ବାଲେଶ୍ବରରେ ଜିଲ୍ଲା ଯାଦବ ମହାସଭାର ସାମ୍ବାଦିକ ସମ୍ମିଳନୀ । ସହରସ୍ଥିତ ଏକ ଘରୋଇ ହଟେଲରେ ଶୁକ୍ରବାର ସଂନ୍ଧ୍ଯାରେ ଏହି ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଛି । ପୂର୍ବତନ ବିଚାରପତି ବାରିକଙ୍କ ଅଧ୍ୟକ୍ଷତାରେ ଏହି ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା । ଯାଦବ ମାନଙ୍କ ହକ ପାଇଁ ଏହି ସଂଗଠନ ଗଢି ଉଠିଛି ।
ଜିଲ୍ଲାରେ ସାମାଜିକ ଓ ସାଂସ୍କୃତିକ ସ୍ଥିତିକୁ ବଜାୟ ରଖିବା ପାଇଁ ବିଭିନ୍ନ କାର୍ଯ୍ୟକ୍ରମ ଜାରି ରଖିଛି ସଂଗଠନ । ରାଜ୍ୟରେ ଓବିସି ଜନଗଣନା କରି ଯାଦବ ମାନଙ୍କୁ ଏଥିରେ ସାମିଲ କରିବାକୁ ସଂଘ ଦାବି କରିଛି । ଏଥିସହିତ ଜିଲ୍ଲାରେ ସମସ୍ତ ଯାଦବ ମାନଙ୍କୁ ଏକତ୍ରିତ ହେବା ପାଇଁ ଆହ୍ବାନ କରିଥିଲେ ସଂଗଠନର କାର୍ଯ୍ୟକର୍ତ୍ତା । ଏହି ଅବସରରେ କିଛି ଯାଦବଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଛି ।