ପଟ୍ଟାମୁଣ୍ଡାଇ ବ୍ଲକ ରେସୋ ଗ୍ରାମର ମା ତାରିଣୀ ପୂଜା କମିଟି ଓ ଗ୍ରାମବାସୀଙ୍କ ଉଦ୍ୟମରେ ଦୀର୍ଘ ତିନି ବର୍ଷ ଧରି ଭଗବତୀ ମା ତାରିଣୀଙ୍କ ମନ୍ଦିର ପ୍ରତିଷ୍ଠା ଉତ୍ସବ ପାଳନ ହୋଇ ଆସୁଛି। ଆଗରୁ ଭଗବତୀ ମା ତାରିଣୀ ବର ଗଛ ତଳେ ପୂଜା ପାଇ ଆସୁଥିଲେ ମାତ୍ର ଚଳିତ ବର୍ଷ ମା ତାରିଣୀଙ୍କ ପ୍ରତିଷ୍ଠା ଉତ୍ସବରେ ନୂତନ ମନ୍ଦିର ପ୍ରତିଷ୍ଠା କରାଯାଇଛି। ଏହି ଉପଲକ୍ଷେ ଗତ ୨୨,୨୩ ଓ ୨୪ ତାରିଖ ଦୀର୍ଘ ତିନି ଦିନ ଧରି ବୈଦିକ ରୀତିନୀତି ଅନୁଯାଇ ଶାକ୍ତ ମହାଯଜ୍ଞ ଅନୁଷ୍ଠିତ ହୋଇ ଆସୁଥିଲା।
ଏହି ତିନି ଦିନ ମଧ୍ୟରେ ମା କମିଟି ପକ୍ଷରୁ ଜିଲ୍ଲା ସ୍ତରୀୟ ପ୍ରତିଭା ଅନ୍ବେଷଣ ସଂସ୍କୃତିକ ନୃତ୍ୟ ଓ ସଂଗୀତ ପ୍ରତିଯୋଗିତା ସହିତ ପ୍ରସାଦ ସେବନ ବ୍ୟବସ୍ଥା ହୋଇଥିଲା। ଯାହାକୁ ଦେଖିବାକୁ ପଟ୍ଟାମୁଣ୍ଡାଇ ବ୍ଲକ ସମେତ ରାଜନଗର ବ୍ଲକର ହଜାର ହଜାର ଲୋକଙ୍କ ଭିଡ଼ ଜମିଥିଲା।
ଗତ ୨୪ ତାରିଖ ଦିନ ଭଗବତୀ ମା ତାରିଣୀଙ୍କ ଶାକ୍ତ ମହାଯଜ୍ଞ ଶେଷ ସଂନ୍ଧ୍ୟାରେ ଗାଁରେ ହଜାର ହଜାର ଭକ୍ତଙ୍କ ସମାଗମ ହୋଇଥିଲା। ଏହି ଯଜ୍ଞ ପ୍ରତିବର୍ଷ ଚୈତ୍ର ମାସରେ ଅନୁଷ୍ଠିତ ହେବା ନେଇ କମିଟି ସଦସ୍ୟ କହିଛନ୍ତି।