ପୋଲିସକୁ ଅପରାଧୀଙ୍କ ଖୋଲା ଚାଲେଞ୍ଜ। ବାଲେଶ୍ବର କମର୍ଦା ବାଲିଆପାଳ ରାସ୍ତା ଉପରେ ଟ୍ରକ୍ ଡ୍ରାଇଭରଙ୍କୁ ମାଡ ମାରିବା ସହ ଟଙ୍କା ଲୁଟିନେଇଛନ୍ତି ଦୁର୍ବୃତ୍ତ। ସୂଚନା ମୁତାବକ, ବାଲେଶ୍ଵର ଜିଲ୍ଲାର ଜଳେଶ୍ବର ଥାନା ଅଧୀନ ବାଲିଆପାଳ ମୁକାମରୁ ଚିସ୍ପ ଆଣିବା ପାଇଁ ବାଗୁଡ଼ିକୁ ଯାଉଥିଲା ଟ୍ରକ୍। ରାତିରେ କୁହୁଡି ପାଇଁ ଟ୍ରକ ଡ୍ରାଇଭର ଗାଡିକୁ ବାଇଗଣବାଡ଼ିଆ ପଞ୍ଚାୟତର କାଳିକାପୁର ରାସ୍ତାରେ ରଖିଥିଲେ। ରାତି ପ୍ରାୟ ୧୨ଟାରେ ଛଅଜଣ ଦୁର୍ବୃତ୍ତ ଗାଡି ନିକଟକୁ ଆସି କାଚ କଳକୁ କରିବାକୁ କହିଥିଲେ। ସେ କାଚ ତଳକୁ କରିବାରୁ ତାଙ୍କୁ ବଟି ବାବଦକୁ ଏକ ଲକ୍ଷ ଟଙ୍କା ମାଗିଥିଲେ। ଡ୍ରାଇଭର ବଟି ଦେବାକୁ ମନା କରିବାରୁ କିଛି ଯୁବକ ଟ୍ରାକର କାଚ ଭାଙ୍ଗିବା ସହ ତାଙ୍କୁ ଗାଡିରୁ ବାହାର କରି ମାଡ ମାରିଥିଲେ. ଏଥିରେ ତାଙ୍କ ପୋଷାକ ଚିରି ଯାଇଛି। ଏଥିସହ ତାଙ୍କ ପର୍ସ, ମୋବାଇଲ ଛଡାଇ ନେଇଛନ୍ତି। ଦୁର୍ବୃତ୍ତମାନେ ତାଙ୍କୁ ଲୁହା ରଡରେ ଆହୁରି ମାଡ ମାରିବାରୁ ସେ ଭୟରେ ଚିତ୍କାର କରିଥିଲେ। ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ସେଠାରେ ପହଞ୍ଚିବାରୁ ଦୁର୍ବୃତ୍ତମାନେ ସେଠାରୁ ଛତ୍ରଭଙ୍ଗ ଦେଇଥିଲେ।
ଏନେଇ ଆକ୍ରମଣର ଶିକାର ଶିକାର ଡ୍ରାଇଭର ଲାମ୍ଫ ପାଣ୍ଡିରେ ଏତାଲା ଦେଇଥିଲେ । ଫାଣ୍ଡି ଅଧିକାରୀ ଘଟଣାର ତଦନ୍ତ ଜାରି ରଖିଥିବା ସୂଚନା ରହିଛି।