ବାରାହା ଶିକାର ପାଇଁ ବିଛାଯାଇଥିବା ବିଦ୍ୟୁତ ତାରରେ ଲାଗି ଜଣେ ମୃତ ।ଘଟଣା ଘଟଛି ବଲାଙ୍ଗୀର ଜିଲ୍ଲା ସଇଁତଲା ରେଞ୍ଜ ଅଧୀନ କୁମ୍ଭାରୀ ସ୍ଥିତ କାଲିକ୍ଷେତ ସଂରକ୍ଷିତ କାଳୀଡୁଙ୍ଗୁରିରେ । ମୃତକ ହେଲେ କୁମ୍ଭାରୀ ପଞ୍ଚାୟତ ର ଡୁମେର ମୁଣ୍ଡାର ଜବଦୁ ବଗର୍ତି । ସୁଚନା ଅନୁଯାୟୀ ଗତ ସୋମବାର ଦିନ ଜବଦୁ ଓ ତାର ସମ୍ପର୍କୀୟ ଭଣଜା ସହିତ ଜଙ୍ଗଲକୁ ଯାଇଥିଲେ ।ପରେ ଘରକୁ ଆଉ ଫେରିନଥିଲେ । ସେନେଇ ପରିବାର ଲୋକେ ଖୋଜା ଖୋଜି ପରେ ନ ପାଇବାରୁ ପୋଲିସ ନିକଟରେ ଅଭିଯୋଗ କରିଥିଲେ । ପରେ ପୋଲିସ ତଦନ୍ତ ଆରମ୍ଭ କରିଥିବା ବେଳେ କାଳୀଡୁଙ୍ଗୁରିରେ ଜଙ୍ଗଲରେ ଜବଦୁଙ୍କ ମୃତଦେହ ପାଇଥିଲେ । ପରେ ପରିବାର ଲୋକକୁ ଖବର ଦେଇଥିଲେ । ତେବେ ପୂର୍ବରୁ ଜଣେ ଶୀକାରି ବାରାହା ଶୀକାର ପାଇଁ ବିଛାଇଥିବା ତାର ସସ୍ପର୍ଶରେ ଆସି ଜବଦୁଙ୍କ ମୃତ୍ୟୁ ହୋଇଥିବା ଜାଣିବାକୁ ପାଇଥିଲେ ।ତେବେ ପୋଲିସ ଶବ କୁ ଜବତ କରିବା ସହ ଶବ ବ୍ୟବଛେଦ ପାଇଁ ବଲାଙ୍ଗୀର କୁ ପଠାଇଛି । ଅନ୍ୟ ପଟେ ଉକ୍ତ ଘଟଣା ରେ ପୋଲିସ ଜଣକୁ ଅଟକ ରଖିଥିବା ସୂଚନା ମିଳିଛି ।