ଯାଜପୁର ଦଶରଥପୁର ବ୍ଳକ ଦତ୍ତପୁର ପଂଚାୟତରେ ଧସିଲା ନଦୀବନ୍ଧ। ଦତ୍ତପୁର ଦେଇ ପ୍ରବାହିତ ବୈତରଣୀ ନଦୀବନ୍ଧ ଧସି ଅତଡା ଖସିବା ନେଇ ଗ୍ରାମବାସୀ ମାନେ ଆତଙ୍କିତ ଅଛନ୍ତି। ଦତ୍ତପୁର ପଂଚାୟତ ତାରିଣୀ ମନ୍ଦିର ଠାରୁ ଡଙ୍ଗାଘାଟ ସଂଯୋଗ କରୁଥିବା ନଦୀବନ୍ଧ ପ୍ରାୟ ୧୦୦ଫୁଟ ଲମ୍ବର ଧସି ନଦୀ ଗର୍ଭରେ ଲୀନ ହୋଇଛି।ବୈତରଣୀରେ ଆସିଥିବା
ପ୍ରଥମ ବନ୍ୟାରେ କୌଣସି ନଦୀବନ୍ଧ ଭାଙ୍ଗି ନଥିବା ବେଳେ ବନ୍ୟାଜଳ ହ୍ରାସ ପାଇବା ପରେ ଆଜି ନଦୀବନ୍ଧ ଧସିଥିବାର ଚିତ୍ର ସାମ୍ନାକୁ ଆସିଛି। ପ୍ରତିବର୍ଷ ଠିକାଦାର ଓ ବିଭାଗୀୟ ଅଧିକାରୀଙ୍କ ମଧୁଚନ୍ଦ୍ରିକାରେ ମରାମତି ନାମରେ କୋଟି କୋଟି ଟଙ୍କା ହଡପ ହେଉଥିବା ଅଞ୍ଚଳବାସୀ ଅଭିଯୋଗ କରିଛନ୍ତି।ଏଥି ସହ ପଂଚାୟତର ବିଭିନ୍ନ ସ୍ଥାନରେ ମଧ୍ୟ ନଦୀବନ୍ଧରେ ଫାଟ ସୃଷ୍ଟି ହୋଇଛି।
ଯାହାକୁ ନେଇ ଲୋକମାନେ ଭୟଭୀତ ହୋଇଛନ୍ତି। ବର୍ତ୍ତମାନ ବନ୍ଧର ଅବସ୍ଥା ଯାହା ଅଛି ଯଦି ପୁଣି ବନ୍ୟା ଆସେ ନିଶ୍ଚିତ ଘାଇ ସୃଷ୍ଟି ହେବାର ଆଶଙ୍କା ଦେଖା ଦେଇଛି। ତୁରନ୍ତ ନଦୀବନ୍ଧର ମରାମତି କାର୍ଯ୍ୟ କରିବାକୁ ସ୍ଥାନୀୟ ଗ୍ରାମବାସୀ ଦାବି କରିଛନ୍ତି। ସେପଟେ ବନ୍ୟା ଆସିବା ପୂର୍ବରୁ ଜଳସଂପଦ ବିଭାଗ ପକ୍ଷରୁ ଆଗୁଆ ପଦକ୍ଷେପ ଅଭାବରୁ ଏଭଳି ହୋଇଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି।