ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ପୌରପରିଷଦ ଅନ୍ତର୍ଗତ ଅଁଳାଡୁବା ଗ୍ରାମର ଵାଦାମବାଈ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁରଥ ପଟ୍ଟନାୟକ ଦୀର୍ଘ ବର୍ଷର ଶିକ୍ଷାଦାନ ପରେ ଅବସର ନେଇଛନ୍ତି। ଏହି ଅବସରରେ ବିଦ୍ୟାଳୟ ପରିସରରେ ତାଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯାଇଛି । ଏହି ସଭାରେ ମୁଖ୍ୟ ଅତିଥି ରାଇରଙ୍ଗପୁର ଗୋଷ୍ଠୀ ଶିକ୍ଷା ଅଧିକାରୀ ଭାଗିରଥି ମହାନ୍ତି , ମୁଖ୍ୟବକ୍ତା ସନ୍ତୋଷ ମିଶ୍ର ପ୍ରମୁଖ ଉପସ୍ଥିତ ରହିଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ଛାତ୍ରଛାତ୍ରୀମାନେ ପ୍ରଧାନ ଶିକ୍ଷକଙ୍କୁ ପୂଜାର୍ଚ୍ଚନା ଓ ବନ୍ଦନା କରି ଆଶୀର୍ବାଦ ନେଇଥିଲେ । ଅତିଥିଗଣ ପ୍ରଦୀପ ପ୍ରଜ୍ବଳନ କରି ସଭାର ଶୁଭାରମ୍ଭ କରାଯାଇଥିଲା। ପ୍ରଧାନ ଶିକ୍ଷକ ସୁରଥ ସାର ତାଙ୍କ କାର୍ଯ୍ୟକାଳ ଭିତରେ ଯେଉଁ ସ୍କୁଲକୁ ଯାଇଛନ୍ତି, ସେଠାରେ ସ୍କୁଲ, ଶିକ୍ଷକ, ଛାତ୍ରଛାତ୍ରୀଙ୍କ ବିକାଶ ପାଇଁ କାର୍ଯ୍ୟ କରିଛନ୍ତି ବୋଲି ଉପସ୍ଥିତ ଅତିଥି କହିଥିଲେ। ଏହି ଅବସରରେ ସୁରଥ ସାର ତାଙ୍କୁ ମିଳିଥିବା ସମସ୍ତ ଶ୍ରେୟ ତାଙ୍କ ସହକର୍ମୀ, ଅଧିକାରୀମାନଙ୍କୁ ଦେଇଥିଲେ।
ଏହି ଅବସରରେ ସମସ୍ତ ଅତିଥି ସାରଙ୍କ ବାକି ଜୀବନ ସୁସ୍ଥ, ନିରାମୟ ହେଉ ଏହା କାମନା କରିଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ଶହ ଶହ ସଂଖ୍ୟାରେ ଛାତ୍ରଛାତ୍ରୀ,ଅଭିଭାବକ ଓ ଗ୍ରାମବାସୀ ଯୋଗଦେଇ ଥିଲେ । ସମସ୍ତେ ସୁରଥ ସାରଙ୍କୁ ପ୍ରଶଂସା ଓ ଗୁଣଗାନ କରିଥିଲେ।