ୍ଷରୁ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସମ୍ମିଳନୀ କକ୍ଷରେ ରଥଯାତ୍ରା ସମନ୍ୱୟ କମିଟିର ଏକ ବୈଠକ ହୋଇଯାଇଛି । ଏଥିରେ ବାମନଘାଟି ଉପଜିଲ୍ଲାପାଳ ଶ୍ରୀ ସରୋଜ କୁମାର ଦାଶ ଅଧ୍ୟକ୍ଷତା କରିଥିଲେ ।
ରାଇରଙ୍ଗପୁର ଦେବୋତ୍ତର ବିଭାଗ ତତ୍ତ୍ବାବଧାନରେ ଚଳିତ ବର୍ଷ ରଥଯାତ୍ରା ପାଳନ ସମ୍ପର୍କିତ ପ୍ରସ୍ତୁତ କାର୍ଯ୍ୟସୂଚୀର ବିଶଦ ବିବରଣୀ ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ବିକାଶ ରଞ୍ଜନ ମହାନ୍ତି ଉପସ୍ଥାପନ କରିଥିଲେ । ରଥ ଟଣା ପାଇଁ ଆବଶ୍ୟକ ପଡୁଥିବା ଦଉଡି ଯୋଗାଇ ଦେବା ପାଇଁ ଟାଟା ପାୱାର କତୃପକ୍ଷ, ରାସ୍ତା ଓ ଗୃହ ନିର୍ମାଣ ବିଭାଗ ଓ ଗ୍ରାମ୍ୟ ଉନ୍ନୟନ ବିଭାଗ, ରାଇରଙ୍ଗପୁରଙ୍କୁ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ପଡୁଥିବା ଫୁଲ ଏବଂ ଫୁଲ ମାଳ ଯୋଗାଇ ଦେବା ନିମନ୍ତେ ରାଇରଙ୍ଗପୁର ଉଦ୍ୟାନ କୃଷି ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।
ରଥଯାତ୍ରା ସମୟରେ ରଥଦାଣ୍ଡ ଏବଂ ସହରର ବିଭିନ୍ନ ସ୍ଥାନରେ ବିଦ୍ୟୁତ ଆଲୋକ ବ୍ୟବସ୍ଥା, ଶାନ୍ତି ଶୃଙ୍ଖଳା ରକ୍ଷା ପାଇଁ ଆବଶ୍ୟକୀୟ ପୋଲିସ ମୂତୟନ ଓ ଟ୍ରାଫିକ ନିୟନ୍ତ୍ରଣ, ରଥ ଟଣା ସମୟରେ ଏନସିସି, ଏନଏସଏସ, ୟୁଥ ରେଡକ୍ରସ ତଥା ବିଭିନ୍ନ ସ୍ବେଛାସେବୀ ସଂଗଠନର ଯୁବ ସ୍ବେଛାସେବୀଙ୍କୁ ବିଭିନ୍ନ ସେବାମୂଳକ କାର୍ଯ୍ୟରେ ନିୟୋଜିତ କରାଯିବା, ସ୍ୱାସ୍ଥ୍ୟ ବିଭାଗ ତରଫରୁ ସ୍ୱାସ୍ଥ୍ୟ ସେବା ଶିବିର ଓ ଆମ୍ବୁଲାନ୍ସ ସେବା ଯୋଗାଇ ଦେବା ସହ ହୋଟେଲ, ଅସ୍ଥାୟୀ ଜଳଖିଆ ଦୋକାନ ଗୁଡିକରେ ପ୍ରସ୍ତୁତ ଖାଦ୍ୟ ପଦାର୍ଥର ମାନ, ଗୁଣବତ୍ତାକୁ ସ୍ୱାସ୍ଥ୍ୟ ବିଭାଗ ଓ ରାଇରଙ୍ଗପୁର ପୌରପାଳିକାଙ୍କ ମିଳିତ ତତ୍ତ୍ବାବଧାନରେ ନିୟମିତ ଯାଞ୍ଚ ଓ ତଦାରଖ କରାଯିବା । ପରମ୍ପରା ଅନୁଯାୟୀ ରଥ ଟଣା କାର୍ଯ୍ୟକ୍ରମର ଦ୍ଵିତୀୟ ଦିବସ ଗୁଡ଼ିରେ କେବଳ ମହିଳା ମାନଙ୍କ ଦ୍ୱାରା ରଥ ଟଣାଯିବା ନେଇ ନିଷ୍ପତ୍ତି ନିଆଯାଇଥିବା ବେଳେ ଇନର କର୍ଡନରେ ଆବଶ୍ୟକ ସଂଖ୍ୟକ ମହିଳା ପୋଲିସ କର୍ମଚାରୀ ନିୟୋଜିତ କରାଯାଇ ସମସ୍ତ କାର୍ଯ୍ୟକ୍ରମ ସୂଚାରୁ ରୂପେ ସମ୍ପାଦନ ନିମନ୍ତେ ବିଭାଗୀୟ ଅଧିକାରୀ ତଥା ଦେବୋତ୍ତର ବିଭାଗର ସେବାୟତ ମାନଙ୍କ ସକ୍ରିୟ ସହଯୋଗ କାମନା କରାଯାଇଛି ।
ଆଦିବାସୀଙ୍କ ସର୍ବାଙ୍ଗୀନ ଉନ୍ନତି ପାଇଁ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା ବା ଆଇଟିଡିଏ ଗଠନ ହୋଇଛି । ଅନୁସୂଚିତ ଜନଜାତିଙ୍କ ପାଇଁ ବିଭିନ୍ନ ପ୍ରକାରର ଯୋଜନା କରାଯାଇ ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ କୋଟି କୋଟି ଟଙ୍କା ବ୍ୟୟ ମଧ୍ୟ କରାଯାଉଛି । ଏସବୁ ସତ୍ତ୍ୱେ ଆଦିବାସୀ ସମାଜ ବହୁ ପଛରେ ପଡ଼ିଯାଇଛନ୍ତି । ମୟୂରଭଞ୍ଜ ଜିଲ୍ଲାରେ ଏବେ ବି ପାଖାପାଖି ୭୦ ପ୍ରତିଶତରୁ ଅଧିକ ଲୋକ ଦାରିଦ୍ର୍ୟ ସୀମାରେଖା ତଳେ ଜୀବନ ଅତିବାହିତ କରୁଛନ୍ତି ।
ଆଦିବାସୀ ବହୁଳ ମୟୂରଭଞ୍ଜର ବାମନଘାଟି ଉପଖଣ୍ଡରେ ଅନୁସୂଚିତ ଜାନଜାତି ସମ୍ପ୍ରଦାୟ ଅବହେଳିତ । ଏପରିକି ମୌଳିକ ସୁବିଧାରୁ ସେମାନେ ବଞ୍ଚିତ । ଅନ୍ୟପକ୍ଷରେ ଅନୁସୂଚିତ ଜନଜାତିକୁ ବିକାଶର ଧାରାରେ ସାମିଲ କରିବା ଉଦ୍ଦେଶ୍ୟରେ କାର୍ଯ୍ୟ କରୁଥିବା ଆଇଟିଡିଏର ସଫଳତା କେବଳ କାଗଜପତ୍ରରେ ଦର୍ଶାଯାଇଥିବା ବେଳେ ବାସ୍ତବ ଚିତ୍ର କିନ୍ତୁ ଓଲଟା । ସରକାର ଅନୁସୂଚିତ ଜନଜାତିର କୃଷିର ଉନ୍ନତି ପାଇଁ ତଥା ଉତ୍ପାଦନ ଓ ରୋଜଗାର ବୃଦ୍ଧି ପାଇଁ ଚାଷୀଙ୍କୁ ଉତ୍ତମମାନର ମଞ୍ଜି,ରାସାୟନିକ ସାର,କୃଷି ଯାନ୍ତ୍ରିକ ଉପକରଣ ସହାୟତା ପାଇଁ ବ୍ୟବସ୍ଥା କରିଛନ୍ତି ।
ସ୍ୱୟଂ ସହାୟକ ଗୋଷ୍ଠୀକୁ ଆର୍ଥିକ ସହାୟତା,ଉଦ୍ୟାନ,ମତ୍ସ୍ୟ,ପଶୁପାଳନ ଓ ଦୀର୍ଘମିଆଦୀ ଯୋଜନା ମାଧ୍ୟମରେ ରୋଜଗାର ବୃଦ୍ଧି କରିବାର ମଧ୍ୟ ବ୍ୟବସ୍ଥା ରହିଛି । ସେହିପରି, ଭୂମିହୀନଙ୍କୁ ସହାୟତା ପୂର୍ବକ କୁକୁଡ଼ା ଚାଷ, ଛେଳିପାଳନ,ମାଛ ଚାଷ, ଛତୁ ଚାଷ, ଲାଖ ଚାଷ ଓ ଅନ୍ୟାନ୍ୟ ଅଣୁ ଉଦ୍ୟୋଗ ମାଧ୍ୟମରେ ଆର୍ଥିକ ଅଭିବୃଦ୍ଧି କରିବା ବିଭାଗର ମୁଖ୍ୟ କାର୍ଯ୍ୟ ।
ରାଇରଙ୍ଗପୁର ଆଇଟିଡିଏର ସଫଳତା କେବଳ କାଗଜପତ୍ରରେ ସୀମିତ ହୋଇ ରହିଯାଇଛି । ବିଭାଗ କେବଳ ନିର୍ମାଣ କାର୍ଯ୍ୟ ଉପରେ ଗୁରୁତ୍ୱ ଦେଉଛି । ଗୋଟିଏ ପ୍ରକଳ୍ପକୁ ପ୍ରତିବର୍ଷ ସମ୍ପ୍ରସାରଣ ଏବଂ ନିର୍ମାଣ ଆଳରେ ଲକ୍ଷ ଲକ୍ଷ ଟଙ୍କା ବିଲ୍ କରାଯାଉଛି । ଆଦିବାସୀମାନେ ନିଜ ଲକ୍ଷ୍ୟ ଠାରୁ ବହୁ ଦୂରରେ । କେବଳ ନିର୍ମାଣ କାର୍ଯ୍ୟକୁ ଗୁରୁତ୍ୱ ଦିଆଯାଇ ଠିକାଦାରଙ୍କୁ ଖୁସ୍ କରାଯାଉଛି । ଏହାର ପ୍ରତିବାଦ କରି ଆଇଟିଡିଏ ଅଫିସ ଆଗରେ ବିକ୍ଷୋଭ କରାଯାଇଛି । ୭ ଦିନ ମଧ୍ୟରେ ଅନ୍ୟାବଶ୍ୟକ କାର୍ଯ୍ୟରେ ରୋକ୍ ଲଗାଇବା ସହ ଠିକାଦାରଙ୍କୁ ସୁହାଇଲା ଭଳିଆ କାର୍ଯ୍ୟ ବନ୍ଦ କରିବାକୁ ଦାବି ହୋଇଛି । ଆଦିବାସୀ ବହୁଳ ବାମନଘାଟି ଉପଖଣ୍ଡ ରାଇରଙ୍ଗପୁର ଆଇଟିଡିଏ,ଆଦିବାସୀଙ୍କ ବିକାଶ ପାଇଁ ଆସୁଥିବା ସରକାରୀ ଯୋଜନାଗୁଡ଼ିକୁ ସଠିକ୍ ଭାବେ କାର୍ଯ୍ୟକାରୀ କରାଇବାକୁ ଅନୁରୋଧ ହୋଇଛି ..।
ରବିବାର ରାତିରେ ଦିଲ୍ଲୀର ଶାହାବାଦ ଡେୟରୀ ଅଞ୍ଚଳରେ ଜଣେ ଯୁବକ ତାଙ୍କ ପ୍ରେମିକାଙ୍କୁ ଛୁରୀରେ ହତ୍ୟା କରିଥିଲା । ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଦିଲ୍ଲୀ ପୋଲିସ କହିଛି ଯେ, ହତ୍ୟା ମାମଲାରେ ଅଭିଯୁକ୍ତ ଯୁବକ ସାହିଲଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କୁ ବୁଲନ୍ଦଶହରରୁ ଗିରଫ କରାଯାଇଛି । ଅଭିଯୁକ୍ତ ୧୬ ବର୍ଷର ଝିଅକୁ ପଥରରେ ଛେଚିବା ପୂର୍ବରୁ ୨୦ ଥର ଛୁରୀରେ ଭୂଷିଥିଲେ । ଯାହାଫଳରେ ଯୁବତୀଙ୍କର ସେହିଠାରେ ହିଁ ମୃତ୍ୟୁ ହୋଇଯାଇଥିଲା ।
ଏହି ପ୍ରସଙ୍ଗରେ ପୋଲିସ କହିଛି ଯେ, ନାବାଳିକାର ଘର ଶାହବାଦ ଡେୟରୀର ଜେ.ଜେ କଲୋନୀରେ । ତାଙ୍କୁ ରାସ୍ତାରେ ହାଲିଆ ଅବସ୍ଥାରେ ଦେଖିବାକୁ ମିଳିଥିଲା । ସେ ରାସ୍ତାରେ ଯାଉଥିବା ବେଳେ ସାହିଲ ତାଙ୍କୁ ଅଟକାଇଥିଲା ଆଉ ଆକ୍ରମଣ କରିଥିଲା । ପୁଅ ଏବଂ ଝିଅ ପରସ୍ପରକୁ ପୂର୍ବରୁ ଜାଣିଥିଲେ । କିନ୍ତୁ କେବେଠାରୁ ଜାଣିଥିଲେ ତାହା ଅନୁସନ୍ଧାନର ବିଷୟ । ଯାଞ୍ଚ ପାଇଁ ୬ଟି ଦଳ ଗଠନ କରାଯାଇଛି ।
ଦିଲ୍ଲୀର ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ, ଦୁହିଁଙ୍କର ପ୍ରେମ ସମ୍ପର୍କ ଥିଲା ଏବଂ ଶନିବାର ଦିନ ଝଗଡା ହୋଇଥିଲା । ରବିବାର ଦିନ ଝିଅଟି ନିଜ ସାଙ୍ଗଙ୍କ ପୁଅର ଜନ୍ମଦିନ ପାର୍ଟିକୁ ଯାଉଥିବା ବେଳେ ପୁଅଟି ତାଙ୍କୁ ରାସ୍ତାରେ ଅଟକାଇ ଆକ୍ରମଣ କରିଥିଲା । ପୋଲିସ କହିଛି ଯେ, କେବଳ ପୋଷ୍ଟମର୍ଟମ ନିଶ୍ଚିତ କରିବ ଯେ ତାଙ୍କୁ କେତେଥର ଛୁରୀ ଭୂଷାଯାଇଛି । ଝିଅର ପିତାଙ୍କ ଅଭିଯୋଗକୁ ଭିତ୍ତି କରି ଶାହାବାଦ ଡେୟରୀ ପୋଲିସ ଷ୍ଟେସନରେ ଭାରତୀୟ ଦଣ୍ଡ ସଂହିତା ଧାରା ୩୦୨(ହତ୍ୟା) ଅନୁଯାୟୀ ଏକ ମାମଲା ରୁଜୁ ହୋଇଛି ।
ଦିଲ୍ଲୀ ମହିଳା ଆୟୋଗ ମଧ୍ୟ ଏହି ପ୍ରସଙ୍ଗକୁ ଗୁରୁତର ସହିତ ନେଇଛି । ଦିଲ୍ଲୀ ମହିଳା ଆୟୋଗର ମୁଖ୍ୟ ସ୍ବାତୀ ମାଲିୱାଲ କହିଛନ୍ତି ଯେ, ମୁଁ ଏଭଳି ଭୟାନକ ଘଟଣା କେବେ ଦେଖିନାହିଁ । ମହିଳା ଏବଂ ଝିଅ ମାନଙ୍କ ପାଇଁ ଦିଲ୍ଲୀ ଅତ୍ୟନ୍ତ ଅସୁରକ୍ଷିତ ଏବଂ ଅସମ୍ବେଦନଶୀଳ । ଯେଉଁଦିନ ଏହି ଦେଶର ପୋଲିସ୍ ବ୍ୟବସ୍ଥାରେ ଉନ୍ନତି ହେବ, ସେହି ଦିନ କୌଣସି ମହିଳା କିମ୍ବା ନାବାଳିକାଙ୍କ ବିରୁଦ୍ଧରେ କିଛି କରିବାକୁ ସାହସ କରିବେ ନାହିଁ । ଆଜି ଯାହା ଘଟୁଛି ତାହା ଆଇନ ଏବଂ ବ୍ୟବସ୍ଥାର ବିଫଳତାକୁ ସମ୍ପୂର୍ଣ୍ଣ ରୂପେ ଦର୍ଶାଉଛି ।
ଉଗାଣ୍ଡା ବିଶ୍ୱର ସବୁଠାରୁ କଠୋର ‘ସମଲିଙ୍ଗି ବିରୋଧୀ’ ବିଲକୁ ଏକ ଆଇନରେ ପରିଣତ କରିଛି। ସମଲିଙ୍ଗି ସମ୍ବନ୍ଧକୁ ସ୍ୱୀକୃତି ଦେବାକୁ ମାନବାଧିକାର କର୍ମୀଙ୍କ ଆନ୍ଦୋଳନ ସତ୍ତ୍ୱେ ଉଗାଣ୍ଡା ସରକାର ଏହା ବିରୋଧରେ ଆଣିଛି ଆଇନ ଓ ଏହାକୁ ବିଶ୍ୱର ସବୁଠାରୁ କଠୋର ଆଇନ ବୋଲି କୁହାଯାଉଛି। ଉଗାଣ୍ଡାର ଆଇନ ମୁତାବକ, କେହି ସମଲିଙ୍ଗି ସମ୍ପର୍କ ସ୍ଥାପନ କଲେ ତାଙ୍କୁ ମୃତ୍ୟୁ ଦଣ୍ଡ ଦିଆଯିବ। ଏହି ଆଇନକୁ ପୂର୍ବ ଆଫ୍ରିକୀୟ ବହୁ ଦେଶର ସମର୍ଥନ ମିଳିଥିଲା।
ସମଲିଙ୍ଗି ସମ୍ପର୍କକୁ ବିରୋଧ କରୁଥିବା ଏହି ଆଇନ ବିଲରେ ଉଗାଣ୍ଡା ରାଷ୍ଟ୍ରପତି ୟୋଭେରୀ ମୁସେଭେନିଙ୍କ ମୋହର ଲାଗିଛି। ଯାହା ଏଲଜିବିଟିକ୍ୟୁଆଇଏ+ ସମ୍ପ୍ରଦାୟକୁ କିମ୍ବା ସମ୍ପ୍ରଦାୟ ସହିତ ପରିଚିତ ବ୍ୟକ୍ତି ବିଶେଷଙ୍କୁ ଅପରାଧ ଶ୍ରେଣୀଭୁକ୍ତ କରୁ ନାହିଁ, କିନ୍ତୁ ସମଲିଙ୍ଗି ଯୌନ ସମ୍ପର୍କକୁ ସଙ୍ଗୀନ ଅପରାଧ ଶ୍ରେଣୀଭୁକ୍ତ କରି କଠୋର ଦଣ୍ଡବିଧାନ କରିବାକୁ ଅନୁମତି ଦେଉଛି।
ନିୟମ ଅନୁଯାୟୀ- ଅପରାଧ ଶ୍ରେଣୀଭୁକ୍ତ ସମଲିଙ୍ଗି ସମ୍ପର୍କ ଭିତରେ ଯାଉଛି ସମାନ ଲିଙ୍ଗର ଏଚ୍ଆଇଭି ସଂକ୍ରମିତ ବ୍ୟକ୍ତି, ନାବାଳିକା ତଥା ଅନ୍ୟାନ୍ୟ ବର୍ଗର ଅସୁରକ୍ଷିତ ବ୍ୟକ୍ତିଙ୍କ ସହିତ ଯୌନ ସମ୍ପର୍କ ସ୍ଥାପନ କରିବା। ଏହି ପ୍ରକାର ସମଲିଙ୍ଗି ସ୍ଥାପନ କରିବାକୁ ଉଦ୍ୟମ କରି ଦୋଷୀ ସାବ୍ୟସ୍ତ ହେଲେ ବ୍ୟକ୍ତିଙ୍କୁ ୧୪ ବର୍ଷ ପର୍ଯ୍ୟନ୍ତ ଜେଲଦଣ୍ଡ ହୋଇପାରେ। ଏସମ୍ପର୍କରେ ଉଗାଣ୍ଡା ସଂସଦର ବାଚସ୍ପତି ଅନୀତା ଏକ ବିବୃତ୍ତିରେ କହିଛନ୍ତି ଯେ ରାଷ୍ଟ୍ରପତି ଏହି ବିଲ୍ ସ୍ୱାକ୍ଷର କରି ଆମ କ୍ରନ୍ଦନରତ ଲୋକଙ୍କୁ ଆଶ୍ୱସ୍ତି ଆଣି ଦେଇଛନ୍ତି।
ତେବେ ଏହା ପୂର୍ବରୁ ଏହି ବିଲକୁ ରାଷ୍ଟ୍ରପତି ମୁସେଭେନି ଏପ୍ରିଲରେ ସଂସଦକୁ ଫେରାଇ ଦେଇଥିଲେ। ଫେରସ୍ତ କରିଥିଲେ କି ଏଲଜିବିଟିକ୍ୟୁ ଓ ବାସ୍ତବରେ ସମଲିଙ୍ଗି ସମ୍ପର୍କ ରଖିଥିବା ଲୋକଙ୍କ ଅଲଗା କରାଯାଉ। କିନ୍ତୁ ଏହା କେତେକ ସାଂସଦଙ୍କୁ କ୍ରୋଧିତ କରିଥିଲା। ଏହା ଉପରେ ବିଭିନ୍ନ ଅନ୍ତର୍ଜାତୀୟ ମାନବାଧିକାର ସଂଗଠନ ପକ୍ଷରୁ ସରକାର ଉପରେ ଏପରି ବିଲ ନ ଆଣିବାକୁ ଚାପ ପ୍ରୟୋଗ କରାଯାଇଥିଲା। କିନ୍ତୁ ଶେଷରେ ଏହି ବିଲରେ ରାଷ୍ଟ୍ରପତିଙ୍କ ମୋହର ଲାଗିଛି ଓ ଏହା ଆଇନରେ ପରିଣତ ହୋଇଛି।
ଉଗାଣ୍ଡାରେ ସମଲିଙ୍ଗି ସମ୍ପର୍କକୁ ନେଇ ଉପନିବେଶ ଯୁଗର ଆଇନ ଅନୁଯାୟୀ ଅପ୍ରାକୃତିକ ଅପରାଧ ଭାବେ ଗଣାଯାଉଥିଲା ଓ ଏହି ଅପରାଧ ପାଇଁ ଆଜୀବନ କାରାଦଣ୍ଡର ପ୍ରାବଧନା ଥିଲା।
ମଣିପୁର ହିଂସାକୁ ନେଇ ସେନାକୁ ବଡ଼ ଖବର ମିଳିଛି ।ଆକ୍ରମଣ ଓ ବିନାଶ ଘଟାଇବା ପାଇଁ ମହିଳା ଓ ଶିଶୁଙ୍କ ସମେତ ନିରୀହ ଲୋକଙ୍କୁ ମାନବ ଢାଲ ଭାବେ ବ୍ୟବହାର କରିବାକୁ ଷଡ଼ଯନ୍ତ୍ର କରିଛନ୍ତି ବିଚ୍ଛିନ୍ନତାବାଦୀ ନେତା । ଏବେ ଏହାର ପର୍ଦ୍ଦାଫାସ କରିଛି ଭାରତୀୟ ସେନା ।
ମେ’୨୮ରେ ଭାରତୀୟ ସେନାର ସ୍ପିୟର କର୍ପସ ପକ୍ଷରୁ ଏକ ଟ୍ୱିଟ୍ କରାଯାଇଥିଲା । ଏଥିରୁ ଜଣାପଡ଼ିଛି ଯେ ମଣିପୁରର ଗାଁ ଓ ସୁରକ୍ଷା ବାହିନୀ ଉପରେ ଆକ୍ରମଣ କରିବା ବେଳେ ବିଚ୍ଛିନ୍ନତାବାଦୀମାନେ ମାନବ ଢାଲ ବ୍ୟବହାର କରିବାକୁ ଯୋଜନା କରିଥିଲେ । କେତେକ କ୍ଷେତ୍ରରେ ଏହାର ବ୍ୟବହାର ମଧ୍ୟ ହୋଇଥିଲା । ଆସନ୍ତା ଦିନରେ ମଧ୍ୟକୁ ଏହାକୁ ମାଧ୍ୟମ କରିପାରନ୍ତି ବିଚ୍ଛନ୍ନତାବାଦୀ । ନିରୀହ ନାଗରିକମାନଙ୍କୁ ମାନବ ଢାଲ ଭାବେ ବ୍ୟବହାର କରିବା ଏବଂ ସୁରକ୍ଷା ବାହିନୀକୁ ସେମାନଙ୍କ କର୍ତ୍ତବ୍ୟ ପାଳନରୁ ରୋକିବା ପାଇଁ ବିଚ୍ଛିନ୍ନତାବାଦୀଙ୍କ ଏହି ଯୋଜନା ବିଷୟରେ ଏହି ଟ୍ୱିଟରୁ ସ୍ପଷ୍ଟ ହୋଇଛି ।
ସେନା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିଚ୍ଛିନ୍ନତାବାଦୀମାନଙ୍କ ପାର୍ଟି A, B’ଦଳକୁ ନିର୍ଦ୍ଦେଶ ଦେଇଛି କାମ ସାରିବାକୁ । ସେଠାରେ ଲୋକଙ୍କୁ ମାନବ ଢାଲ ଭାବେ ବ୍ୟବହାର କରି ଏକ ଗାଁକୁ ଧ୍ୱଂସ କରିବାକୁ ପଡ଼ିବ ବୋଲି ନିର୍ଦ୍ଦେଶ ଦିଆଯାଇଛି । ଅଟକ ବିଚ୍ଛିନ୍ନତାବାଦୀମାନଙ୍କ ବୟାନରୁ ଜଣାପଡ଼ିଥିଲା ଯେ ବିଦ୍ରୋହୀମାନଙ୍କ ପାଖରେ ପର୍ଯ୍ୟାପ୍ତ ପରିମାଣର ଅସ୍ତ୍ରଶସ୍ତ୍ର ମହଜୁଦ୍ ଥିଲା । ସେମାନଙ୍କୁ ଆହୁରି ଅଧିକ ଅସ୍ତ୍ରଶସ୍ତ୍ର ଯୋଗାଇ ଦିଆଯିବ ବୋଲି ଆଶା କରୁଥିଲେ।
ନିଜ ପୋଷା କୁକରକୁ ପୋଖରୀରେ ଗାଧୋଇବା ବେଳେ ଅଘଟଣ । ରବିବାର ଅପରାହ୍ନରେ ଡୋମ୍ବିଭଲିର ଡାଭିଡି ଅଞ୍ଚଳରେ ପୋଖରୀରେ ପୋଷା କୁକୁରକୁ ଗାଧୋଇବାକୁ ଯାଇଥିବା ଭାଇ ଓ ଭଉଣୀ ବୁଡ଼ି ଯାଇଥିଲେ । ଗାଧୋଇବାବେଳେ ସେମାନଙ୍କର ପୋଷା କୁକୁର ପୋଖରୀର ଭିତରକୁ ଚାଲିଯାଇଥିଲା । ପ୍ରତ୍ୟକ୍ଷଦର୍ଶୀମାନଙ୍କ କହିଭା କଥା ଅନୁଯାୟୀ ତାଙ୍କ ଭାଇ ଏହାକୁ ଧରିବାକୁ ଚେଷ୍ଟା କରୁଥିବାବେଳେ ବୁଡ଼ି ଯାଇଥିବାର ଦେଖି ସେମାନଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ମଧ୍ୟ ଉଭୟ ବୁଡ଼ି ଯାଇଥିଲେ। ଏବଂ ଉଭଯଙ୍କ ମୃତ୍ୟୁ ହୋଇଛି । ଏପରି ଏକ ହୃଦୟ ବିଦାରକ ଘଟଣା ମହାରାଷ୍ଟ୍ରର କଲ୍ୟାଣ ଅଞ୍ଚଳରେ ଘଟିଛି। ମୃତକ ଭାଇଭଉଣୀଦ୍ୱୟ ହେଲେ ରଞ୍ଜିତ ରଭିନ୍ଦ୍ରନ ଓ ତାଙ୍କ ସାନ ଭଉଣୀ କିର୍ତ୍ତି ରଭିନ୍ଦ୍ରନ ।ଉଭୟ ରଭିନ୍ଦ୍ରନ ଓ କିର୍ତ୍ତି ନିଜ ବାପାମା’ଙ୍କ ସହ ଉମେଶ ନଗର ଅଞ୍ଚଳରେ ରୁହନ୍ତି । ରଭିନ୍ଦ୍ରନ ଏମବିବିଏସ୍ ପାଠ ପଢ଼ା ସାରିଥିବା ବେଳେ ଏବେ ଇଣ୍ଟର୍ନସିପ୍ କରୁଥିଲେ। ତାଙ୍କ ଭଉଣୀ ଦ୍ୱାଦଶ ଶ୍ରେଣୀ ଛାତ୍ରୀ ବୋଲି ଜଣାଯାଇଛି। ଉଭୟଙ୍କ ପିତା ଏକ ଘରୋଇ ସଂସ୍ଥାରେ ଚାକିରି କରୁଥିବା ବେଳେ ମା’ ଘରେ ଟ୍ୟୁସନ କରନ୍ତି। ସେମାନେ ନିଜ ଗାଁକୁ ଯାଇଥିବା ବେଳେ ଭାଇ ଭଉଣୀ ନିଜ ଘରେ ଥିବା ପୋଷା କୁକୁରକୁ ସ୍କୁଟରରେ ଧରି ଗାଧୋଇଦେବାକୁ ନିଛାଟିଆ ସ୍ଥାନରେ ଥିବା ଏକ ପୋଖରୀକୁ ଯାଇଥିଲେ। ଉଭୟ ପ୍ରତି ରବିବାର ସେଠାକୁ ଯାଉଥିବା ଜଣାଯାଇଛି।