ଆଜିକାଲି ପିଲା ଅଧିକାଂଶ ସମୟ ମୋବାଇଲରେ ବିତାଉଛନ୍ତି, ମୋଟାମୋଟି ଦେଖିବାକୁଗଲେ ସୋସିଆଲ ମିଡିଆରେ ପୁରା ଜଡିତ ରହୁଛନ୍ତି I ଏମିତିକି ଖାଇବା ପିଇବା ମଧ୍ୟ ଏହି ମୋବାଇଲ ପାଇଁ ଭୁଲିଯାଉଛନ୍ତି I ସେ ଘର ହେଉ କି ବାହାର ହେଉ ୨୪ଘଣ୍ଟା ମୋବାଇଲରେ ବ୍ୟସ୍ତ ରହୁଛନ୍ତି I ଏଭଳି ଏକ ଘଟଣା କେନ୍ଦୁଝରରୁ ଆସିଛି ମୋବାଇଲ ପାଇଁ ବିଷ ପିଇଲା ଅଷ୍ଟମ ଶ୍ରେଣୀର ଛାତ୍ର ।
କେନ୍ଦୁଝର ସଦର ଥାନା ବରଦାପାଳ ଗ୍ରାମର ଯୋଶଦା ମୁଣ୍ଡାଙ୍କ ପୁଅ ସିପୁନ ମୁଣ୍ଡା ବାପାଙ୍କ ମୋବାଇଲରେ ବାରମ୍ବାର ଗେମ ଖେଳୁଥିଲା । ମା’ ପ୍ରତିବାଦ କରିବାରୁ ଦାନାଦାର ପିଇଦେଲା ଛାତ୍ର । ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି । ଚିକିତ୍ସା ପରେ ପିଲାଟିର ସ୍ୱାସ୍ଥ୍ୟବସ୍ଥା ସ୍ଥିର ରହିଛି।
ସୂଚନାଅନୁଯାୟୀ , ଗତକାଲି ସ୍କଲରୁ ଫେରି ପୁଅ ମୋବାଇଲ ଦେଖୁଥିଲା। ପାଠ ନ ପଢି ସବୁବେଳେ ମୋବାଇଲ କାହିଁକି ଦେଖୁଛୁ କହିବା ସହ ଆକଟ କରିଥିଲା ମା’ । ଏହି ସାମାନ୍ୟ କଥାକୁ ନେଇ ପୁଅ ରାଗିଯାଇ ବିଷ ପିଇ ଦେଇଥିଲା। ପରିବାର ଲୋକେ ନାବାଳକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।