ୱାର୍ଡ ମେମ୍ବରଙ୍କ ପଞ୍ଚାୟତ ଅଫିସ ଆଗରେ ଧାରଣା

ସରପଞ୍ଚଙ୍କ ନାଁରେ ଅଭିଯୋଗ ଆଣି ଧାରଣା ଦେଲେ ୱାର୍ଡ ମେମ୍ବର । ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ଡେରାବିଶ ବ୍ଲକ ଏଣ୍ଡର ପଂଚାୟତରେ । ସରପଞ୍ଚ ଦୁର୍ଯ୍ୟୋଧନ ମଳିକ ଓ ପଞ୍ଚାୟତର ପିଓଙ୍କ ମଧୁଚନ୍ଦ୍ରିକା ଦ୍ୱାରା ପଞ୍ଚାୟତରେ ଚାଲିଥିବା ନାନାଦି ଦୁର୍ନୀତି ଓ ଚଞ୍ଚକତାକୁ ବିରୋଧ କରି ପଞ୍ଚାୟତର ୨୦ ୱାର୍ଡ ମଧ୍ୟରୁ ୧୭ ୱାର୍ଡର ସମସ୍ତ ୱାର୍ଡ ସଭ୍ୟ-ସଭ୍ୟା ଅନିର୍ଦ୍ଧିଷ୍ଟ କାଳ ପାଇଁ ପଞ୍ଚାୟତ ଅଫିସ ଆଗରେ ଧାରଣା ଦେଇଥିଲେ । ଏଣ୍ଡର ପଞ୍ଚାୟତରେ ‘ପଲ୍ଲୀରେ ପ୍ରଶାସନ” କାର୍ଯ୍ୟକ୍ରମ ଥିବା ବେଳେ ଡେରାବିଶ ବିଡ଼ିଓ ଓ ସମସ୍ତ ବ୍ଲକ ସ୍ତରୀୟ ପଞ୍ଚାୟତ ଅଧିକାରୀ ପଞ୍ଚାୟତ ଗୃହ ରେ ଉପସ୍ଥିତ ଥିଲେ । ବିଡ଼ିଓ ଧାରଣା ରତ ୱାର୍ଡ ସଭ୍ୟାଙ୍କୁ ଡାକି ଘଟଣା ସମ୍ପର୍କୀତ ପଚାରି ବାରୁ ସେମାନେ ନିଜ ଅଭିଯୋଗ ଜଣାଇବା ସମୟରେ ଆଣ୍ଠେଇ ଆଣ୍ଠେଇ ହାତ ଯୋଡି ନିଜ ଦାବି ପୁର୍ଣ ପାଇଁ ଅଭିଯୋଗ କରିଥିଲେ ।

କିନ୍ତୁ ଏଣ୍ଡର ପଂଚାୟତର ସରପଞ୍ଚ ଦୁର୍ଯ୍ୟୋଧନ ମଳିକ ନିଜ ନାମରେ ଆସିଥିବା ଅଭିଯୋଗ ଖଣ୍ଡନ କରିଛନ୍ତି । ତେବେ ଏହା ପୂର୍ବରୁ କେନ୍ଦ୍ରାପଡ଼ା ଜିଲ୍ଲପାଳ ଙ୍କ ନିକଟ ରେ ଏନେଇ ଅଭିଯୋଗ ହୋଇଛି ଓ ଏନେଇ ଖୁବ ଶୀଘ୍ର ତଦନ୍ତ ହେବ ବୋଲି ଡେରାବିଶ ବିଡ଼ିଓ ଦାସରଥୀ ଜେନା ପ୍ରତିଶୃତି ଦେଇଛନ୍ତି । ଅନ୍ୟପଟେ ଡେରାବିଶ ଏବିଡ଼ିଓ ଧାରଣା ସ୍ଥଳ କୁ ଯାଇ ଧାରଣା ରତ ୱାର୍ଡ ସଭ୍ୟ ସଭ୍ୟା ଙ୍କୁ ବୁଝାଇବା ପରେ ସେମାନେ ଧରଣାରୁ ଉଠିଥିଲେ।