ଜଳ ବାୟୁର ହଠାତ ପରିବର୍ତ୍ତନ ଏମିତି ହେଲା ଯେ ଯେ ଲୋକମାନେ ଜାନୁଆରୀରୁ ଗରମ ହେବାର ଅନୁଭବ କରିବା ଆରମ୍ଭ କରି ସାରିଲେଣି । ଫେବୃଆରୀ ମାସରେ ଶୀତ ହ୍ରାସ ପାଇବାବେଳେ ଲୋକମାନେ ଏପ୍ରିଲର ଗରମ ଅନୁଭବ କରୁଛନ୍ତି । ପାଣିପାଗର ଏହି ପରିବର୍ତ୍ତନ ପକ୍ଷୀମାନଙ୍କ ପାଇଁ ମଧ୍ୟ ଏକ ସମସ୍ୟା ପାଲଟିଛି । ଓଡ଼ିଶାରେ ଯେଉଁଠି ଶୀତ ଋତୁରେ ପକ୍ଷୀମାନଙ୍କର କିଚିରିମିଚିରି ଶବ୍ଦ ଶୁଣିବାକୁ ମିଳୁଥିଲା ତାହା ଏବେ ପୁରା ଶାନ୍ତ ପଡିଛି । ତାପମାତ୍ରା ବୃଦ୍ଧି ହେତୁ ପ୍ରବାସୀ ପକ୍ଷୀମାନେ ସମୟ ପୂର୍ବରୁ ସ୍ଥାନାନ୍ତରିତ ହେଉଛନ୍ତି । ଏହି ପକ୍ଷୀମାନେ ସାଧାରଣତ ନଭେମ୍ବରରେ ୟୁରୋପ ଏବଂ ମଧ୍ୟ ଏସିଆରୁ ଏଠାକୁ ଆସନ୍ତି ଏବଂ ମାର୍ଚ୍ଚ ପର୍ଯ୍ୟନ୍ତ ରୁହନ୍ତି, କିନ୍ତୁ ଏଥର ଫେବୃଆରୀ ଆରମ୍ଭରେ ସର୍ବାଧିକ ତାପମାତ୍ରା ୨୦ ଡିଗ୍ରୀ ସେଲସିୟସ ଅତିକ୍ରମ କରିସାରିଛି, ଯାହାକି ଏହି ସମୟରେ ସର୍ବନିମ୍ନ ତାପମାତ୍ରା ପ୍ରାୟ ୧୦ ଡିଗ୍ରୀ ସେଲସିୟସ ପାଖାପାଖି ରହିଥାଏ ।