ଭାରତରେ ପ୍ରତିବନ୍ଧିତ ସଂଗଠନ ଶିଖ୍ ଫର୍ ଜଷ୍ଟିସ୍ (SFJ)ର ମୁଖ୍ୟ ଗୁରୁପତୱନ୍ତ ସିଂହ ପନ୍ନୁ ପୁଣି ଥରେ ବିଷ ଉଗାଳିଛି । ଦିଲ୍ଲୀର ଆଇଏସବିଟି ଅଞ୍ଚଳରେ ଓଭରବ୍ରିଜ୍ କାନ୍ଥରେ ଖଲିସ୍ତାନୀ ସମର୍ଥକ ନାରା ଲେଖିଥିବା ବେଳେ ଦିଲ୍ଲୀ ପୋଲିସ ଏତଲା ରୁଜୁ କରି ତଦନ୍ତ ଆରମ୍ଭ କରିଛି । ପନ୍ନୁ ଏକ ଭିଡିଓ ଜାରି କରିଛି । ଅଗଷ୍ଟ ୧୫ ଓ ଜି୨୦ ପୂର୍ବରୁ ପନ୍ନୁଙ୍କ ସମର୍ଥକ ଦିଲ୍ଲୀରେ ଭାରତ ବିରୋଧୀ ସ୍ଲୋଗାନ୍ ଲେଖିଥିଲେ । ଉକ୍ତ ମାମଲାରେ ପୋଲିସ ଖଲିସ୍ତାନୀ ସମର୍ଥକଙ୍କୁ ଗିରଫ କରିଥିଲା । ଏବେ ଓଭରବ୍ରିଜରେ ଖଲିସ୍ତାନୀ ନାରା ଲେଖାଯିବା ପରେ ପୋଲିସ ତଦନ୍ତ ଆରମ୍ଭ କରିଛି । ପନ୍ନୁ ପୁଣି ଭିଡିଓ ଜାରି କରି ଧମକ ଦେବା ପୋଲିସକୁ ଚିନ୍ତାରେ ପକାଇଛି ।