ଯାଜପୁର ସଂସ୍କୃତି ଭବନ ପରିସରରେ ଧାମରା ରେଳପଥ ସଂଗ୍ରାମ ସମିତି ପକ୍ଷରୁ ଏକ ଗଣ ସମ୍ମିଳନୀ ଅନୁଷ୍ଠିତ ହୋଇଯାଇଛି। ସନ୍ତୋଷ ନନ୍ଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଗଣ ସମ୍ମିଳନୀରେ ପୂର୍ବତନ ସାଂସଦ ରାମ ଚନ୍ଦ୍ର ଖୁଣ୍ଟିଆ , ସିପିଆଇ ଏମ ନେତା ପ୍ରଫୁଲ୍ଲ ନାୟକଙ୍କ ସମେତ ଜିଲ୍ଲାର ବିଭିନ୍ନ କୋଣ ଅନୁକୋଣରୁ ଆସିଥିବା ପ୍ରତିନିଧି ମାନେ କେନ୍ଦ୍ର ସରକାରଙ୍କ ପକ୍ଷରୁ ରେଳ ପ୍ରକଳ୍ପର ଚୂଡାନ୍ତ ସର୍ଭେ ମଞ୍ଜୁରୀ ଦେଇଥିବାରୁ ଧନ୍ୟବାଦ ଦେଇଥିଲେ। ଏଥି ସହିତ ଚୂଡାନ୍ତ ସର୍ଭେ କରି ପ୍ରକଳ୍ପ କୁ ମଞ୍ଜୁରୀ ଦେବାକୁ ଦାବି କରିବା ସହ ବିଭିନ୍ନ ଅଞ୍ଚଳ ରେ କମିଟି ମାନ ଗଠନ କରି ଅଧିକ ଲୋକଙ୍କୁ ଏଥିରେ ସାମିଲ କରିବାକୁ ନିଷ୍ପତ୍ତି ହୋଇଥିଲା। ଆବଶ୍ୟକ ପଡ଼ିଲେ ଆନ୍ଦୋଳନ କୁ ତୀବ୍ରତର କରାଯିବ ବୋଲି ଚେତାବନୀ ଦିଆଯାଇଥିଲା।