ବର୍ତମାନର ଦୁନିଆର ମଣିଷମାନେ ନିଜର ଭବିଷ୍ୟତ ଅପେକ୍ଷା ରିଲେସନସିପକୁ ଅଧିକ ଗୁରୁତ୍ବ ଦେଉଛନ୍ତି । ବିଶେଷକରି ସ୍ୱାମୀ-ସ୍ତ୍ରୀ ଏବଂ ପ୍ରେମିକା-ପ୍ରେମିକ ପରି ଘନିଷ୍ଠ ସମ୍ପର୍କରେ ଯେତିକି ପ୍ରେମ ରହିଛି, ସେତିକି ଝଗଡ଼ା-ଲଢ଼େଇ ମଧ୍ୟ ରହିଛି ।ଦୁଇ ଜଣଙ୍କ ମଧ୍ୟରେ ସମ୍ପର୍କ ଯାହା ବି ହୋଇପାରେ, ଏହାକୁ ବଜାୟ ରଖିବା ପାଇଁ ଅନେକ ପ୍ରୟାସ କରିବାକୁ ପଡେ। ଏହି କାରଣରୁ ଲୋକମାନେ ବେଳେବେଳେ ବିରକ୍ତ ହୁଅନ୍ତି । ଭାବନ୍ତୁୁ ଯଦି ଏପରି ସାଥୀ ମିଳିଯାଏ, ଯିଏ ଆପଣଙ୍କୁ ପରାମର୍ଶ ଦେଉଥିବେ କିନ୍ତୁ ଯୁକ୍ତି କରୁନଥିବେ, ତେବେ କେତେ ଭଲ ହେବ ।
ଅନେକ ଥର ଲୋକମାନେ ସଂପର୍କରେ ଦୈନନ୍ଦିନ ଝଗଡାରେ ଥକି ଯାଆନ୍ତି ଏବଂ ଭାବନ୍ତି ଯେ ସେମାନଙ୍କୁ ନିଜ ପସନ୍ଦ ଅନୁଯାୟୀ ସାଥୀ ମିଳିଯାଉ । ବର୍ତ୍ତମାନ ମଣିଷକୁ ଡିଜାଇନ୍ ତ’ କରାଯାଇପାରିବ ନାହିଁ କିନ୍ତୁ ସେମାନଙ୍କର ଭର୍ଚୁଆଲ୍ ଭର୍ଜନ ନିଶ୍ଚିତ ଭାବରେ ଆବଶ୍ୟକତା ଅନୁଯାୟୀ ପ୍ରସ୍ତୁତ ହୋଇପାରିବ । ଏହି କାରଣ ହେଉଛି ଆଜିକାଲି ଲୋକମାନେ ଗର୍ଲଫ୍ରେଣ୍ଡ ଭାବରେ ଆର୍ଟିଫିସିଆଲ ଇଣ୍ଟେଲିଜେନ୍ସି ଆଡକୁ ଯାଉଛନ୍ତି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ମଣିଷ ବଦଳରେ ସେମାନେ କୃତ୍ରିମ ଇଣ୍ଟେଲିଜେନ୍ସରେ ନିର୍ମିତ ପାର୍ଟନର ଏବଂ ବନ୍ଧୁମାନଙ୍କୁ ପସନ୍ଦ କରନ୍ତି ।
ବର୍ତ୍ତମାନ ବଜାରରେ ଏମିତି ଅନେକ ଆପ ଅଛି, ଯାହା ମାସକୁ ୬୦୦୦ ହଜାର ଟଙ୍କାରେ ଭର୍ଚୁଆଲ୍ ଗର୍ଲଫ୍ରେଣ୍ଡ ଯୋଗାଇଦେଉଛି । ଋଷିଆର ବ୍ୟବସାୟୀ ଇଉଜେନିଆ କୁଇଡା ୨୦୧୭ରେ ରେପ୍ଲିକା ନାମକ ଆପ୍ ଲଞ୍ଚ କରି କହିଛନ୍ତି ଯେ, ଯେଉଁମାନେ ବିନା ଡ୍ରାମା, ଜଜମେଣ୍ଟ ଓ ଚିଡାଉ ନଥିବା ପାର୍ଟନର ଖୋଜୁଛନ୍ତି, ସେମାନଙ୍କ ପାଇଁ ଏହି ଆପ ବନ୍ଧୁ ଏବଂ ଗର୍ଲଫ୍ରେଣ୍ଡ ଯୋଗେଇଦେବ। ଏହା ବ୍ୟତୀତ ଅନ୍ୟାନ୍ୟ ଆପ୍ ମଧ୍ୟ ଅଛି, ଯାହା ଗ୍ରାହକଙ୍କୁ ନିଜ ଅନୁଯାୟୀ ଏଆଇ ଗର୍ଲଫ୍ରେଣ୍ଡ ଡିଜାଇନ୍ କରିବାର ସୁଯୋଗ ଦେଉଛି । ବାସ୍ତବରେ ଏଗୁଡ଼ିକ ହେଉଛି ଚାଟ୍ ବଟ୍, ଯାହା ଆପଣଙ୍କ ମନୋବଳ ଏବଂ ଆବଶ୍ୟକତା ଅନୁଯାୟୀ ଆପଣଙ୍କ ପ୍ରଶ୍ନର ଉତ୍ତର ଦେଇଥାଏ ଏବଂ ପରାମର୍ଶ ମଧ୍ୟ ଦେଇପାରେ ।