ସଦ୍ୟ ନିର୍ମାଣ ହୋଇଥିବା ଅଙ୍ଗନବାଡି କେନ୍ଦ୍ରର କନଷ୍ଟ୍ରକସନ କାର୍ଯ୍ୟକୁ ନେଇ ଉଠିଲା ପ୍ରଶ୍ନ । ଅଙ୍ଗନବାଡି କେନ୍ଦ୍ରରୁ ବାହରୁଛି ବିଷଧର ସାପ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଲୋକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । କାରଣ ତାଙ୍କର କୁନି କୁନି ପିଲାମାନଙ୍କୁ ଭରସା କରି ଅଙ୍ଗନଓ୍ବାଡି ପଠାଇ ଦେଉଛନ୍ତି । ହେଲେ ଅଙ୍ଗନଓ୍ବାଡିରେ ରହୁଥିବା ସାପ କେତେବେଳେ କଣ ଅଘଟଣ ଘଟାଇବ ତାହା କହିବା ଅନିଶ୍ଚିତ । ଅଭିଯୋଗ ହେଉଉଛି ନିମ୍ନ ନାମର କାର୍ଯ୍ୟ ପାଇଁ ଅଳ୍ପ ଦିନରେ ଅଙ୍ଗନଓ୍ବାଡିର ଚଟାଣ ଫାଟି ଆଁ କରିବା ସହିତ କାନ୍ଥ ଗୁଡିକ ମଧ୍ୟ ଜରାଜୀର୍ଣ୍ଣ ହୋଇଗଲାଣି । ତେଣୁ ଏହାର ସୁଯୋଗ ନେଇ ସାପ ମାନେ ତା ଭିତରେ ବସା ବାନ୍ଧିବା ଆରମ୍ଭ କଲେଣି ।
ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ସିଙ୍ଗାରପଲ୍ଲି ପଞ୍ଚାୟତର ନୂଆ କରି ତିଆରି ହୋଇଥିବା ଯୋଡାସାହି ଅଙ୍ଗନୱାଡ଼ି କେନ୍ଦ୍ରରୁ ଆସିଛି ଏହି ଦୃଶ୍ୟ । ଅଙ୍ଗନୱାଡ଼ିର ଚଟାଣ ଖୋଳି ହୋଇଯାଇଥିବା ବେଳେ ମିସ୍ତ୍ରୀ ତାର ମରାମତି କରିବାକୁ ଆସିଥିଲେ । ଏହି ସମୟରେ ଖୋଳା ଚଟାଣ ଭିତରେ ଦୁଇଟି ବିଷଧର ସାପ ଦେଖିବାକୁ ପାଇଥିଲେ । ସାପ ଦେଖ କାର୍ଯ୍ୟରତ ଶ୍ରମିକ ମାନେ ଭୟଭୀତ ହୋଇଯାଇଥିଲ । ରାଜ୍ୟ ସରକାର ଶିକ୍ଷାର ବିକାଶ ପାଇଁ ଭିତ୍ତିପ୍ରସ୍ତର ଠାରୁ ଆରମ୍ଭ କରି ଶିକ୍ଷା ବ୍ୟବସ୍ଥାରେ ବ୍ୟାପକ ପରିବର୍ତ୍ତନ ପାଇଁ ପାଣି ଭଳି ଟଙ୍କା ବୁହାଉଛନ୍ତି । ହେଲେ ସ୍ଥାନୀ ପ୍ରଶାସନିକ ଉଦାସୀନତା ସହିତ ନେତା ଆଉ ଠିକାଦାରଙ୍କ ମଧୁଚନ୍ଦ୍ରିକା ଯୋଗୁଁ ଏପରି ନିମ୍ନ ମାନର କାର୍ଯ୍ୟ ଦେଖିବାକୁ ମିଳୁଛି । ଯାହକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ତିବ୍ର ଅସନ୍ତୋଷ ଦେଖାଦେଇଛି ।