ଗତ ଦଶ ମାସ ଧରି ପଞ୍ଜାବର ଖନୌରି ସୀମାରେ ଛାଉଣି କରୁଥିବା ଏକ ‘ଗୋଷ୍ଠୀ’ ଆଜି ଦିଲ୍ଲୀ ମୁହାଁ ହୋଇପାରନ୍ତି । ଖନୌରି ସୀମାରେ ଭୋକ ଉପାସରେ ବସିଥିବା କୃଷକମାନେ ପ୍ରତ୍ୟେକ ଘରୁ ଜଣଙ୍କ ଆଗମନ ପାଇଁ ଆହ୍ୱାନ କରିଛନ୍ତି। କୃଷକ ପଦଯାତ୍ରା ପାଇଁ ପ୍ରଶାସନ ପ୍ରସ୍ତୁତ ରହିଛି । ରାଲି ପୂର୍ବରୁ ସୀମା ଉପରେ ସୁରକ୍ଷାକୁ କଡାକଡି କରିଛି ଦିଲ୍ଲୀ ପୋଲିସ। ଜଣେ ବରିଷ୍ଠ ପୋଲିସ ଅଧିକାରୀଙ୍କ କହିବାନୁସାରେ, “ଦିଲ୍ଲୀ ପୋଲିସ ସତର୍କ ରହିଛି ଏବଂ ସୀମାରେ ସୁରକ୍ଷା କଡାକଡି କରାଯାଇଛି। ବର୍ତ୍ତମାନ ସିଂଧୁ ସୀମାରେ ଅଳ୍ପ ସଂଖ୍ୟକ ପୋଲିସ ମୁତୟନ କରାଯାଇଛି, କିନ୍ତୁ ପଞ୍ଜାବ-ହରିୟାଣା ସୀମାର ଶମ୍ଭୁ ସୀମାରେ ପରିସ୍ଥିତି ଉପରେ ନିର୍ଭର କରି ଏହାକୁ ବୃଦ୍ଧି କରାଯାଇପାରେ ।
ଗୁରୁବାର ବିଳମ୍ବିତ ରାତି ପର୍ଯ୍ୟନ୍ତ ଅମ୍ବାଲାର ଶମ୍ଭୁ ସୀମାରେ ପୋଲିସ ପ୍ରଶାସନର ଏକ ଉଚ୍ଚ ସ୍ତରୀୟ ଦଳ ଉପସ୍ଥିତ ରହିଥିଲେ। ଏଥିରେ ଆଇଜି ଅମ୍ବାଲା ଏବଂ ଏସପି ଅମ୍ବାଲା ଘଟଣାସ୍ଥଳ ପରିଦର୍ଶନ କରି ସମସ୍ତ ସୁରକ୍ଷା ବ୍ୟବସ୍ଥା ଉପରେ ନଜର ରଖିଥିଲେ। ଅନ୍ୟପକ୍ଷରେ ହରିୟାଣାର ଦାତା ସିଂହ ଵାଲା ବର୍ଡ଼ର ର ସୁରକ୍ଷା ବାହିନୀକୁ ପୁଣି ସତର୍କ କରାଯାଇଛି । ପଞ୍ଜାବର ଚାଷୀଙ୍କୁ ‘ଦିଲିକୁଚ’ରୁ ରୋକିବା ପାଇଁ ସୁରକ୍ଷା ବାହିନୀ ରଣନୀତି ପ୍ରସ୍ତୁତ କରିସାରିଛି।
କ’ଣ କୃଷକଙ୍କ ଯୋଜନା?
ଶମ୍ଭୁ ବର୍ଡ଼ରରେ କୃଷକ ନେତା ସରଭନ ସିଂହ ପଣ୍ଡେର୍ କହିଛନ୍ତି ଯେ ୧୦୧ କୃଷକଙ୍କ ଏକ ‘ମୋର୍ଚ୍ଚା’ ଆଜି ରାତି ୧ ଟାରେ ଶମ୍ଭୁ ବର୍ଡ଼ର ବିରୋଧ ସ୍ଥାନରୁ ଦିଲ୍ଲୀ ଅଭିମୁଖେ ଯାତ୍ରା ଆରମ୍ଭ କରିବ। ପଣ୍ଡେର୍ କହିଛନ୍ତି, “ମୋର୍ଚ୍ଚା ଆରମ୍ଭ ହେବାର ୨୯୭ ଦିନ ହୋଇଗଲାଣି ଏବଂ ଖନୌରୀ ସୀମାରେ ଅମରଣ ଅନଶନ ଏକାଦଶ ଦିନରେ ପ୍ରବେଶ କରିସାରିଛି। ଆଜି ଅପରାହ୍ନ ୧ ଟାରେ ୧୦୧ କୃଷକ-ଶ୍ରମିକ ଦଳ ଶମ୍ଭୁ ସୀମାରୁ ଦିଲ୍ଲୀ ଅଭିମୁଖେ ଯାତ୍ରା କରିବେ।”
ସେ କହିଛନ୍ତି ସରକାର କଣ କରିବେ, ସେ ଚିନ୍ତା ତାଙ୍କୁ କରିବାକୁ ପଡିବ। ଯଦି ସରକାର ସେମାନଙ୍କୁ ଏହି ପଦଯାତ୍ରା ବନ୍ଦ କରିବାକୁ ଅଟକାନ୍ତି, ତେବେ ଏହା ସେମାନଙ୍କ ପାଇଁ ଏକ “ନୈତିକ ବିଜୟ” ହେବ। ଆମେ ଚାଲିକି ଦିଲ୍ଲୀ ଯିବୁ, ତେବେ ଚାଷୀଙ୍କୁ ଅଟକାଇବା ପାଇଁ କୌଣସି କାରଣ ରହିବା ଉଚିତ୍ ନୁହେଁ |