ଶିକ୍ଷକ ପଦବୀ ପୁରଣକୁ ନେଇ ରାସ୍ତାରେ ବସିଲେ ବୋରିକ ନୋଡାଲ ସ୍କୁଲର ଛାତ୍ରଛାତ୍ରୀ । ସୂଚନା ମୁତାବକ ଜଗତସିଂପୁର ଜିଲ୍ଲା କୁଜଙ୍ଗ ବ୍ଲକ ଅନ୍ତର୍ଗତ ପାଟପୁର ପଞ୍ଚାୟତର ବୋରିକ ନୋଡାଲ ସ୍କୁଲରେ ଦୀର୍ଘ ଦିନ ଧରି ଶିକ୍ଷକଙ୍କ ଅଭାବ ଲାଗି ରହିଛି । ତେବେ ଏନେଇ ବ୍ଲକ ଅଫିସରଙ୍କ ଦୃଷ୍ଟି ଆକର୍ଷଣ କରିବା ପରେ ବ୍ଲକ ଅଫିସର ୭ ଦିନ ମଧ୍ୟରେ ପଦବୀ ପୂରଣ କରିବା ପାଇଁ ପ୍ରତିଶୃତି ଦେଇଥିଲେ । ମାତ୍ର ଏକ ମାସ ବିତିଯାଇଥିଲେ ବି ଏପର୍ଯ୍ୟନ୍ତ ପଦବୀ ଗୁଡିକ ପୁରଣ ହୋଇପାରିଲା ନାହିଁ । ଯାହାକୁ ନେଇ ପୁନର୍ବାର ଆଜି ଛାତ୍ର,ଛାତ୍ରୀ ମାନେ ସ୍କୁଲ ଗେଟରେ ତାଲା ପକେଇ ରାସ୍ତା ଉପରେ ଧାରଣାରେ ବସିଛନ୍ତି
ଯେପର୍ଯ୍ୟନ୍ତ ସେମାନଙ୍କ ଦାବି ପୂରଣ ନ ହୋଇଛି ସେପର୍ଯ୍ୟନ୍ତ ସ୍କୁଲ ଗେଟରେ ତାଲା ପକାଇ ଧାରଣା ଜାରି ରହିବ ବୋଲି ଅବିଭାବକ ଓ ଛାତ୍ରଛାତ୍ରୀ ଚେତାବନୀ ଦେଇଛନ୍ତି । ତେବେ ଏଠାରେ ପ୍ରଶ୍ନ ଉଠୁଛି ପିଲାଙ୍କ ପାଠ ପଢା ପାଇଁ ଶିକ୍ଷକ ଅଭାବ ଥିବା ବେଳେ ପିଲାମାନେ କେମିତି ପଢୁଛନ୍ତି ପାଠ । ସ୍ଥାନୀୟ ବ୍ଲକ ପ୍ରଶାସନ ଏଦିଗରେ କାହିଁକି ଦୃଷ୍ଟି ଦେଉନାହାନ୍ତି ।