ବାଜା ବାଜିଲା, ରୋଷଣି ବାଣ ବି ଫୁଟିଲା, ତା ସାଙ୍ଗକୁ ମିଠା ବି ବଣ୍ଟା ହେଲା | କିଛି ସମୟ ପାଇଁ ଉତ୍ସବ ମୁଖର ପାଲଟିଥିଲା ପୁରା ପରିବେଶ | ତେବେ ଏ ଖୁସି ମନେଇବାର କାରଣ ହେଲା ଉନ୍ନତ ସ୍ବାସ୍ଥ ସେବା କ୍ଷେତ୍ରରେ ଯୋଡ଼ି ହେଲା ଭଦ୍ରକର ନାଁ | ଏଣିକି ଭଦ୍ରକ ଜିଲ୍ଲାବାସୀ ପାଇବେ ଉନ୍ନତମାନର ସ୍ବାସ୍ଥ ସେବା | ଖୁବଶୀଘ୍ର ଭଦ୍ରକରେ ନିର୍ମାଣ ହେବ ୧୦୦ ଶଯ୍ୟା ବିଶିଷ୍ଟ ଏକ ମଲ୍ଟି ସ୍ପେସାଲିଷ୍ଟ ହସ୍ପିଟାଲ । ଆଉ ଯେଉଁଥି ପାଇଁ ଖର୍ଚ୍ଚ ହେବ ୭୫ କୋଟି ଟଙ୍କୀ | ଏ ନେଇ ଏକ ଉଚ୍ଚସ୍ତରୀୟ ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଚୁକ୍ତିନାମା ସ୍ବାକ୍ଷର ହୋଇଛି | ତେବେ ପିପିପି ମୋଡରେ ନିର୍ମାଣ ହେବାକୁ ଥିବା ଏହି ନୂତନ ହସ୍ପିଟାଲ ପାଇଁ ରାଜ୍ୟ ସରକାର ଯୋଗାଇ ଦେବେ ଅଢେଇ ଏକର ଜାଗା | ଭଦ୍ରକ ଗେଲପୁର ଠାରେ ଏହି ହସ୍ପିଟାଲ ପାଇଁ ସ୍ଥାନ ଚିହ୍ନଟ କରାଯାଇ ଥିବା ବେଳେ ଏହି ମଲ୍ଟି ହସ୍ପିଟାଲରେ କ୍ରିଟିକାଲ କେୟାର, ଟ୍ରମା କେୟାର ସହ ଉନ୍ନତମାନର ଚିକିତ୍ସା ସୁବିଧା ପାଇ ପାରିବେ ରୋଗୀ । ଫଳରେ ସ୍ବାସ୍ଥ କ୍ଷେତ୍ରରେ ଭଦ୍ରକ ବାସୀ ଉନ୍ନତ ମାନର ଚିକିତ୍ସା ପାଇଭା ସହ ବହୁ ଉପକୃତ ହେବେ ବୋଲି କହିଛନ୍ତି ବିଧାୟକ ସଞ୍ଜିବ ମଲ୍ଲିକ ଓ ପୂର୍ବତନ ବିଧାୟକ ମୁକ୍ତିକାନ୍ତ ମଣ୍ଡଳ |