ବୌଦ୍ଧର ଆର୍ଟସ ଟେମ୍ପଲ ପକ୍ଷରୁ ଆଜି ଶ୍ରୀ ରାମଳିଲା ନାଟ୍ୟ ପରିଷଦ ପ୍ରାଙ୍ଗଣରେ କରାଟେ ବେଲ୍ଟ ଗ୍ରେଡିଙ୍ଗ ଟେଷ୍ଟ ପ୍ରତିଯୋଗିତା ମାଷ୍ଟର ସୁଧୀର କୁମାର ବାରିକଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ଗୁରୁଶ୍ରୀ ଡ଼ଃ. ଜ୍ଞାନରଞ୍ଜନ ମହାନ୍ତି ଯୋଗଦେଇଥିଲେ । ସମସ୍ତ କୁନିକୁନି ପ୍ରତିଯୋଗି ମାନଙ୍କୁ କରାଟେ ସମ୍ପର୍କରେ ସୂଚନା ଦେଇ ଆଗାମୀ ଦିନରେ କିଭଳି ନିଜର ଆତ୍ମ ରକ୍ଷା କୌଶଳ କରିବା ସହ ଅସୁବିଧା ରେ କେମିତି ଶତ୍ରୁଠାରୁ ରକ୍ଷା କରାଯାଇପାରିବ ସେଥିପାଇଁ ବିଭିନ୍ନ କୌଶଳ ବିଷୟରେ ବତେଇଥିଲେ ।
ଆଜିର ଏହି ବେଲ୍ଟ ଗ୍ରେଡିଙ୍ଗ ଟେଷ୍ଟ ରେ ସୋନପୁର ରୁ ଗୁରୁ ସୁଶାନ୍ତ କୁମ୍ଭାର , ଏବଂ ସରୋଜ କୁମାର ପୁଝ।ରୀ ବରଗଡ଼ ରୁ ଗୁରୁ ସରୋଜ ନାୟକ, ବଲାଙ୍ଗୀର ରୁ ଗୁରୁ ଚନ୍ଦ୍ରଶେଖର ବାହୁକ ଏହି ବେଲ୍ଟ ଗ୍ରେଡ ଟେଷ୍ଟ ପ୍ରତିଯୋଗିତାରେ ଗ୍ରେଡ ମୂଲ୍ୟାଙ୍କନ କରିଥିଲେ । ପରିଶେଷରେ ମୂଖ୍ୟ ଅତିଥି ଙ୍କ ଦ୍ଵାରା ପୁରସ୍କାର ବିତରଣ କରଯାଇଥିଲା । ବୌଦ୍ଧ ଆର୍ଟସ ଟେମ୍ପୁଲ ର ମୁଖ୍ୟ ପରିଚାଳକ ଗୁରୁ ସୁଧୀର କୁମାର ବାରିକ ଓ ଅନ୍ୟାନ୍ୟ ସହଯୋଗୀ ମାନେ ଏହି କାର୍ଯ୍ୟକ୍ରମ କୁ ପୂର୍ଣ ମାତ୍ରାରେ ସାଫଲ୍ୟ ମଣ୍ଡିତ କରିବା ଦିଗରେ ବିଶେଷ ଯତ୍ନଶୀଳ ଥିଲେ ।