କ୍ରିକେଟରେ ପ୍ରତ୍ୟକ ଦିନ ରେକର୍ଡ ତିଆରି ହେଉଛି ଆଉ ଭିଙ୍ଗୁଛି ମଧ୍ୟ । ଏମିତି ଏକ ବିରଳ ରେକର୍ଡର ନିକଟତ ହୋଇଛନ୍ତି ଭାରତର ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲି । କୋହଲି ଏହି ରେକର୍ଡ ପାଇଁ ଆଉ ମାତ୍ର ଦୁଇ ପାଦ ପଛରେ ଅଛନ୍ତି । ଏମିତି ହେଲେ କୋହଲି ଦିନିକିଆ କ୍ରିକେଟରେ ସବୁଠୁ ଅଧିକ ଶତକ ହାସଲ କରିଥିବା ଖେଳାଳୀ ପାଲଟିଯିବେ ।
ସମସ୍ତେ ଜାଣନ୍ତି ଭାରତର କିମ୍ବଦନ୍ତୀ ଖେଳାଳୀ ସଚିନ ତେନ୍ଦୁଲକରଙ୍କୁ କ୍ରିକେଟର ଭଗବାନ ବୋଲି କୁହାଯାଏ । କାରଣ ତାଙ୍କ ନାଁରେ ଟେଷ୍ଟ ଏବଂ ଦିନିକିଆରେ ସବୁଠୁ ଅଧିକ ଶତକ ସହ ଉଭୟ ଫର୍ମାଟରେ ସବୁଠୁ ଅଧିକ ରନର ମଧ୍ୟ ରେକର୍ଡ ରହିଛି । ସଚନ ଟେଷ୍ଟରେ ୫୧ଟି ଏବଂ ଦିନିକଆରେ ୪୯ଟି ଶତକ ହାସଲ କରିଛନ୍ତି । ଯାହାକୁ କେହି କେବେ ଛୂଇଁବା ସମ୍ଭବ ନୁହେଁ ବୋଲି ଚର୍ଚ୍ଚା ଚାଲିଥିଲା । ହେଲେ ଏବେ ତାହା ଭାଙ୍ଗିବାକୁ ଯାଉଛନ୍ତି ଷ୍ଟାର କ୍ରିକେଟର ବିରାଟ କୋହଲି । ଆଉ ଏହାକୁ ନେଇ ଭାରତର ପୂର୍ବତନ ଅଧିନାୟକ ସୁନୀଲ ଗାଭାସ୍କର ମଧ୍ୟ ଭବିଷ୍ୟବାଣୀ କରିଛନ୍ତି । ସେ କହିଛନ୍ତି ଆସନ୍ତା ନଭେମ୍ବର ୫ ତାରିଖରେ ବିରାଟ କୋହଲିଙ୍କ ଜନ୍ମଦିନ। ଆଉ ଏହା ହିଁ ସବୁ ରେକର୍ଡ ଭାଙ୍ଗିବାର ପ୍ରକୃତ ସମୟ । ସେ ଆହୁରି କହିଛନ୍ତି, ବିରାଟ କୋହଲି ନିଜର ୫୦ତମ ଦିନିକିଆ ଶତକ ଇଡେନ ଗାର୍ଡେନରେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ ହାସଲ କରିବେ । କିଛି ଏଭଳି ହେବ ବୋଲି ମୋତେ ଲାଗୁଛି ।
ଜନ୍ମଦିନରେ ୫୦ତମ ଦିନିକିଆ ଶତକ ହାସଲ କଲେ କୋହଲି ସଚିନଙ୍କ ଶତକ ରେକର୍ଡ ଭାଙ୍ଗିବେ । ଏବେ କୋହଲିଙ୍କର ଦିନିକିଆରେ ୪୮ଟି ଶତକ ଥିବା ବେଳେ ସଚିନଙ୍କର ରହିଛି ୫୦ ଶତକ । ତେଣୁ ବିରାଟଙ୍କ ପାଖେ ଦିନିକିଆରେ ସଚିନଙ୍କ ଶତକ ରେକର୍ଡ ଭାଙ୍ଗିବାର ସୁଯୋଗ ରହିଛି । ହେଲେ ଅନ୍ତର୍ଜାତୀୟ କ୍ରିକେଟର ଉଭୟ ଫର୍ମାଟରେ ସଚିନ ୧୦୦ଟି ଶତକ ହାସଲ କରିଛନ୍ତି । ଯାହାର ଅନେକ ପଛରେ ଅଛନ୍ତି କୋହଲି । ତେଣୁ, ସୁନିଲ ଗାଭାସ୍କରଙ୍କ ଭବିଷ୍ୟବାଣୀ ସତ ହେବ ବୋଲି କ୍ରିକେଟ ପ୍ରେମୀ ଆଶା ବାନ୍ଧି ବସିଛନ୍ତି ।
ଚଳିତ ଦିନିକିଆ ବିଶ୍ୱକପରେ କୋହଲି ଦମଦାର ଫର୍ମରେ ରହିଛନ୍ତି । ୫ଟି ମ୍ୟାଚରୁ ଗୋଟିଏ ଶତକ ଓ ୩ଟି ଅର୍ଦ୍ଧଶତକ ସହ କୋହଲି ୩୫୪ ରନ୍ କରିଛନ୍ତି । କୋହଲି ବାଂଲାଦେଶ ବିପକ୍ଷରେ ଶତକ ହାସଲ କରିଥିବା ବେଳେ ନ୍ୟୁଜିଲାଣ୍ଡ ବିପକ୍ଷରେ ଶତକରୁ ଅଳ୍ପକେ ବଞ୍ଚିତ ହୋଇଥିଲେ । ଆସନ୍ତା ୨୯ରେ ହେବାକୁ ଥିବା ଇଂଲଣ୍ଡ ବିପକ୍ଷ ମ୍ୟାଚରେ କୋହଲି ଆଉ ଏକ ଶତକ ମାରିବେ ବୋଲି ଆଶା କରିଛନ୍ତି କ୍ରିକେଟପ୍ରେମୀ । ଆସନ୍ତା ନଭେମ୍ବର ୨ରେ ଶ୍ରୀଲଙ୍କା ଓ ୫ରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବ ଟିମ୍ ଇଣ୍ଡିଆ ।