ସୁବର୍ଣ୍ଣରେଖା ବନ୍ଦରରେ ନିଯୁକ୍ତି ଆଳରେ ଟାଟା କମ୍ପାନୀ ଉପରେ ଲାଗିଲା ଠକେଇ ଅଭିଯୋଗ । କମ୍ପାନୀର ଚାକିରୀ ନାଁରେ ଖର୍ଚ୍ଚାନ୍ତରେ ପଡିଲେ ଜମିହରାଙ୍କ ପରିବାର । ଆରମ୍ଭରୁ ବିବାଦ ଭିତରେ ଛନ୍ଦି ହୋଇପଡ଼ିଥିବା ସୁବର୍ଣ୍ଣରେଖା ବନ୍ଦର ନାଁ ରେ ଆସିଲା ପୁଣି ଏକ ସଙ୍ଗୀନ ଅଭିଯୋଗ। ସୂଚନାଯୋଗ୍ୟ ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକ ଅଧିନସ୍ଥ ଚୌମୁଖ ଠାରେ ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର କାର୍ଯ୍ୟ ଦୀର୍ଘ ଦିନରୁ ଚାଲୁଅଛି । ସୁବର୍ଣ୍ଣରେଖା ବନ୍ଦରରେ ସ୍ଥାନୀୟ ନିଯୁକ୍ତି ଆଳରେ ଜେ.ଏନ.ଟି.ଭି.ଟି.ଆଇ(JNTVTI) ତାଲିମ ସାଜିଲା ଏକ ପ୍ରହସନ । ଜମିହରାଙ୍କ ଜମି ଅଧିଗ୍ରହଣ ପରେ ବନ୍ଦରରେ ଚାକିରି ର ପ୍ରଲୋଭନ ଦେଖାଇ ଅର୍ଥ ଶୋଷଣ କରୁଥିବା ହୋଇଛି ଅଭିଯୋଗ । ଦିନକୁ ଦିନ ବନ୍ଦରରେ ଛଟେଇ କର୍ମଚାରୀଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଏଭଳି ନିଯୁକ୍ତି ନାଁରେ ପ୍ରହସନ ସ୍ଥାନୀୟ ବେକାରୀ ଯୁବକ ଯୁବତୀ ମାନଙ୍କ ମଧ୍ୟରେ କମ୍ପାନୀ ପ୍ରତି ଅସନ୍ତୋଷର ମାତ୍ରା ବଢିବାରେ ଲାଗିଛି। ଜମିହରା ପରିବାର ସଦସ୍ୟ JNTVTI ତାଲିମ ପରେ ନିଯୁକ୍ତି ନ ପାଇ ସୁବର୍ଣ୍ଣରେଖା ବନ୍ଦର କତୃପକ୍ଷଙ୍କ ସହ ବାରମ୍ବାର ଆଲୋଚନାରେ ବିଫଳ ହେବା ପରେ, ଆଜି ୩୦ରୁ ଉର୍ଦ୍ଧ ତାଲିମପ୍ରାପ୍ତ ବେକାର ଯୁବକ ଯୁବତୀ ବାଲିଆପାଳ ବ୍ଲକ ପରିସରରେ ଅନୁଷ୍ଠିତ ଜନଶୁଣାଣିରେ ଅତିରିକ୍ତ ଜିଲ୍ଲାପାଳଙ୍କୁ ଦାବୀପତ୍ର ଦେଇଥିଲେ। ଜମିହରାଙ୍କ ପାଇଁ ମାଗଣା ତାଲିମ କହି ନିଆଯାଇଥିବା ଅର୍ଥରାଶିକୁ ଫେରେଇବା ପାଇଁ ସରକାରଙ୍କୁ ମଧ୍ୟ ନିବେଦନ କରିଛନ୍ତି