ଗ୍ରୋସରୀ ଦୋକାନରେ କଳା କନା ବୁଲାଇଲା ଚୋର । ଏଭଳି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ନନ୍ଦପୁର ପଞ୍ଚାୟତ ପାରିନୂଆଗାଁ ଛକ ନିକଟରେ ।
ସୁଚନା ଅନୁଯାୟୀ ପାରିନୂଆଗାଁ ଛକ ନିକଟରେ ଥିବା ଏକ ଗ୍ରୋସରୀ ଦୋକାନରୁ ବିଳମ୍ବିତ ରାତ୍ରିରେ ଚୋରି ହୋଇଛି । ଦୋଳମୁଣ୍ଡେଇ ଗ୍ରାମର ଦେବାଶିଷ ବିଶ୍ୱାଳ ଦୁଇ ବର୍ଷ ହେଲା ପାରିନୁଆଗାଁ ଛକ ନିକଟରେ ଦୋକାନ କରିଥିଲେ । ତେବେ ଆଜି ସକାଳେ ସୋ ଦୋକାନ ଆସି ଦେଖନ୍ତି ତ ଦୋକାନ ଘର ମୂଖ୍ୟ କବାଟ ତାଲା ଭାଙ୍ଗି ଲାପଟପ ସହ ପାଞ୍ଚ ହଜାର ଟଙ୍କାରୁ ଉର୍ଦ୍ଧ ଏବଂ କିଛି ଦୋକାନ ସାମଗ୍ରୀ ଲୁଟ୍ ହୋଇଥିବା ଦୋକାନୀ ମାଲିକ ଅଭିଯୋଗ କରିଛନ୍ତି ।
ଦୋକାନରେ ଲାଗିଥିବା ସିସିଟିଭିରୁ ଚୋରି ସମୟର କିଛି ଫୁଟେଜ ମିଳିଥିବା କହିଛନ୍ତି ଦୋକାନ ମାଲିକ। ତେବେ ଏନେଇ ଦୋକାନ ମାଲିକ ଦେବାଶିଷ ବାଣପୁର ଥାନାରେ ଏକ ଲିଖିତ ଅଭିଯୋଗ ଦେବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ସିସିଟିଭି ରେ କଏଦ ହୋଇଥିବା ଫୁଟେଜ କୁ ଅନୁସନ୍ଧାନ କରି ତଦନ୍ତ ଜାରୀ ରଖିଛି ।