ପଶ୍ଚିମବଙ୍ଗକୁ ଚାଲାଣ ହେଉଛି ଓଡ଼ିଶା ଧାନ । ଯୋଗାଣ ବିଭାଗର ଚଢ଼ାଉରେ ୯ ଶହ କୁଇଣ୍ଟାଲ ଧାନ ଜବତ । ପଶ୍ଚିମବଙ୍ଗକୁ ଓଡ଼ିଶାରୁ ଚୋରା ଧାନ ଚାଲାଣ ହେଉଥିବା ନେଇ ଅଭିଯୋଗ ପରେ ଜିଲ୍ଲା ଯୋଗାଣ ବିଭାଗ ପକ୍ଷରୁ ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି। ପଡୋଶୀ ପଶ୍ଚିମବଙ୍ଗରୁ ଓଡିଶା ଭିତରକୁ ଧାନ ଚୋରା ଚାଲାଣ ହେଉଥିଲା ବେଳେ ଖବର ପାଇ ମାଡି ବସିଛି ଜିଲ୍ଲା ଯୋଗାଣ ବିଭାଗ । ସୂଚନା ଅନୁସାରେ, ଧାନ ଚୋରା ଚାଲାଣ ହେଉଥିବା ଖବର ପାଇ ଯୋଗାଣ ବିଭାଗର ଟିମ୍ ଲକ୍ଷ୍ମଣନାଥ ଟୋଲ ଗେଟ ନିକଟରେ ନଜର ରଖିଥିଲେ। ସନ୍ଦେହଜନକ ଟ୍ରକକୁ ଅଟକାଇ ତଲାଶି ନେବା ପରେ ଆନୁମାନିକ ୯ ଶହ କୁଇଣ୍ଟାଲରୁ ଅଧିକ ଧାନ ଜବତ କରାଯାଇଛି । ଧାନ ଚାଲାଣ ସମ୍ପର୍କରେ କୌଣସି ବୈଧ କାଗଜପତ୍ର ଦେଖାଇ ପାରିନଥିବାରୁ ଟ୍ରକ ସହ ସମସ୍ତ ଧାନକୁ ଜବତ କରାଯାଇଛି। ଏହି ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରହିଥିବା ସହ ଚୋରା ଚାଲାଣ ପଛରେ ଥିବା ଚକ୍ରକୁ ଧରିବାକୁ ପ୍ରୟାସ ଜାରି ରହିଛି।