ଧାମରା ପୋଲିସକୁ ମିଳିଛି ବଡ ସଫଳତା । ଏକ ୬ଜଣିଆ ଲୁଟେରା ଗ୍ୟାଙ୍ଗଙ୍କୁ ଧରି କୋର୍ଟ ଚାଲାଣ କରିବାରେ ସଫଳ ହୋଇଛି। ଦୀର୍ଘ ଦିନ ଧରି ଧାମରା ବଜାରରୁ ବିଭିନ୍ନ ଦୋକାନ ଗୃହ ,ମନ୍ଦିର ହୁଣ୍ଡି, ବିଦ୍ୟାଳୟରୁ ଏଲିଡ଼ ଏବଂ ମାଛଧରା ବୋଟରୁ ବିଭିନ୍ନ ସାମଗ୍ରୀ ଚୋରି ହେଉଥିବା ଅଭିଯୋଗ ହୋଇଆସୁଥିଲା । ଆଉ ଏହି ଘଟଣା ପୋଲିସ ମୁଣ୍ଡବଥାର କାରଣ ସାଜିଥିଲା । ଏହି ଚୋରଙ୍କୁ ଧରିବା ପାଇଁ ଧାମରା ଥାନା ଅଧିକାରୀ ଶୋଭନ କୁମାର ସ୍ୱାଇଁ ଏବଂ ଧାମରା ସାମୁଦ୍ରିକ ଥାନା ଅଧିକାରୀ କୃଷ୍ଣ ଚନ୍ଦ୍ର ଯାନିଙ୍କ ପାଇଁ ଏକ ଚ୍ୟାଲେଞ୍ଜ ହୋଇଥିଲା । ଗତ ଗୁରୁବାର ରାତିରେ ଏହି ଡକାୟତି ଦଳ ଚନ୍ଦନୀପାଳର ଏକ ମାଛଧାରା ବୋଟରୁ ଚୋରି କରୁଥିବାର ଖବର ପାଇ ଧାମରା ଥାନା ଅଧିକାରୀ ଟିମ ସହିତ ପହଞ୍ଚି ଗ୍ୟାଙ୍ଗ କୁ କାବୁ କରିବାରେ ସଫଳ ହୋଇଥିଲା । ଦୁଇ ଥାନାର ମିଳିତ ପ୍ରୟାସରେ ସେମାନଙ୍କ ପାଖରୁ ବିଭିନ୍ନ ଚୋରିସାମଗ୍ରୀ ଜବତ କରିବା ସହ ୬ ଜଣଙ୍କୁ କୋର୍ଟ ଚାଲାଣ କରିଛି ଧାମରା ପୋଲିସ।