ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଅଧୀନ ମହାଗବରେ ସିରିଜ ଲୁଟ। ଶନିବାର ବିଳମ୍ବିତ ରାତିରେ ତିନୋଟି ମନ୍ଦିରର ତାଲା ଭାଙ୍ଗି ଲକ୍ଷାଧିକ ଟଙ୍କାର ସୁନା ଅଳଙ୍କାର ସହ ଆସବାବ ପତ୍ର ଲୁଟିନେଲେ ଦୁର୍ବୃତ୍ତ।
ସୂଚନା ଅନୁଯାୟୀ କମର୍ଦ୍ଦା ଥାନା ଅଧୀନ ମହାଗବ ଅଞ୍ଚଳରେ ଥିବା ବାସୁଳୀ ମନ୍ଦିର , ତାରିଣୀ ମନ୍ଦିର ଏବଂ ମଙ୍ଗଳା ମନ୍ଦିରର ତାଲା ଭାଙ୍ଗି ଦୁର୍ବୃତ୍ତମାନେ ବହୁ ସୁନା ଅଳଙ୍କାର ସହ ଆସବାବପତ୍ର ଲୁଟ କରିନେଇଛନ୍ତି। ରବିବାର ସକାଳେ ମନ୍ଦିର ସବୁର ପୂଜକ ଆସି ଦେଖନ୍ତି ମନ୍ଦିର ସବୁର ଫାଟକ ଖୋଲା ରହିଛି। ଫାଟକରେ ଲାଗିଥିବା ତାଲା ଭାଙ୍ଗି ତଳେ ପଡିଛି। ଏହା ଦେଖି ପୂଜକ ଗ୍ରାମବାସୀଙ୍କୁ ଅବଗତ କରିଥିଲେ। ସଙ୍ଗେ ସଙ୍ଗେ ଏହି ଖବର ଚାରିଆଡେ ରାଷ୍ଟ୍ର ହୋଇଯାଇଥିଲା। ମନ୍ଦିରକୁ ଛୁଟିଥିଲା ଲୋକଙ୍କ ସୁଅ। ସୂଚନା ପାଇ କମର୍ଦ୍ଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।