ରାଜଧାନୀ ଭୁବନେଶ୍ବରରେ ପ୍ରତିଦିନ ହାରାହାରି ଜଣେ ଲୋକ ଆତ୍ମହତ୍ୟା କରୁଛି। କମିସନରେଟ୍ ପୁଲିସର ତଥ୍ୟ ଏହା କହୁଛି। କିଏ ପ୍ରେମରେ ବିଫଳ ହୋଇ ଟ୍ରେନ୍ ଆଗକୁ ଡେଇଁ ପଡ଼ିଲାଣି ତ କିଏ ପାଠପଢ଼ା ଚାପରେ ଫ୍ୟାନ୍ରେ ଝୁଲି ପଡ଼ିଲାଣି।
ଆର୍ଥିକ ସମସ୍ୟା ଓ ପାରିବାରିକ କଳହଜନିତ ଘଟଣା ବି କିଛି କମ୍ ନୁହେଁ। ଲୋକେ କ୍ଷଣିକ ଉତ୍ତେଜନାରେ ସନ୍ତୁଳନ ହରାଇ ଜୀବନ ହାରିବା ଭଳି ଚରମ ନିଷ୍ପତ୍ତି ନେଉଛନ୍ତି। କମିସନରେଟ୍ ପୁଲିସର ତଥ୍ୟ ମୁତାବକ, ଭୁବନେଶ୍ବରରେ ଦେଢ଼ବର୍ଷରେ ଗତ ୫୫୦ ଜଣ ଆତ୍ମହତ୍ୟା କରିଛନ୍ତି। ୨୦୨୨ରେ ୩୩୪ ଜଣ ଏହି ବାଟରେ ଜୀବନ ହାରିଥିବାବେଳେ ଚଳିତ ବର୍ଷ ଅର୍ଥାତ୍ ୨୦୨୩ର ମାତ୍ର ୭ମାସ ମଧ୍ୟରେ ୨୧୬ଜଣଙ୍କ ଜୀବନ ଯାଇଛି I
ଆତ୍ମହତ୍ୟା କରୁଥିବା ଲୋକଙ୍କ ଭିତରୁ ସଂଖ୍ୟାଧିକ ହେଉଛନ୍ତି ଯୁବକ ଯୁବତୀ। ଦେଢ଼ ବର୍ଷରେ ଯେଉଁ ସଂଖ୍ୟା ରହିଛି ତାର ୭୦ ପ୍ରତିଶତ ଯୁବପିଢ଼ି ବୋଲି ତଥ୍ୟରୁ ଜଣାପଡ଼ିଛି। ଯଦି ହିସାବକୁ ନିଆଯାଏ ତେବେ ପ୍ରତିମାସ ପାଖାପାଖି ୩୦ଜଣଙ୍କ ଜୀବନ ଯାଉଛି। ଅର୍ଥାତ୍ ପ୍ରତିଦିନ ରାଜଧାନୀରେ ଜଣେ ଲୋକ ଆତ୍ମହତ୍ୟା କରୁଛି! କମିସନଟେ୍ ପୁଲିସର ୩ଟି ଥାନା ଅଞ୍ଚଳର ସ୍ଥିତି ଏ ବାବଦରେ ଅତ୍ୟନ୍ତ ସମ୍ବେଦନଶୀଳ ରହିଛି।
ଦେଢ଼ବର୍ଷରେ ଖଣ୍ଡଗିରି ଥାନାରେ ସର୍ବାଧିକ ୧୨୯ ଜଣ ଆତ୍ମହତ୍ୟା କରିଥିବାବେଳେ ତା’ ପଛକୁ ଭରତପୁର ଥାନା ଅଞ୍ଚଳରେ ୮୯ ଓ ତୃତୀୟ ସ୍ଥାନରେ ଥିବା ମଞ୍ଚେଶ୍ବର ଥାନାରେ ୬୭ଜଣ ଆତ୍ମହତ୍ୟା କରିଛନ୍ତି। ଏହି ସଂଖ୍ୟା ଇନ୍ଫୋସିଟି ଥାନା ଅଞ୍ଚଳରେ ୩୨, ନୂଆପଲ୍ଲୀ ଥାନା ଅଞ୍ଚଳରେ ୨୯ ଓ ସିଏସ୍ପୁରରେ ୨୪। ଏୟାରପୋର୍ଟ ଓ ପାହାଳ ଥାନା ଅଞ୍ଚଳରେ ୩ ଜଣ ଆତ୍ମହତ୍ୟା କରିଛନ୍ତି।
ଏଥିରେ ରୋକ ଲଗାଇବାଲାଗି କମିସନରେଟ୍ ପୁଲିସ ‘ଷ୍ଟ୍ରାଇଡ୍’ ନାମକ ଏକ ଅଭିଯାନ ଆରମ୍ଭ କରିଛି। ଏଥିରେ ଦୁଇ ଜଣ ବିଶେଷଜ୍ଞଙ୍କୁ ସାମିଲ୍ କରାଯାଇଛି। କମିସନରେଟ୍ ପୁଲିସରେ ଘଟୁଥିବା ପ୍ରତ୍ୟେକ ଆତ୍ମହତ୍ୟା ମାମଲା ବିଶେଷଜ୍ଞ ଟିମ୍ ଦ୍ବାରା ଯାଞ୍ଚ କରାଯିବ। ଏହାର କାରଣ ଓ ଅନ୍ୟ ଦିଗଗୁଡ଼ିକୁ ବିଶେଷଜ୍ଞ ବିଶ୍ଳେଷଣ କରିବେ।
ଏଥିରୁ ଯାହା ତଥ୍ୟ ମିଳିବ, ତାକୁ ତଦନ୍ତକାରୀ ଅଧିକାରୀମାନଙ୍କ ସହିତ ଆଲୋଚନା କରାଯିବ। ସେହି ଅନୁସାରେ ଲୋକଙ୍କୁ ସଚେତନ କରାଯିବାଲାଗି ପୁଲିସ କର୍ମଚାରୀଙ୍କୁ ମଧ୍ୟ ତାଲିମ୍ ଦିଆଯିବ। ଏହି ଅଭିଯାନ