ଯାଜପୁର ଜିଲ୍ଲାର ଆରାଧ୍ୟ ଦେବୀଙ୍କ ଆଜ୍ଞାରେ ଧର୍ମଶାଳା ବ୍ଲକ ଅନ୍ତର୍ଗତ ମିର୍ଜାପୁର ଗ୍ରାମରେ ଅଧିଷ୍ଠାତ୍ରୀ ଦେବୀ ମା ଅନନ୍ତ କୁମାରୀଙ୍କ ପୀଠରେ ୨୧ତମ ବାର୍ଷିକ ଅନନ୍ତ ବିଶ୍ଵଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ଏହି କ୍ରମରେ ଗ୍ରାମବାସୀ ଓ ବିଶିଷ୍ଟ ପଣ୍ଡିତ ମାନଙ୍କ ଦ୍ଵାରା ପ୍ରଥମେ କେଲୁଅ ନଦୀରୁ ଜଳ ଉଠାଇ ଭଜନ କୀର୍ତ୍ତନରେ ମହାଆଡମ୍ବରରେ କଳସ ଯାତ୍ରା କରାଯାଇଥାଇଥିଲା । ପରେ ଯଜ୍ଞ ମଣ୍ଡପରେ କଳସ ସ୍ଥାପନ କରି ଶୁଭାଧିବାସ, ଯଜ୍ଞ ଓ ପୂର୍ଣ୍ଣାହୁତି ଅନୁଷ୍ଠିତ ହୋଇଥିଲା ।
ଏହି ଅବସରରେ ଯଜ୍ଞ ମଣ୍ଡପ ନିକଟରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି ଭକ୍ତିମୟ ପରିବେଶରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା । , ଭକ୍ତ ମାନେ ଯଜ୍ଞ ମଣ୍ଡପ ପରୀକ୍ରମା ପରେ ମହାଆନନ୍ଦରେ ଆନନ୍ଦ ବଜାରରେ ପ୍ରସାଦ ସେବନ କରନଥିଲେ । , ଯଜ୍ଞ କମିଟିର ସମସ୍ତ ତଥା ଅଗ୍ରଣୀ ସଦସ୍ୟ ନେତୃତ୍ୱ ରେ ଏହି ଅନନ୍ତ ବିଶ୍ଵଶାନ୍ତି ମହାଯଜ୍ଞ କୁ ବହୁ ଶାନ୍ତି ଶୃଙ୍ଖଳା ଦାୟୀତ୍ୱରେ ସମାପନ କରାଯାଇଛି ।