କେନ୍ଦୁଝର ଯୋଡ଼ାରେ ପୁଣି ସ୍ପେଶାଲ ସ୍କ୍ୱାର୍ଡର ଚଢ଼ାଉ । ଯୋଡ଼ା ଥାନା ବିଲେଇପଦା ଅଂଚଳରୁ ୨ ଜଣ ଝାଡ଼ଖଣ୍ଡୀ ନିଶା ମାଫିଆଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୯ ଶହ ୪୪ ନିଶା କ୍ୟାପସୁଲ ଏକ ବାଇକ୍ ଓ ନଗଦ ୯୦ ହଜାର ଟଙ୍କା ଜବତ୍ କରିଛି ଯୋଡ଼ା ପୋଲିସ୍ । ସୂଚନା ଅନୁଯାୟୀ ଗତକାଲି ଯୋଡ଼ା ସହରର ୨ଟି ଦୋକାନରୁ ୨୮ ହଜାର ୨ଶହ ୬୪ ନିଶା କ୍ୟାପସୁଲ ଜବତ୍ କରିବା ସହ ଦୁଇ ଜଣଙ୍କୁ ଗିରଫ କରିଥିଲା ସ୍ଵତନ୍ତ୍ର ସ୍କ୍ୱାର୍ଡ ।
ତେବେ ଝାଡ଼ଖଣ୍ଡ ଜଗନ୍ନାଥପୁର ଅଞ୍ଚଳର କିଛି ମାଫିଆ ଯୋଡ଼ା ଏବଂ ବଡ଼ବିଲ ଅଞ୍ଚଳରେ ନିଶା କ୍ୟାପସୁଲ୍ ଯୋଗାଉଥିବା ବିଶ୍ଵସ୍ତ ସୂତ୍ରରୁ ପୋଲିସ୍ ଜାଣିବାକୁ ପାଇଥିଲା । ଆଜି ଏହି ଦୁଇ ଝାଡ଼ଖଣ୍ଡୀ ନିଶା ମାଫିଆ ନିଶା କ୍ୟାପସୁଲ ବେପାର ସାରି ଫେରୁଥିବା ବେଳେ ବିଲେଇପଦାରେ ମାଡ଼ି ବସିଥିବା ସ୍ପେଶାଲ ସ୍କ୍ୱାର୍ଡ ।
ଗିରଫ ଦ୍ବୟ ହେଲେ ଝାଡ଼ଖଣ୍ଡ ପଶ୍ଚିମ ସିଂହଭୂମ ଜିଲ୍ଲା ଜଗନ୍ନାଥପୁର ଥାନା ଅଞ୍ଚଳର ଶାହନୱାଜ୍ ଆଲମ୍ ଏବଂ ଆରିଫ୍ ଅଖତର । ଗିରଫ ପରେ ଏମାନଙ୍କୁ କୋର୍ଟ ଚାଲାଣ କରାଯାଇଛି । ତେବେ ଏମାନେ ଯୋଡ଼ା ଏବଂ ବଡ଼ବିଲର କେଉଁ ବ୍ୟକ୍ତିଙ୍କୁ ନିଶା କ୍ୟାପସୁଲ ଯୋଗାଉଥିଲେ ସେନେଇ ପୋଲିସ୍ ଖୋଳତାଡ଼ ଜାରି ରଖିଛି ।