କନ୍ଧମାଳ ଜିଲ୍ଲା ଟିକାବାଲି ବ୍ଲକ ପାବୁରିଆ ଠାରେ କଂଗ୍ରେସ ପକ୍ଷରୁ ଘରେ ଘରେ କଂଗ୍ରେସ ଘରେ ଘରେ ହାତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବରିଷ୍ଠ କଂଗ୍ରେସ ନେତା ପ୍ରତାପ ପ୍ରଧାନ,ପୂର୍ବତନ ବିଧାୟକ ଅଜୟ ପ୍ରଧାନଙ୍କ ସମତେ ଜିଲ୍ଲା ସ୍ତରୀୟ ନେତୃବୃନ୍ଦ ଓ ବ୍ଲକ ସ୍ତରୀୟ ନେତୃବୃନ୍ଦ କାର୍ଯ୍ୟକ୍ରମରେ ଯୋଗଦେଇ ଲୋକଙ୍କୁ କଂଗ୍ରେସର ଗୁରୁତ୍ବ ବୁଝାଇବା ସହ ଦେଶ ତଥା ରାଜ୍ୟରେ ସୁଶାସନ ଆଣିବାକୁ କଂଗ୍ରେସ ହିଁ ଏକମାତ୍ର ବିକଳ୍ପ ବୋଲି ପ୍ରବର୍ତ୍ତାଇଥିଲେ। ଏକ ବିଶାଳ ରାଲିରେ ବହୁ ସଂଖ୍ୟକ କଂଗ୍ରେକ କର୍ମକର୍ତ୍ତା ବାହାରି ବିଜେପି ଓ ବିଜେଡ଼ି ସରକାର ବିରୋଧରେ ସ୍ଲୋଗାନ ଦେଇଥିଲେ। କେନ୍ଦ୍ର ସରକାରଙ୍କ ଟାଳଟୁଳ ନୀତି ଓ ରାଜ୍ୟ ସରକାରଙ୍କ ବିଭିନ୍ନ ଦୁର୍ନୀତି ବିରୋଧରେ ସ୍ଲୋଗାନ ଦେଇଥିଲେ। ଆଗାମୀ ନିର୍ବାଚନରେ କଂଗ୍ରେସ ଦଳକୁ ସହଯୋଗ କରିବା ପାଇଁ ଅନୁରୋଧ କରିଥିଲେ। ଏହି ରାଲିରେ ଆଦିବାସୀଙ୍କ ପାରମ୍ପରିକ ବାଦ୍ୟର ତାଳେ ତାଳେ କଂଗ୍ରେସ କର୍ମୀ ନାଚି ନାଚି ସହର ପରିକ୍ରମା କରିଥିଲେ। କଂଗେସର ଗଡ କୁହାଯାଉଥିବା କନ୍ଧମାଳ ଜିଲ୍ଲାରେ ପୁଣି କଂଗ୍ରେସକୁ ଜିତାଇବାକୁ ଅନୁରୋଧ କରିଥିଲେ ନେତୃବୃନ୍ଦ। ଏହି ପରି କାର୍ଯ୍ୟକ୍ରମ ଜିଲ୍ଲା ର ସାରଙ୍ଗଗଡ,ଜି ଉଦୟଗିରି,ବାଲିଗୁଡା,ଟିକାବାଲି ଆଦି ବିଭିନ୍ନ ବ୍ଲକରେ ଅନୁଷ୍ଠିତ ହୋଇଥିଲା।